لعنة الله اعله الحرك للزهرة دار
.....................................
النكر طيب المصطفى ودينه العَذب
مو عـلى ابـنـادم ابـد ما ينـحـسـب
راد ويّه ابــليـس يتـسـابق ذنــب
هل اجه اعله البضعة وبجفينه نار
لعنة الله اعله الحرك للزهرة دار
........................................
راد ويه ابليس يشعر بالنصر
وينتزع من عنده مملكة الكفر
بالذنوب يغلبه لو صار الحشر
راد فوكاه يصبح ومو بالجوار
لعنة الله اعله الحرك للزهرة دار
........................................
جان يدري الناس من يمها تطب
للجنان وللـعرش تحضى بـقرب
اختصرها وهل اجه يسد الدرب
بالحطب واعله الهداية يحط ستار
لعنة الله اعله الحرك للزهرة دار
........................................
واهم وهيهات مصيوب بعمه
ماعرف نُص من عُشُر من فاطمة
هـي مشـكاة الانـوار البلسـمـة
ومن فضل الطافها يدور المدار
لعنة الله اعله الحرك للزهرة دار
........................................
من حقائق نورها يشع الصدك
وباب رحمـتها ابد ما تـنطـبـك
ضوة فاطم والضوة ما يحترك
شمس ما تكطع ثواني من المنار
لعنة الله اعله الحرك للزهرة دار
........................................
من حدر بيبانها يسيل اللطف
وما يـحـد آلائها كـل الـوصـف
عالسمة جفينها صارن سگف
وتحفظ الافلاك من تيه المسار
لعنة الله اعله الحرك للزهرة دار
........................................
جاهل اليم دارها التم وهجم
وراد ضنه ينتهي ويصبح عدم
مادره بجفها السمة اتنزل النعم
واصبع بهل جف ترفعه يحل دمار
لعنة الله اعله الحرك للزهرة دار
........................................
خاب مسعاها القلوب الجاحدة
عامر يضـل بيـتها وينـثـر نـدة
الخليقة وكلشي من عدها ابتده
ومايحل عن دارها مسجد ضِرار
لعنة الله اعله الحرك للزهرة دار
........................................
محمد محسن الجاري

https://youtube.com/watch?v=yHSvsHGOnrk&si=aD1lpV3BTY_AL6IS

YouTube

جرح الاحساس l الرادود مهدي العبادي l ليالي استشهاد النبي 1445هــ

جرح الاحساس اداء ; الرادود #مهدي\_العبادي كلمات ; الشاعر حيدر الغديني هيئة الامام الصادق ع / ميسان - ناحية السلام مكساج | علي الجزائري مونتاج | كاظم الموسوي تنفيذ l شركة وارث للإنتاج الحسيني الحسابات الرسمية للرادود الملا مهدي العبادي ( فيس بوك ) h…

ام البنين البنين ع تخاطب أبا الفضل ع عندما ذهب مع الحسين ع وبقيت مولاتي في الدار فقالت له

ياذخر شيبي اوعطر الانفاس
بالعافيه اعله الطف يعباس
راح تنال اليحلالك
تعطش بالطف هنيالك
يعباس ... يعباس
_____
حكي لو بدموعي تتبلل ثيابي
وياكم امشي الكربله جان بحسابي
وعندي ضلت امنيه ياعز شبابي
اهديلي ساعه عطش بالطف بثوابي

بداعت حجاب ام الخدر
بالعاشر ابوكت الضهر
اهديلي بشافك فطر يبني
وجسمك لون يشبع نزف
اهديلي كطره يالكلف
يم فاطمه بلكه انعرف يبني

متقصر ادري ياضوه العين
تستاهل تروح اويالحسين
الله يبارك بمثالك
تعطش بالطف هنيالك
يعباس ... يعباس
____
حلم عمرك ياكلب امك تحقق
حسين بشرني اوابو اسكينه مُصدق
كلي أسم الكمر بطفوفي توثق
يابو فاظل لعدانته شكد موفق

حروفك بطفه اتسجلت
هنيالك بهذا البخت
جفوفك لونها اتكطعت افرح
مبروك ياعطر الخيم
مقسوملك بالطف سهم
شما زاد بجروحك ألم افرح

نعمه انته بيها اعليها محسود
عباس لجل حسين مولود
وانه اتفاخر بفعالك
تعطش بالطف هنيالك
يعباس ... يعباس
_____
حسين عندك قبله وانته امأدي فرضك
شكد تحبه اوأسمه ابد ماعاف نبضك
ومن تضحي حسن عاقبتك تعوضك
بحضن ابو اسكينه تموت اشكبره حضك

ويايمه بحضان السمه
تنتضرك امك فاطمه
بشوفتهه مايبقه ضمه يمه
تكلك يكشخة كربله
بجيتك يبو فاظل هلا
وترفع جفوفك عالمله يمه

وتنادي بالجنه الوديعه
اهلا يبو اجفوف الكطيعه
والكوثر يتعنالك
تعطش بالطف هنيالك
يعباس ... يعباس
_____
يبني باجر بالحشر كدام حيدر
عالي راسه الضلعه بالحافر تطشر
والسعاده للوكع وجروحه اكثر
اشكبره بخته ال عالرمح نابتله منحر

بكربله يل حجيك ملح
امك تره بحسرة جرح
وانته يشيلوك ابرمح مبروك
ومحسود حيل اعله العطش
ومبارك ابصبح اهدعش
الرمح بوّداجك نعش مبروك

مبروك يل ساكن ابجفني
ام زينب اتسميك ابني
والله اتمنى اليجرالك
تعطش بالطف هنيالك
يعباس ... يعباس
____
جبت عمري ادعي يارب البريه
يل اموفقني اخدم اولاد الزجيه
الي يمك طلبه وحده وهاي هيه
ربي وفقني امشي وي زينب سبيه

وداعت علي يابالفضل
امنيتي اصعد عالهزل
ويتعب اجفوفي الحبل حلمي
واحمي العقيله ام الحزن
عين ويحاميها الجفن
ويم السياط اصبح متن حلمي

وكون بخرابة ال اميه
نموت بطشت انه ورقيه
يل دمعاتك تبرالك
تعطش بالطف هنيالك
يعباس ... يعباس
____
حيدر الغديني

مقطوعات (هوسات ) لامير المؤمنين ع

علي  اول  حاكم  ايوزع  صدك
من سخاء اجفوفه اخذ صيته العثك
علي اول غني بهدومه فتك
(شلال اجفوفه اعله ايتامه )

مو مهم عدهم علي اول اخير
على ادم جان ابو الحسنين امير
نجه يونس لان يؤمن بالغدير
( والبايع حيدر هنياله )

اليرضه والمايرضه حيدر ازلي
النبي بالمعراج شاهد مايلي
السراط المستقيم اسمه علي
( ومضويه الجنه ابشيباته)

حيدر الغديني

قصيده نزله للامام الحسين ع

حن كلب حن ياكلب
وابجيله حب وابجيله حب
اصرخ حبيبي .. حبيبي ياحسين
____

كلمن على ضيم السبي دمعه نهر جره
يلكه الزجيه ابوحشته مولاتي حاضره
ويلكه الورد يم اللحد يلزم عليّ سره
جنها جنان المستقر ماجنها مكبره

واليبجي اعله الخيمه يوكفله الكمر
وكلما تفحط روحه يحفرله نهر
هنياله اعله ادموعه الماينسى النحر

وبلأخره .. وبلأخره
يربح تره .. يربح تره
واصرخ حبيبي حبيبي ياحسين
____

اليتفلسف اعليه بقه ويحجيلي بالعقل
امده عقله المارضه يبجيلي عالهزل
الماعنده هاي الفلسفه كل علمه ينهمل
فلسفه اعجاز الفلك جفين ابو الفضل

ايدك كلبي وما ابجي معقوله اقتنع
اصلاً هاي الدنيه اشستوه ابلا دمع
اشكد حلوه من الطم واكسرلي ضلع

والمعجزه .. والمعجزه
هذا العزه .. هذا العزه
واصرخ حبيبي .. حبيبي ياحسين
_______
دمعاتي تنزل عالنحر وي دكت النبض
مثل الصلاة الواجبه عندي الدمع فرض
وجي باقي دوم ابخدمتي وبجرحي محتفض
من امشي مابين البشر شيخ امشي عالأرض

جي خادم بخيامه مثل ابنه انحسب
من اصحاب الجنه من هسه انكتب
والذله يم بابه احله امن العذب 

الخدمه شرف .. الخدمه شرف
حبها شغف .. حبها شغف
واصرخ حبيبي .. حبيبي ياحسين
________

يوكفلي الكاه باللحد والكاه ضوه ابتسم
ياهو اليحاسب خادمي اليبجي على الخيم
مو بس ذنوبي تنمحي وتصبح كما الوهم
يمكن نكير اومنكر ايصيرون الي خدم

شيخ البرزخ هوى وبكيفه الحكم
مايعرف لاعصره ولاوحشه اوهضم
كلمن شد حزامه بشدات اللطم

هذا الدمع ..  هذا الدمع
بكبري شمع .. بكبري شمع
واصرخ حبيبي .. حبيبي ياحسين
____

حيدر الغديني

قصيده لاستقبال شهر محرم الحرام

محرم جاي ... هنياله اليشد احزام
محرم جاي .. السنه كون اكثر امن العام
بطاسة ماي هنياله الذي ايعزب
وعلي يم الزجيه تنحسب موكب

محرم جاي
______________________
استعدوا للدمع والأه .. مصيبة فاطمه كبره
كون اوياها ننزف دم .. وعلي تستاهل الزهره

بس المعتبر كربله اتشيبه
و كلمن حزن عبد الله ايتعبه
هنياله هذا المحسن ايحبه

يحسبونه .. التوكع دمعته بحساس
يحسبونه .. امخيط جربة العباس
واليبجي اعله جر حسين بالعاشر
يعتبرونه شاكف عنه جم حافر

محرم جاي
___________________
فقير اليحضر المجلس .. ويبرد بالطم باجر
شنو ايساوي لطم جفه .. وحبيبه يلطم ابحافر

كلش قليله طيحت ادموعه
ابن الزجيه امكسره اظلوعه
حضه جبير الروحه مفجوعه

يهنياله .. اليخسف صدره لطم ايده
يهنياله .. اليقلد بالبجي اوليده
واليعطش وفاء الكلب ابو الاكبر
علي بالجنه بسمه ايسجل الكوثر

محرم جاي ..
__________________
واجب كون ياخدام .. ننصب كل شبر منبر
وتره كل هذا مايوصل .. شعره بحاجب الاكبر

واحدنه من يبجي بدمع هامل
مو بس دمع كون النحر سايل
غير الحسين انطانه ابو فاظل

بشنو انجازيّ .. العاري وخنصره مسلب
بشنو انجازي .. المنطينه متن زينب
ولو واحدنه تعمه امن البجي عينه
هم ما يوفي خطوه بركضة اسكينه

محرم جاي
____________________
احتمال احنه السنه الجايه .. بالمجلس صور ميتين
محرم فرصه يا هالناس .. استغلوا نعمه اسمها حسين

مادام للريه تطب نسمه
استغل روحك زين للخدمه
محد يفيدك غير ابو اليمه

وحك عباس .. المايعشك هوى المجلس
وحك عباس .. يظل يوم الحشر مفلس
ويبقى اينادي وبنص الندم حاير
(ربي ارجعوني) ابجي عالعاشر

محرم جاي
____________________
باجر يعتني المهدي ... ويدخل للحسينيه
حيره شنقره ونداويه؟ ..زينب عمته مسبيه

ويلاده بالمجلس يسمينه
كل احنه يعرفنه بأسامينه
انقصر اخاف ويعتب اعلينه

يعيش شلون .. الماعنده دمع طايح
يعيش شلون .. اليزعل منه ابو صالح
الخادم بعد كلي شنهو اليريده
اذا حضرت القائم حاسبه اوليده

محرم جاي
____________________
حيدر الغديني

هذه قناة جديده لنشر قصائد العزاء في حب اهل البيت عليهم السلام ونسئل من الله القبول والتوفيق

السلام عليكم