صدر برنامج الفحص واقتربت النهايات و تم تفعيل وضع الزنقة 😁😁...
الدكتور أحمد بهذا البوست رح يحكيلكم تجربته وعلاماته بالفصل الثاني وكيف جاب #تسعينات بوقت قصير ، وبعض الخطط المنقذة والإسعافية .. 🔥*
👈🏻*** فرصة لاتفوتوها، على الرابط:
https://www.facebook.com/share/p/GVZhRLYfymLTZ1Zp/?mibextid=oFDknk

بوست بعنوان - ضايع ومشتّت -

بعد نزول برنامج الامتحان.. اغلبكم صار يعدل خططه وماعد عرف شو يعمل واكتئب وحرفيا ضاع

روّق.. اهدى.. خود نفس ❤️

نحنا حالياً على بعد شهر ونص الا شوي من الامتحان.. هالفترة كافية جداً انك تقلب الطاولة فيها وتنتقل من القعر للقمة 👌🏻

ماتشوف غيرك شو خلّص ابدا.. شوف انت شوعم تخلص وخلي هاد معيارك

ماتصير تشلف بالدراسة لتخلص.. شي صار يقلي حادرس بدون فيديوهات شي حيدرس مادة مادة شي بدون دورات هالشي غلط 🚫

اذا انت خالص اغلب المواد..
خليك ماشي متل ما انت لاتكمل مادة مادة مشان ماتمل ويقل انجازك.. هدفك الاول تخلص كل المواد قبل ماتبلش اسابيع الامتحانات والهدف الثانوي انك تراجع كم شغلة قبل ماتبلش تشريح

اذا مانك بلش لسا او مبلش بشكل شبه معدوم
ركز خلال هاد الشهر عالوراثة والفيزيولوجيا فقط
انجز فيهن قد مابتقدر
الاحصاء لاسبوعها
الانجليزي لاسبوعها مع قتلة من الدكتور براء 😁 ماتخافو الدكتور براء عندو الحلول ان شاء الله
بيضل عنا التشريح.. منتركلها ايام معينين بحيث تخلص من الصفر وتتراجع حسب خطة بينزلوها الدكاترة قريباً

اوعك ثمّ اوعك تشوف غيرك مقصر ف تقول يلا ماحدا ملحق وماحدا حيجيب علامات وسعري بسعر غيري
نهاية الفصل التاني حتشوفو علامات مو متخيلينها.. رفيقك يلي كان جايب 60 حتلاقيه جايب 90
ف كون انت من هدول الاشخاص لسا الخيار بايدك ونحنا معك
بالتوفيق ❤️

د. ايمن كيوان

#Soft_Skills >> أَوقدِ نارَ حماستك 💪🏼

السلام عليكم أصدقائي 👋🏻

إذا نظرنا للناس الناجحين والملهمين بالعالم وبالمقابل الناس الفاشلين والمحبطين، يا ترا شو الفرق بيناتن ؟
تأكدوا انه الفرق ما هو بالذكاء ولا بالقدرات الموروثة، الحقيقة الفرق بيناتن هو الحافز والرغبة الداخلية بالنجاح ..

الشخص الناجح ويلي محقق إنجازات مهمة بحياته بنلاقيه دائم المحاولة انه يحفز نفسه للأفضل ويستمر بالسير على درب أهدافه .. بيرفض يترك سفينته للحياة تحركه متل ما بدها وشعاره دوماً (احرصْ على ما ينفعُك واستعنْ بالله ولا تعجز) ✊🏻

بينما الشخص الفاشل بتنعدم دوافعه ودفاعاته الداخلية، فبصير متل السفينة بدون محرك بوسط البحر، بتحركها الأمواج متل ما بدها بدون مقاومة !

أكيد ما حدا فينا بيتمنى يكون الشخص الكسول يلي بعاني دوماً من مشاعر الندم والذنب لأنه عنده مهام متراكمة عليه إنجازها وهو تاركها وسارد عالفيسبوك ..

من هي المقدمة كلها بتجي أهمية #الحافز_الذاتي يلي هو موضوعنا لليوم ~
ليش الدافع مهم هالقد ؟
مهم لأنه أي فعل بحياتنا بيتبع هي السلسلة:

دافع >> فعل >> نتيجة

بالتالي عند انعدام الدافع ينعدم الفعل، لهيك الدافع هو شي كتير ضروري وما بقدر انتظر الآخرين ليعطوني ياه >> هالشي بوضح لنا أهمية الدافع الذاتي بشكل خاص

القدرة على تحفيز الذات هي مهارة بتمكنك من التحكم بكتير جوانب بحياتك، لأنه الاستسلام للكسل والمماطلة ممكن يجعل حياتك هباءً منثوراً ..

- لحتى نشعل الحافز الذاتي رح نتبع 3 خطوات:

1- ركز على قيمة الفعل:
لما تكون قيمة الفعل واضحة بالنسبة الك بكون الحافز قوي.. فمثلاً انت لما تجوع ما رح تماطل وتأجل الأكل، لانه أهمية "فعل الأكل" واضحة جداً بهاللحظة ..
على نفس النمط، أي مهمة عم تأجل إنجازها ارجع خطوة للوراء وفكر بقيمتها أكتر ..
وهي فرصة لنغير نظرتنا عن طلب العلم يلي اتحول لبصم مناهج وتقديم امتحانات ..

طلب العلم غاية سامية جداً لأنه فيها تحيا الأمم ويحيا البشر .. متل ما الأمة بحاجة لمين يدافع عنها ويموت كرمالها؛ هيي بحاجة أكتر لمين يعيش في سبيلها ويهديها العلم النافع .. رب العالمين غرس فينا حب العلم بدليل إذا حدا نعتك بالجاهل رح تعصب!! بينما اذا مدحك بالعلم (حتى لو كذب ومجاملة) رح تنسرّ  ^^ دليل على أنه الإنسان مفطور على حب العلم .. رح اتركك تفكر بباقي قيم العلم بعد ما قلك هالبيت:
إن الأكابرَ يحكمون على الورى ~ وعلى الأكابرِ يحكمُ العلماءُ

2- اجعل هدفك ذو صلة بالواقع:
الإنسان خُلِق من عجل .. بدو نتائج فورية ..
هدا واحد من الأسباب يلي بتخلينا نأجل الدراسة ونتحجج بأنه الامتحان مطول .. وبصراحة هي حقيقة وموجودة عند الكل ..
الحل انه نربط الهدف البعيد بشي من الحاضر ..
خلونا نجرب ..

دراستك لمادة الفيزيولوجيا رح تخليك تقدم منيح بالامتحان وبالتالي ترفع معدلك .. كتير حلو .. لكن شو فائدة هالشي هلأ !!
فائدته انه تعلم شي جديد بغير الوصلات العصبية بالدماغ وبالتالي بيرفع كفاءة دماغك ..
التعلم بحد ذاته بلبي حاجة دفينة بالإنسان هي حاجة الإدراك والمعرفة يلي بفضلها رب العالمين كرمنا على سائر مخلوقاته .. إضافة إلى أنه الفيزيولوجيا بتعرفك على آلية عمل أجهزة الجسم .. كيف بيتحول التنبيه لإشارة يفهمها الدماغ وكيف بصير نقل الدم والتنفس وكيف بتشتغل الكلية وغيره .. شي ممتع الصراحة 🤩

3- غير تسمية الهدف:
نظرتك للهدف بحد ذاتها بتفرق .. خلي تسمية هدفك دائماً فريش وممتعة ومحفزة بالنسبة الك لتقوم بواجبك ..

هي الخطوات التلاتة يلي ذكرها الأستاذ Simon Lee تحت عنوان Activate your motivation .. وهي الخطوات بتفيدنا وقت نعاني من عدم الرغبة بالقيام بمَهمّاتنا .. فإذا طبقت هي الخطوات رح تشعر بالحماس من جديد 🔥

لكن الموضوع مو كبسة زر وهو بحاجة للممارسة بشكل مستمر لحتى يؤتي ثماره ويصير تلقائي 😉

طيب بعد ما صار الحافز أقوى من الممانعة شو لازم اعمل؟؟
لتخلي شعلة الحافز تشعل عنجد وتتحول لنار تحرق المماطلة والسلبية؛ لازم تتبع هدا الحافز بخطوة عملية .. خطوة تثبت صدق عزيمتك وإرادتك "فإذا فرغْتَ فانصبْ" 👌🏻

الحقيقة انه تشجيع نفسك لأخذ هي الخطوات الصغيرة كتير مهم .. لانه بس تحقق نجاح صغير بفهم فقرة أو فصل ما؛ رح تزيد ثقتك بنفسك .. زيادة الثقة رح يعقبها عمل بجدّ أكتر، ووقت تلاقي حالك وصلت لمستوى جيد وفهمان كل التفاصيل فهدا بحد ذاته دافع لتكمّل .. الناس دائماً عندها الرغبة بالقيام فيما تُحسِن

خلي ببالك انه التحول من أقصى اليسار لأقصى اليمين فوراً شي مستحيل .. وكذلك التحول من الكسل إلى النشاط والهمة العالية .. لذلك نحنا بحاجة للمثابرة وإتباع الخَطوة الخَطوة لتحصيل نتائج مرضية بإذن الله

صار وقت الجدّ 🏃🏻‍♀️
موفقين جميعاً 🙏🏻

#Activate_Your_Motivation 🌟
@Ishraaqaa || إشراقة

"فيديوهات ترميمية لافكار الكتاب"
صارت جاهزة للجهاز العصبي المستقل بالفيزيولوجيا عالتطبيق ضمن كورس الدكتور عبد الرحمن الحلو ❤️

هي الفيديوهات بتتضمن كلشي جمل وفقرات ما انذكرت ضمن الكورس الأساسي.. بالإضافة لشرح الرسومات ضمن الفصل وشرح العبارات غير المفهومة بوضوح

بعد مشاهدتك لفيديوهات الكورس الأساسي وهي الفيديوهات بتكون من خلال الفيديوهات بس مريت ع كل معلومة وسطر بالكتاب ✅🔥

عم ينزل حاليآ لكل الفصول بالمادتين وراثة-فيزيو وحيكتملو عالتطبيق خلال مدة قصيرة 😌

#Students_Help >> #Stay_Focused 🎖

#التركيز هو كلمة السر لفعل أي مَهمّة أو أي شيء متقن عليه القيمة .. لكنه موضوع واسع اخترنا منه فكرة واحدة في غاااية الأهمية لنجاوب على سؤال متكرر ~ شو المشكلة بأني أدرس والموبايل بإيدي والواي فاي شغّال ؟!! 📲

تخيل انت عم تدرس تشريح وغرقان بين الضفيرة العضدية والغدة الكظرية .. مخك هلأ عم يشتغل بهدا الموضوع بالذات .. وفجأة !! اجاك إشعار على فيسبوك .. طبعاً فضولك ما بقا يتحمل وفتحت فوراً لتشوف شو جاييك، وسردت ربع ساعة .. هون انت قطعت فجأة عمل المخ لكن(هون النقطة المهمة) انت بهالحالة طبقت ما يُسمى Multitasking أي تعدّد المهام والمخ ما بينتقل من مهمة لمهمة بشكل سريع و تام وإنما بيبقى فيه بقايا من المهمة السابقة تسمى رواسب الانتباه .. يعني انت وعم تتصفح نت مخك لسا ما فضي من التشريح ..
انتبهت ورجعت للتشريح .. بكون بدك وقت لتوعى وين كنت وتفوت بالمود مرة تانية و فيه بعقلك رواسب انتباه من الفيس .. وهكذا .. كل ما تنتقل من مهمة لمهمة عم تنقل رواسب الانتباه وتاخد وقت لتركز بالمهمة التانية، والنتيجة ؟
عمل ضحل غير متقن .. أفكار ما تركتلها المجال انها تتعمق بذهنك لتنفهم بشكل جيد .. وقت كبير ضائع وجهد مُستنزف بدون داعِ
لهدا السبب حكينا بالبوست السابق انك ما تفتح الموبايل طوال فترة دراستك حتى باستراحات البومودورو لأنه كل هدفنا من بومودورو هو رفع مستوى التركيز لا القضاء عليه !!

الحل ببساطة، إذا عم تدرس من مصدر ورقي فحاول تتخلى عن الموبايل بوقت دراستك ..
إذا عم تشوف الكورس الإلكتروني أو عم تستخدم الموبايل بأي شي إلكتروني فمن الضروري جدّا ً تستخدم برنامج لحظر مواقع التواصل مع إشعاراتها لبينما تخلص دراستك .. وهون بقترح تطبيقي Stay Focused و App Block

لا توكل التحكم باستخدام وسائل التواصل لإرداتك .. بتاتاً .. لأن الموضوع للأسف أكبر وأقوى من قوة الإرادة

بتمنالكم التوفيق لدراسة فعالة ونتائج تسعدكم بإذن الله 🙏🏻🎊

#إشراقة || @Ishraaqaa

مثبتة تجمع كلشي اختبارات عملناها ❤️

الاختبار عبارة عن: شوية دورات مهمة.. + اسئلة نموذجية فكرتها مهمة قد تأتي او نكشة بين السطور + بعض نكشات المدرج

📌الفصل 1:
https://t.me/prexphysio/774
اختبار خاص لفقرة المستويات:
https://t.me/prexphysio/808
📌 الفصل 2:
https://t.me/prexphysio/835
📌 الفصل 12:
https://t.me/prexphysio/880
📌الفصل الرابع:
https://t.me/prexphysio/903
📌 الفصل الخامس:
https://t.me/prexphysio/938
📌 الفصل السادس:
https://t.me/prexphysio/967

كل ما يزيدو فصل رح نضيفو عهي الرسالة 👾

كل شخص لسا ما بلش دراسة لهلا، ومالو عرفان شو يعمل.....

هادا البوست بهمك كتير ❤️

https://t.me/dr_oghli/512

@PRE_X

تجربة الدكتور ايمن كيوان في مادة الفيزيولوجيا بعلامة قدرها 93 🔥❤️

https://www.facebook.com/groups/262410263046823/permalink/403699202251261/?mibextid=W9rl1R

شو كان الفطور اليوم؟ 😇😂

بما انو بكرا وبعده عطلة، مشان ما تتعطل دراستك.. او اذا بيتك بعيد عن المكاتب وساكن بغير محافظة، منقدملك خدمة توصلك من خلالها الاكواد عالواتساب 💙🤍
بكل بساطة الدفع عن طريق الهرم/الفؤاد وبيوصلك الكود على الواتساب كصورة 😌

كل يلي عليك تعمله تتواصل مع الرقم 0940406165 على الواتساب لتاخد كامل التفاصيل

بالتوفيق والله يتقبل منا ومنكم الصيام والعبادة 💫

بهاد الوقت..يمكن ايا حدا فيكن محتاج نصيحة.. كلمة.. او مجرد خطة يمشي عليها ليقدر يكمل، وليقدر يكفّي الطريق الصعب يلي بلّشَوا..

بتذكر تماماً لما بري اكس أول مين وقف مع الطلاب بانتهاء امتحانات البكلوريا ولما بدأنا نعرفكن عالتحضيرية شوي شوي.. الوقت مر بسرعة كتير مو 👀

واثبتنا انو بري اكس هو الفريق يلي دائما موقف جنب الطلاب.. وفائدتو ما كانت بس كورسات.. وإنما ايضاً متابعة الطلاب والوقفة جنبهم.. من خلال غروبات دراسية وبرامج دراسية ومتابعة علمية واجابة عاسئلة الطلاب... كلها شغلات ما وقفنا عنها ابداً خلال الفصل ❤️❤️

المهم متل مابلشنا حنختم.. متل ماساعدنا بالبدايات حنساعد بالنهايات.. اصلاً هاد الوقت يلي انتوا عنجد محتاجين مساعدة فيه..

انطلاقاً من هاد المبدأ، قررنا فتح صف امتحاني حيرافقكن لنهاية امتحانات الفصل الاول

شو الأهداف المرجوة من الصف الامتحاني؟!

- نساعدكن دراسياً خلال الفترة المتبقية من الفصل الاول قد مامنقدر..

- حنبعتلكن برامج المراجعة الانسب الموضوعة بدقة وبتناسب كل المعايير طبعا ونساعدكن ببرامجكن الخاصة

- اكيد بهي الفترة الكل بحس حالو ضايع ومشتت، لهيك هاد المكان حيعطيك جواب لكلشي ويخليك ماشي صح ان شاءالله

- حتستفادو من تجارب غيركن والاكبر منكن يلي درسوا المواد وجابوا علامات عالية فيها

- حنقضي على الوقت الضايع ونلتزم بالدراسة من خلال تطبيق فوريست والدراسة مع بعض والرومات

- تتشجعوا كلكن مع بعض وانتو عم تدرسو المواد نفسها وتسالو بعض الشغلات الصعبة وتتشاركوا المخططات والملخصات يلي عاملينها

رابط الانضمام للصف:
https://t.me/+ulZkXg1mJaUwMjE0

بري اكس معكن من اول لحظة بالفصل لاخر لحظة ان شاءالله 🔥

#ملاحظة: الدعوة مفتوحة للكل بغض النظر عن مصدر دراستك او برنامجك، بهمنا الفائدة توصل للكل 😌