Abaalgudkii Nebiga SCW.

Maalin maalmaha ka mid ah ayaa uu Nebigu SCW la gorgortamay nin reer baadiye ahaa oo uu kula heshiisay in uu ka iibsado faras sheegganaa oo loo yaqaannay Al-murtajiz, Faraskii markii iibka lagu heshiiyey ayaa uu Nebigu SCW kexeeyey ninkii reer baadiyaha ahaa; si uu lacagtiisa u soo siiyo. Intii jidka lasii hayey ayaa uu helay ninki dad raba faraska, waa ay la gorgortameen, qiima fiicanna way u gaadheen, markaasuu intuu Nebiga SCW la hadlay ku yidhi: faraska iibso ama waan iibinayaa, dabadeed waxa uu ku yidhi suubbanuhu: faraska miyaanan kaa iibsan? Ninkii odayga ahaa si aan habboonayn ayuu ugu jawaabay Nebiga SCW isaga oo leh: wallaahi baanan midh kaa iibin! waxana uu ka dalbaday Nebiga SCW in uu marag la yimaaddo, nin saxaabada ka mid ahaa ayaa si aan gabbasho iyo cabsi lahayn ugu jawaabay: anaa markhaati ka ah in uu Nebigu SCW faraska iibsaday. Markii halkaa ay maraysa ayaa uu Nebigu SCW soo jalleecay saxaabigii maragga furay oo uu waydiiyey: maxaad ogayd oo aad maragga u furtay? Waxa uu yidhi Khuzaymah ibnu Thaabid RC: Rasuulkii Alloow waxaan maragga u furay inaan ku rumeeyey oo aan waxyiga samada aad nooga keento aamminay. Maalinkas ninkaa saxaabiga ahi teetal wayn iyo darajo culus ayuu goobtaas kala hulleelay oo ahayd “Cidda uu marag u furo Khuzaymah isagaa ku filan” Yacnii maraggiisu waxa uu u dhigmaa laba markhaati. Bal eeg abaalgudka Nebiga SCW, iyo sida uu saxaabigaas qiimaha goonnida ah u siiyey.

Allaahumma salli wasallim wabaarik calaa nebiyinaa Muxammad.

Mid kale.. caalimku xisbi mucaarad ah iyo mid muxaafad ah afkooda kuma hadlo, balse isukeeniddooda iyo wadahadalsiintooda ayey kabuhu kaga idlaadaan, waayaha iyo waaqica ayaana taa marag ka ah.

Ugu danbayn qofka danbi uu sameeyo looma tiiriyo diinta iyo inta kalee u adeegta; hadda Balcam ibnu Baacuraa sheekh wayn oo aakhirkii shaydaanku salaan u saaray buu ahaa, sida aan abwaannadaba loogu eedayn karin midka faralagaqaadka noqda.

Wabillaahi tawfiiq.

Abwaanka eraygaasi waa uu seegay!

Asalkeedaba shaygu haddii uu danbi yahay oo aad midhaas aamminsan tahay ma jirto sabab aad ugu eegto yaraan iyo waynaanba. Wax Allaale wixii EEBBE reebay reebban, wax kasta oo uu ina farayna fartoon, mana jiro wax u dhexeeya yeelid iyo diidid aan ka ahayn meermeerin.

Diinta waxa aynnu ku haynnaa duulal gaalo ah oo la farayo, laguna eedaynayo inay ka tageen furuucda hoose ee diinta, kuwo lagu eedeeyo inay miisaanka iyo beegga xumeeyeen, kuwo lagu eedeeyo faaxisho aan looga horrayn inay ikhtiraaceen, iyada oo haddana amarrada kale ee tawxiidka iyo ka tegista shirkiga la farayey haddana lama odhanin: waa gaalo’e ha islaamaan horta.

Aayadda 33aad suuradda Al-acraaf waxa ku cad in uu Alle innaga reebay shan arrimood oo xaaraan ah, waxana loo kala horraysiiyey sida ay u kala yaryihiin. Bal eeg:

(قُلْ إِنَّمَا حَرَّمَ رَبِّيَ الْفَوَاحِشَ مَا ظَهَرَ مِنْهَا وَمَا بَطَنَ وَالْإِثْمَ وَالْبَغْيَ بِغَيْرِ الْحَقِّ وَأَن تُشْرِكُوا بِاللَّهِ مَا لَمْ يُنَزِّلْ بِهِ سُلْطَانًا وَأَن تَقُولُوا عَلَى اللَّهِ مَا لَا تَعْلَمُونَ )

“Ku dheh Rasuul Alloow waxa laydinka xarrimay uun xumaanta wixii muuqda iyo waxa qarsoon, danbiga iyo gardarrada, inaad shirki samaysaan wax aan Alle xujo usoo rogin iyo inaad ka sheegtaan Alle wax aydaan garanayn”

Quraanku mushrikiintii carbeed waxyaabo badan ayuu ku eedeeyey oo ay ka mid yihiin gaalnimo iyo wax ka sokeeya, lamana odhan inta ay islaamayaan yaan lagu eedayn wax kale. Quraanku waxa uu inoo sheegay niman aakhiro lagu cadaabayo Saqara oo loo haysto salaad l’aan, sako la’aan, hadallo danbi ah iyo aakhiro oo ay beeniyeen. Bal hadda day wixii loo haystay waa ay tiriyeen sida ku cad suuradda Al-muddasir, kumaysan kaaftoomin gaalnimada uun; illeen danbi ka wayni ma jiree.

Taasina waa qaacido loo yaqaan (gaalada ma laga rabaa furuucda shareecada) هل الكفار مخاطبون بفروع الشريعة؟
Mad’habka xoogganina waa “Haa”. Allaahumma dadka laba nebi u dhexeeyey oo xaalad goonni ah leh marka laga yimaaddo
ذو فترة بالفرع لا يراع… وفي الأصول بينهم نزاع

Intaas waxaan uga danlahaa haddiiba gaaladii sidaas loola dhaqmay oo dunuubta lagu haysto loo wada sheegay yar iyo wayn, aakhirona lagu wada cadaabay, qofka muslimka ah ee denbi sameeya maxaad u kala qaadday ee aad midna ugu ciirtay midna ugu ciidamisay, ma danbibaa sokeeye iyo shisheeye lagu eegaa?
Haaa… oo waa run in danbigu u qaybsamo yaryar iyo waawayn, balse taad u doodday waa midkee? Inaad dhehdo denbiba maaha ayaa dooddaada u qumman. Ogowna miisaanka Alle danbi waa danbi marka loo eego Alle wayne ee amarkiisa la jebiyey.

Mid kale ayaa jirta oo ah amarka iyo nahyiga, amarka Alle ina faray wixii awoodeenna ah ayaa aynnu la iman, hase ahaatee nahyiga laynaga reebay duuduub ayaa looga hadhayaa oo ma kala leh danbi qaran iyo mid qoys
"ما نَهَيْتُكُمْ عنْه فَاجْتَنِبُوهُ، وَما أَمَرْتُكُمْ به فَافْعَلُوا منه ما اسْتَطَعْتُمْ"

Haddaba heesaha iyo muusiggu waxa ay soo gelayaan kuwaas duuduubka looga tegaayo, “kama maarmi karo iyo waan ku qayilaana” sharcigu ma qoro, “ilaa aad adduunka soo islaaxisona anigu waan sii wadayaa” dood qumman oo quwad leh maaha. Qof waliba halkiisa iyo hoygiisa ayuu ku amran yahay, aakhiro innaga socon mayso “Ilaahayoow Soomaali islaynaysa oo dhiiggu tifleeyahaan la noolaaye, heestu ma hawl bay leedahay!”

Haddii aad odhan lahayd: heestu waa danbi waana xidhiidh ka dhexeeye Alle iyo addoonka ee yaan lagu mashquulin, waayehee gaalnimada, dilka iyo dhacuba waa xidhiidh ka dhexeeye Alle iyo addoonkiisa’e ee maxaa innaga galay? Qofkii doonaa ha islaamo kii doonaana ha gaaloobee maxaa dadka innaga galay? Hawsha noocaaas ahina waa dood jaban oo meeshaba ka saaraysa masuuliyadda dacwadeed iyo midda diineed ee Alle innagu maamuusay!

Mid kale aan raacshee ma culimadaan hadh iyo habeen ku hagoogan dhiigga muslimka ah ee qulqulaya? Ma iyagaan maamulxumada iyo musuqmaasuqa aan ka hadal? Ma iyagaan tacaddiga iyo ku tumashada maatada aan ka digin? Ma iyagaan isunaxariisashada iyo ilaalinta masaakiinta aan ina farin? Ninka intaasba “maya” leh waa warmooge aan masaajidda iyo muxaadarooyinka duuban war u hayn!

C ku gar lahaa dagaalkii isaga iyo Mucaawiyah dhexmaray hadana uu yidhaahdo waxa uu Cali R.C u dagaalamayay xukun raadis iyo kursi doon??
Waa wax aan is qabanayn waayo arrinka danbe ayaan ahayn wax ka sugan Ibnu Taymiye!!

Fiid wanaagsan dhammaantiin.

Xasan Daahir - Weedhsame iyo Ibnu Taymiyah 3

Waxa uu weedhsame si cad uga been sheegay hadal uu Ibnu Xajar kasoo raray, oo sidii caadada u ahayd uu turjuntay, waxa hadalku ku jiraa kitaabka Ad-Durarul Kaaminah ee Ibnu Xajar leeyahay oo uu ku soo uruuriyey sooyaalka culimadii qarnigii 8aad ee muslimiinta soo maray.

Hadaba Ibnu Xajar markii uu ku jiray sooyaalka Ibnu Taymiyah ayaa waxa uu xusay dooddihiisa dhexmaray Ibnu Taymiyah iyo firaqdii kale ee shiicada, khawaarijta, falaasifada iyo ashaaciradaba lahaa isaga oo kahormariyay soo naqlinta taariikhdaas ammaanta Ibnu Taymiyah iyo sheegista fadligiisa kana danbaysiiyay xusidda dhacdooyin tusinaya caqli badnida iyo wanaaga Ibnu Taymiyah.

Hadaba waa maxay waxa ku kelifay Weedhsame in uu hadal Ibnu Xajar kaga warramayo eeddo ay Ibnu Taymiye ku eedeeyeen dadkii kasoo hor jeeday in uu u tiiriyo Ibnu Xajar? Ibnu Xajar miyuu waafaqsan yahay hadalka lagu eedeeyay Ibnu Taymiye??

Waxa qaacidada cilmiga ahi ay tahay qofka soo weriya dood laba dhinac dhexmartay haddii aanu u muujin waafiqid labada daraf mid ka mid ah uu waafaqayo waxa uu noqonayaa keli ah soo wariye, waxa ay culimadu qaacidadaa ku cabiraan marka ay leeyihiin:

ناقل الكفر ليس بكافر.

Intaa kadib dooddu waxa ay noqonaysaa miyay sugan tahay in Ibnu Taymiye yidhi: "Cali waxa uu udagaalamayay xukun doon ee diin uma dagaalamayn"?

Jawaabta oo kooban waa: Maya kama sugna hadalkaas iyo wax la macne ahi toona Ibnu Taymiye, iskaba dhaafe waxa ka sugan hadalkaa lidkiisa oo ah in aanay sax ahayn in la yidhaahdo Cali R.C waxa uu u dagaalamayay madaxnimo raadin oo ah sida ay khawaarijtu ku andacoodaan, waxa se ay ku celceliyaan shiicada iyo firaqda Ibnu Taymiye qaniinsani hadalo ku jira kitaabka Minhaaju Sunnah oo idiinka muuqda sawirada qoraalka ku lifaaqan, kuwaas oo dhammaantood ah raacraac iyo dood ku aaddan cidda gaalaysiinaysay Abu Bakar R.C iyo Cumar R.C iyo Cusmaan R.C iyaga ku dooddaya in Abu Bakar R.C iyo Cumar R.C iyo Cusmaan R.C ay ahaayeen gaalo xukun raadinaya oo madaxtinada jecel kadibna Ibnu Taymiye waxa ka mid ahaa jawaabaha uu bixiyey:

"وإن جاز أن يظنّ بأبي بكر أنه كان قاصدا للرئاسة بالباطل، مع أنه لم يعرف منه إلا ضد ذلك، فالظنّ بمن قاتل على الولاية - ولم يحصل له مقصوده - أولى وأحرى" منهاج السنة 2/342

"Haddii ay sax tahay in la caqiideeyo in Abu Bakar R.C ujeedkiisu ahaa madaxnimo doon aanu gar ulahayn, iyada oo aan looga baran taas liddigeeda mooyaane wax kale, in laga malaysto ruuxa ku dagaalamay xukunka ee aan helin ayaa ka mudan"

Doodda noocan ah waxa loo yaqaan الإفحام والإفتراض الجدلي oo ah in aad xujada qofka kaasoo horjeeda isaga ku celiso, oo tusaale ahaan aad tidhaahdo waxa aad xujaysatay waxa ka dhalanaya burburka dooddaada aad dhistay ee التبني oo ah in uu isagu aaminsan yahay xujada ama waxa ka dhashay.

Qofka in yar ka dhigtay cilmiga usuulul fiqhiga waa uu kala garanaya labada qaybood ee hadalku u qaybsamo oo kala منطوق iyo مفهوم manduuqii Ibnu Taymiye ee ahaa Cali R.C baa madaxnimo u dagaalamay iyo mafhuumkii toona ma keeni karaan kuwa u tiirinayaa ee waxa kali ah ee ay ku tiirsan yihiin waa hadal ku jira dood kala dhaxaysay qofkasoo horjeeday oo uu ku xujaynayay!!

Hadaba waxa aynu leenahay majiro hadal uu Ibnu Taymiyah ku sugayo in Cali R.C uu u dagaalamay kursi iyo madaxtimo , laakiin waxa ka sugan in taas liddigeeda oo waxa uu yidhi Ibnu Taymiyah :

"يقولون – أي أهل السنة – أن المسلمين لما افترقوا في خلافته فطائفة قاتلته ، و طائفة قاتلت معه ، كان هو وأصحابه أولى الطائفتين بالحق ، كما ثبت في الصحيحين...... فعُلم أنهم كانوا أولى بالحق من معاوية رضي الله عنه و أصحابه". منهاج السنة (4/358 ).

"Waxa ay ahlu sunnuhu leeyihiin muslimiintu markii ay isku khilaafeen khilaafadiisa -Cali R.C- kooxi waa ay la dagaalantay, kooxina garabkiisa ayay ka dagaalantay, isaga iyo kooxda garabkiisa ka dagaalantay ayaana xaqu usugnaaday, sida xasiisaynka ku sugan…..sidaa waxa lagu ogaanayaa Cali R.C iyo asxaabtiisu xaqa uga mudnaayeen Mucaawiyah Alle haka raalli noqdee"

Hadaba side suurogal ku tahay in Ibnu Taymiye caqiideeyo in Cali R.

C uu u geedfadhiistay inanta Abii Jahal isaga oo Faadima qaba ay faadima dhibsatay, hadaba haddii lagu gaaloobayo in faadumo la dhibo sida aad aaminsan tahay (hadaad tahay shiicigow) waxa ka dhalanaysa in aad Calina R.C gaalaysiiso haddii aan lagu gaaloobayna Abuu Bakar ayaaba waciidka uga fog Cali R.C …sidoo kale waxa la odhanayaa: Faadima R.C waxa ay dhibsatay arrinkaa kadib dhibsashadii Suubanuhu N.N.K.H uu dhibsaday, sidaa daraaddeed in la iska ilaaliyo in aabaheed la dhibo ayaa waajibnimo badan.
Waana sida uu yahay xaalka Abu Bakar R.C waayo waxa uu iska ilaaliyay in uu weydaarto dariiiqii Suubanaha N.N.K.H …….. qofka u ufiirsada xaalka Abu Bakar iyo sida uu u ilaalinayay amarka Suubanaha N.N.K.H waxa uu xukumayaa in xaalkiisu ka dhamaystiran yahay kana fadli badan yahay kana sarreeyo xaalka Cali R.C , labadoodubana waa laba madax oo waaweyn oo ka mid ah awliyadda Alle ee Alle ka cabsiga badan iyo xisbiga liibaanay iyo adoomaha saalixiinta ah iyo kuwii usoo hor maray diinta ,Suubanahana N.N.K.H ka agdhawaa waana kuwa xareedda Jannada ka cabaya, sidaa daraadeedbuu Abu Bakar waxa uu odhanayay : "Alle ayaan ku dhaartaye qaraabada Suubanaha ayaan ka jecelahay in aan xidhiidhiyo qaraabadayda" waxa kale oo uu yidhi: "Ilaaliya Muxammad iyo ahlu baytkiisa" waxa weriyey Bukhaari, LAAKIIN UJEEDKU WAXA UU YAHAY HADDII AYNU KASOO QAADNO IN ABUU BAKAR R.C DHIBAY UMA AANU DHIBIN DAN UU ISAGU GAAR U LEEYAHAY WAXA UU ADEECAYAY ALLE IYO RASUULKIISA XAQA CIDDA MUTAYSATAY AYUU GAADHSIINAYAY , CALINA ALLE HAKA RAALLI NOQDEE UJEEDKIISU WAXA UU AHAA IN UU LA GUURSADO OO DHIBKEEDA WAXA UGU SUGNAADAY DAN HALKA ABUU BAKAR KA GEDDISAN YAHAY. WAXA LA OGAANAYAA IN ABU BAKAR UGA FOG YAHAY DHALLEECAYNTA KA DHALANAYSA IN LA DHIBO FAADIMA CALI R.C" ufiirso akhriste waxa ay dooddu ku dhisan tahay waa kasoo qaad aan xaqiiqo uu caqiidaysan yahay Ibnu Taymiye ahayn, waayo Ibnu Taymiye ma caqiidaysna in Cali iyo Abu bakar midkoodna dhibay Faadumo ee waa dood uu rabo in uu kusoo afjaro ninka shiiciga ah.

4- Hadaba waxa aad halkaa ku ogaatay hadalka uu weedhsame ula tacaamulay sidii caqiido uu Ibnu Taymiye caqiidaysan yahay keli ah waa kasoo qaad ay dooddi keentay oo afka carabiga ah lagu yidhaahdo "الإفتراض الجدلي " Halka afka ingiriisiga ah lagu yidhaahdo " the Logic Dialectic"

5- Waxa kale oo ka muuqata qoraalka weedhsame khalad mandiqa ah ee afka qalaad lagu yidhaahdo "fallacy of Equivocation" afka carabigana lagu yidhaahdo "مغالطة التلاعب بالألفاظ" oo ka dhigan in aad macnaha erayga dooddu ku dhisan tahay ka dhigto mid aad adigu leedahay ama curisatay kuna salayso macanahaas dooddaada oo dhammaystiran.

Runtii waa aan soo koobkoobayaa kadabataga abwaanka aniga oo tixgelinaya waqtiga akhristuhu bixinayo, waxa aan rajaynayaa in uu abwaanku si waafi usoo bandhigo hadalada uu Ibnu Taymiye uga dhigayo dhaliisha isla markaana aanu ku kaaftoomin usoo afniqida soomaaliga isaga oo meesha ka saaraya hadalkii carabiga ahaa ee Ibnu Taymiye.

Duhur wacan dhammaantiin..

RAMADAAN 15aad:
Ramadaan badh baa tegay ninkii rubuc u haystoow'e
Wax kastoo la tiriyaa runtii malaha raandhiise
Rogaal-celinta wuu sii ordaa faraska rooraaye
Rakaadkana barmiil buu cabbaa ramadka jiilaale
Bal rukumo intaa kaaga dhiman camal ku raadeeya
Abdiqani Agaabeeye

Haddaan dhibicdu naxariis lahayn dhiro ma beermeene
Hadalkii qalbiga laga dhehaa hoos u dhaadhaca'e
Dhawaaqii dibnaha uun ka yimi dheg uma taagaane
Carrabkaa dhuryamayee Cabdoow laga dhawaaqaayo
Waxa dhegaha laba looga dhigay inaad ku dhawrtaaye
Dhimbiilaha ka duulaa dibnaha waa dhadhaab culuse
Dhaaxay dhibaatooyin iyo dhaxal xun reebeene
Hadal adiga kula dhumuc yar baa dhala masaa'iibe
Weedhaada dhugo oo ha odhan erayo dheeldheel ah.

Cabdiqani

?Ma ogtahay ducadu
?Ma dayacanto'ee
?Durba waad heshaa
?Ama waa difaac
?Iyo belo dabbaal
?Ama jeer danbiyo
?Daarta aakhiraad
?Ku danaysataa!
~Cabdiqani

-Taageeradaadaa Alloow lagu tisqaadaaye
-Cidda aanad tabantaabinayn tamar ma yeeshaane
-Taakulo nimaan kaa helayn toos u socon waaye
-Waa tacab-khasaar ruuxa aad tukubin waydaaye
-Tircin baannu kaa tuugnay iyo talo samaataa.
~Cabdiqani