♬ Diabolik Lovers More Blood OST - More Blood

? ? ?????? ????????? ?? ?

- Hammasidan osongina qochib qutula olaman deb oʻylaganmiding? Oʻgʻlimni joniga qasd qilasan-u, men jim turar ekanmanmi? Men sendek orqadan oʻq uzmayman. Orqadan oʻq uzish nomardni ishi! Qasding bor ekan, qarshisiga chiqishing kerak edi. Oʻgʻlim tirik qolgani uchun senga oson oʻlim topishingga imkon beraman. Soʻnggi soʻzingni aytishing mumkin.

- Uni oʻldira olmaganimdan afsusdaman. Agar vaqtni ortga qaytarib boʻlganida qayta koʻzini ochmasligi uchun peshonasiga ham bitta oʻq joylagan boʻlardim. - Hyunjoo zaharxanda kulib qoʻyarkan, toʻpponcha oʻqtalib turgan Sungha ham unga qoʻshilib kuldi. Ammo tezda jiddiy boʻlib qoshlarini chimirdi-yu, tepkini bosdi. Oʻq ovozini eshitgan daraxtdagi qargʻalar qoʻrqib uchib ketishdi.

#To_be_continued...

- X**oʻjayin, Lee xonim siz bilan uchrashish uchun kelibdi.

- GiYoonmi? Ayt, kirsin. - soqchi chiqib ketgach, bir ozdan soʻng xonaga GiYoon kirib keldi. Yoongi oʻrnidan turib qoʻli bilan oʻtirish uchun joy koʻrsatdi.

- Marhamat, xonim...

- Koʻp qolmayman. Gaplarimni aytaman-u ketaman.

- Nima deganingizga tushunmadim, xonim.

- Rol oʻynamay qoʻya qol, Min Yoongi. Seni aslida kimligingni bilaman. Qancha yashirsang ham kimligingni bilib oldim. Men bilan uchrashishdan oldin kimligimni bilganmiding? Sen Azumi emassan! Shu paytgacha seni oʻlgan deb bilardim. Ammo qalbimda haligacha yasharding. Endi men uchun butunlay oʻlgansan. Min Yoongi, men uchun yoʻq insonsan. Oldin ham boʻlmagansan, bundan keyin ham boʻlmaysan. Yaxshisi qayerdan kelgan boʻlsang, oʻsha joyga qaytib ket. Maqsading nimaligini bilmayman. Ammo oʻsha maqsadingga yetishingga yoʻl qoʻymayman. Buning uchun qoʻlimdan kelgancha toʻsqinlik qilaman. Agar maqsading Lee Don boʻlsa, men u uchun jonimdan kechib boʻlsa ham seni yoʻq qilaman. Seni kechirmayman.... Meni mana shu botqoqqa otganing uchun, shunday shavqatsiz ayolga aylantirganing uchun seni hech qachon kechirmayman, Min Yoongi... - GiYoon qoʻlidagi qutini Yoongini stoliga qoʻyib xonadan chiqib ketdi. U ketgach Yoongi qutini ochdi. Quti ichida bir paytlar GiYoon bilan birga tushgan suratlarni qoʻliga oldi. Qutini bir burchagida turgan nikoh uzugini koʻrdi-yu, suratlarni joyiga qoʻyib uzukni oldi. Bu oʻzi GiYoonni qoʻliga taqib qoʻygan uzuk ekanligini bilib koʻzlarini yumdi. Koʻzlari yumilishi bilan kipriklari namlanib yuzidan bir tomchi yosh oqib tushdi.

Chonguk shirinlik solingan qutichani ChonUga yaqinroq itarib oʻrnidan turdi. Qora koʻzoynagini taqdi-yu, qahvaxonadan chiqib ketdi. Eshitgan gaplaridan xuddi ustidan muzdek suv quygandek boʻlgan ChonU boshini yerga egib yelkalari titrashni boshladi. Koʻylagi etagini gʻijimlab olgan qoʻllariga esa koʻz yoshlari tomardi. Oldiniga jimgina yelkalari titrab yigʻlayotgan ChonU endi ovoz chiqarib yigʻlay boshladi.

- Men haqimda shunday fikrdamisan? Nahotki men adashgan boʻlsam? Axir... axir sen ham meni sevasan deb oʻylagandim. Oyim haq ekan... Oyijon, meni kechiring... Sizga quloq solmaganim uchun kechiring... - ChonU oʻziga oʻzi gapirib yigʻlarkan, hammani koʻzi unda edi. Ancha paytgacha shu holatda oʻtirgach, koʻz yoshlarini artgancha qahvaxonadan chiqib ketdi. U ketgach, ofitsiant stolni yigʻishtirish uchun keldi-yu, stol ustidagi shirinlik solingan qutini koʻrib qoʻliga oldi.

- Buni unutib qoldiribdi, shekilli.

- Bu meniki! - ofitsiant boshini koʻtarib qaradi-yu, boyagina yigʻlab chiqib ketgan qizni sherigi ekanligini koʻrib qutichani uzatdi.

- Mana marhamat, janob! - Chonguk qutini qoʻliga olib shirinliklarga bir muddat qarab turdi-yu, koʻzlarini yumib chuqur nafas oldi. Yana koʻzlarini ochib boya ChonU oʻtirgan stulga xuddi u hali ham shu yerda oʻtirgandek qarab gapirdi.

- Afsusdaman... Meni kechir... Kechir, ChonU... Aslida mendek maxluq sendek farishtaga loyiq emas. Boʻri hech qachon samodagi oy bilan birga boʻla olmagandek bizni ham yoʻllarimiz hech qachon birlashmaydi. Bu yoʻl ikkimiz uchun ham yaxshi. Sen mendan koʻra yaxshirogʻiga munosibsan.