مَرة شفت نَص يگول
" أنا خائف الآن وعلى العالم
أن يتوقف كي يهتم بي"ومن يومها صرت أتخيل
إذا زعلت العالم يوگف
إذا قلقت العالم يوگف
إذا خِفت العالم يوگف
إذا بچيت العالم يوگف
وصرت أعامل ناسي على هالاساس
وإعتبرت روحي العالم اليوگف الهم
يزعلون من كُلشي آني الأراضيهم
يقلقون من كُلشي آني الأطمنهم
يخافون مِن كُلشي آني الأحضنهم
يبچون آني وگلبي نمسح دموعهم
ونسوي كلشي حتىٰ يومهم يعدّي
بَس مِن يجي الدور علية !
ينتهي دوري كعالم
أرجع لشَخصي لتكوينتي وبس
لأن العالم ما يوگف للي أحسّه أبدًا
وما مضطر يوگف أصلًا
فَ هسّـه من قريت الرسالة
صفنت و رددت هالجملة
على العالم أن يتوقف كَي يهتم لأمري
ولگيت شَخصيتي الثانية دتجاوب
يَعني هَسّـه إنتِ تنتظرين من العالم
يوگف !!!
بس لمجرد إنچ قلقة ! طبعًا مراح يوگف
اللي أريد أگولة ..
بأيام مُعينة تحس روحَك محور الكون
وزعلك مُمكن يسبب كَوارث
والدنيا تحترگ إذا مَزاجك متعكّر
وإذا تقلق ف الدنيا كلها تگلك أششش
المثلك ميصير يقلق
ولا يخاف ولا يفكر إهدا
وإتطمن آني هنا وميخالف
مِثل ما تتعامل وي العالم
فَ العالم حيتعامل وياك
بس بالحقيقة لا
الحَياة ماشية وكُلها مكملة
والدتحس بي مَحد إله ذنب بي
المُذنب الوحيد إنتَ
لان إنتَ اللي تخيلت العالم مِثلك
بَينما مَحد حيگدر يكون مِثلك.

هذهِ ليستْ أفضلَ أيامي،
لستَ على ما يرام،
ولا يزالُ قلبي في خصومةٍ
معَ الحياةِ
أتظاهرُ بالقوة،
أتظاهرُ بالثبات،
كما لوْ أنني لا أتألم، ولا أعاني،
ولمَ أنكسر،
وأقسمَ أنَ بداخلي حطاماً عظيماً
لا يعلمُ عنْ أمرهِ أحد،
أنَ داخلي هشٍ .

لا تحاول تفسر كل الأمور الي حواليك غلط يجوز الغلط من داخلك ، من تفكير ، من فهمك للموضوع ، توقعاتك العاليه الي تخليها ، فهمك لنفسك والامور الي حواليك من غير جانب بدون لا تشوفها بطريقه صح ولا توضح لنفسك الأخطاء الي جاي تكررها بدون لا تعرف أنت جاي تكررها مو شرط مقابيل غلط ولا شرط انت غلط بس يجوز انت جاي تفهم نفسك غلط لهل سبب مجاي تعذر الي حواليك لان انت معاذر نفسك حاول تفهمها وطبطب عليها حتى تشوف الامور الي حواليك بطريقة صح وتفهمها .

اخيراً مطر

گُلشي چان ديعدي بس بطريقةَ مؤذية ،

اجه بالي فجاه احذف كل برامجي

اشياء هواي ممكن تنحجي، يتلعثم الكلام لما يكون مزدحم بگلوبنا، لما نريد نطلع كلشي بس ما نكدر لان ما نعرف منين نبدي، الدنيا تخلينه باختبارات صعبة دائماً حتى ويه نفسنه.

حلوة ايامنا بالمو حلو البيها
حلوة اغانينا بالجروح البيها
حلوة كلوبنا بالناس الغلط البيها
حلوة حياتنا بالغصات البيها
حلوة ليالينا بالاغاني النستذكر بيها
حلوة عيونه بالدمع الي بيها
حلوة اشكالنا بالتعب المرسوم عليها
حلوة كبورنا محليها عزازنا البيها
حلوين بكل تفاصيلنا المرات مو حلوة.

جاي أمر بـ أسوء آيامي.
وجاي أعاني
الناس تتمشى لحلمها وانه
اركض وبمكاني.
وكلها أخذت حصة مني
فرهدوني بليلة حلوة مثل
جكليت الصواني
شهالضياع الجاي أعيشه
بحجة التيهو دربي ٠
جيت أدليهم عليه وضعت أني
وكلها رادت مني تخلص
عشت مثل الدوة وياهم
كلها مجبورة عليه بس
ولا واحد هواني
ولـ نطيته دروس ينسى جروح
ناسه،
طبق دروسني ونساني .

من بشتري مني هذهِ الليلة المعطوبة ؟
ويبادلني اياها باغنية !
من يشتري مني هذا الجسد المرهق ؟
يدفنه ،يحرقه ،ياكله .. لا فرق
لم يبقى لي سوى "الروح "من يشتريها
طيبة وحنونة
معلولة قليلاً .. وحزينة اكثر
كدامات العشم واضحة عليها
ومشوهه بالخدوش
ابييعها لمن يرعاها ، يداويها
يرضيها
يدللها
سهلة وبسيطة
جرحها ومداواتها يتطلبان
"كلمة " لا اكثر .