Шайхасул хӀал бихьизе дуца хиял гьабуге, ХӀал бихьизе вачӀарав малгӀун абун бугебин. Кашфу-карамат бихьи дуца т1алаб гьабуге, Кашфу вилаяталъул шартІ гьечӀебилан бугин...

...Шайхасул хӀал бихьарав, гьесде инкар гьабурав, Балагьазул гьиразда гъоркье ккун гьалаглъулин. Гьел авлияаздехун игӀтираз гьабулел чи, Иман-исламги ччукӀун хун унелин кафурлъун.

«Хуласатуль адаб»
КъахӀиса XӀасан Афанди
• • •   
t.me/ihsan_avar
Телеграм-канал ИХӀСАН

Аллагьасул ﷻ вализаби пашман гьарулезе щиб кколеб?

Аллагьасул ﷻ вализаби пашман гьари, гьезда нахъасан къваригIел гьечIел харбал рицин ккола мунагь гьабилъун. КъучIаб хIадисалда буго: «ТIадегIанав Аллагьас ﷻ абун буго: «Дир вали пашман гьавулесда, гьесие зарал гьабулесда Дица рагъ лъазабулеб буго», - ян. («Имам Бухари»)

КIиго чи вуго дунялалъул рокъоб ТIадегIанав Аллагьас ﷻ рагъ лъазабурав: риба кваналев ва валиясе къварилъи, зарал гьабулев.

(«Имам Бухари», 6502)
• • •
t.me/ihsan_avar
Телеграм-канал ИХӀСАН

Гьереси бицин квешаб гIамалалдасан букIин бичIчIиялъе гIела, гьелъ унго-унгояб иман рекIелъ гьечIолъиялъе тIоритIел гьабулеб букIин.

Салимил вас Сафваница бицун буго: «Цо нухалда аварагасда цIехана муъминчи цIуявлъун вукIунищ»? - абун. ВукIунин жаваб кьуна Аварагас ﷺ. Муъминчи бахилав вукIунищин цIехедалги, вукIунин жаваб кьуна свалат-салам лъеяс. Муъминчи гьерсихъан вукIунищин гьикъидал, вукIунарин абуна аварагас ﷺ».
• • •
t.me/ihsan_avar
Телеграм-канал ИХӀСАН

Аварагасул ﷺ тIоцебесеб рузманалъулаб хутIбаялъул.

Аварагас ﷺ жиндирго тIоцебесеб хутIбаялъулъ абуна: «Ле, гIадамал, нужеца нужго лъикIал гIамалал гьаризе куцай! Нужеда лъай Аллагьас нуж хвезе гьарулеллъи ва хваралъуса Къиямасеб къоялъ рахъине гьарулеллъи. Цинги Гьес нужеда гьикъила: «Нужехъе Дир Авараг вачIун вукIинчIищ, гьес нуж битIараб диналде ахIичIищ, Дица нужее дунялалда нигIматал кьечIищ? Нужеего щиб ахираталъе хIадур гьабураб?». Лагъ кваранидехун, квегIидехун валагьизе вуго, гьесда жинда сверухъ щивниги ватуларо, цебейин абуни букIина жужахI. Гьеб жужахIалдаса нуж хвасарлъизе нужеца цо чамасдакалъул бащадабниги садакъаде кье, гьеб нужер батичIони, лъикIаб рагIиялдалъунгIаги гIадамазул ракI боххизабе. Нужеца гьабураб лъикIлъи анкьнусгоялде бахуна. Аллагьас нужеда Жиндирго цIобги лъеги, Гьевги нужеда гурхIаги!»

АС-САЛАМ №4. (2024-02-15)

КIАЛ БИХХАНИ...

Рамазан моцIалъ кIалал кквезе балугълъиялда вахарав щивав бусурманчиясда тIадаб буго. Амма ккураб кIал лъачIого биххиялдаса цIунаравлъун гьечIо цониги чи. БукIуна заман тIаде рачIарал гIиллаби сабаблъун кIал биххизе ккарабги. Амма кIал биххани, кIал ккураб заманалда бегьулареб жо гьабизе бегьулин абураб магIна гьелъ кьоларо.

Рамазан моцIалъ ккураб кIал биххиялдалъун маркIачIул как ахIизегIан кIал биххизабулел жалаздаса цIунизе тIалъула:

Бокьун, лъан кIал биххарав чи.
Рогьалил как ахIизегIан ният гьабизе кIочарав чи. Рогьалил какие заман щун батиларинги абун, кванарав чи, ай как ахIун хадуб.
КIал кквечIесе баянлъани гьеб рамазаналъул тIоцебесеб къо букIин.
Какие ялъуни черх чурулаго магIазухъан яги кIалдисан кванирукъалъубе лъимги ун кIал биххидал.
Рамазан моцIалъул цониги къоялъ балугълъараб лъимералъе, гIантав вукIун сахлъарасе, капурав вукIун ислам босарасе, сапаралдаса ватIаналде щварасе ва унти тIаса ун сахлъарасе лъикIаб буго кIал биххизабулел жалаздаса цIунун чIезе. Амма тIадаб гьечIо, рамазан моцIалъул къад къоялъ хIайиз-нифасалдаса яцIцIалъарай чIужугIаданалда гIадин.

Къокъ гьабун абуни, рамазан моцIалъул къоялъ кIал биххизе бегьизабун вугев чиясда кIал биххизабулеб жоялдаса цIуни тIадаб гьечIо. Гьеб къоялъ кIал биххизе шаргIалъ бегьизабун гьечIесда имсак (ай, кIал биххизабулеб жоялдаса цIунизе) тIадаб буго.

Капуравги вукIун ислам босараб ва балугълъиялде бахараб лъимер хутIун, цере рехсарал хутIараз кIал бецIизе ккола. Гьел кIиязего бецIизе лъикIаб буго, амма тIадаб гьечIо. КIалги ккун вукIаго лъимер балугълъиялде бахани, гьесдаги тIадаб буго имсак гьабизе. Цинги как ахIизегIан имсак гьабизе гьесда кIвани, гьеб кIал бецIизеги гьесие лъикIаб буго, амма тIадаб гьечIо.

(Босана МухIаммад Ан-Нававил «Нигьаяту Зайн» абураб тIехьалдаса) Жабир Мажидов

Имам Маликица «МуватIтIаъ» абураб хIадисазул тIехьалда бицараб хIадисалда гьадин абулеб буго: «Аварагас ﷺ абуна: «Нужеца Къуръан цIале гIарабазул бакъназдалъун, ай гьезул къагIидаялда ва гьезул тIабигIаталда ва мацIалда рекъон», – ян.

• • • t.me/ihsan_avar

Сахаватлъи.
Шираев ГӀабдулгъафур

КIал биччай хехго гьаби.

Тирмизияс бицараб хIадисалда буго: «ТIадегIанав Аллагьас абулеб буго лагъзадерил бищун Дие рокьулел кIал гIужил авалалда бичалел руго», - ян. Кири щвеялде ва нигIматазде бищун гIагарал бакъ тIерхьун хадуб гьелъул гIуж щведал нахъбахъичIого кIал биччалел ругин. Гьединлъидал гIуж щведал кIал хехго биччазе лъикIаб буго. Бищун жиндалъун биччазе лъикIабги чамасдак, гьеб батичIони лъим буго.

«Фикъгьул Мингьаж»,
1 бутIа 346 гьумер.
• • •
t.me/ihsan_avar
Телеграм-канал ИХӀСАН

ГIинзунир къазарулел наушникал ялъуни гьанже ругел вакуумниял наушникал раялдалъун кIал биххулищ?

Гвангвараялъул ракьаялдаса жанирехун унел ратичIелдаса нахъе наушникал раялдалъун кIал биххуларо. Гьединлъидал наушникал ралаго гьеб ракьа бахинаредухъ цIакъ цIодорго рукIине ккола. Аллагьасда ﷺ лъикI лъала.

(«Ал-Фатава Ал-Кубра Ал-Фикъгьия»)
• • •
t.me/ihsan_avar
Телеграм-канал ИХӀСАН