Санаи 16-уми декабри соли ҷорӣ, тахминан соати 13:00 дақиқа, ноболиғон Бобоев А. ва Муҳаммади Р., хонандагони синфҳои 11 МТМУ №70 бо ҳамдигар муноқиша намуда, тартиботи ҷамъиятиро дағалона вайрон кардаанд. Аз ҷониби кормандони ШВКД дар ноҳияи И.Сомонӣ номбурдагон дастгир ва ҳамроҳи волидайнашон ба мақомоти милитсия дастрас карда шуданд.
Вобаста ба ҳолати мазкур маводҳои зарурӣ тартиб дода шуда, мавриди санҷиш қарор дорад.

Аз ҷониби ноболиғон тавассути интернет таблиғ намудани истифодаи предметҳои гуногуни халандаю бурранда мутаассифона ба як омили номатлуб табдил ёфтааст. Кормандони милитсияи пойтахт ҷиҳати пеширии он ҳамарӯза корбарӣ намуда истодаанд.
Аз ҷумла, зимни санҷиш аз ҷониби кормандони ШВКД-1 дар ноҳияи Сино муайян карда шуд, ки ноболиғ Носиров Ф. сокини 16-солаи ш.Душанбе худро бо корди калонҳаҷм расм гирифта, намоишкорона дар шабакаҳои иҷтимоӣ нашр кардааст.
Номбурда бо ҳамроҳии волидайнаш ба мақомоти милитсия даъват карда шуда, ҷиҳати минбаъд такрор накардани ин амали номатлуб бо номбурда корҳои фаҳмондадиҳӣ гузаронида шуд.

Фолбинию мардумфиребӣ бо усули нав.

@dushanbe_police_tj

Сангов Д. сокини 16-солаи ш.Душанбе, бо корди калонҳаҷм худро расм гирифта, намоишкорона онро дар шабакаҳои иҷтимоӣ нашр кардааст. Ин амали ӯ метавонад ба дигар ноболиғон таъсири манфӣ расонад.
Зимни санҷиш аз ҷониби кормандони ШВКД-1 дар н.Сино шахсияти номбурда муайян карда шуда, бо волидайнаш ба мақомоти милитсия даъват карда шуд. Ҷиҳати минбаъд такрор нашудани чунин кирдорҳои зиддиҳуқуқӣ бо номбурда корҳои фаҳмондадиҳи гузаронида шуд.

Ба диққати шаҳрвандон расонида мешавад, ки фурӯшу паҳнсозӣ ва истифодабарии маводҳои пиратехникӣ тибқи талаботи қонунгузорӣ манъ буда, ҳамчун ҷиноят арзёбӣ мегардад.
Нисбати афроде, ки ба фурӯши чунин маводҳо машғуланд, тибқи талаботи моддаи 199 иловаи 1 Кодекси ҷиноятии Ҷумҳурии Тоҷикистон ба ҷавобгарӣ ҷалб карда мешаванд. Мувофиқи моддаи мазкур нисбати чунин шахсон ҷаримаи маъмурӣ ба андозаи аз сад то панҷсад нишондиҳанда барои ҳисобҳо ё маҳрум сохтан аз озодӣ ба муҳлати аз як то ду сол ҷазо дода мешавад.
Бо назардошти ин, Раёсати ВКД дар ш.Душанбе ҷиҳати дар фазои орому осоитша баргузор намудани ҷашни Соли нави мелодӣ, аз шаҳрвандон қатъиян талаб менамояд, ки аз фурӯшу паҳнсозӣ ва истифодабарии маводҳои тарфгарӣ худдорӣ намоянд.!

Ҷобиров Сунатулло ва Собиров Ҷумахон сокинони 23 ва 34-солаи ш.Душанбе, аз ҷониби кормандони Шуъбачаи шаҳрии милитсияи ШВКД-1 дар н.Шоҳмансур барои фурӯши маводҳои пиратехникӣ дастгир карда шуданд.
Аз номбурдагон 15-ҳазору 800-дона тарконакҳои хурди маводи тарфгарӣ дарёфту мусоидра карда шуданд.
Нисбати дастгиршудагон маводҳои зарурӣ тартиб дода шуда, мавриди тафтишот қарор дорад.