Ha, haa, bu oʻsha “Mushtum” jurnali!
Endi jurnalga nafaqat obuna boʻlishingiz, balki ijtimoiy tarmoqlarda ham uni kuzatishingiz mumkin. “Mushtum”ning yangi saxarxandalari-yu, karikaturalari yozda sizni zerikishdan asraydi😉

https://t.me/mushtumjurnali

**Yomg‘ir qo‘shiqlari

1.*
Bizlar yomg‘ir edik o‘shanda,
Ravishimiz sig‘mas aqlga.
Bizlar yomg‘ir edik o‘shanda
Va sig‘masdik boshqa shaklga.

Bizlar yomg‘ir edik o‘shanda,
Sen chiroyli yog‘ding shunda ham.
Sochlaringdan to‘kildi ohang,
Ko‘zlaringdan tomdi obi zam.

Bizlar yomg‘ir edik o‘shanda,
Unutganman undan narini...
Balki, hamon kezib yuribmiz
Hind-u Xitoy ko‘chalarini.

Bizlar yomg‘ir edik o‘shanda,
O‘zni bo‘lak ne ham der edik?
Nari borsak, ikki yutim may,
Bitmay qolgan ikki she'r edik.

Bizlar yomg‘ir edik o‘shanda,
Bu bog‘larni tanib turibman.
Onda-sonda yog‘ib tur, men ham,
Goh-gohida tinib turibman.Bizlar yomg‘ir edik o‘shanda...*
2.***Xotiramni yo‘qotayapman,
Eslat, xoling o‘ngmi, chap yuzda?!
Kindigimni uzmasdan hayot
Buncha majhul jumboqlar tuzdi?!

Sendan boshqa kimim bor, faqat
Biroz muddat kerak tanishga...
Hur isming-la manim qul otim
Qay nuroniy kunda tanishgan?!

Rost, bilmayman,
      chizib ber, bilsang-
Fasllarni kaftimga yog‘dir.
Nima bilan qoriladi qor,
Qaysi rangda yog‘adi yomg‘ir?

Faqat bitta tanish ohang, lek
Ro‘yo bo‘lsa, dunyom beshondir.
Taniganim garchi chin bo‘lsa,
Yomg‘irman deb meni ishontir,Yomg‘irman deb meni ishontir.* ©Rashid Xo‘jamov

@Pegas_portali — har lahza ilhom vaqti

☆ ☆ ☆

Совуқлик қилади Сенга бу кунлар,
Қўлларинг титрайди.
Совуқ. Биламан.
Озгина кутиб тур!
Қорларни кураб,
Сени ҳаётимга олиб кираман.

Ўзингни авайла -
Кетишга чоғлан,
Азизим, юзинга тушмасин соя.
Фақат бир илтимос,
Ўша кунгача -
Учишни ўрганиб турсанг, кифоя.

Х.Рустамова

@Pegas_portali — har lahza ilhom vaqti