**ياويلي يبن امي .. خياله هالجتنه
وفرينه بالهيمه .. ومحد يساعدنه
لا تسئل شلوني .. متمرمره بضيمي
لتكلي عالركضه .. بالهيمه وشعدنا

لمن رحتو ركضنه عالجمر
يابن روحي غريبه وانتضر
شلون اندلك يجويني الضهر
بس خلفالله يدليني العطر

ويلي ويلي ويلي على العطشان
____
هالغربه ماترحم .. ومتعين رجليه
بشده طكت لاجن ..محد فزع ليه
كدامك واوكع .. عالتله رايدتك
يبن امي يبن امي .. صاحولي مسبيه

ضايع جدمي واريدلي اخو
لا من كافل ولا ام لا ابو
هاي الهيمه انملت خويه عدو
ضلمه ومحد اليدليني منو

ويلي ويلي ويلي على العطشان
____
ياخويه ما ادري .. تاليها وي صبري
جا يمته موتي انه .. ما ينتهي عمري
كافي يذبحونك .. كافي انهب خدري

بعد عيوني وبعد كلبي اليدك
لا ما صدك يخويه نفترك
من هجرانك بكلب اختك حرك
اه يبن امي تعوف اختك صدك

ويلي ويلي ويلي على العطشان
___
جابو هزل يمك .. وعيونك تباوع
وتسمع يكلولي .. ماضل اخو يفازع
مهضومه واتلفت .. هلبت تحضروني
كلبي انكسر خويه .. وبغربته ينازع

ما ادري الوين الهزل تمشي درب
كالو للشام اطب ياخويه اطب
من كالولي اكضنه الكلب
بت الحيدر بسبي والله صعب

ويلي ويلي ويلي على العطشان

—-
محمد عيسى المنصوري**#اللهم_عجل_لوليك_الفرج

صابح دليلي جفاك مصباح
مئيسه ولچحت العلم من طاح

خواتك تريد الماي والعون
وغارت خيول المايرحمون
عباس اشوفك وين وشلون
وبيني لبينك خيل ورماح

يتامك تصيح الماي يلماي
خيامك چوته وماله فياي
الدنيه بغيابك جاسيه وياي
وتدري يخيي لزينب شراح

جوتني الخيم بالنار واحا
صحت من وجعتي حيل ويلا
زماني الكفلني وين وداه
لجمه عله لجمه رداف واصحاح

رحت للشريعه ملاجيه الخيل
ومدري بنهاري نهار يو ليل
بيه تميل الكاع لو ميل
وراسي حوافر خيل وصياح

حر الشموس وحاره چبود
وچنچ شربتي الدمع يخدود
مبارك اشمچ حيل يزنود
راحه لدليلي لموش مرتاح

واكعد وكوم هناك لهناك
مسويه عليك الغالية فناك
الكاك اخاف تعوفني الكاك
وأنه البست الصاگعه وشاح

مالي نصيب وياك يوداع
لخوتي الوذرهم تارسه الكاع
جنه الضعون تريدنه بساع
وناس بگصصه الخجل ينزاح

لخاطر شيباتي _ عوفو ابنياتي _ ردوهه الخيل
ليش متعبيهن _ يعثرن بعبيهن _ مابيهن حيل

////////////////////////////
موش عشر اخيول جيبو _ خل يسحكن بيه ميه
اظلوع اوزع للحوافر _ ولا تلوح اخيامي اذيه
يالخذيتو الخنصر اقبل _ من تكطعوهن اديه
وانته يالماخذ قميصي _ عوف ترجيت رقيه

يمك هذا اني _ اترك نسواني _ ارجع لتروح
واسحك بالحافر _ من هسه لباجر _ وياك اخذ الروح
///////////////////////////
لاني ميت لاني واكف _ شلون مدري ارجع الهن
زلمه ما شافن بناتي _ وترسن الهيمه بركضهن
الليله ادري ما ينامن _ ونايم الشوج بجدمهن
كل عفاف الدنيه بيهن _ بالخيم بين خجلهن

اوكف مااكدر _ نص صدري مطشر _ ازحف ظليت
هنه يشوفني _ بس شيوصلني _ حيل احتاريت
////////////////////////////
شمس ماشافن بناتي _ شلون تردوهن يطلعن
عوفو علوياتي كافي _ ما معودهن يركضن
التهوو بيه تعالو _ وللخيم ماشين المن
خمسه فوك الخيل اصعدو _ بصدري خلوهن يسحكن

ماعدكم غيره _ تشوفوني بحيره _ بااخر لحظات خيامي تحركوهن _ ليش توازوهن _ مو علويات
////////////////////////////
امن الضمه مبوح صوتي _ خانك انفاسي التراب
شايله عبدالله تركض _ ذيجه مو جنهه الرباب
طلع شامت من خيامي _ بيده مدري شنهو جاب
ياحسافه كبال عيني _ هذا طالع ذاكه طاب

كاروك وليدي _ السويته بأايدي _ شامت شالااه
عطره اشتميته _ بحظني تمنيته _ يوليدي احاه
////////////////////////////
اخذو كلشي بيه غالي _ اخذو حته انفاسي مني
وبشرط عوفو بناتي _ جاي يبجن تعبني
لاني اكدر اوصل الهن _ وهنه لا كدرن يجني
ارماح خشنه بالخواصر _ هواي كمت وطييحني

راضي تذبحوني _ بس توعدوني _ تنطوهن ماي
عطشن اعرفهن _ جاي اسمع ونهن _ الركضن حفاي
////////////////////////////
شيبي عدكم ماله خاطر _ وما لزمكم مستحاكم
اطفالي سحكتهه الحوافر _ رحمه ماعدكم شجاكم
عالرمل وشلتو دمي _ وللخيم ازحف وراكم
والله ماعدكم حميه _ وبس ابو فاضل دواكم

السوط محظرينه _ وين مودينه _ شراح تظربون
انهض مابيه _ ماتن رجليه _ عوفوهه ام عون

////////////////////////////
تمت ____ علاء الزيدي

ويلا يزينب ويلا
ويلا يزينب ويلا
،،،،،،،،،،،،،،،،،،،،،،،،،،،،،،،،،،،،،،
مسكينه روحي شحصلت
غير التعـــــــــب والحرگه
كلساعه افارگ والچـــــــم
يامــــن يخلص الفرگــــــه
مــــن زغري لاگاني الحزن
مــن لاهله بهل ملگـــــــــه
كــــل شهگه اشهگها وعلي
تمرد دليلي الشهـــــــــــگه
تعلعل گضـــه شماله العمر
لاضــل صبر لاضـــــل فكر
،،،،،،،،،،،،،،،،،،،،،،،،،،،،،،،،،،،،،،،
اصبر ومـل مـــــــن الصبر
وغيـــــر الصبــــر ماعندي
مكتوبــــه اعيش الوحدي
ومكتوبه اموتن وحـــــدي
مـن الدنيا بالله شحصلت
شو كلشي صايـــــر ضدي
ابدي بمصيبــه ولو گضت
اتلگه المصيبــــــه التبدي
وي زينـــــب توازه الدهر
اجاوز ترئ حـــدوه وعبر
،،،،،،،،،،،،،،،،،،،،،،،،،،،،،،،،،،،،،،
احــــــــــا يشلعان الگلـب
لو ميتـــــــه والله احسلي
من يوم الحسين نذبـــــح
شمحتازه محــــــــــد گلي
بحمولي ازيـــــــح وابتشر
والدنيا فوگــــــــــي تخلي
وگفــــت اخــو بعزات اخو
شوغاتي مــــــــــن وگفلي
شوفولي حـــل يهل البخت
شو تگضي اگول وماگضت
،،،،،،،،،،،،،،،،،،،،،،،،،،،،،،،،،،،،،،،،
مـــــن عندي شيريد الحزن
يوميــــــــــــــــه لازم بابي
بحباي يجبرني الچــــــــــم
يستنگي اعـــز احبابــــــــي
اعتـب عليمن شـــــــو گضو
اهلي شيفيــــــــــــد اعتابي
يصوبني كلساع الوكــــــــت
ويتفنن اعلئ صـــــــــــوابي
لـــو ينشره المــــــوت وعلي
اشريــــه ومـــــوتن وي هلي
،،،،،،،،،،،،،،،،،،،،،،،،،،،،،،،،،،،،،،،،،،،،،
مصطفئ الصالحي
شور گعده

#مولاتي_زينب عليها السلام
رأس هرم #نساء_الحُسين_ع
تتكلم بالنيابه #عن_مشكاة **الحرم

خويه يخويه يخويه يخوي
……………………………………………..
جان شاهدنه البواچي والرمل فوگ العباه
احنه ماعدنه بزلمنه يموت ما نصرخ وراه
صوتنه انبح بالنعاوي ياهو من عدكم لكاه
جيبو الحسين البناته لا يموتن بـ الاحـاه

چا غير كون اليفزع النه
ماتو اهلنه نريد اهلنه
ضلت شوارب تارسه الگاع
ضل فارغ اشلون بضعنه

سيد والشالو راسه مو ساده
يهزون الرمح كدامي بعناده
يلكاسر كفاي وشالع افاده

خويه يخويه يخويه يخوي

……………………………………………..
زين مني وچاي اسولف كون ميته ولا حجيت
مادري بيا ساعه اموتن كل دقيقه اتشاهديت
مباجه ضلينه انتباچه وبالاخير انه انعميت
چدامي معميه وي گلبي بفگد اخوي ومادريت

چا هيه هيچ تروح مني
فراكك يلحسين الكتلني
كسران خاطر روحتك هاي
بنياتك اليبچن عمني

من في الدلال الخيمه محترگه
اول مره اسولف وانه مختنگه
احاول بالحچي ومابين الشهگه

خويه يخويه يخويه يخوي

……………………………………………..
حسين تذكر من اجيتك والدرب خلصته عثره
بنادم اليفگد عزيزه باقي الايام التكبـره
گلت زينب ردي زينب لا تلوح اخيامي جمره
خل يذبحوني واموتن وگولي اخوچ انطاني عمره

من اركض عيونك عليه
گبالك يصيحولي السبيه
خل راسي دونك بين الارماح
بس فكني من المغربيه

الحرمه التشكي غير الحرمه مهضومه
انه الملجومه من حسين ملجومه
من شفت الحوافر تاخذ اهدوومه

خويه يخويه يخويه يخوي

……………………………………………..
هاي اول مره زينب دموعي لرداني تهل
فراك وجهك مو ولامي يكتل ولا ينحمل
جف ابو فاضل خذاني وراجعه وبيدي الحبل
احنه شمسوين احنه ومابقى ذاك الشمل

ياعيني بسچ كافي بطلي
مبچاچ موش اولام حلي
والدمعه كون ترجع اعزاز
جا نگعت بدموعي ضلي

رمحك منجرح من راسك اجروحه
رقيه شكد بجت ماكدرت اتلوحه
ماصارت گبل من تبچي مبحوحه

خويه يخويه يخويه يخوي
……………………………………………..
عباس القلعاوي**

ي للصاحب الميت______
___________
ها ياصاحبي اتلكانه اجيناك
ذوله اربيعتك يردون ملكاك
يا صاحب هلا يلماتسد باب
فك باب الكبر خنسولف اوياك
مشتاكين ترجع ذيج الأيام
ويرجع كل شقانه ونكعد احذاك
من يوم المتت كل حيلنه انهد
حالف من رحت ماذب الأسود
اعرفك تنهضم لو نبجي مرات
لاهزك بجي لا لطم عالخد
يلحدر الرمل فز وأترك النوم
ربعك كلها أجت يم كبرك اليوم
يبو طول الحلو شلك بالتراب
كوم انكت اترابك خايب وكوم
/////////// جواب المفقود///////
ماناسيكم آنه او لا اسد باب
بس اشما اكوم ايكضني التراب
من اسمع بجيكم انهضم حيل
ما احمل بجيكم ها يلصحاب
صبح بيتي الكبر شيردني للبيت
ولا نرجع بعد نلتم يلحباب
ذيج ايامنه اولا ترجع اردود
ولا بيناتكم تلكوني موجود
صاحبكم بعد عطاه التراب
وبعد صحبتكم صفالي صويحبي الدود
______________________
مرتضى الرافضي

احسنتم

**حسين ياحبيبي
حسين ياحبيبي

اول عشگ
رب الصدگ
شفته وهواه كل گلبي
شفتك امير
فوگ الحصير
منهه ونبعلك حبي

اسمك رزق رجعني من خطوة ضـياعي
صار العزه ملجى الي ودمعي مـــتاعـي
ازرع سواجي من البجي لو مرني ناعي

الدمعه حرز خادم
يلگاهه بـ الــمأاتم
الزهره بلمجــالس
تنتضر عبد نــادم

اليعشگ بشر
هذه خسر
بس انته عشكك دنيه
اسمك سمه
لحب فاطمه
اعقدلي انته النيه

لحد اللحد وي فاطمه امنيتي بصياري
تتمنى اصيرن جن زهير اعماق افكاري
ماي الكساء انه اريد , غيره يطـفي ناري

دين اليحب همك
ناره تشب بأسمك
عنـــدك عــبد انـه
ارزقني من سهمك

**

اترك شكو
موطن لهو
واخدم حبيبي الدامي
ابجي الخيم
وانسه السهم
ما ارمي فوك الضامي

اترك شكو جلمه تغث ضلع الزجيه الطاهر
واصبح عبد يم اللطم مااصبح انه حــافر
دين اليحب دمعه وعزه عمره لجلهن ناذر

ابجي الاخوه عافه
يم النـــــهر شــافه
بچفه السمه تحجي
وهوه انهدم ســافه

باسم الكفيل
اصبح ذليل
ريت وتطول سنيني
واكضي العمر
اخسف صدر
انه العزاء ديـني

اكبر حلم كون الــعمر يــكضي بمجالس
وانزع شكو دمعه حزن واصبحله عابس
لطمي يضل فوك الحسين بلكت ملابس

يطوني الف چنه
دمعي ما ابدلــنه
لجلك تهل عيني
لغيرك ما اثوبنه

الحمدلله..
احمد نبيل العبودي
شور**

قصيدة بحق السيدة الزهراء عليها السلام عن السيدة زينب عليها السلام

راحت عزيزت گلبي   ياعيني مدمع صبي
امي العزيزة ومن مشت عشت الالم والحسرة
صوبتي گلبي بغيبتچ يابعد روحي الزهرة
راح عزيزت گلبي
==========================
يالعافية وكلچ دفو   بيتچ حزين خلافچ
ياطيبة ياراحت نفس  يرتاح كلمن شافچ
آه يالحنينة ويم هلة  وماكو بشر بأوصافچ
شيصبرة گلبي بغبتچ  عايش يتاني اطيافچ
مريلي مرة بليلي    يمة البُعد هد حيلي
گلبي انكسر يمة وبعد كسر الگلب شيجرة
صوبتي گلبي بغيبتچ يابعد روحي الزهرة
راح عزيزت گلبي
==========================
لو چل علي ليل البُعد   والوحشة تاكل روحي
وحظنچ الدافي منفگد  ياهو اليطيب جروحي
مسامر انة وليل ودمع   سهرانة زايد نوحي
بس غمضت عينچ غدت  مهدومة كل صروحي
وياچ اعيش ابجنة   يا يمة لمن چنة
رحتي وبقيت ابلا امل والعين منچ حمرة
صوبتي گلبي بغيبتچ يابعد روحي الزهرة
========================
الام حنينة يا خلكَ   ماكو ابمثل طيبتها
لو راحت ايغيب الفرح  ويروح وي روحتها
نعمة چبيرة الام ترى   محد عرف قيمتها
بس الفگد امة ايعرف  من يفتقد شوفتها
الراحت امة من ايدة   ايصير الحزن ترديدة
الفرگة صعبة يم حسن گلبي بعد شيصبرة
صوبتي گلبي بغيبتچ يابعد روحي الزهرة
==========================
التثگل همومة يصد   لمة وتزيح اهمومة
بشوفتها ترتاح النفس  عد البشر معلومة
شحال الفگد امة وبقى بالون يخلص يومة
مثل الجبل هم الگلب  الناس ليش تلومة
عطرچ بقى بثيابچ   اشتم واصد لبابچ
بسمار البلضلعچ نبت خلالي جرح شكبرة
صوبتي گلبي بغيبتچ يابعد روحي الزهرة
==========================
تچويني نيران الهجر  وشگد صعب فگد امي
اتذكر ايام المــــضت   وايام چانت يــــمي
من راحت امي تحيرت  المن اسولف همي
امي واعز من الهوة   وياي تمشي بدمي
شم الهوة ما اريدة    وامي علية بعيدة
كون المشت امة وجفت وياها يخلص عمرة
صوبتي گلبي بغيبتچ يابعد روحي الزهرة
========================
أسألكم الدعاء رائد الاسدي

قناة جروح عاشوراء
یوسف الزهراء ?

**بدت شوغاتي وجروحي ... وبده حزني
اجيت بهيبت الكافل ... انه وضعني
تغير حالي بخلافك ... كثر وني
طلعت بليل ادورنك ... ضعت عني

دورتك وينك تيهت
مل جدمي بكدما دورت
اشرلي انجانك تستمع
من التل لجسمك شيبت

الصوت الصوت سمعته وكلبي بزني
الصوت الصوت اعرفه الصاح جني
مكلوب مكلوب شفت جثه رميه
الخيل الخيل اجت شيردها عني
"""""""""""""""""""""""""""""""""
گلبي بصف جثه ياذيني ... وحرت بهمي
جثه بلا راس لا محبس ... ترفس يمي
معقوله حسين المطشر ... فوك الوسعه
من شفته حيلي ما يگدر ... ارفع جدمي

سولفت بصفه وما حجه
باوعلي حسين و بچه
متوسد راسه علل ترب
احتركت خيماته و ما اجه

ابساع ابساع كضت والدنيه دارت
حسرات حسرات عليك بكلبي ماتت
جم اخ جم اخ صحتها ابصف اخوتي
ام عون ام عون غريبه بهيمه باتت
""""""""""""""""""""""""""""""""""
خليني بصفك ارد ابجي ... واعمي عيوني
ما اريد احجيها بس باوع ...زرگه متوني
لو تدري خلافك شأسمي ... وشيصيحوني
راحت وي طيحتك زينب ... ويسموني

يسموني سبيه ميسره
وياكم جنت مخدره
والتصعب جابوها الهزل
ويصعد ضعنك بلسره

اجتاف اجتاف يجتفوها النساوين
الماي الماي يبدي كبال العين
النوك النوك اجت وين الهزيله
الشام الشام يشوف اختك يلحسين
"""""""""""""""""""""""""""""""""""""""""""!"
ترضئ الوادم يشتموني... وأصعد هزله
ما اريد الشام أطبله ... ولا أوصله
المن جا عايش الفارگ... بلكاع أهله
اليمشي وي الغربه حراسه ... يموت احسله

يودوني السوك و للقصر
ويحديني بصياح الشمر
استعجل ياموت اتعطلت
هضمه علل طبه أنجبر

محروگ محروگ گلبنه وخاويه هواي
بلسوك بلسوك خذونه و بدو الماي
مرتين مرتين اطب واطلع من الشام
يحسين يحسين تميل الدنيه وياي

""""""""""""""""""""""""""""""""
عباس الحسناوي**#اللهم_عجل_لوليك_الفرج