Сен тонгда уйғондинг. Газга қўйдинг чой.
Бу меҳр мен учун эмас, ҳойнаҳой.

Сен оппоқ кўйлакка урасан дазмол.
Бу ишни мен учун қилмоғинг - маҳол.

Уйни супирасан, поклайсан чангдан.
Супириб отмайсан мени бу ғамдан.

Овқат пиширасан. Мўл-кўл дастурхон...
Овқатингни мақтар ўзга бир инсон.

Болангнинг кўзига боқиб тўймайсан.
Сен менинг боламни ўпиб қўймайсан.

Аммо ёлғиз қолсанг эгилар бошинг -
Кўзингдан сўрамай оқади ёшинг.

Мени соғиндингми? Куйдингми?.. Раҳмат!..
Кўз ёшинг меники, кўз ёшинг фақат...

Усмон Азим

❤Artìkoff Live❤

Баъзи  туйғулар  асл  туйғуларни англаш  учун, холос.
Ўзингизни  асл  туйғулар  учун асранг!

Шуҳрат  ОРИФ

Мени севиш ҳақиқий азоб, ишонавер...?

Xonanda Sharofiddin Murodovni menga yoqadigan "Meni eslagin" degan qo'shiqlarini sun'iy intellekt orqali "cover" qildim.
Natijaga baho beraverasizlar?

?MusiqAi

❤Artìkoff Live❤

***Сен кетсанг ҳеч нарса ўзгармас балки,
Балки баҳорларим келмас кечикиб.
Фақат бир номи йўқ ҳасталик билан,
Оғриб қоламан мен сенга ичикиб.

Сен кетсанг ҳеч нарса ўзгармас балки,
Сариқ тўн кияди кузги боғларим.
Фақат бирон кимга кўринмайдида,
Ҳаста юракдаги қора доғларим.

Сен кетсанг ҳеч нарса ўзгармас балки,
Ёмғир овозига қўшиламан жўр.
Лекин бир боргина ёдинга олсанг,
Исмингни лабимда титрамоғин кўр.

Сен кетсанг ҳеч нарса ўзгармас балки,
Балки бахт барқ урар кулгуларимда,
Аммо ҳали ҳануз умид туси бор,
Сендан қолиб кетган туйғуларимда.

Сен кетсанг ҳеч нарса ўзгармас балки,
Олов ёнган ерда қолар кул, қурм.
Балки яна юз йил юрарман тирик,
Балки ўша куни тугайди умрим.

©Малика Тавфиқ
❤Artìkoff Live❤***

СЕН  КЕЛГУНЧА...

Сен келгунча юрагимни ютиб тураман,
Кўзим юмиб кўзёшимни тутиб тураман.
Алдаб-сулдаб чалғитаман ўзимни ўзим,
Сен келгунча яшамайман, кутиб тураман.

*© Иқбол Мирзо*

❤Artìkoff Live❤