ماتخليش حد يضحك عليكِ

الإسلام دين الوَسطية، دين التوازن والرحمة والفهم الكامل لاحتياجات ونفسية الإنسان، علشان كده نلاقي قول الله تعالى: ﴿ وَابْتَغِ فِيمَا آتَاكَ اللَّهُ الدَّارَ الْآخِرَةَ ۖ وَلَا تَنسَ نَصِيبَكَ مِنَ الدُّنْيَا)
والمقصود هنا إن أموالك والنِعم اللي أنعم الله بها عليك ابتغ بها ما عند اللّه، وتصدق ولا تقتصر بها على اقتناء الشهوات، وتحصيل اللذات، {وَلَا تَنْسَ نَصِيبَكَ مِنَ الدُّنْيَا}- أي: لا نأمرك أن تتصدق بجميع مالك وتبقى ضائعا، بل أنفق لآخرتك، واستمتع بدنياك استمتاع لا يخرّب عليك دينك، ولا يضر بآخرتك..

التوازن أصل الدين، يعني عيشي حياتك واستمتعي ولكن في حدود ما يُرضي الله ومتخليش أي شهوة أو فتنة تنسيكِ عباداتك وواجباتك💜
دي رسالتنا ليكِ النهاردة، تذكريها وذكري غيرك بيها🫂

#المؤنسات #منارة

مساء الخيرات 🌿💜

https://www.facebook.com/share/19SMnhtSm9/

خلي وقت الصبح وقتكِ أنتِ!

في رحلة كلامنا عن إدارة الوقت وتقليل الضغوطات وترتيب المهام عايزين نقولك حاجة مهمة جدًا، أننا بنصحى بـ بطارية كاملة بمجرد ما تفتحي الموبايل وتعملي سكرول أنتِ بتفضي شحنك على الفاضي!

فنصيحتنا ليكِ الصبح بدري، ابعدي عن الموبايل والتلفزيون،
ركزي على نفسك وهدفك خلال يومك،
ثبتي روتين صباحي بسيط يشحن قلبك وروحك،
وبعد نزول الولاد للمدارس أو في طريقك للشغل لو بتشتغلي مرة تانية وتالتة هنقترح عليكِ ممكن تقرأي كتاب ملهم، تكتبي يومياتك وتسجلي مهامك بالترتيب، تسمعي وردك من القرآن، المهم ده وقتك لنفسك وطاقتك مش علشان تضيعيها!

متنسيش في آخر كلامنا عن إدارة الوقت تشاركينا بأهم الخطوات اللي بتعمليها علشان تديري وقتك صح وتشحني طاقتك💜✌️

نصيحة ذهبية مني ليكِ: استغلي وقت الانتظار في حاجة مفيدة!

صحيح يومنا أغلبه مهام، بس عندنا أوقات انتظار كتير لو ركزتي فيها هتستفيدي منها جدًا
وبدل ما تقعدي على الموبايل هنديكِ اقتراحات بسيطة وهتفيدك:
ممكن تقرأي صفحتين من كتاب
تحفظي ولو آية قرآنية
تستمعي لبودكاست مفيد
تسمتعي بمج مشروب بتحبيه وتركزي تعملي تمارين نفس بدون أي مهام واعتبريه نشاط تفريييغ لدماغك وشحن لروحك
كل دقيقة مهمة وهتفرق جدًا جدًا في نفسيتك مع الانتظام وعلى المدى الطويل
والجميل إن الحاجات دي فعلا مش هتاخد منك وقت ولكن مع الوقت هتلاقي نفسك بتنجزي بدون إزعاج ولا ضغط وهو المطلوب، مش كده؟!
#المؤنسات #إدارة_الوقت #منارة

بتعاني الصبح من الإرهاق والتعب ودوشة الدماغ؟

في وسط زحمة المهام اليومية ده وراد جدًا، وعايزين نساعدك بتنظيم بسيط جدًا يخفف عنك الضغط👇

ممكن تكوني بتضيعي وقت كتير في حاجات مش مهمة، جربي من النهاردة تكتبي كل اللي لازم تعمليه في اليوم سواء قبل متنامي أو أول لما تصحي من النوم، ورتبي المهام حسب أهميتها. كده هتقدري تخلصي شغلك بسرعة وهيبقى عندك وقت لنفسك
من باب التشجيع والإنجاز اكتبي لنا "معاكم" وقومي يلا دلوقتي اكتبي مهام يومك وفضي الدوشة اللي في راسك 💜
#المؤنسات #منارة #تنظيم_الوقت

صباح النشاط والهمة💕
مين عايزة تبدأ يومها بطاقة ونشاط؟

الحل بدايته واحدة ومباشرة: استيقظي بدري شوية!
اتوضي وصلي الفجر،
اشربي مج مية دافية بالليمون، أو تمرات مع كوب ماء،
اقرأي وردك من القرآن وأذكار الصباح
اعملي تمارين رياضية بسيطة جدًا ولو لـ دقايق "اليوتيوب مليان نماذج لتمارين بسيطة"

كل ده هيخليكي مستعدة لمواجهة يومك بكل قوة وإيجابية وبالتالي إنتاجية حقيقية وهتكوني قادرة تبدأي اليوم بنفسية أفضل لأنك خدتي وقت لنفسك وشحنتي طاقة، مين قالت معاكم علشان نشجع بعض؟!
#صباح_الخير #إدارة_الوقت #منارة #المؤنسات

الغرفة مفتوحة وفي انتظاركم يا حبيبات❤️
لقاء مهم وداعم لكل أم?

لقاء الأمهات المجاني الليلة إن شاء الله مع أ. إيمان أرديش
تقدري تبعتي اللينك لصديقتك الأم الجميلة
ويلا بينا نتقابل إن شاء الله في لقاء نافع مثمر???

صديقاتنا المؤنسات الغاليات?
وحشتونا وراجعين لكم بهدية خاصة للأمهات الحبيبات?
هنزلكم تفاصيل هديتنا الساعة ٩ بأمر الله?

فرحة العيد وصلت بحمد الله??

من جمال ديننا الحنيف، الفرح والاحتفال بعد إتمام مواسم الطاعات، فالحمد الله على التمام والبلاغ، نسأل الله أن يتقبل عملنا لوجهه خالصًا ويبلغنا العيد أعوام وأعوام في خير وسعادة?

كل عام وأنتم بخير يا مؤنسات، افرحوا واسعدوا بيوتكم وأسركم وعائلاتكم بالمتاح والموجود وأحيوا سنة الفرح بالعيد ولا تنسوا أن تشملوا إخواننا في الدعاء?

عيد أضحى مبارك وكل عام وأنتم بخير?
#منارة #المؤنسات #العيد