فكرة القصيدة من مخيلة الشاعر .
الخادم يتحدث ويتمنى عودة الامام المهدي صلوات الله عليه وتنتهي مصائب والام الطف..
----------
المستهل..

گلب زينب من محرم __يمته يرتاح
ترفع الراية يمهدي __ وتنزل ارماح
تخلص ايام الذبح _ماكو خيل ولا رمح
يمته يمته

___
عمتك زينب تتاني ترجع اتنصب الخيم
عدها للعباس اماني وبالأماني الله علم
ترجع اجفوفه وعيونه وهاي تتمنى الخدم
انت البعينه يمهدي مايطب كون السهم

لا سهم لاينجرح ---- ماكو خيل ولا رمح

__

هالسنه بلكت يمهدي مايمر طاري الذبح
بيك يعله حسين راسه كون مايعله برمح
كلبك مشيب يمهدي ماكفاك من الجرح
شحت الدنيا وي جدك وأنت ماعايز تشح

وانه اعرفك ماتشح ----- ماكو خيل ولا رمح
__

ترد شايل رايه بيدك ينتهي اطويل السفر
ريت ما نسمع عطاشه تجيب وياك النهر
يرجع حسين بضحكته ومايحزونه النحر
والكمر يرجع لليله جان زعلان الكمر

يرجع وما ينذبح ___ ماكو خيل ولا رمح

__

افيايكم يرجع يمهدي وما تجويكم شمس
ترد جايب شمع بيدك جاسم ايكمل العرس
ترد ضحكت كلب زينب ينتهي الصاير امس 
تنتهي ذيج البواجي كلشي يرجع بالعكس

كلشي يرجع ينمسح… ماكو خيل ولا رمح

_

تكبر ارقيه يمهدي ومايموت الكم طفل
وانت تلزم جف رقيه كافي من شد الحبل
يرد عبدلله بحلاته ومايحز نحره النبل
ويرجع الاكبر شبابه هذا بس كونك تهل

ترد يا واهس صبح ___ ماكو خيل ولا رمح

____

احمد الجنابي
07804781993
تيليكرام

بسم الله الرحمن الرحيم
سوف يتم نشر قصائد محرم الحرام
للعام الهجري 1445
ومن الله التوفيق

قصيدة السيدة زينب عليها السلام... (تقرأ شور كعده وأيضاً ثكيل)

المستهل..

هذا الجره علينه تره
من أوله والآخره
بنص الزلم تركض مره
ياخويه.. ياخويه
____
النصالأول.

رحت ياخويه من اديه وروحتك كلش تعب
سبب موتك انا اعرفه عدله ما عرف السبب
كون اموتن وره موتك هو هذا الي وجب
والمعاتب موش وكته كلبي شايلك عتب

مات الصدك مات الصدك
وحسين اخيي منسحك
ضاع الربه وضاع العشك

ياخويه.... ياخويه
____
النص الثاني..

طاحتوطگو سكينه ركضت ابين الزلم
كون ترجع عدل خويه  والحصل كله حلم
كون يرجع عبد يكبر كون ترجع يالشهم
ماعرف لو ردت اهمن بيك اهم لو بل يهم

راحت بعد ذيج الزلم
راح الشهم ماضل شهم
واقع حقيقه ومو حلم
ياخويه.... ياخويه
__
النص الثالث..

حيل مشتاگه الضحكتك راح طولك يالترف
احنه بس سبعين حرمه همه بس سبعين الف
كلها غربه الناس هايه ومايصح بيهم عرف
شردت ارقيه يخويه بس يدليهم نزف

بس الشمر مامش عرف
عادي الكسر عادي النزف
وعيوني تبجي وما ترف
ياخويه.... ياخويه
_____
النص الرابع..

رمل هاي الكاع يجوي وفركتك تجوي جمرخويه خمسين انه عمري شركض انه بهل عمر
هذا ذباحك يخويه اعليه كل ساعه يمر
كمت ادور الكمر وينه كمت اشوفن بس شُمر

ياخويه كوم امن النهر
يحمينه شو محد كدر
طگو خواتك يالكمر
ياخويه.... ياخويه
_____
النص الخامس..

خلص وكت حسين غفله وهوه توه مابده
خويه كوم ألحك خواتك ضاعت ابين العده
والجرهأعليهه لبابه اعليه نفسه الي سده
كلها بس اترد ضحكتك كلها يا خويه فده

حيره بعد موتك شكو
لامن ولد لا من اخو
غربه وبعد مامش ابو
ياخويه... ياخويه
_____
النص السادس..

ليله هاي اتريد ابنها والرباب اشكد بجت
جر الاكماط امن اديهه سكته هيه وماحجت
وانطفت شمعة حياتي وشمعة القاسم طفت
والعليل ابلايه حيله كلشي خلص وانتهت

ضاع الربه وضاعت ولد
تروح الزلم عنه وترد
مردوها ياروحي مرد
ياخويه.... ياخويه
__
احمد الجنابي
محرم الحرام 144 4
للإستفسار واتساب تيلكرام
07804781993

قصيدة عبدالله الرضيع والرباب صلوات الله عليهم
_______
المستهل.

وين اضمك جاي ادور __ بلكي لو دفنك تخضر
___________
النص الأول.

جابك احسين واجاني سابح بدمك سبح
واكف وطاح اعله وجه يبني ياوجه الصبح
ازغير بعدك يا حبيبي وينك وين الذبح
انت مال مناغه يبني يبني مو مالت جرح

حضي جان وياك مايل
عاد لو بس يمه كايل
وين ادفنك.. وين ادفنك
___________
النص الثاني..

ازغير طولك ياحبيبي طولك بطول السهم
ردت بالخيمه ادفنك لجن محتركة الخيم
كمت الفك بالعبايه الجيش لو شفته هجم
كلبي لو روحي ياغالي ماعرف ياهو الچم

ضاع تعبي وضاع عمري
والجم ياهوه مدري
وين ادفنك---وبن ادفنك
______
النص الثالث..

جوه ضلعي راح ادفنك راحلك فدوه  اليدك
عدل ميت يمه احبك والله احبنك صدك
ليش رايح يانصيبي ليش رايح يالعشك
كلبي وي الخيمه يمه اثنيهن شبعن حرك

تعبي رايح على الحاضر
يمه ما بيه انه اكابر
وين ادفنك.. وين ادفنك
_______
النص الرابع..

تجوي هاي الكاع يمه وخاف ادفنك يالترف
ضيعت روحي بغيابك ضايع اهنانه العرف
ماخذتني وياك يمه وماخذك مني النزف
سهله لو مكسور ظهري ظهري يمه منخسف

ظهري فدوه يهون ظهري
بس ييمه انكسر عمري
وين ادفنك... وين ادفنك
_______
النص الخامس..

شلتك بحضني اعله كيفي لاتفز من الَوجع
ميت وتضحك يغالي كلبي بالضحكة انشلع
جيشهم هسا بعيد او وين اضمك لو رجع
ارحم امك عبد يمه الشافني اعليه انفجع

للعرس حسبالي احضر
راح اشتلك وانت خضر
وين ادفنك.. وين ادفنك
_________
أحمد الجنابي
محرم الحرام 144 4
للإستفسار واتساب تيليكرام
07804781993

قصيدة عبدالله الرضيع والرباب صلوات الله عليهم
_______
المستهل.

وين اضمك جاي ادور __ بلكي لو دفنك تخضر
___________
النص الأول.

جابك احسين واجاني سابح بدمك سبح
واكف وطاح اعله وجه يبني ياوجه الصبح
ازغير بعدك يا حبيبي وينك وين الذبح
انت مال مناغه يبني يبني مو مالت جرح

حضي جان وياك مايل
عاد لو بس يمه كايل
وين ادفنك.. وين ادفنك
___________
النص الثاني..

ازغير طولك ياحبيبي طولك بطول السهم
ردت بالخيمه ادفنك لجن محتركة الخيم
كمت الفك بالعبايه الجيش لو شفته هجم
كلبي لو روحي ياغالي ماعرف ياهو الچم

ضاع تعبي وضاع عمري
والجم ياهوه مدري
وين ادفنك---وبن ادفنك
______
النص الثالث..

جوه ضلعي راح ادفنك راحلك فدوه  اليدك
عدل ميت يمه احبك والله احبنك صدك
ليش رايح يانصيبي ليش رايح يالعشك
كلبي وي الخيمه يمه اثنيهن شبعن حرك

تعبي رايح على الحاضر
يمه ما بيه انه اكابر
وين ادفنك.. وين ادفنك
_______
النص الرابع..

تجوي هاي الكاع يمه وخاف ادفنك يالترف
ضيعت روحي بغيابك ضايع اهنانه العرف
ماخذتني وياك يمه وماخذك مني النزف
سهله لو مكسور ظهري ظهري يمه منخسف

ظهري فدوه يهون ظهري
بس ييمه انكسر عمري
وين ادفنك... وين ادفنك
_______
النص الخامس..

شلتك بحضني اعله كيفي لاتفز من الَوجع
ميت وتضحك يغالي كلبي بالضحكة انشلع
جيشهم هسا بعيد او وين اضمك لو رجع
ارحم امك عبد يمه الشافني اعليه انفجع

للعرس حسبالي احضر
راح اشتلك وانت خضر
وين ادفنك.. وين ادفنك
_________
أحمد الجنابي
محرم الحرام 144 4
للإستفسار واتساب تيليكرام
07804781993

قصيدة يوم السابع (الآن إنكسر ظهري الإمام الحسين صلوات الله عليه يتكلم مع اخيه العباس صلوات الله عليه )
المستهل

خويه... مو بس بالظهر كاسرني
عباس حتى اسمك بده يوجعني
ماكو خطوه وما طحت
مدري جم موته متت
__________________
النص الأول..

مات اخوك الناس صاحت واني وي روحي حرت
خويه مو تدري احبك ليش من هسه متت
مدري جم مره اعله وجهي طحت ياخويه وكمت
ادموع واتراب اعله خدي خويه والله اتبهذلت 

يالبسمي ما مره صحت
مدري جم موته متت
_________________
النص الثاني...

جيتك اركض ويه عمري والدرب كلش بعيد
تضحك الناس وتكلي هذا باقي ابلا عضيد
خويه تذكر من اكلك انت عايش بل وريد
الموت يادنيا هضمني ومني ماعرفه شيريد

والله ياخويه اتعبت
مدري جم موته متت
_________________
النص الثالث..

عباس ظهري ايهون فدوه وانت مو فدوه تره
بلله زلمه احملها اني اشلون تحملها مره
زينب اشتمحل يخويه وهيه هسه امناطره
رحتو كلكم من ادينه ال هاشم بال سره

صحت خويه وحشمت
مدري جم موته متت
_________________
النص الرابع..

ما مصدك تبقه نايم خاف زعلان العشك
جنت توكف من اجيلك يابعد هذا اليدك
خويه معذور انه اعذرك ما تكوم من السحك
يابعد ضلعي يضلعك وي ظهرك منطبگ

خويه بيهه اشكد حرت
مدري جم موته متت
_________________
النص الخامس..

وين نصك خويه وينه هذا مو عباسي كله
ياهو اليجمعك اليه صعبه هاي وموش سهله
عمري ما دنكته راسي بس شسوي الفرگه ذله
هذا واحد مات اخيك صاحلي خويه اشتكله

من التعب  كلهم  نمت
مدري جم موته متت
____________
أحمد الجنابي
محرم الحرام 1444
للإستفسار واتساب تيليكرام
07804781993

اللهم صل على محمد وال محمد

الرواية الثالثة الايام الفاطمية..
فكرة القصيدة..
شاهد عيان يروي ألاحداث  إلتي حصلت في صبيحة يوم قتل عزيزة الله فاطمة ع..

المستهل..
من الصبح مخنوك شفته... يمشي يعثر
يمكن ايفارك احسه............ اليوم حيدر
يبتدي شلعان الكلوب
لا هله بجيتك يالغروب
___
النص الأول..

من الصبح شفته خطيه دمعته ابعينه تلالي
وانه اعرفه دمع ابونه مايطيح الا اعله غالي
من الصبح خنكه بدأها اشلون لو صارت ليالي
ينكسر حاله عليه وينكسر حالي اعله حالي

وذاك نور الله الجنت...... بعيوني اشوفه
خفت لونه وعل الضهر...... خله جفوفه
حيله رايح منه مسلوب
لا هلا بجيتك يالغروب
_
النص الثاني.

طلع من محرابه كوه والجدام اولا  تعينه
امس جان ازغير ابونه بسرعه شو ركضت سنينه
اشراح تنزل يامصيبه شنهو راح ايصير بينه
ذيج الجفوف القويه هسه ترجف شو ادينه

من كثر مارجفت اسمع.... صوت المحابس
سعفه يرجف حيله ماكو...... ابلايه واهس
يمشي كوه شفته متعوب
لا هلا بجيتك يالغروب
____
النص الثالث..

كبل لا نحجي بجينه ونزل دمعي ويه دمعه
وضعه مو كل مره هيجي حيدر اشغيرله وضعه
بعده ما سولف خطيه و يده حطاهه اعله الضلعه
والجرع كلشي بحياته افراكمن ما بيه يجرعه

افراكمن هد حيل ابونه........ ياهو رايح
والدمع طاح اعله شنهي....شفته طايح
يمكن ايفاركله محبوب
لا هلا بجيتك يالغروب
____
النص الرابع..

ضمت عيونه سوالف كلشي جان بعينه يوحي
توني فاركت الأحبه وحتى ما طابت جروحي
امس فاركته انه اخيي وهسه راح تروح روحي
طاح ابَوي وطحت فوكه زاد نوحه وزاد نوحي

ما عرفت اعليك ابجي...... لو على امي
بويه احلفك بالعزيزه........... تبقى يمي
هذا حزني بذمة البوب
لاهلا بجيتك يالغروب
___

النص الخامس...

بويه لونك شو تغير ياجرح بيهن يلجمك
مو بوضعك ها يغالي بويه ما تحجيلي همك
دار عينه الغرفة امي وجن يكلي فركة امك
وانكسر حيلي وبجيتك واعرفت ياهي التهضمك

طاح دمعي بنص شليلي........ دمعي سكته
كلبي من صبح الله بويه........ شو هضمته
مو شمع كلبي ويذوب
لا هلا بجيتك يالغروب
_
النص السادس.

وركضت يم غرفت امي  يمه اصيحن يمه يمه
طلعت من الغرفه تركض والنحر كامت تشمه
واشبكت من خوفي بيها والدمع مابيه اضمه
ياهو المزعله حبيبي ليش هيج ارسومه ضلمه

يمه مو ترحين عني............ يمه فدوه
هيه دنيا ابلايه نورج...... شنهي تسوه
دمعي شنسويله ويتوب
لا هلا بجيتك يالغروب
___
أحمد الجنابي
. للاستفسار
واتساب
تليكرام
07804781993

فراق الامام الحسين وفاطمة الزهراء عليهما السلام.

الواقعه :  حسين فارك فاطمه
القارعه: الارض طبگت علسمه
كون من عمري لعمرج
دنيه خنگه بلايه عطرج
_________________
النص الأول..

ناحت الحمدو ويه كوثر فاركتهم بسملله
يلمشيتي ابلايه رجعه حسين ياهو ايدلله
الطير لو فارك شجرته ماضن شي يبقه اله
كلهه سهله وبس فراكج عندي اكبر معظله

الفاجعة. حال حماي الحمه
القارعه. الارض طبكت عالسمه

كون من عمري لعمرج
دنيه خنگه بلايه عطرج
______________
النص الثاني..

يمه كل يوم انه اتاني جيتج  هلبت تجين
والحنين ايموت سكته لو يفاركله حنين
مثل ماي تبده عمري وياج اخذتيهه السنين
عيني هاي الماتشوفج ما اكول  عليهه عين

الفاتحة. اقره وادموعي دمه
القارعة. الارض طبكت علسمه
كون من عمري لعمرج
دنيه خنكه بلايه عطرج
___:______

النص الثالث..

ماردت كلشي بحياتي وشوفتج روحي تريد 
هسه جني   بغاضريه بلايه اهل باقي وحيد
العاشك الفارك هلاله  يبقه عمره بلايه عيد
ثوب فركاج  ولبستهه مو حلو عليه وجديد

النايحه.     كلبي محد  يفهمه
القارعة. الارض طبكت عاَلسمه

كون من عمري لعمرج
دنيا خنگه بلايه عطرج
_________________
النص الرابع…

يمه جم يعگوب بيه منين اجيبنه الصبر
عمري لو مابيه اشوفج شلي يمه بهل عمر
صعب ملكانه وتجيني ملكه ليل وي الضهر
والهوه الميجيب عطرج بيه ما رييده يمر

الراضيه. عيني صاباهه العمه
القارعة. الارض طبكت عالسمه

كون من عمري لعمرج
دنيا خنگه بلايه عطرج
_________________
النص الخامس..

ضلمت الليل اوداعج روحي بيهن تختنك
كبل من ادخل غرفتج بين ذرعان انشبك
هسه من ادخل ييمه جن احس روحي احترك
يمه معقوله انتي رحتي يمه ماضنن صدك

الساجده  بيه لعيونج ضمه
القارعة الارض طبكت عالسمه
كون من عمري لعمرج
دنيا خنگه بلايه عطرج
_________________

الشاعر احمد الجنابي
للإستفسار واتساب تليكرام.

07804781993

القصيده بين السيده زينب والامام الحسين عليهما السلام
____
المستهل..

سولفنه بدمع حبنه ____على الغبره وتشابكنه
ماطالت يكعدتنه __مذبوح ويه مسبيه
___________
النص الأول...
جيتك اركض ها يخويه شارده من الزلم
حيل تعبانه من اكلك خويه اخافن تلجم

كوم خويه الدنيا ليل
باقي عندي اشويه حيل

يمكن اكدر بيه اوصلك يم خيمنه
ها نسيت الخيم محتركه وركضنه

بالركضه تعثرنه 
على الغبره وتشابكنه
____________
النص الثاني.
بيدك احسبهه جروحي اشصار ويانه وجره
وحده طلعلي من ادينه وحده ضماهه وره

ايد وحدهه انطااهه اليه
الثانيه ضمهه عليه
مارضه يلجمني اعرفه هذا طبعه
حسين من كد المحنه ضم اصبعه

ما نحسب تعاتبنه
عل الغبره وتشابكنه
__________
النص الثالث..
خويه كوم الخيل اجتنه وانت ماعايز سحك
روحي محتركه يخويه والخيم شبعت حرك

ذوله واحدهم رخيص
تدنه نفسه اعله القميص

شفت طفله تركض اوياهم تحاجي
انطوني هذا الثوب وانطيكم تراجي

مايرضه يرده النه
عل غبره وتشابكنه
___________
النص الرابع...
نحرك اكبالي تحرك ضلعك بخيل انفرش
جنك ادكلي يزينب ميت انه من العطش

والعطش يبس لهاتي
وبطرك روحي وعباتي

لون ترضه ابجيي دمع عيني بجيته 
حتى اكول حسين من دمعي سكيته

بس احنه تعودنه
عل غبره وتشابكنه
__________
احمد الجنابي
قصائد محرم الحرام
١٤٤٣
للاستفسار واتساب تليكرام
07804781993