ИНЖИҚНЕР
Мирзо Карим

(Отам раҳматлик мени 3 ёшимдан ҳам ота, ҳам она бўлиб ўстирган.
Эсимда, Мирзоолим акам Тошкентда Ирригацияда ўқирди. Отам ўзи тракторчи бўлишига қарамай, фарзандлари (5 ўғил, 2 қиз) олий маълумотли бўлишини жуда истариди.
Ҳуллас, болалигимда эрка, ўжар, инжиқ бола бўлган эканман. Шоиртабиат отам, буни акаси бўлажак инжинер, бу эса инжиқнер деб, менга юмшоққина танбеҳ берар,
худораҳмати жуда беозор, хоксор инсон эди)

Инжинер ер тузади,
Хаёл кўнглим бузади,
Инжиқнер ер чизади,
Қайдасиз, отажоним?!

Тўлиб турар кўзда нам,
Чўкиб турар дилга ғам,
Кирмайсиз тушимга ҳам,
Қайдасиз, отажоним?!

Ҳамма мени шоир дер,
Баъзилари қойил дер,
Мен инжиқсиз, инжиқнер,
Қайдасиз, отажоним?!

Юрак гоҳ тўлар ғашга,
Дунё бошқа, сиз бошқа,
Ёлчимадим дардкашга,
Қайдасиз, отажоним?!

Тракторчи боласи,
Олисдадир даласи,
Кенжангизни ноласи,
Қайдасиз, отажоним?!

Мадинада эсладим,
Байтуллоҳда йиғладим,
Розимисиз, билмадим,
Қайдасиз, отажоним?!

Мозорингиз мозорим,
Сиз, айтарим, ёзорим,
Паноҳим, беозорим,
Қайдасиз, отажоним?!

Мирзо ҳам минг бир дардда,
Дийдор яқин албатта,
Кўришайлик жаннатда,
Қайдасиз, отажоним?!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg

Мана сизга кино қаҳрамон, золим қайнонаю, маккор келинлар ҳақда эмас, зеро улар ҳам кимнидир онаси, кимнидир қизи. Миллат шаънини юксалтирайдиган мавзуларга ҳам қўл урайлик.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg.

Тутҳўр балиқлар.

Ибрат!
Тошкент. Янгиҳаёт тумани.

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg

Ажойиб кўрсатув учун ҳаммага раҳмат!

http://T.me/mirzolarningmirzosi.

https://www.YouTube.com/channel/UCoRsvGN9EjQ5VZBL0iYEHQg

НАДОМАТ
Мирзо Карим

Кимдан нафрат, кимдан хато, кимдан гина,
Маҳшаргача жавоби йўқ, савол бўлди!
Бир вахшийнинг қон қўлида мурғаккина,
Етти ёшли ўзбек қизча, увол бўлди!

Ойқизчани ой юзини кўкартирган,
Гувоҳ фақат Худо бўлди, ҳилол бўлди.
Бола урган касни бир кун Худо урган,
Етти ёшли ўзбек қизча, увол бўлди!

Ҳар ғунча ҳам ўз боғида бўйга етсин,
Ота-она орзулари завол бўлди.
Энагани энасини эшак тепсин,
Етти ёшли ўзбек қизча, увол бўлди!

Ўз юртида ўлгани йўқ, хатто гадо,
Ўқимаса, извош бўлди, кулол бўлди.
Ўзга юртнинг иштиёқи қилди адо,
Етти ёшли ўзбек қизча, увол бўлди!

Эй, миллатим, боланг асра не бўлса ҳам,
Бу ҳаётда қанча мудҳиш мисол бўлди.
Топилмайди, дунё зарин қилсангда жам,
Етти ёшли ўзбек қизча, увол бўлди!

Таёқ талқон қилди, ниҳол суякчасин,
Қондошларга қондошлик ҳам малол бўлди.
Қотил тутиб урди, нозик иякчасин,
Етти ёшли ўзбек қизча, увол бўлди!

Мирзони бу юрак оҳи- қонли баёт,
Бу шеър эмас, сўнгсиз ўтли хаёл бўлди.
О, бунчалар бешафқатсан одамий зот,
Етти ёшли ўзбек қизча, увол бўлди!

http://Telegram.me/MirzolarningMirzosi

**«ДАДАЖОН»

✍ Мирзо Карим сўзи,

? Хуршид Расулов ижроси.**http://Telegram.me/MirzolarningMirzosi

ДАДАЖОН. **Мирзо Карим

Ёмғир ёғар, ёғар қор,
Қор остида қум мозор.
Қабрларнинг бирида,
Менинг шўрлик дадам бор.

Бўйларимга тўймаган,
Тўйларимда бўлмаган,
Набирасин кўрмаган,
Менинг бахтсиз дадам бор.

Дада , дада , дадажон,
Қайтмадингиз ҳеч қачон,
Дада , дада , дадажон,
Соғинаман мен ёмон.

Камситмади одамлар,
Ўкситмади одамлар,
Сўзлаб берар акамлар,
Менинг азиз дадам бор.

Улғайдим-ку дадамсиз,
Яшолмайман қўшиқсиз,
Мирзо етим деманг сиз,
Қўшиғимда дадам бор.

Қабрингизга бош уриб,
Турурман ҳаёл суриб,
Ўғлим келса югуриб,
Дерман МЕНИНГ ДАДАМ БОР!**http://Telegram.me/MirzolarningMirzosihttps://www.YouTube.com/channel/UCoRsvGN9EjQ5VZBL0iYEHQg

«Эски дўст»

✍️Мирзо Карим шеъри

? Ойбек Эргашев ижроси

http://T.me/mirzolarningmirzosi