Байрамона кайфият улашишда давом этамиз!

“26 январь – Ўзбекистон Республикаси давлат божхона хизмати органлари ходимлари куни” муносабати билан “Zo’r TV” телеканалининг “Эрталабдан салом” тонгги дам олиш дастурида Божхона қўмитаси ходимлари, Божхона институти ансамбли хонандалари ҳамда “Бож бадал” сериали ижодкорлари иштирок этишди.

“26 январь – Ўзбекистон Республикаси давлат божхона хизмати органлари ходимлари куни” муносабати билан Божхона қўмитасида бўлиб ўтган байрам тадбири тафсилотлари “Дунё бўйлаб” телеканалининг “Специальный репортаж” дастурида.

ТАРИХ ВА БУРЧ УЙҒУНЛИГИ!

??Ўзбекистон Республикаси Президентининг 2024-йил 5-июндаги ПҚ-209-сон қарори ижроси доирасида, Божхона институти курсантлари учун маънавий-маърифий тадбир ташкил этилди.

Тадбир доирасида 50 нафар курсантларимиз Ўзбекистон Республикаси Маданият вазирлиги ҳузуридаги Кинематография агентлигига ташриф буюриб, буюк саркарда ва давлат арбоби Баҳодир Ялангтўш ҳаёти ва фаолияти ҳақида ҳикоя қилувчи тарихий-бадиий фильмни томоша қилишди.

Ушбу фильм орқали курсантларимиз:
• Ватанга садоқат ва фидойилик намунасини
• Мардлик ва жасорат тимсолини
• Стратегик фикрлаш ва доно раҳбарлик сирларини
• Тарихий шахсларимизнинг ибратли ҳаёт йўлини ўрганиш имконига эга бўлдилар.

Бундай маънавий-маърифий тадбирлар орқали ёш авлодда ватанпарварлик туйғусини кучайтириш, хизмат бурчига садоқат ҳиссини мустаҳкамлаш, миллий қаҳрамонларимиз билан фахрланиш туйғусини ошириш, касбий масъулият ва бурч ҳиссини шакллантириш каби олижаноб мақсадлар кўзланган.