هل فتره عايش بس جسد 
والتعب ماخذ حصته
والراحه ما عايشها ابد 
والخير ابد ما شفته
لا ميت اني ولا عشت
ولا راضي بالما گلته
صح ساكت مبين قوي
تاكل بروحي السكته
الليل مو راحه اللي
والنوم ابد ما ضگته
سهران هيج بلا سبب
وحدي اني اضل للسته
مشكلتي ما عندي اني حظ
لو عندي حظ هذا الوجع ما عشته
تعبان واصل مرحله
تخليت من الردته
مشكلتي وي روحي حرب
جيب اليحل مشكلته
ورثت روحي وما طبت
والتتن خلص وكته
ورديت ادور ع الكطف
حته الكطف ورثته
حزني اني ربيته بدي
كبرته انه ودللته
ومنو يومها عشنه سوه
لا عافني ولا عفته .
لـ مؤمل قيس

على اخلاقي ولأن طيب كلتني الناس !
مقابل طيبتي بس صفنتي انطوني '
يسمعوني سوالف بيهه اشوف الموت ؟
واكول لا شقه بس همه قصدوني "
صرتلهم شجر وبضلي يرتاحون جابو نار كبري وبيها حركوني