Планы па рэканструкцыі Кальварыйскага касцёла ў Мінску памянялі

Чырвонага касцёла, закрытага болей за два гады, няма ў планах па рэканструкцыі аб'ектаў у 2025 годзе.

[на русском с VPN – здесь, если не открывается – пробуйте здесь]

Рэканструкцыя касцёла Узвышэння Святога Крыжа, шасці капліц-пахавальняў і цэнтральнай уваходнай брамы на тэрыторыі Кальварыйскіх могілак у Мінску зацягваецца. Год таму мы паведамлялі аб тым, што згодна з Інвестыцыйнай праграмай Мінска на 2024 год асноўныя працы па рэканструкцыі павінны правесці і скончыць у 2025 годзе.

Праверылі свежыя дадзеныя і высветлілі, што планы змяніліся: працы не завершаць сёлета.

Чытайце далей на сайце з VPN, калі не адкрываецца – спрабуйце тут >

Добрая навіна для чытачоў з Беларусі! Выглядае, што наш канал Katolik_life не быў прызнаны «экстрэмісцкімі матэрыяламі». Верагодна, першапачаткова адбылася памылка, і гэта высветлілі толькі цяпер.

Фармулёўка суда раней была прачытана няўважліва. У рашэнні гаварылася пра тое, што ў «спіс экстрэмісцкіх матэрыялаў» унесены не канал непасрэдна, а «інфармацыйная прадукцыя, размешчаная ў мэсэнджэры Telegram у канале з назвай...».

З гэтага вынікае, што ў спіс унесены толькі пэўны кантэнт, меркавана – за 2020 год. Бо калі канал абвяшчаюць «экстрэмісцкім» цалкам, фармулёўка гучыць інакш – пазначаюць, што ў спіс уносяць увесь канал, усю старонку ў сацсетцы і г.д.

Гэта азначае, што за падпіску на канал і рэпосты апошніх паведамленняў нічога не пагражае. Калі нешта зменіцца, мы аператыўна пра гэта паведамім.

З-за няўважлівага прачытання фармулёўкі судовага рашэння мы страцілі сотні падпісчыкаў, якіх вярнуць цяпер няпроста, на жаль.

У той жа час наш сайт застаецца амаль цалкам заблакаваным для доступу з Беларусі. Каб адкрыць публікацыі, варта карыстацца VPN.

Таксама створаны канал Katolik_life у Threads, каб тыя, хто карыстаецца Instagram, пры жаданні маглі падпісацца і таксама бяспечна сачыць за публікацыямі праз гэту пляцоўку.

І па-ранейшаму абнаўляецца наша старонка ў X (былы Twitter).

На открытии Нотр-Дам президенту Франции не позволили выступить внутри собора

Общественность напомнила, что церковные здания не должны использоваться для политических выступлений.

В Париже 29 ноября после пятилетней реставрации впервые открыл свои двери собор Нотр-Дам. Первыми почетными гостями стали строители и ремесленники со всего мира, которые участвовали в восстановлении этого знаменитого католического храма после пожара 2019 года.

На открытии выступил президент Франции Эммануэль Макрон, который изначально планировал произнести речь внутри собора. Но это вызвало резкие протесты общественности, которая напомнила, что церковные здания не должны использоваться для политических выступлений, и что выступать внутри собора не разрешалось даже королям.

В результате Макрон произносил речь на улице у входа в храм.

Торжественное открытие собора состоится 7 декабря, после чего Нотр-Дам начнет в обычном режиме принимать туристов и прихожан.

Шок: беларусам у Вільні прапануюць «Андрэйкі» з варажбой і картамі Таро

На такі нонсэнс арганізатарам указаў святар беларускай супольнасці ў Вільні брат Гжэгаж Юзвяк. Але тыя адрэагавалі жартам.

Цэнтр беларускай культуры і супольнасці ў Вільні арганізоўвае «Андрэйкі» – свята з нагоды літургічнага ўспаміну святога апостала Андрэя. Яно папярэднічае Адвэнту – перыяду чакання Другога Прыйсця Хрыста і Божага Нараджэння. Звычайна ў гэты дзень ладзяць гульні і забавы для моладзі.

Аднак віленскі Цэнтр прадставіў дзень святога Андрэя як «традыцыйны дзень беларускай варажбы» і прапанаваў у праграме інтэрактыўныя варожбы і выставу карт Таро.

Гэта нонсэнс, бо варажба, таксама з дапамогай карт Таро, несумяшчальная з хрысціянствам і з'яўляецца цяжкім грахом, паколькі пры варажбе чалавек звяртаецца не да Бога, а да д'ябла.

Падрабязна аб небяспецы і наступствах варажбы на картах распавядалі святары на канале Pax.tv.

Чытайце далей на сайце з VPN, калі не адкрываецца – спрабуйце тут >

Гаворыць і паказвае Бог. Што азначае свята Хрыста Валадара, якое адзначаюць католікі

Езус зацвярджае Сваё валадарства не сілай заваёўніка, але ласкай і лагоднасцю пастыра.

[на русском с VPN – здесь, если не открывается – пробуйте здесь]

У апошнюю нядзелю літургічнага года (сёлета 24 лістапада) адзначаецца ўрачыстасць Хрыста Валадара Сусвету. Сутнасць гэтага свята тлумачыць багаслоў Франсіска Карвахал.

Ён адзначае, што цяперашняя ўрачыстасць была ўстаноўлена для таго, каб прадэманстраваць свету, які адышоў ад Бога, што Хрыстос па-ранейшаму застаецца яго адзіным уладаром.

Гэта – звернуты да чалавека заклік зрабіць наш свет больш справядлівым, зацвердзіць у ім адносіны братэрства і салідарнасці, паказаць яму евангельскія каштоўнасці і адкрыць перспектывы надзеі на будучае вечнае шчасце.

Мы распаўсюджваем Валадарства Хрыстовае, спрыяючы гуманізацыі і хрысціянізацыі таго «малога свету», у які мы пагружаныя і з якім маем справу штодня.

Чытайце далей на сайце з VPN, калі не адкрываецца – спрабуйце тут >