ИККИ ПИЁЛА СУВ

Қадим замонда бойлиги билан мақтанувчи ҳукмдор бўлган эди. У қаерга бормасин, хазинасидан бир қисм олиб, уни бошқаларга кўз-кўз қилар эди. Бир куни у энг ишонган олим дўстига шундай савол берди:
– Сен олимлар ичра машҳур ва доносан. Мен сенинг фикрингни билмоқчиман. Менинг ҳукмдорлигим ва давлатим ҳақида нима дея оласан?
Олим жавоб беришнинг йўлини топди ва ҳукмдорга шундай деди:
– Фараз қилайлик, сиз бепоён ва жазирама чўлнинг қоқ ўртасида турибсиз. Шу пайт томоғингиз қақраб, ниҳоятда чанқадингиз. Аммо яшаб қолиш учун ярим давлатингиз эвазига сизга бир пиёла сув узатилди. Сиз бунга рози бўлармидингиз?
– Албатта, рози бўлардим.
– Анча вақт ўтди. Чанқоқ кучайди. Қолган давлатингиз эвазига сизга яна бир пиёла сув таклиф қилинди. Сиз бунга ҳам рози бўлармидингиз?
Ҳукмдор бир оз ўйланди ва ноилож:
– Ўлмай қолиш учун мен давлатимнинг қолганини ҳам беришга мажбурман, –деди.
Шунда олим мийиғида кулиб:
– Демак, ғурурланишга ҳожат йўқ, ҳукмдор. Сиздаги бойликнинг баҳоси бор йўғи икки пиёла сув экан, - деди.

♻️?♻️?♻️?♻️
Дўстларингизга ҳам улашинг.
Орифон. узга уланиш: https://t.me/joinchat/AAAAAE9ZmHc7o0mJpFMlCQ

Telegram

Orifon.uz

Ўзбекистон Мусулмонлари Идораси тасарруфидаги «Хўжа Исмат» жомеъ масжидининг "orifon.uz" расмий сайтининг телеграм мессенжер канали. Бош имом-хатиб: Салоҳиддин Гадоев.

Бойлиги, мансаби, чиройи, қомати, куч-қуввати ёки илми билан ўзини бошқалардан устун кўриб, кибрланиб юрганлар, юқоридаги ривоятни яхшилаб ўқиб, ўзига тўғри хулоса чиқариб олсин.

Инсон, ўзига берилган неъматни қадрлаб, шукрини адо этмаса охиратда бунинг бадали у учун оғир бўлади!

#Ривоят
«НЕГА ТАНИМАС ЭКАНМАН!»

Ҳикоя қилинишича, Муторриф ибн Абдуллоҳ ибн Шиххир бир куни Мулаҳҳаб ибн Абу Суфённинг кўйлагини ерга судраб, гердайиб кетаётганини кўриб, унга:
– Эй Абу Абдуллоҳ, Аллоҳ ва Унинг Расули ғазабланадиган бу қандай юриш бўлди? – деди. Мулаҳҳаб:
– Мени яхши танимайсанми? – деди. У:
– Нега танимас эканман, аввалинг ифлос нутфа эди, охиринг ҳеч кимга керак бўлмайдиган маййитга айланасан, бу орада ичинг тўла пешоб ва ахлатдан бошқа нарса эмассан! – деди.

"Кўҳна дунё ривоятлари" китобидан

? Муслим Кундалиги ?

Жоҳил инсоннинг кўзи гулнинг чиройини кўрмайди. У доим тиконини кўраверади.

Мавлоно Румий

▬▬▬▬▬▬▬▬▬▬▬▬▬
? T.me/MuslimKundaligi ?

Кибр ва ғурур билан олинган илмда нажот йўқ!

Имом Шофеъий роҳимаҳуллоҳ

▬▬▬▬▬▬▬▬▬▬▬▬▬
? T.me/MuslimKundaligi ?

Шундай оламда яшаймизки, камбағал овқат топиш учун, бой эса еган овқатини ҳазм қилиш учун бир неча чақирим ерни босиб ўтади…

▬▬▬▬▬▬▬▬▬▬▬▬▬
? T.me/MuslimKundaligi ?