‌

لطميه للعباس عليه السلام.
.الخوه ومعانيها

وزن تجليبه

•───✧◐◐✧───•
وفالي ابنج يبدويه اووفه الخوه

انطه چفوف أدينه  راعي المروه

•───✧◐◐✧───•
انطه چفوف  إدينه .
.وهشموا راسه

وبدوا جربته واتطشر احساسه

مو ميت نزف مجروح نوماسه

بقه بعينه السهم وعلينه يتلوه

أم عبــ✍ـــد اللــــٌَـــه العــٰـــابدي

•───✧◐◐✧───•
بقه ابعينه السهم وايعـالج ابـروحـه

عگبــه الهاشميـه تـظــل مجــروحه

ودمـعتـها دمـه عالـوجـن مسفـوحــه

وبـجـمـر الـهـجـر دلالـها اتـچـوه

ام عــدنــــ✍ــــــان سيـاحـي

•───✧◐◐✧───•
بدوا جربته اظل واگف وحيران

همه جان مايه ايوصله للنسوان

يرجع للخيم مايگدر الريسان

سكينه بالخيم تربه لابو النخوه

ام منـــ✍️ــــذر الحجار

•───✧◐◐✧───•
الخوه بوكفته .. العباس سواها

وكتب عالمشرعه تعريف معناها

ومن رادت بعد .... جفين انطاها

وفضخ راسه العمد من گبل مايهوه

أم محــــ✍ــــمد علي الشيباني

•───✧◐◐✧───•
وفه خوته  وعزب ابذرعانه

ابو فاضل گلبها اگلوب ميدانه

اعداه امدوهنه ظلت او وجعانه

هلا وحياه يالبي العزم يگوه

ام ز✍?ين العابدين لمحمداويه

___فضخ راسه العمد مابي بعد هِمَه

هِوَه عالمشرعه ومخضب ابدمه

ناده بصوت ادركني يبو اليمه

سبع أرواح لو افدي بعد تسوه

أم محـــ✍ــــمد علي الشيباني

____

تمت القصيده بـعون الله تعالى وبـأقلام
شاعرات اهل البیت عليـهم السلام في
رابطة القلوب النقية 
لانجيـز حذف الأسماء ✋
?? نسالـكم الدعـاء

#اللهم_صل_على_محمد_وال_محمد

يحسين انصارك بجو العياله
منهم شردو    كل الخياله

يحسين انصارك ونعم بيهم
طشروها العده من هدو اعليهم
والله اسباع يامحله اساميهم

((بالطف كلهم//لعبو جوله))
♾️♾️♾️♾️♾️
حي الله أنصارك ياابو اليمه
قليله سيدي ابحقهم الكلمه
النصرتك كل وكتك مولاي متحزمه

((الروح الشخصك ضحوها))
♾️♾️♾️♾️♾️♾️
ثلث تنعام منهم سيدي الأنصار
كل واحد لزم بجفوفه البتار
يبو السجاد عاين وكفت الأحرار

((حسين اتنومس بصحابه))
♾️♾️♾️♾️♾️♾️
تنومس بالطفوف حسين بصحابه
ابلَمتهم ابد    لا ماخطر.  صابه
كلها هوست هليوم يم بابه

((لجلك هل دم يرخصونه))
♾️♾️♾️♾️♾️♾️
لجل عينك دماهم يالولي رخصو
هجمو عالعده وجيشوهم شردو
من وكفتك انصارك كلهم ارتعبو

((انصارك //ذلو عدوانك))
♾️♾️♾️♾️♾️♾️
الطف تنومست بيهم يبو السجاد
المثلهم  بالشدايد    دوم. ينراد
ابصولتهم ارتعبت كل البلاد

((الحومه ابجفهم// هزوها))
♾️♾️♾️♾️♾️♾️
تمت بااقلام ✍?خادمات اهل البيت عليهم السلام ✍?
✍?الشاعرة حوراء الكناني
✍?ام زهراء الزيداويه البصراويه
????نسألكم الدعاء ????بتعجيل الفرج الصاحب الزمان~عج~

قصيدة عن الانصار

ام عون صاحت حي الله يالانصار
ياأهل الشجاعة  ونخوة.  وصرار

هله بااهل الشجاعه والميامين
فدوها أرواحهم لتراب الحسين
صاحو أمني وبالج   تخافين
ابهاي سيوفنه انحارب الاشرار
♾️♾️♾️♾️
انصارك يبو اليمه نعم منهم
ايخاف الهوه لمن يمر يمهم
لجلك سيدي منذور كل دمهم
كل واحد لزم بيده البتار
♾️♾️♾️♾️♾️♾️
يحسين انصارك دگو الثايه
هجمو علعده شالوها الرايه
صوب المشرعه هلمشو عنايه
بين انذال گالو نشعل النار
♾️♾️♾️♾️♾️
عن شجاعتهم تشهد السيوف
بصولاتهم لعبو جوله بلطفوف
وحسين يصيح حي الله ويشوف
كلها كربله تشهد للاحرار
♾️♾️♾️♾️♾️
ثلث تنعام من أنصار أبو اليمه
قليله لو كتبنه ابحقهم الكلمه
كل واحد نذر لحسين كل دمه
بالعالم مثلهم ابد ماصار
♾️♾️♾️♾️♾️
انصاره حسين بيهم يرفع الراس
أهل غيره وشهامة وتشهد الناس
ماعافوه وحده الكطع الأنفاس
ومادارو ابد من الفلك دار
♾️♾️♾️♾️♾️♾️
تمت بااقلام✍?خادمات اهل البيت عليهم السلام ✍?
الشاعرة ✍?حوراء الكناني
✍?ام زهراء الزيداويه البصراويه
????نسألكم الدعاء ????

#للأنصار
#طور: باجر سجلها بيدك ..ملا باسم الكربلائي

للموت .. نضحي لأجل أحسيننه أبدنيانه
للموت .. نمشي نروح الزهره تمشي أويانه
ترخص الروح لأجلك.... مولاي ياهو المثلك
نضحي لأجل حسينّه بدنيانه

❀❀❀❀❀❀❀❀❀❀

مولاي يا شبل الوصي كلنه فده لعيونك
بس جرب وبينه انتخي الانصار ميعوفونك
كل احنه فدوه سيدي لكافل مسير ظعونك
كل واحد بأسمك هتف عاشك الك مجنونك

لأجلك .. نفدي النحر ولزينب نوافيهــــا
لأجلك .. انظل ستر خيمه وانفيي اعليها

للموت احنه بذكرك .. مولاي ياهو المثلك
نضحي لأجل حسينّه بدنيانه

❀❀❀❀❀❀❀❀❀

احنه انصارك يالولي وعلى العهد وفايــه
جينه بعزم ياسيدي وياك نرفع رايه
ننزل لعد سوح الحرب وياك ماكو غايه
آمرنه بس يابو علي عدنه أمر الحجايه

يمك .. الموت أهون من بقاء الذله
يمك .. نصير سيف وبيدك انته تسله

فدوه النحور لنحرك ..مولاي ياهو المثلك
نضحي لأجل حسينّه بدنيانه

❀❀❀❀❀❀❀❀

وقعنه حبك بالدمه وبخدمتك  انصارك
ندري الينصرك سيدي بچفوفه ربك بارك
نتمنى كلنه بخدمتك يا بو علي نتشارك
حته الشهيد بخدمتك مو جنه يسكن دارك

أنصار .. نفدي العمر ونضحي كل سنينه
أنصار .. واليدنه يمك تنگطع جفينه

نواليك وانته بمهدك .. مولاي ياهو المثلك
نضحي لأجل حسينّه بدنيانه

❀❀❀❀❀❀❀❀❀

احنه انصار بالدمه دينك يغالي نصونه
نهوى الممات بكربله وكلنه عزم يدرونه
عابس ومسلم ننگلب ضد الذي يعادونه
وجون وزهير و حر تره وانصارك يسمونه

نخدم .. ابن الزجيه وفدوه اله دنيانه
نخدم .. ندوس اعله راسك ياأبن مرجانه

شحدة الي يوصل حدك .. مولاي ياهو المثلك
نضحي لأجل حسينّه بدنيانه

❀❀❀❀❀❀❀❀❀❀

سيدي يااطهر نسب انصارك واحبابك
كلنه بخدمتك يالشهم نسجد نقبل اعتابك
نتمنى قبلك ننذبح يالماكو مثل امصابك
تلكانه عد عينك تره انطنيه بس جوابك

نفديك .. محله العمر من افدي بيه حسيني
نفديك .. يامن حميت بمنحرك كل ديني

باقين احنه بعهدك .. مولاي ياهو المثلك
نضحي لأجل حسينّه بدنيانه

❀❀❀❀❀❀❀❀❀
تمت بحمد الله
✍?آلــــّ؏ــلّويِـــــه آلّمٌوسويِــــۿ
❌لاإجيز حذف الأسم❌

قصيده؛؛؛فزاعي جنوبي +هوسات لأنصار الحسين ع
(شجاعة الانصار )

هذوله انصار؛؛ من هدوا يخلسون  
خلوها الزلم بالطف يدورون 
__* ___
من ه*دوا ولاخافوا هل سباع
ونترست جثث من عدهم الگاع
واحدهم سفينه رافع اشراع

(الحومه تهلهل ؛؛؛لسباع النيبيه)

هذوله انصار ؛؛من هدوا يخلسون 
خلوها الزلم بالطف يدورون

ب✍️ام علي المالكي  *
درع صارو* لبن حامي الحميه
قسموله  بضلع امه الزجيه
نضل  وياك  گالوا  المنيه

(( اصگور الهدو //شوف الصاير  بالميدان ))

هذوله انصار ؛؛من هدوا يخلسون 
خلوها الزلم بالطف  يدورون 

ام ✍?زين العابدين لمحمداويه **
سفينه وصار ابو اليمه الملاح
وهدو مثل روج ابغيره وسلاح
وبجيوش العده كثروها الجراح

هوسه //

((وسيوف اتهلهل //برگاب  العدوان))

هذوله انصار؛؛؛من هدوا يخلسون 
خلوها الزلم بالطف يدورون 

ام✍? رحمه الگاظميه *
بالطف صارت العدوان طشار
لمن برز ليهم شيخ الانصار
قاتلهم يحامي لبو الاحرار

(للموت يصيح .. احنه انصاره)

هذوله انصار؛؛من هدوا يخلسون
خلوها الزلم بالطف يدو رون

✍️ مروه احمد الياسري **
لجل حسين كل دنيا جفوها 
مثل حيدر علي بثلاثه طلكوها
ماهمهم  زخارفها  وعلوها

(( واحدهم شايل // جفنه  اعله متونه))

هذوله انصار ؛؛من هدوا يخلسون
خلوها الزلم بالطف يدورون 

ام✍? محمد الساري **ابحبهااتسابقت لانصار لحسين
فدوها ارواحهم والنصرت الدين
لبو السجاد هذا ابن السلاطين

((حسين اصحابك// هيبه ورفعت رأس ))

هذوله انصار؛؛؛؛من هدوا يخلسون
خلوها الزلم بالطف يدورون 

✍? ام زينب الأسدي
*اصحابك هذوله  لامايهبون
على الانذال طبوا كلبوا الكون
اخذوها الشجاعه من اليثنون

((وفايه اصحابك همه الوفايه)) 

هذوله انصار؛؛؛؛من هدوا يخلسون
خلوها الزلم بالطف يدورون

ام سيف الزبيديه
➖➖➖➖➖➖
تمت بااقلام خادمات أهل البيت عليهم السلام في رابطة سيد الشهداء ع✍?
????نسألكم الدعاء ????

ليلة
الانصار سلام الله عليهم

??

حي الله ابن ظاهر من نزل ليهه
خلاها الزلم ميتات رجليهه

??

وگف مثل الجبل والرايه بزنوده
صعدت غيرته وتحزم بزوده
النه الفزعه الاوله گال لجنوده
تضيج الواسعه اعليهم نخليهه

??

ُخل اتميل بيهم كربله خلهه
من تبدي الحرايب احنه اولهه
اليوم نريد گاع الطف نزلزلهه
ونرد الخيل اولهه اعله تاليهه

??

صاح الله واكبر والارض مادت
عد عيناك لن كل الزلم نادت
من غارو الحومه تنگلب رادت
والخيل ادبرت شردت بهاليهه

??

غدت للطف عجاجه وللزلم صيحه
تطيح المهر والفارس فرد طيحه
الحر او لگه واهس بعد شيزيحه
بروس العده كون الگاع يمليهه

??

زهير اگبل وجدحة غيض بعيونه
وابن عوسجه بعالي الصوت يسمعونه
ها يسباع ناخذ حيف خلّونه
هموم الفاطمية اليوم نجليهه

??

خوات حسين خل يتنومسن بينه
وابو السجاد بنصاره تگر عينه
يهنياله اليضحّي الروح لحسينه
يبن ظاهر الرايه فوگ علّيهه
??
ام محمد الحجاج 

قصيده لسفير الامام الحسين  مسلم بن عقيل عليهم السلام.. وزن فائزي

━━━•✿?✿•━━━

حي الله ابو طاهر حضر بارضج يكوفان

شايل شهامة حيدره هزاز الاكوان

━━━•✿?✿•━━━

شايل شهامة حيدره ونفسه أبيه

يمشي وتماشيه الزلم صبح ومسيه

حسبالهم حيدر اجه حامي الحميه

هذا سفير آل نبي وللخوه عنوان

✍?أم عبــــــد اللــــــــــه العابـــــــــــدي

━━━•✿?✿•━━━

هدات مسلم تشبه الهدات عباس

مسلم لعب جوله وطگ الراس بالراس

مدرب بصولاته وسيفه عجب الناس

وخله زلمها مطشره بسيفه الريسان

✍?ام علي المالكي

━━━•✿?✿•━━━

للخوه يفدي مهجته او ينصر الدين

قاسم قسم للموت عهده يوافي لحسين

يمشي بطريقه اخر نفس وبرگبته دين

يبذل الروح ويرخص الغالي للاخوان

✍?ام نور الهدى المنصوري

━━━•✿?✿•━━━

ضنوة عقيل الهاشمي وعمه الصميده

نعمين من عنده وكفوا ناصر عضيده

بسيفه المنايا اعله الكفر وزعها بيده

ولبس الفروا من بطشته هدوم نسوان

✍️. أم محمد علي الشيباني

━━━•✿?✿•━━━

حي الله مسلم من يكر بسيفه كرات

طشر ارگاب اهل الغدر
مثل ابو الحملات

حاطوه برماح ونبل مارجف هيهات

كومها كلها اعله الارض وافنه الجيمان

ام منــ✍️ـذر الحجار

━━━•✿?✿•━━━

تمت القصيده بـعون الله تعالى وبـأقلام
شاعرات اهل البیت عليـهم السلام في
رابطة القلوب النقية 
لانجيـز حذف الأسماء
نسالـكم الدعـاء?

فزاعي جنوبي لأم البنين عليها السلام

جديد وحصري ??  نصاري
♛٭♛٭♛٭♛٭♛٭♛٭♛٭♛٭♛

لم عباس خلي نعدل الكول
هاي ام البنين الربت افحول

لم عباس خن وسع الميادين
وفوك اعله المتن نترك نياشين
تستاهل لطمنه ام الشياهين

ام الهيبه تستاهل ون
♛٭♛٭♛٭♛٭♛٭♛٭♛٭♛٭♛

عليهه اليوم خل نتوزر الاوزار
هاي ام البنين الربت  اقمار
هاي الماترد فديوم محتار

للينخاها ادكله ابشر
♛٭♛٭♛٭♛٭♛٭♛٭♛٭♛٭♛

كفو ونعمين منهه ثلت انعام
ام عباس هاي الترفع الهام
تستاهل عليهه انشد الاحزام

اشمحلاها الهوسه اعليهه
♛٭♛٭♛٭♛٭♛٭♛٭♛٭♛٭♛

كحيله معدله وتسوه لطم زين
حك الله عليهه انمولح العين
بدويه واصيله ام البنين

وخياله اكحيله وشيخه
♛٭♛٭♛٭♛٭♛٭♛٭♛٭♛٭♛

خياله وتعادل الف خيال
ولم عباس خلي اضرب امثال
اليوم الطفوف اشربت ارجال

خوش افحوله ربت لطف 

♛٭♛٭♛٭♛٭♛٭♛٭♛٭♛٭♛

بقلمي عاشقة العباس الشاعرة والملا ام عراق الشمري البصره صاحبة ديوان الرايه الخضراء ولايجوز حذف الاسم شرعا وغير مبري الذمه لكل من ينسب الكلام لنفسه