ماهو انت ماممكن تكون كاتب #أنقذوا_الجزيرة وفي نفس الوقت شايف الناس مامفروض تسأل(ليه الجيش ماينتشر في الجزيرة؟ عشان حيتعرض لخسائر)
طيب المفروض ينقذها منو لو ماالجيش يعني؟
هل عندك استعداد لتقبل قوات أممية لحماية المدنيين؟
متلازمة ال(ده حار وده مابنكوي بيه)

لجان المقاومة الحصاحيصا

تتعرض قريتا السريحة وأزرق للهجوم من قبل مليشيا الدعم السريع.
حيث وصل عدد الشهداء في قرية السريحة الى 50 شهيد وأكثر من 200 إصابة مع إنعدام كامل للمعينات الطبية والصحية وعدم إمكانية إخراج الاصابات من القرية بسبب التدوين والقناصة من جانب المليشيا.
كما تتعرض قرية أزرق للحصار الكامل من قبل المليشيا ونفس الانتهاكات التي حدثت في قرية السريحة.

بيان من لجنة مقاومة الخرطوم 1و2 حول تزايد انتهاكات ميليشيا الدعم السريع في ولاية الجزيرة

في ظل تصاعد وتيرة العنف والجرائم المرتكبة في حق الشعب السوداني، تواصل ميليشيا الدعم السريع "الجنجويد" الإرهابية استباحة قرى وحلال شرق ولاية الجزيرة منذ انضمام المجرم "كيكل" إلى القوات المسلحة. هذه الميليشيا الفاشية تمارس أبشع الجرائم ضد الإنسانية، حيث ارتكبت مجازر وقامت بقتل الرجال والنساء والأطفال والشيوخ دون رحمة أو شفقة. بالإضافة إلى ذلك، تواردت أنباء عن ارتكابهم لجرائم اغتصاب ممنهجة ضد النساء في عدة قرى، في انتهاك صارخ لكل القيم الإنسانية والقوانين الدولية.

حسب ما ورد إلينا المناطق التي شملتها حملات الجنجويد الانتقامية هي: تمبول، أزرق، رفاعة، صفيته الغنوماب، الجنيد الحلة، الهلالية، العزيبة، العريباب، الهبيكة النقر، بانت، وود رحوم. ورغم أن أرقام الضحايا ما زالت غير مؤكدة، إلا أن المؤكد أن عدد الشهداء قد تجاوز 200 من المواطنين العُزل، الذين سقطوا ضحايا للعنف الوحشي الذي تمارسه هذه الميليشيا الإرهابية.

نحن في لجنة مقاومة الخرطوم 1و2 نحمل ميليشيا الدعم السريع المسؤولية الكاملة عن هذه الجرائم البشعة، وخصوصاً جرائم الاغتصابات والجرائم الجنسية التي تستهدف النساء في هذه المناطق. كما نحمل القوات المسلحة السودانية مسؤولية انسحابها من بعض القرى، مما ترك المدنيين عرضة لهذه الانتهاكات الجسيمة.

نسأل الله أن ينهي معاناة الشعب السوداني، وأن يرفع البلاء عن أهلنا في أقرب وقت. ونؤكد أننا لن نقف صامتين على هذه الجرائم، وسنعمل على نشرها على أوسع نطاق. كما نؤكد أن هذه الجرائم لن تسقط بالتقادم أبداً.

24 أكتوبر 2024م

قصف جنجويدي على مدينة الفاشر يسفر عن 97 شهيد وجريح وأعداد الضحايا في ازدياد
تنسيقية مقاومة الفاشر

ياخوانا البيشي طلع مجاهد قديم في الدفاع الشعبي!
كده يادوب عرفنا التدين المافايت الحنجرة ده جاي من وين!

البيشوف جعير الجنجويد على البيشي وذكر المناقب يقول كان في جيش أسامة بن زيد ومات في غزوة أحد!
ماجنجويدي نهاب ومغتصب!

طبقات البلابسة!
طبقتين من البلابسة قاعدين نتعامل معاهم في السوشيال ميديا:
1. طبقة فلاسفة البل (الفلابسة) ناس الحفاظ على الدولة ودعم الجيش عشان هو المؤسسة الوطنية القومية القابلة للإصلاح أمام المليشيا القبلية!
2. طبقة البلابسة الخام. وديل الناس البيكتبوا ليك جيش أخضر قوقو، والبلد دي ما يحكمها إلا عسكري.
الطبقتين ديل قاعدين يتبادلوا الأدوار، يعني لمن المؤسسة القومية القابلة للإصلاح تنيل ليها نيلة غير مؤسسية زي أنها في نص معركتها تشتغل سياسة، أو تغتال ليها ناشط أو تعتقله! طوالي طبقة الفلابسة بتفضل تختفي وبتنشط مكانها الطبقة التانية، ويخوضوا معاك جدالات عبيطة من نوع (جرّاي الحصان ولا غريق البحر؟) ولحدي ماضغطك يرتفع وتخفت أصداء (جريمة المؤسسة الوطنية القابلة للإصلاح) بيرجعوا يعاودوا نشاطهم تاني.
طبقة البلابسة الخام البتكتب (جيش أخضر قوقو) ماعندنا مشكلة في التعامل معاهم أصلا.. عشان هم غير قادرين على إقناع كورة شراب بالمنطق والحجة!
مشكلتنا الحقيقية في طبقة الفلابسة البتتعامل مع انتهاكات المؤسسة بنوع مزري من النفاق والبراغماتية.
نحن ماعندنا مشكلة مع براغماتية طبقة (الفلابسة) دي طبعا.. نفاق الساسة ده شي نحن متعودين عليهو في بلدنا المنكوبة دي، المشكلة الحقيقة لمن واحد راكب تاتشر يرتكب جريمة بحق مواطن سوداني واااحد بس، الفلابسة هم اللي ختوا ليها الأساس النظري. عشان نقلوا الخلاف حول وجهات النظر السياسية مع ناس ماعندهم مسدس موية، إلى خلاف حول الوطنية. ويبقى موقفك من قضية الحرب دي بيحدد إنت وطني ولا عميل تستاهل الحرق، عشان يتلقف كلامهم ده عسكري يادوب بفك الخط ويفرغ رصاص بندقيتو في جسد ناشط أو عضو حزب!
إحتمال واحد فيهم يجادل بطريقة (ونحن مالنا؟) الغبية ديك.. وردا عليهو خلونا نسأل سؤال: تتذكروا مقدار الحرج اللي كانت بتخش فيهو ذات (المؤسسة الوطنية القابلة للإصلاح) دي لمن يسقط شهيد واحد في المظاهرات؟ الليلة المؤسسة دي أخدت شيك على بياض ترتكب فيهو أي جريمة ممكن تتخيلوها أو ما تتخيلوها والمبررات جاهزة: ديل خونة، ديل عملاء، ماتدوهم فرقة القالها البشير زماااان).
على الأقل عشان ماتبقوا شركاء في الجريمة بالسكوت سمعونا صوتكم!
وموش بطريقة (أدنا وعملنا العلينا) ديك، لازم بنفس حماسكم للحفاظ على الدولة ولا حيبقى نفاق ساكت!
ربنا يرفع البلاء ويحقن دماء السودانيين!

الطلقة بي ٧ جنيه ياناس، ماتخسروها فيهم!
الواحد فيهم تقتلو وتخليهو في الخلا تاكلو الصقور!
وجدي صالح عبده