بموتت محمد ضهري مكسور
وضهرك يكسرة حامي الخدور
بفگد الگمر تنكسر ويسبون بعدة الخدر

@@@@@@@@@@

اه يبني الدهر غدار اه يبني
اشوف ادموع عينك من تناضرني
وكون تريد تسالني وتناشدني
ترة فگد الاخو اه يالولد هدني

فگد الاخو ايهد حيل الاخوان
واني الفگدتة سيد الأكوان
دين الله بي ينكدر ويسبون بعدة الخدر

٠

ما مندفن واهل الفتن مختلفين
واعلى الخلافة بالطمع متلهفين
نكرو وصيت النبي كل كاذب وناصبي

@@@@@@@@@@@@

بعدة بفراش المنية وما غمضها اعيونة
ويهجر أعلى النبي گالو ناس اليكرهونة
الگالو اصحابة بطمعهم بين اليردونة
توة مات اتلاقفوها گبل ليدفنونة

هستوة ميت بعدة بفراش الموت
واتلاقفو امر الخلافة الطاغوت
وصاح الحكم مطلبي كل كاذب وناصبي

@@@@@@@@@@@@@

الولد يشتغل تصاميم مجالس وغيرها بثواب الإمام الحسين وطلب مني انشر رابط القناة مالتة ندعو من الله يوفق كل خدمة الإمام الحسين عليه السلام

دومة واكفلي سند بالشدد مالي احد
غير الحسين غير الحسين

@@@@@@@@@@

حقي لو احبة واذوب بحبة دوم
وهو باسمة ما تضل عندي هموم
ما يهمني اللايم وخلة يلوم
حسين كلشي وكلشي غيرة مايدوم

نور الله الما يفل وما أريداً اني خل
غير الحسين غير الحسين

@@@@@@@@@@

بكل صعب اندب يبو اسكينة واگول
مالي غيرك يا ابن فحل الفحول
وهمي بسمة ابد ما يبقى ويزول
لو احلفة اني بالزهرة البتول

كل صعب يصبح سهل ياهو لهمومي اليحل
غير الحسين غير الحسين

@@@@@@@@@@@

بدون حبة بدنيتي يا ناس احير
اني خادم مو آلة الخدامة اصير
حسين كبر قدري وسواه جبير
المايعرفة شما كبر يبقى صغير

بدونة ابقى بحيرتي ياهو الارجة بشدتي
غير الحسين غير الحسين

@@@@@@@@@@@

شما تضيك الدنيا اندب ياحسين
كل صعب لو اندب اباسمة يلين
اني مثلة يا خلگ وين الگة وين
بخدمتة شما ضاگ حالي ابقى زين

بخيرة اعيش ونعمته وياهو تسوة خدمتة
غير الحسين غير غير الحسين

@@@@@@@@@@@

حسين بس هو السند وكت العسر
وما تركني لا وحگ ام الخدر
حلفة بالعباس مرة وانتضر
كل عسر عندك الك يصبح يسر

كلشي يتيسر الك الگلبي ياهوه مِلك

غير الحسين غير الحسين

موسى الجيداوي

سامحنة واحنة مقصرين
ياهو المثل گلبك حنين
ما عدنة غيرك ياحسين

@@@@@@@@@@

شما نقدم لو نطينة احنة ما نوفي الك
يلي گلبك ديرة النة محتوي كل هالفلك
شنطي وانت النة منطي دمك ومنطي هلك
واگف ابابك عذرنة وبالدمع من نسألك

لو ينقبل منة القليل يا ذبيحا يا قاتيل
ما عدنة غيرك ياحسين

@@@@@@@@@@@@

كلشي لو ننطي نعرفة الكلشي لعيونك قليل
يالعطائك لليخدمك مالة بالدنيا مثيل
ايصير سلطان اليخدمك والخدم غيرك ذليل
انت من تقبلنا هاية تعتبر أكبر جميل

والينقبل يمك چبير الماتقبلة ايضل صغير
ما عدنة غيرك ياحسين

@@@@@@@@@@

ياحنين اشكبرة گلبك وانت ابونة تنحسب
والابو ميعوف ابنة لو زلف عن الدرب
الما يذوب بنار حبك هذا يعني بلا گلب
يا ذنب عند اليحبك وانت غفران الذنب

ذنب اليحبك ثواب وانت للمضطر جواب
ما عدنة غيرك ياحسين

@@@@@@@@@@@

لو تصير العيشة خدمة من المهد حد الگبر
ما نوافي الفضلك احنة لو نطيناك العمر
يا تعب هذا النحسبة ومن ركضنة اشننتضر
وكلة ما يسوالة عثرة بكربلة من ام الخدر

الدنيا لو عثرت تطيح گصدت التل وتصيح
ما عدنة غيرك ياحسين

@@@@@@@@@@@

واخيرن نعتذرلك والعذر عند الكرام
وبالكرم ياهوة مثلك ياحسين وللسهام
شرعت بيبان صدرك حتة يمتد السلام
وحتة ليل الظلم يفتك وجرت نار الخيام

بفضلك احنة بهالحياة انت وي فضل الصلاة
ما عدنة غيرك ياحسين

موسى حميد الجيداوي

رايحة أعلى النوگ گوة شلون تقبل انسبي
من طحت ما خيمة ضلت عدنة ضلت بس عبي
يابو فاضل يابو فاضل

@@@@@@@@

انة الماشاف ضلي واحد بضلكم
حسافة أعلى الهزل راح امشي من عدكم
سلب من عندي كلشي البيدة ذابحكم
انة اعذركم لچن روحي التعاتبكم

عيوني شافتكم صرايع روحي يقنعها منو
وهية متعودة عليكم اخت وتعاتب اخو

@@@@@@@@

شگلك والدهر حشم علي ضيمة
وعگبك حادي بية الما آلة شيمة
ترة يوم الطحت ما ضل الي خيمة
وحرمكم شردت من النار بالهيمة

حرگو اخيامي بذبحكم والعبي صارت ستر
ابطيحتك ياخوية اني صرت كفال الخدر

@@@@@@@@

يالچنت من اشوفك كل هضم ينزاح
احس بطيحتك حملي يكافل طاح
صدگ وكت الكفالة يابو فاضل راح
وصدگ تقبل اروح بأمرة الذباح

يالچنت وحدك تضهضب مرة لو مرني زعل
اشلون تصبر يالضعنكم گوه عالهزلة رحل

@@@@@@@@@

اروح وانت تدري يالنفل لو اروح
عنكم لو رحت يمكم تضل الروح
اشلون تعيش گلي البيها مثلي اجروح
التشاهد نحر أخوها من الگفة مذبوح

الشافت اخيول اعوجية فوگ أخوها اتلاعبت
الشافت اچفوف الكفلها عالشريعة اتگطعت

@@@@@@@

ادري الراح اشوفة باليسر ياذيك
ولو ديوان اطبن تنهظم ادريك
يبو فاضل وعد من امشي راح انطيك
الخدر راية ويضل يابو الوفة ايتانيك

رايتك تنطر يمينك يالوفي بيوم الوعد
وعد ربنا وبي وعدنة والله ما يخلف وعد

تمت
موسى الجيداوي

دم مو دموع ابجيلك عن لوعتي اشكيلك
لو عالجروح
جرح الذبح شيحملة عالهزلة لا مو سهلة
زينب تروح
بجروحي اواسي الجروح صبح ومسية انوح

@@@@@@@@

ابچي الك دم مو دمع صبح ومساء
يالطحت مسلوب حتة من الرداء
نوحي الك ياجدي مو فترة رثاء
ابگلبي جمرة وما طفت يا كربلاء

لا ما تهيد اجروحي ولا لحظة ابطل نوحي
في كل زمان
عاشور كل ايامي وجن كربلاء يالضامي
في كل مكان
من عيوني لا ماتروح صبح ومسية انوح

@@@@@@@@@

عايش بلوعة مصابك يالذبيح
وغصة الك ماتهدة بگليبي الجريح
خذني إليك علي ياجدي استريح
يا من بچة لجروحك الروح المسيح

من اثيابك مسلبينك بسيل الدما مرملينك
في كربلاء
أملاك الك اسمعها تبچي وجرة مدمعها
وسط السماء
الگبرك ترد وتروح صبح ومسية انوح

@@@@@@@@@

من جروحي البالمهد بعدة يشيب
وانلچم من انذكر الخد التريب
وثغرك المضروب يا جدي بقضيب
من اذكرة بگلبي ما يهدة اللهيب

والشمر صاعد صدرك وبلارحم حز نحرك
منضر رهيب
منضر أشد من منضر الله يعين الخدر
اه يالغريب
عالرمح راسك يلوح صبح ومسية انوح

@@@@@@@@

تبقى روحي اعليك دوم امحيرة
يالطحت من فوگ مهرك عالثرة
وبالخيول اعليك طافو بالسرة
منهو مثلك من الگفة انحز منحرة

وما همك يذبحونك للخيم درت اعيونك
بيمن تحير
يالگطعوهة اوصالك يسبون تدري اعيالك
جرحك چبير
للسبي ضعنك يروح صبح ومسية انوح

@@@@@@@@

يا جرح بچة عيون ال النبي
جرح زينب والمشت درب السبي
اشلون خدر الله وخدر كل طالبي
اتشوفة يا وسفة عيون الاجنبي

الما شاف واحد ضلها اعيون العدة تصدلها
بدرب اليسر
للشام فوگ الهزل من صعدت بلا محمل
ام الخدر
طاريها يدمي الجروح صبح ومسية انوح

@@@@@@@@@

بطبت الديوان حيلي الينهدم
شلون زينب توكف اگبال الزلم
اجروحي كلها من اسولف تنلچم
ولو ذكرت اشلون زينب تنشتم

يدمي الگلب طاريها يامحنتي من احچيها
اجروحي التسيل
مهما يطول اغيابي اخذ بثار احبابي
ثاري الثگيل

ثاري بثگل هالجروح صبح ومسية انوح

تمت
موسى الجيداوي

دنت ايام خيل وذبح وارماح
واشم عطاب خيمة من الگلب فاح
دنت ايام الحسين وسالت دمعة العين
@@@@@@@@

دنت ايام عاشور وجراحة
وحس گلبي نصب مجلس مناحة

گبل الجسد گلبي لبس اسود علنها احزانة
واعلن حدادة أعلى النفس جرح العطش عنوانة
مو راية رفت للحزن روحي الترف عطشانة
مو ماي عطشانة الدمع للمنذبح شريانة

للضامي و وگع من نحرة مذبوح
شدت حيلها ومتحضرة للنوح
ونصبتها الصوواين وسالت دمعة العين
@@@@@@@@@

خلقنا الباري لجل حسين خدام
وتشب بينة تضل نيران الخيام

كلما حضر شهر الحزن كلشي يرد الساعتة
من الكاتبت اقبل لنا ولمن وصلها غدرتة
الحد ما صعد صدرة الشمر واختة العقيلة شافتة
من الگفة ايحز بالنحر وبخضابة خضب شيبتة

مواقف منها شابت حتة الاطفال
تشوف الروس فوگ ارماح تنشال
لبطال الميداين سالت دمعة العين
@@@@@@@@@

مثل طير وترد ياروحي كل عام
ومحرم عشها بي مذبوحة الأحلام

مذبوح بي اكبر حلم عالرمح شالو راسة
مايعتبر من البشر الما منجرحلة احساسة
حتة الرضيع البالمهد سهم المثلث جاسة
ويرف مثل طير انذبح وگوه يشم انفاسة

بالطف چم حلم ياوسفة مذبوح
بمحرم لو حضر تبچيلة الروح
نذكرة بطول السنين وسالت دمعة العين
@@@@@@@@@@

ما ناسينة دوم انعيش وياه
لچن ربك شهر للدمعة خلاه

كل ما گرب شهر الحزن بركان بينة وينفجر
وبيامة دمعتنة الصدگ لحسين منذورة نذر
ومدمعنة من وحدة يهل طارية لوبينة يمر
وبي مايلة الدنية أصبحت وي العقيلة ام الخدر

الأميرة أعلى الهزل بي تمشي للشام
وعگب عباس تكفل حرم وايتام
والضيم الدواوين سالت دمعة العين

@@@@@@@@@

كل ما گربت يا هاي الايام
نشم وي الهوة دخان الاخيام

واگلوبنة اتصير الخيم ونار التشب كتالة
الحرگة گلب ام الخدر من هجمة الخيالة
ومحتارة تگصد للولي لو تبتلي بعيالة
ومن عگب عباس الگمر هية أصبحت كفالة

المحد شاف منها حتة الاخيال
حسافها بايدها مشدودة الاحبال
وكفيلج تنسال وين وسالت دمعة

تمت بعون الله
موسى الجيداوي