لسان حال مولاتي زينب ع..

الدهر ضل حاير بحالي .. بعدني
سبيه وعن أهل بيتي .. بعدني
متت بل شام بس أتعب .. بعدني
الغريبه شلون ترتاح ابمنيه

مصايب زينب شتنعد .. وحدهه
الحزن سابيهه بسيوفه .. وحدهه
بهذاك الشام من ظلت .. وحدهه
ماتت من تعبهه الهاشميه ..

لمولاتي زينب ع..

ماتت ماتت .. زينبك يا بوعلي
ماتت ماتت .. شكثر صاحت ياهلي
بل غرب نعش العقيله
عل ترب محد يشيله
شكثر صاحت ياهلي
"""""""""""""""""""""
حسين زينب ماتت بديره غريبه
ظلت بلايه أهل هاي المصيبه
وين اخوهه إلي كفلهه وشيجيبه
خل يجي لخته ويوسدهه بنحيبه

غربه غربه بس تباوع عل نعش
غربه غربه اشد من ليل أهدعش
النعش مايل جن هزيله
عل ترب محد يشيله
شكثر صاحت ياهلي
-----------------
حسين زينب عاشرة ضيم النوايب
گبل هاي الموته ماتت بل خرايب
مهد زينب گابلت روس الحبايب
ماتت بشوغته من ذيج المصايب

وادم وادم تعبوهه بل غرب
وادم وادم گطعو عليه الدرب
ماتت وزينب عليله
عل ترب محد يشيله
------------------
حسين تدري بأخر انفاس الاميره
حالهه چن انت مشيول بحصيره
انت ميت بين السيوف الغزيره
وهيه ماتت مهد من طبت اسيره

زينب زينب .. تدري دوهنه العمر
زينب زينب... وينهه وين الشمر
ما تجيهه بأي وسيله
عل ترب محد يشيله
شكثر صاحت ياهلي
------------------
شكثر زينب رادتك وكت المنيه
وصت المن بل دمع ذيچ الوصيه
خاف يمك تندفن رادت خطيه
تالي ضلت بل غرب ماتت سبيه

ضلت ضلت .. حسرة بيهه معذبه
ضلت ضلت .. هل جنازه مغربه
وين أخوهه وتشتكيله
عل ترب محد يشيله
-----------------
ضلت بغربه الجنازه محد إلهه
الرايح وجاي بصلافه ينضرلهه
واليجي يسئل عليهه منين اهلهه
بت علي لمن دره لا ما حملهه

صاحو صاحو .. هل النعش ماتو هله
صاحو صاحو .. ضلو بطف كربله
نعش زينب ما تجيله
عل ترب محد يشيله
----------------
حسين ألحگ أدفن ام عون الوحيده
تره ضلت بل غرب كلش بعيده
النعش بين الشام صاحو ما نريده
الشام ضل بزينب يعذبهه بيده

شافت شافت .. حته بل موت السبي
شافت شافت .. هل قهر بنت النبي
الدنيه مالت بيهه ميله
عل ترب محد يشيله
شكثر صاحت ياهلي
------------------------
اللهم عجل لوليك الفرج
(سيف وسام رسمي)

لمولاي صاحب العصر والزمان ع.
.........

بهاي اليالي المهدي شيصبره
دم عينه تبچي الفاطمه الزهره
هل من معين يعينه عل حسره

المهدي وحده .... المهدي وحده
؛؛؛؛؛؛*؛؛؛؛؛؛

ياخدم هاي اليالي .. مّرّه شفناهه علينه
تنكسر بيهه الخواطر .. ومنكسر ضلع الحنينه
چا اْبو صالح شنهي حاله .. لمَّه شيصبره بونينه
هوه بل غربه ويواسي .. ياهو اليواسي ويعينه ..
.
جرح الضلوع بعينه ينزفله
مثل النهر فوك الچفن خله
هوه الوحيد الحزنه يسهرله

المهدي وحده .. المهدي وحده.
؛؛؛؛؛؛**؛؛؛؛؛؛؛

صاحب الغيبه الطويله .. حزنه أطول من غيابه
هم سئلنه عن ضروفه .. بهاي الأيام ومصابه
المهدي متغرب يوادم .. وحاله تعبان بعذابه
يذكر أمه بهل اليالي .. وصعبه لو مر عله بابه

بگلبه الوجع من تعرض الصوره
بذنه يجي صوت امّه معصوره
من نار المصيبه تلوحه الحروره

المهدي وحده ... المهدي وحده..
؛؛؛؛؛؛**؛؛؛؛؛؛؛

تخيل أسود هوه لابس .. وشيبته مخطيهه دمعه
تگابل عيونه وتشوفه .. ويقره عل زهره وتسمعه
يبدي يحچي بل مصايب .. وهوه لازم بيده ضلعه
امنيات اليمته تضهر .. نعزي ونعينه عله وضعه

تلتم همومه وتاخذ احلامه
ياليل هذه اليگدر ينامه
الله اليعينه الغربة أيامه

المهدي وحده ... المهدي وحده
؛؛؛؛؛؛**؛؛؛؛؛؛؛

جروحه ما يحملهه واحد .. وهوه شايلهه عله گلبه
الفاگد أهله شلونه حاله .. ما يوچد حته دربه
المهدي فاگدله عشيره .. تذبّحو يا ويلي صعبه
ضهره مايل ويه زينب .. من تطب أبديره غربه

هاي الجروح المهدي عاشرهه
بهاي السنين الشوّفت مرهه
جرح امه هاي ايامه يذكرهه

المهدي وحده. .. المهدي وحده
؛؛؛؛؛؛**؛؛؛؛؛؛؛

اليله خل نذكر غربته .. وندعي الله يعجل أمره
هوه يحضرهه المجالس .. بلگي هل مجلس يحضره
هايه فاتحته الچبيره .. وطاري ضلع أمه اليكسره
بگلبه شلعان المصايب .. خله عينه البيضه حمره

هذه الإمام الكلهه ناسينه
محد يعينه والله اليعينه
حگهه البواچي الجرّحت عينه

المهدي وحده ... المهدي وحده
؛؛؛؛؛؛**؛؛؛؛؛؛؛

فوگ الم هاي المصايب .. المهدي المتعبه ذنبكم
بيمن يحير ويهضمه .. للمصايب لو تعبكم
كافي رحموله حياته .. هوه كل هذه ويحبكم
خل نمهدله الضهوره .. باجر ابحضنه يلمكم

طالب الثار الگربت وعوده
بوكت الرجوع وانتم جنوده
ثار الضلوع بسيفه مردوده.

المهدي قادم .. المهدي قادم

............
اللهم عجل لوليك الفرج

سيف وسام الزيدي

جريب الموت أحسَّنه ... ورَ ضناي
العصرني بحيله خانگني .. ورضناي
طحت وبدمي مصدومه .. ورى ضنّاي
طاح مفرفح ومعصور بيه

سيف وسام

مولاتي فاطمه ع

عله راسي الحزن داير ... ضل عصابه
من أصد بابي وأشوفن ... ضٍل عصابه
انرفس حيل من اديهم ... ضلعِ صابه
نكسر ضلعي ونبت بسمار بيه

سيف وسام

بخيمنه النار تصعد .. لوعه متنه
حترگنه شلون نطلع .. لوعمتنه
وين حسين يفزع .. لوعمتّنه
زغار احنه وتچوّينه سويه

سيف وسام.

لمولاتي زينب ع

خواتك ضلن بلا راي .. يردن
لهلهن والعبي من الشمس .. يردن
الغصب راحن بياوكت .. يردّن
بديهم راينه وحبل السبيه

سيف وسام.

لمولاتي زينب ع

الشمر وي غربه نسوانك ..رحّلهن
بهزيله ولحظه ما شافن .. رحلهن
الينشد شنهي راح الهن .. رحلهن
عشيره من الهواشم عل وطيه .

سيف وسام .

أمُ القاسم ع..

مذبوح اشوف وليدي .. بعده بعمر ريحانه
شيلمه مسحوگ شكثر .. بس لملمت نيشانه
چدامي شالو جسمه
متحني شفته بدمه
~~~~~~~
يبني يقاسم من رحت روّحت كل احلامي واحلامي جانت حنتك مو تنذبح جدامي
أم وتعوفلهه ولد للذبح رايح ضامي
عشت الذبح لمن رحت يل ظلّمت أيامي

چان الكمر يم وجهك .. حاير يضل أبنوره
تاليهه بل دم انترس .. متغيره بيك الصوره
وليدي وتغير حلمه
متحني شفته بدمه
~~~~~~~
عريس كاشخ من رحت وبيك شكثر فرحانه
يايمه تانيتك ترد والگلب تعبه امتانه
چا شو أجيت بلا نفس والدم جره بطوفانه
متغير هواي الولد سيوف وخذت جثمانه

گابلته ذيج الساعه .. تراب ودموع ابعينه
وسدته بحضيني الولد .. متگطع الله يعينه
ييني أحجي لمك گلمه
متنحني شفته بدمه
~~~~~~~
شالاك عمك للخيم يمشي وتخط أجدامك
وسدك جدامي وطحت شفته يجر بسهامك
ميت ولا چنك تحس بس انه احس بالامك
فوگاك الجروح شكثر يبني اكثر من ايامك

صلبه السيوف هوايه .. جسمك ترف وتلوحه
كلّ الجوارح جسمك .. حيل بغمج مذبوحه
شاب وتگطع جسمه
متنحني شفته بدمه .
~~~~~~~~
گمت أحچي وياك ابهضم أمك تره مصدومه
شكلك يبو وجه السمح متغيرات أرسومه
شيظل بعد بيه ورحت منك بعد محرومه
قاسم يبو لبس الحلو متشگگات أهدومه

هديت روحي وحيلي .. اوكف وطيح كبالك
الطم عيوني الشافن .. متگطعات اوصالك
رد ميت الحظن أمه
متنحني شفته بدمه
~~~~~~~
ظعفان يمه امن النزف والدم ترسهه عيونك
لو ميته أشوه وما شفت مذبوحه حيل متونك
لونك يبو لون الگمر ذبلان وأصفر لونك
تعبني حالك يل ولد فز وعليه أبهونك

وياك إخذني وليدي .. غير انت عمري ورايح
ميته ولا يم شوفي .. چدامي طولك طايح
دم عطرك من أشتمه
متحني شفته بدمه
~~~~~~~
يا نور عيني المنذبح طفيت نور عيوني
راسك يرافگله رمح وانه ابسياط امتوني
يا يمه كلهه تذبحت وانه بهزل شالوني
واعذرني عفتك يل ولد عنك غصب جروني

موتني حيل وداعك .. وانه عله ضهر الناگه
شاغلني جسمك يمّه .. ظل ابشمس حراگه
كون التراب يلمه
متنحني شفته بدمه .
.......

اللهم عجل لوليك الفرج.

سيف وسام الحسيني.