قصيدة ـ السفير الحسين
قيس بن مسهر الصــيداوي الاسدي
ــــــــــ

حيو سفير حسين. ـــ حيو سفير حسين

@@@@@@@@

قيس ونعم رجال ـ طب ع الزلم زلزال
بالكوفه سوه فعال ــ شردت زلم منه

طر الكتايب طر ـ لاوى الكفـــــر والشر
اروع صور سطر ـ قيس ونعــــــــم منه

مسهر يمخلف حيد ـ عنده المعارك عيد
ـ الحومة منه تريد ــ وصـــيد الزلم فنه

حيو سفير حسين ــ حيو سفير حسين
@@@@@@
زلمة كلف معروف ـ مامر عليه الخوف
وبزغره لعب سيوف ـ ومكمط بسيفه

حيو سفير حسين ـ بالكوفه طر صوبين
يجادح العينين ـ منهم اخذ حيفــه

بالكوفه انطى اعلان ـ كلكم انس نسوان
ماعارك الغـــــــــــــمان ــ معروفه تعريفه

حيو سفير حسين ــ حيو سفير حسين
@@@@@@@
وده الرساله ورد ـ وبيده الرسايل عد
وحسين له يشهد ـ زلمة وكفو ونعمين

بالقادسيه هناك ــ بالصحرى سوه فلاك
لولى العطش بي راك ـ متجتف الجفين

على المنبر ينادي ـ جاكم ضعن حادي
شبل النبي الهادي ـ شيخ العشيره حسين

حيو سفير حسين ـ حيو سفير حسين
@@@@@@@
رجع ذكر مسهر ــ وي حيدره من يكر
بسيفه من يشطر ــ مسهر ومخلف قيس

صفين وخيبر هاي ـ بالكوفه صار اعياي
قيس العليهم جاي ـ بهاي المعارك قيس

ويجندل الشجعان ـ وعلى الحرب ولهان
ولكابلك خسران ـ حجم الضحايه تقيس

حيو سفير حسين ــ حيو سفير حسين
@@@@@@
طف كربله يناديك ـ اسم الله يقيس عليك
من جتفو جفيك ــ وسفه السبع ينكاد

ماخفت من عدوان ـ جان المحتم جان
تفضح فسق مروان ـ وتفشل ابن زياد

وتسلم على حسين ـ يانشمي لا متلين
ويصبن العينين ــ جيفن عليك بعاد

حيو سفير حسين ــ حيو سفير حسين
@@@@@@@
علي حسن الموسوي ـ ابا الحسن ـ

كوم يالحــــــجاج واذن اللقتال

خل تطب انصارنا تهوى النزال

@@@@@
كوم يالحجـــــــاج وذن اللحرب
هذا عابــــس راد اللحومة يطب
وشوذب يحشـــــم ينادي ياوهب

وجابر ينـــادي حيـــــــهم يارجال
@@@@@@
طبها كــــــــردوس وشبيب النهشلي
طب زهيـــــــــر وياابن عمه البجلي
هــــد جناده الحومة صاحت ياعلي

وصاحها الضـــــرغام هدو يابطال
@@@@@
الكوفه كبل الكون تبدي الملحمة
قيس طبها على الزلم جن حاطمة
وابن يقـــــــــطر وصل صوته اللسمة

وهاني حشم خل نيتم هل عيال
@@@@@@
فـــــــزع عبد الأعلى وي. عمارها
هلــــهلت طـــــوعه وفزع خطارها
مســــــلم ستبـــــشر وســــل بتارها

يالله هدو يابطال على الرجال
@@@@@
الكــــربله رد الخــــبر طبهــا سويد
انس طبها وطبها عبـــــاس العجيد
جون صاح ابصوت اشيخا ع العبيد

مانعوف حسين ابدا لا محال
@@@@@@
جبلة دلهــــــم صـاح حي الله برير
واســـــــلم الـــــسواها ابدا مايصير
طبها نافع والزلم كـــــــامت تـــحير

هــزو الوديــــان ويـــاها الجـــبال
@@@@@
طب حبيب الاسدي وشد العزم
طبها يحيى والزلـــم صارت ردم
لن جـــوين يصيح منكم والنـعم

وحنظله السواها ماصاير محال
@@@@@@@
ولن فزع عمـــــار وشتــــد الحرب
وهد سعيد بسيفه سواهم حطب
الحارث يحشم افــــــــزعو ياعرب

سيف والهفهاف دكوها الجبال
@@@@@@
شــد كنانه وزاهر وجندب سوه
ع المعسكر كطعو الليله الهوه
طبها الادهم منجح بيده الوه

لن بشير بصدره يتلكه النبال
@@@@@@@
اليوم فرسان الوغى ليث العرين
مالك ومســــــلم وعمرو هاديــــــن
وصوت من البصره ناده بن رزين

لان الانصاري يحشم حر تعال
@@@@@@@@
ياهلا بآسمك انيس الاصبحي
دور بيها الحرب دور الرحـــي
ولن عباد الجهني جر الحـــي

قارب الدائلي جن ماي الزلال
@@@@@@@
قاسط التغلبي شد على الزلم
عمرو الانصاري شد بيه العـــزم
حي سوار الهمدانـــي والــــنـــعم

واضح التركي فزع دك الرجال
@@@@@@@
والغفاري قرة متحزم فــــــزع
ابن عروة الغفاري من سمـــــع
هد على الضلام يرعد من طلع

والحسين تنومس بهاي الابطال
@@@@@@@
طلب رخصـــه من بوه ورف لواه
اول الــــــــساده فزع كلها بحماه
علي الاكبر سيد الســـــاده برجاه

هذا حمزه لو علي وهذا محال
@@@@@@@
دخل نص الحومة عثمان البطل
ولن اخوه عبدالله حشم يافحل
وجعفر يحشـــــمهم وصار الوجل

عون طبها الحومة وشتد النزال
@@@@@@@
الهواشـــــــم فزعت وصار نقلاب
محمد الاصغر فزع صار الحساب
القاسم يحشم تـــــــعالو ياذناب

احمد وعبدالله فزعو ع القتال
@@@@@@@@
جعفر ينادي وندب بويـــــه علي
وحشم اخته بصوت كومي هلهلي
الهواشم حنى والـــــوالــــد ولي

عاد خيبر وي احد وي الجمال
@@@@@@
هــــذا جعـــــــــفر صاح انه عقيل
وموسى حشم والزلم كامت تميل
الهواشـــــــم بردو كلب الخليــــــل

شدو على الجيش وشتد القتال
@@@@@@@@@@
علي حسن الموسوي ـ ابـا الحسـن ـ

ياريح سلمني على اخوي وهواي
گليله زينب مو بحال الماي
يا ريح گليله انه اخته
من زغره عنده وما مفارگته
يا ريح گليله الهجر بهداي

★★★★★★★★★★★

گليله ما ضل هرش ما گطعه فراگه فرت گطش شوفتك فريت مشتاگه ماادري ذيب السبي وياي يتلاگه چتفني بسنسله ويعتني للناگه

يا ريح گليله يعبرني
الشمر يم جثتك مرني
گليله لا شافتك عيناي

★★★★★★★★★★★

ياريح صوت العده وانعدمن عيوني
لن صار لون الأرض من الهظم لوني
على الصاح لا يا نفس بعد الأخو هوني
من فدوة روحي تروح اله وتروحله متوني

ياريح گليله هضموها
شافوك مو يمها ضربوها
وبهاي تشگف تحس بهاي

★★★★★★★★★★★

يا ريح گليله گليله تصفن حلم تذكر مناغاك
تبتسم تنسى السبي ما چن تعيش جفاك
بالحلم عدها جنح والطير هيه وياك
تفز لنها فوگ الهزل تلتفت ما تلگاك
يتسالن ردن دموعي

ثاري صدگ حن دموعي
الروحة ولن بعد ما جاي

★★★★★★★★★★★

كليله ما حسبت ما ترجع وياها
للوطن يالواعدت لخيالها حماها
معلوم من ربتك ما ناكر رباها
لكن حياتي شنو بلياك معناها

يا ريح گليله يرهمني
يدعيلي اموت ولا يگرمني
بفراگه وفراگه اجازي وياي

★★★★★★★★★★★

دلالي جمرة غضى بفگدك يهفيله
خوية غدت يمنتي ما توصل الشيله
عباس حگه الجسم يتبره من حيله
لو ميته ويضل عدل ياريح گليله

گليله ميته ولا اشوفة
معتازتة ومگطعه چفوفة
وبالوكت عود يعيني بلواي

★★★★★★★★★★★

هذا نعش امك يعباس الحنين
گوم شيعها وحيـــده ام البنين
----------------------------------------
گوم ياشيخ الزلم لأم الزلـــــــــم
اليوم بيت المرتضى بكبره انهدم
گوم ديــــــــر انگاب لمك ياشهم
عليـــك تتلفت يمگطوع اليميـن
-----------------------------------------
هذا نعش امك يبو فاضل وحيد
والنعش جناز مـــــن بيتـــه يريد
شلون عـن امك يروح امك بعيد
مـن الأبن محلاه لو صار الونين
------------------------------------------
شلون ماجيتـو يبـو فاضل شلون
عنها ماضـــــــــن يألگمر تتعطلون
گوم حشم اخوانك وخلهم يجون
وبالچفافي الخضر كون محزمين
------------------------------------------
اليوم يومك يالچفيـــــل وساعتك
اليـــــــــوم نعش ام البنين بعازتك
طيحت امــك مثل طيحت رايتك
لچمه وتضل بالگلب طول السنين
-------------------------------------------
گومــــــــو لمكم يالنشامه الأربعه
هـــل نعش رايــــــد متون تشيعه
وين صرتو وين عـن هـــل فاجعه
اليوم هاشـــــم بالمصاب مكدرين
--------------------------------------------
مصطفئ الصالحي

شلون حال الاربعه بهل الليله
كلها موته النعش ياهو يشيله

شلون حال الكمر عن امه بعيد
يا عجيد الكوم افزع يا عجيد
للنعش شيال هـاي امــك تريد
النعش وحده ويا متون تشيله
ــــــــــــــــــــــــــــــــــــــــــــــــــــــــ،
راحت ام عباس وام گلب الحنين
كلها ماتت ولـدج لخاطر حسين
اخ ياشلعان گلبج و تعب السنين
بين غـربـه و مـحـد التشگيله
ــــــــــــــــــــــــــــــــــــــــــــــــــــــــــــــــ
كلها ضجت حتى املاك السمه
لأجل موتج يالعزيزه فاطمه
الـيـوم كـل انصارنه متحزمه
نشيع أم عباس هاي الليله
ـــــــــــــــــــــــــــــــــــــــــــــــــــــــــــــــــ
وحده السجاد والمدمع يسيل
شال بيده النعش للدرب الطويل
راحت ام عباس مالها مثيل
عينه تبجي والتراب يهيله
ـــــــــــــــــــــــــــــــــــــــــــــــــــــــــــــــــــــ
صار گبرج بين غربه و الغرب
نكسر كلبي عليج ياكسر الگلب
يابعيد الدرب يابعده الدرب
كون عندج صحن هم نمشيله
ــــــــــــــــــــــــــــــــــــــــــــ
سجاد جواد الغانمي

مـاتـت ام عبـاس هـاي اللـيلـه
يـاهـو اليـشـيعهـا موته العيلـه
ـــــــــــــــــــــــــــــــــــــــــــــــــــــــ
مـحد يشـيعهـا وسـفـه ام البـنين
لا بـقـه عبـاس عدهـا ولا حـسين
وابـو فـاضل لا يـسـار ولا يـميـن
والنعـش مامـش اديـن تـشـيلـه
ــــــــــــــــــــــــــــــــــــــــــــــــــــــــ
وسـفـه مـاتت فـاطمه مضلومـه
ماتت وعالـطـف بقت مهضومـه
عله حـسـين ام الـوفـه ملچومه
وماكو واحد عدها ضل تشكيله
ـــــــــــــــــــــــــــــــــــــــــــــــــــــــــ
حـيل وفت وانطت ازلام اربعـه
انطت العباس حامـي المشرعـه
وجـعفـر وعـثمان سوو فاجعـه
وعـبد مـا خـلـه الـزلـم تـدنيلـه
ــــــــــــــــــــــــــــــــــــــــــــــــــــــــ
ونـعم ما قـصرت وي آل الـرسـول
ضـحت بـعبـاس ابن فحل الفحول
تـصـيح كـلـهم فـدوه لبناء البـتول
لـو يــريـد الـروح هــــم افـديلـه
ــــــــــــــــــــــــــــــــــــــــــــــــــــــــ
راحــت ام عـبـاس مكـســورة گـلب
وعـلــه زيـنب بـقـه مدمـعـهـا يصب
تصـيـح وسـفه زيـنـب بديرة غـرب
خلاف اخوها تمشي مسبية العقيله
ــــــــــــــــــــــــــــــــــــــــــــــــــــــــ
سيد_منتظر_الهاشمي
ــــــــــــــــــــــــــــــــــــــــــــــــــــــــ

ياريح سلمني على اخوي وهواي
گليله زينب مو بحال الماي
يا ريح گليله انه اخته
من زغره عنده وما مفارگته
يا ريح گليله الهجر بهداي

★★★★★★★★★★★

گليله ما ضل هرش ما گطعه فراگه فرت گطش شوفتك فريت مشتاگه ماادري ذيب السبي وياي يتلاگه چتفني بسنسله ويعتني للناگه

يا ريح گليله يعبرني
الشمر يم جثتك مرني
گليله لا شافتك عيناي

★★★★★★★★★★★

ياريح صوت العده وانعدمن عيوني
لن صار لون الأرض من الهظم لوني
على الصاح لا يا نفس بعد الأخو هوني
من فدوة روحي تروح اله وتروحله متوني

ياريح گليله هضموها
شافوك مو يمها ضربوها
وبهاي تشگف تحس بهاي

★★★★★★★★★★★

يا ريح گليله گليله تصفن حلم تذكر مناغاك
تبتسم تنسى السبي ما چن تعيش جفاك
بالحلم عدها جنح والطير هيه وياك
تفز لنها فوگ الهزل تلتفت ما تلگاك
يتسالن ردن دموعي

ثاري صدگ حن دموعي
الروحة ولن بعد ما جاي

★★★★★★★★★★★

كليله ما حسبت ما ترجع وياها
للوطن يالواعدت لخيالها حماها
معلوم من ربتك ما ناكر رباها
لكن حياتي شنو بلياك معناها

يا ريح گليله يرهمني
يدعيلي اموت ولا يگرمني
بفراگه وفراگه اجازي وياي

★★★★★★★★★★★

دلالي جمرة غضى بفگدك يهفيله
خوية غدت يمنتي ما توصل الشيله
عباس حگه الجسم يتبره من حيله
لو ميته ويضل عدل ياريح گليله

گليله ميته ولا اشوفة
معتازتة ومگطعه چفوفة
وبالوكت عود يعيني بلواي

❀❀❀❀❀❀❀❀❀❀❀

يزينب علي الأكبر للحرب راح
واخاف عليه من ملاگه الرماح
يزينب راح مني ابني ونار جفاه تلهبني
واخاف عليه من ملاگه الرماح

❀❀❀❀❀❀❀❀❀❀❀

علي الأكبر عزيز ونص اله چبدي وانه الفرگاه يختي حيل ماعندي
هذا ابني شبيهة المصطفى جدي حشمي امه يزينب للخيم ردي

تدعي الباري يردة .. شبيهة المصطفى جدة
محمد بالوجهة والليل مصباح
واخاف عليه من ملاگه الرماح

❀❀❀❀❀❀❀❀❀❀❀

دخل لاگه الرماح ابن اخو العباس شردت ناس منه وسلمت ناس
طلع بين العساكر يصدح الطاس من بكر ابن غانم جايب الراس

الأرامب صيد مو صيدي .. جبت راس البطل بيدي
كفو يالما تنازل عند الصفاح
واخاف عليه من ملاگه الرماح

❀❀❀❀❀❀❀❀❀❀❀

طلب ماي واجيب منين اله الماي لسانك على لساني وماكو بس هاي
لا عمك واحشمة ويوگف وياي يبني خلافك اصبح وليه لعداي

العساچر ثار تطلبني .. واخاف تروح تتعبني
بچتلك والگلب ما عايز جراح
واخاف عليه من ملاگه الرماح

❀❀❀❀❀❀❀❀❀❀❀

راح وچني ادري بروحته يموت ولاگه رماح بيها الموت مثبوت
صاح ادركني بوية بعالي الصوت وادعي الردته ونيت بسكوت

هنا نار الگلب تلهب .. الأكبر راح يزينب
تهدم سور صبري وعلى الظهر طاح
واخاف عليه من ملاگه الرماح

❀❀❀❀❀❀❀❀❀❀❀

فر بيها المهر واتعنى للگوم تگطع بالخناجر حلو الرسوم
گومن للعزة يزينب يچلثوم جبته الچن ذبيح تسبحه الدموم

الأكبر سابح بدم .. يزينب شرد اگل لأمه
انه عليه العذاب وهو الرتاح
واخاف عليه من ملاگه الرماح

❀❀❀❀❀❀❀❀❀❀❀

شيصبرني بغيابك والصبر مر حگ يبني عليك الگلب يفطر
على الدنيا العفى بعدك يالأكبر چوانين المصيبة بگلبي تسعر

الصبر يتصبر بصبري .. ولله فوضت امري
بنهار العمر غابت شمس الصباح
واخاف عليه من ملاگه الرماح

اعتب ودري العتاب٢                   يجرح والكلب شاب٢       ودموعي تضل تجرح وجنتي       انته عللرملل  انه بغربتي __ صح عنك رحت بس ما اعوفك                                     كل ما غمضت عيني انه اشوفك                            يلبكللبي جرح وشلون اروفك                                    عايش داخلي ولهج حروفك                                  وشتمك هاوه يلمالي ريتي       ودموعي تضل تجرح وجنتي __ عنك رحنه بس منك بدينه                                      مشينه اجساد لاكن مامشينه                                      انته رواحنه ويمك بقينه                                              بس بالجسد خويه تفاركينه                                       يمك لا تكلي خويه رحتي        ودموعي تضل تجرح وجنتي __     يا تالي هلي يالي عمري                                         يلعندك صبر يتخطه صبري                                     يالانته ويدمي حسين تجري                                    يليمك ردت كون انه گبري                                         حته منرد اون تسمعه ونتي   ودموعي تضل تجرح وجنتي _      يا عيني ونضرهه وبلسم الروح                              حاجيني ياخويه شعندك جروح                               يالباقي جسد والنحر مذبوح                                      يمك زينب تواسيك وتنوح                                         اون عليك ماتسمعه ونتي      ودموعي تضل تجرح وجنتي __      ارد اشبگ عليك منين اشبگك                                     منين الزم جروحك لا تلجمك                                     بصدرك من ردت ياخويه اشمك                                 شفت سهم المثلث شاگ گلبك                                      هنا زادت عليك انه حسرتي   ودموعي تضل تجرح وجنتي __         يا بعد العمر يالذابل شلون                                      وعيونك تغير بيهن الون                                       يالجنت النته منك يستحي الكون                           عطشان وسگيتك ماي العيون                                   خاف ادكلي ماي وياج جبتي    ودموعي تضل تجرح وجنتي ____

قصيدة انصار حبيب••♕
شجاعة••نزال

هلا بنصارك حبيب الغالي
كلهه غيره وراسهم ضل عالي
••••••••••••••••••••••••••••••••••••••••••••••

نصار  نافع بن  هلال البجلي
تخدم حسين الحبيب الازلي
فزعة انصارك حبيبي يا علي
حسين روحي ودوم ساكن بالي

••••••••••••••••••••••••••••••••••••••••••••••

وهلا بنصارك جناده الهايم
فزعتك لحسين فخر لهاشم
ويه انصارك   برير   العازم
ألك هاي الروح يبن الوالي

••••••••••••••••••••••••••••••••••••••••••••••

انصار عابس بالعزم معروفه
شالت الچفين  لجل چفوفه
نصارك السجاد  هم  ملهوفه
شحال گلبك بالحزن ينعالي

••••••••••••••••••••••••••••••••••••••••••••••

هايه أنصارك يمسلم هايه
وبالطم والنوح دگو رايه
ويه انصار أبن عروه الغايه
شاد حيله بنصرتك يقرالي

••••••••••••••••••••••••••••••••••••••••••••••

انصار للزهراء  كلهم غيره
يلا واسوهه لمصيبه چبيره
نصارك لعباس تبقه بحيره
بگطعت الچفين ونك عالي

••••••••••••••••••••••••••••••••••••••••••••••

نصار عبدالله بقت مفجوعه
تذكر حسين السليبه ظلوعه
انصار للحجاج  حزن ولوعه
وهاي تربات العزه بلا تالي

••••••••••••••••••••••••••••••••••••••••••••••

انصارك  الهفهاف شبت غيره
فزعت  الخدام  من كل ديره
نصار بشر لحضرمي وتفسيره
هلا بعشاگ الحزن يهلالي

••••••••••••••••••••••••••••••••••••••••••••••

انصار عون لبلعرك شد حيله
خله لون الجيش صاير ليله
انصار  زينب  بالعزه  تبچيله
تصيح وينك ياچفيل عيالي

••••••••••••••••••••••••••••••••••••••••••••••

وهلا  بنصارك  زهير  القائد
چن صگر علجيش كض لشارد
نصار للقاسم عشگ مو بارد
حار بالملگه  وتفور  دلاالي

••••••••••••••••••••••••••••••••••••••••••••••

نصارك سويد ابن عمرو لهيبه
ومثلك تحلي العزه  بالشيبه
الراد گلبه حسين هوه يجيبه
منيتي بس ذكرك عسل يصفالي

••••••••••••••••••••••••••••••••••••••••••••••
خادم الحسين ع
مهند العايدي

تمت بفضل الله وال محمد ع
نسالكم الدعاء /1445ه‍