ألم أسفل الظهر في الحمل يكون بسبب ارتفاع البروجسترون الذي يسبب ارتخاء الأربطة الداعمة للمفاصل والفقرات?

وفيني عذبكن بإضافة رفقاتكن عالغروب والقناة؟
خامسات ورابعات وسادسات?

يبدأ الجنين بالتبول داخل الرحم حوالي الأسبوع ١٦ وبتنضاف كمية البول للسائل الأمنيوسي..
طبعاً وهالشي ضروري أولاً لنطمن من صحة الجهاز البولي عند الجنين..وتانياً لزيادة كمية السائل الأمنيوسي✌️

د. محمد بركات

?-دكتور انا شاكة اني حامل
=ايمت كانت آخر دورة؟
- ب ١٥ اذار
=طيب خلينا نشوف ايكو نتأكد..
مبروك حامل وعمر الحمل حسب قطر كيس الحمل وآخر دورة ٦ أسابيع تقريباً

بعد مرور اسبوع والساعة ١ بالليل
?-دكتووور الولد عم يتحرك كتير هلكني..شو بدي اشرب ليهدا شوي؟
=يا مدام هاد سوبر مان مو جنين اذا هيك..
مستحيل هلا تحسي بحركات الجنين..

الشعور بحركات الجنين بيكون بحوالي الاسبوع ١٨ عند الخروس..والاسبوع ١٦ عند الولود?

د.محمد بركات

تبدأ أعراض الوحام والاقياءات الحملية حوالي الاسبوع السادس من الحمل?????

عنا أول ما تعمل المريضة اختبار الحمل ويطلع خطين (إيجابي) بتبلش تطلب وتشتهي ما لذ وطاب وأكتر الأكلات اللي ما متوفرة?

نقاش مكرر مهم ننوه الو:
- ?دكتور عم اتوحم عالحامض..معي صبي ما؟
= انا: ?
- ?طيب دكتور بالحمل الماضي توحمت ع حلو وجبت بنت متل ما قالولي
= كمان انا: ??

العبرة من القصة: جنس الجنين لا علاقة له بنوعية الوحام

د.محمد بركات

قصة مسائية جديدة?

راجعت مريضة متزوجة ٣٣ سنة بقصة نزف تناسلي خفيف بعد فترة انقطاع طمث..
مع ألم بالحفرة الحرقفية اليمنى..
موعد آخر طمث ٢ آذار..بالايكو الرحم طبيعي مع سماكة خفيفة ببطانة الرحم..
لوحظ وجود تشكل كيسي على الملحقات اليمنى وكمية قليلة من السائل الحر في رتج دوغلاس
العلامات الحيوية ضمن الطبيعي وكانت مصرة تتخرج عالبيت لان انزعجت من كتر الاسئلة بالقصة السريرية?
وقالتلنا صرعتوني انتو وتسالو وتكترو حكي وانا جايتكن بشوية مغص بدي تعطوني ابرة تريحوني وقامت وخلصت?

بما انكن مالين وماوعم تدرسو?
شو رأيكن نجرب نحل قصة سريرية بهالسهرة؟
برافو موافقين?

سيدة حامل ١١ اسبوع حملي راجعت بقصة نزف مهبلي بدأ خفيف الكمية وبدأ بالازدياد خلال ساعات..مترافق مع ألم في المنطقة الخثلية..
شو أول استقصاء منعملو بعد القصة السريرية؟?
_الايكو..احسنتم?
بس ما هاد السؤال?

بالإيكو شفنا كيس حمل بالرحم مع غياب نبض الجنين
بالفحص النسائي عنق الرحم مفتوح (مع أنو شو ما صار مع المريضة رح تقول انتو السبب وكلو من الفحص النسائي قتلتو ابنا ? بس يعني هيك البروتوكول الصحيح..الله بيعيننا عهالكم مسبة منا ومن جاراتا وجارات جاراتا?)