**АКА,  БИЗНИНГ  НИМАМИЗ  БОР,  МЕҲРДАН  БЎЛАК?!

•┈┈┈┈•❈••✾••❈•┈┈┈┈•**

@Kitob_uchun_exson

**ТАРБИЯ АНДОЗАСИ

Кўп ота-оналар «Тарбия – махсус вақтда, махсус ишлар олиб борадиган иш» деб ўйлайди. Аммо асло бундай эмас. Тарбия болага доимо, кечаю кундуз бериб борилади. Мен сизга тарбиянинг энг яхши усуллардан бирини ўргатаман.

Фарзандингизга анбиёлар, саҳобалар, солиҳлар, авлиёларнинг воқеаларидан қиссалар айтиб беринг. Уларнинг муборак номларини одоб ва беҳад ҳурмат билан тилга олиб, ўзингизнинг уларга муҳаббатингизни фарзандингизга билдиринг. Бу «Фарзандим, сен ҳам уларга ўхшашингни жуда-жуда хоҳлайман» деган зимдан берилган сигнал бўлади. У сиздан бундай таърифларни эшитгандан кейин, албатта уларга ўхшагиси келади. Унинг қалбини уларнинг муҳаббати қамраб олади, ҳар бир хатти-ҳаракатларида уларга ўхшашга интилади. Энг асосийси – ҳаётда кимга ўхшаш лозимлиги борасида унда илм ва тушунча ҳосил бўлади.

Ҳеч қачон фарзандингизга тўқилган, асли йўқ, ёлғон бўлган мушукча, ўрдакча ҳақидаги эртакларни айтманг. Бугун баъзи бир «ақлли» оналар бир-бирига қараб «Менинг болам мушукча эртагини айтиб бермагунимча ухламайди. Шуни айтганимдан кейин ухлайди» деб, бир-бирига мақтаниб ҳам қўйишади. Бундай ёлғон эртаклар билан фарзандингизни алдаманг. Йиллар ўтиб, сиз айтиб берган нарсалар ёлғонлигини билгач бу нарса унинг руҳиятига қаттиқ таъсир қилади.

Фарзандингизга солиҳлар қиссаларидан сўзлаб беринг, токи унинг хам ҳиммати ўша солиҳларнинг ҳимматидан файз олиб, дарё бўлиб жўшсин, мард бўлиб вояга етсин. Мусулмонларга ўрнак бўладиган бу қиссалар ўз аҳамиятини инсон ҳаётининг ҳеч қайси даврида йўқотмайди.

“Солиҳ фарзанд қандай тарбия қилинади?” китобидан.

👇👇👇**

@Kitob_uchun_exson

**​​ЛОЙИҲА

Ибн Салоҳнинг “Табақотуш Шофиъийя” китобида келади: “Луғат олими Абул Ҳасан Аҳмад ибн Фориснинг таржимаи ҳолида келишича, у Қазвинда яшаганида ҳар пайшанба куни битта китоб кўчирар, уни жума намозидан олдин сотиб  пулини фақирларга садақа қилар эди. Токи вафот этгунича шундай давом этди!”.

Ҳар инсоннинг ўз амалидан садақаси бўлиши лозим. Бу иши неъматга шукр ва унинг заволидан муҳофаза бўлади иншааллоҳ!
   Агар шифокор бўлсангиз, ақалли ҳафтада битта беморни бўлсада бепул даволанг.
   Агар мударрис бўлсангиз, ҳеч бўлмаганда ҳафтада бир марта дарсни фаҳмламайдиган талабага дарсни қайта тушунтириш учун вақт ажратинг.
   Агар нонвой бўлсангиз, ҳеч бўлмаганда кунда битта нонни садақа қилишга одатланинг.
   Агар озиқ-овқат дўконингиз бўлса, кунда битта маъданли сув бўлсада, садақага одатланинг.
   Агар адвокат бўлсангиз ойда бир марта бўлсада, бир фақир мазлумнинг ҳимоясини текинга бажариб беришга одатланинг.
   Сиз ўзингизни яхши танийсиз. Аллоҳ сизга берган ишингизга боқинг. Ишингиздан садақа қилиш имконини албатта топасиз. Ана шундай бардавом бўлинг. Чунки, Аллоҳга энг суюкли ишлардан бири, оз бўлсада давомли бўлган яхшиликдир!

•┈┈┈┈•❈••✾••❈•┈┈┈┈•**

@Kitob_uchun_exson

Assalomu aleykum aziz insonlar kanalimizni kuzatib borayotganlardan xursandmiz va kanaldan chiqib ketayotganlar ham bor bu albatta yaxshilikga olloh uning o'rniga saxiy insonlarni bizga qo'shib qo'yar balki. Kanalimizning asosiy maqsadi ehson qilinadigan mablag'larga yaxshi kitoblar olib bolalarga yetkazish va bu orqali bolalarni k'oproq bilim olishiga sababchi bo'lsak shuni o'zi yetarli. Yana shuni aytib o'tmoqchiman men oliy ta'limda dars beraman va matematika sohasining mutaxasisi sifatida hozirgi kundagi eng yaxshi sifatli foydali kitoblarni tanlay olganim uchun mana shu kitoblarni bolalarga beryapman. Albatta yutboshimiz aytganlaridek avval matematika keyin hammasi bu fikrlariga qo'shilaman chunki matematika va fizikani chuqur o'rgangan yoshlardan ertaga vatanimizni kelajagi uchun kerakli kadrlar yetishib chiqadi. Buning uchun bolalarga bu kitoblarni o'z vaqtida berish orqali biz ham ham millatimiz kelajagi uchun hissa qo'shgan bo'lamiz. Farzandlarimizning kelajagini o'zimiz o'ylamasak chetdan kelib boshqa davlat odamlari yordam bermaydi. Ota onalar va maktablardagi ustozlar harakat qilmoqda lekin tan olish kerak darsliklar talabga javob bermaydi men tanlagan kitoblar juda chiroyli tuzilgan barcha matematikaga oid bilimlar tartib bilan ko'rsartib berilgan. Olloh yaxshi niyatda boshlagan ishlarimizni barakali qilsin olloh bizni o'zi qo'llasin safimizni yanada kengaytirsin. Bu maqsad yo'lida birlashganimizda edi ollohning marhamati bilan juda katta ishlarni amalga oshirgan bo'lardik

@Kitob_uchun_exson

**Лицей-интернетда ўқиб юрган кезларим эди. Ўқувчилик формам отамнинг эски жакетини тикувчида торайтирилгани эди. Қишга мос кийимим ҳам йўқ эди. Қишин-ёзин битта пойабзални қайта-қайта таъмирлаб кийганимни эслайман. Қишнинг совуғи у қадар қаҳратон эмасди, лекин ташқарига чиққанимда қалтираганимни, оёқларимга қор киргани эсимдан чиқмайди. Ёмғирли кун эди, иш билан шаҳарга тушдим. Бир одам мени чақирди. У билан бир даврада танишгандик, лекин унчалик жиддий эътибор бермагандим. Мени эшигида "Сумербанк" деб ёзилган бир дўконга олиб борди.
— Қани, ўзингга ёққан қишки пойабазал танла! Устингга қалинроқ куртка танла!- деди. Ҳайрон қолдим. Умримда биринчи марта мен яхши танимаган бир киши менга пойабзал олаётганди ва илк кез мени ҳам қишки уст-бошим бўлади!... Тасаввур қиляпсизми, ҳеч кимдан бирор нима талаб қилишга ўрганмаган фақир талабани кўрган Онадўлилик киши қўлидан тутиб дўконга олиб киради. Жўмард  инсоннинг ахлоқнинг энг устун жиҳатларини ўзида акс этган  бу иши ким билади, самода қандай қаҳрамонлик ўлароқ ёзилган экан? Фаришталарнинг қандай дуоларига эришган экан?  Билиб, хоҳлаб ўзини жирканчлик ботқоғига  ботирган киши учун ҳеч нарса қилишнинг ҳожати йўқ. Лекин бор кучи билан ҳаётда ўрнини топиш учун ҳаракат қилаётган кишини қўллаб-қувватламаслик ва ёлғиз қолдириш, Қиёмат куни ёлғиз қолишга сабаб бўлиши мумкин.Ким ҳақиқатдан ҳам муҳтож, ким исрофгар, ким сохта тиланчи буни қариндош ва қўшнилар яхши билади. Ҳар бир киши ўз имконларидан бир қисмини қариндошлари ва қўшниларини эътиборга олиб, муҳтожларга ёрдам бериши керак. Энг муҳтож фақир — ҳеч кимдан сўраёлмаган фақирдир. Моддий имконияти ёрдам беришга етадиган кишининг бир муҳтожни топиб, ёрдам қила олишини бир кўза олтин топишдан кўра қийматлироқдир. Абадиятга  олиб бориш мумкин бўлган ягона бойлик яхшиликка сарфланган бойликдир.

Доктор Муҳаммад Боздоғ

•┈┈┈┈•❈••✾••❈•┈┈┈┈•**

@Kitob_uchun_exson

Assalomu aleykum aziz kanalimiz kuzatuvchilari bizning maqsadimiz ehson qilingan pullarga kitob olib bolalarga yetkazishdir va bu xayrli ishlarimizni doimiy davom ettirishdan iborat. Men har safar sizlardan ehson qilishlarizni so'rar ekanman shuni aytib o'tishni lozim topdim aslida bandasidan so'rash juda hijolatli ekan ollohdan so'rasangiz qancha so'rasangiz necha marta so'rasangiz ham olloh berar ekan ammo bandasidan yordam so'rasangiz juda qiyin ekan. Iltimos qilardim imkon darajasida hammamiz bir maqsad yo'lida olloh uchun bu savobli ishlarimizni amalga oshirishda hissa qo'shaylik. Mayli pul mablag'lari bilan yordam bera olmasangiz fikr va mulohazalaringiz bilan izohlarda yozib qo'llab quvvatlab turing yoki boshqalarni taklif qilish bilan ham o'z hissangizni qo'shgan bo'lasiz. Olloh uchun yaxshi niyat va harakat bo'lsa yetarli.

@Kitob_uchun_exson

​​📝**ФИДОКОР ОПА

Беш қизи бор отанинг беш қизига тўртта совчи келади. Ёшига қараб: каттаси, ундан кейингиси... Лекинг, катта қиз бош тортади. Чунки у отасига қарашни хоҳларди. Тўрт сингил турмушга чиқиб кетди.   Катта опа отага қарар, парвона бўлар эди. Ота вафот этди. У болиши тагида васиятнома қолдирган экан. Унда: катта опаларинг турмушга бермагунча меросни бўлманглар. Чунки у сизларнинг бахтингиз учун ўзини қурбон қилди, деб ёзилганди.

Бироқ сингиллар васиятни амалга оширишдан бош тортишди. Уйни тезроқ сотиб улушларига эга бўлишни хоҳладилар. Опанинг қаерга бориши улар учун эътиборсиз эди. Уй сотиладиган бўлди. Катта опа харидорга бошидан ўтказганларни сўзлаб бериб, бошпана топгунча сабр қилиб туришини илтимос қилади. Харидор рози бўлади. Уй сотилгач, қизлар ўртасида мерос тақсим қилинади. ...

Катта опа отасига меҳрибон қаноат ва имон соҳибаси эди. Бир ойларча ўтгач, уйнинг янги эгаси келди. Тўнғич қиз энди мени чиқариб юборармикан, деб ўйлади.
- Мени кечиринг? Ҳали турадиган жой топмаган эдим.
- Қўрқманг! Менинг ниятим бошқа эди, Сизга уйланмоқчиман. Уйни номингизга расмийлаштирдим. Сизга маҳр бўлақолсин, агар рози бўлсангиз. Бўлмаса менинг номимдан сизга ҳадя бўлақолсин.
Аёл йиғлаб юборди. Аллоҳ қилган амалларини зое қилмади. Аёл уйнинг янги соҳибига турмушга чиқди. Иккиси бахтли ҳаёт кечирдилар.

ХУЛОСА:
Аллоҳ таоло қилинган яхшиликларни зое қилмайди: “Биз аҳли солиҳларнинг ажрларини зое қилмасмиз”.

•┈┈┈┈•❈••✾••❈•┈┈┈┈•**

@Kitob_uchun_exson

**ИХЛОС СУРАСИНИНГ ФАЗИЛАТИ

Эй, фарзанд!
Ихлос сурасини кўп ўқиш керак. Ихлос сураси ҳақида Пайғамбаримиз (соллаллоҳу алайҳи васаллам) шундай дейдилар:

“Маҳшар майдонида бир жарчи шундай жар солади:
«Аллоҳни кўп зикр этганлар, Ихлос сурасини кўп ўқиганлар бери келинглар!» Шундай кишилар олдинга чиқадилар.

Фаришталар уларга шундай дейдилар:

«Дунёда          Аллоҳни  кўп   зикр   этиб,  Ихлос   сурасини   кўп   ўқирдингиз,  шунинг   барокати   билан кечирилдингиз. Қани, ҳақингиз, жаннатга киринг!»

Эй, фарзанд!
Абу Ҳурайра (розияллоҳу анҳу) ривоятига кўра, Расулуллоҳнинг (соллаллоҳу алайҳи васаллам) ёнларида бир киши Ихлос сурасини ўқиди. Бир пайт Пайғамбаримиз (соллаллоҳу алайҳи васаллам) «Важабат» дедилар. Бу — «вожиб бўлди», деганлари. Бир саҳоба: «Вожиб бўлган нима? Ё Расулуллоҳ?!» (соллаллоҳу алайҳи васаллам) деб сўраганида Пайғамбаримиз (соллаллоҳу алайҳи васаллам) «Жаннат» дея марҳамат этдилар: «Ихлос сурасини ихлос билан, ишонч билан ўқиган киши муҳаққақ жаннатга киради».

Бу суранинг фазилати кўп.

Жобирдан (розияллоҳу анҳу) қилинган ривоятга кўра, Расулуллоҳ (соллаллоҳу алайҳи васаллам) шундай дейдилар:

“Бир фаришта кўкка чиқаётиб, иккинчиси кўкдан ерга тушаётиб бир пайт орада учрашиб бири иккинчисига шундай деди:

«Иллийнга (жаннат) шундай бир амал элтдимки, бундай амални шу пайтгача олиб чиқмагандим». Буни эшитган фаришта сўради:

У қандай амал эди?
Бир киши Ихлос сурасини ўқиди, шу амални элтдим, — деди фаришта.
Аллоҳ у кишини қандай мукофотлади?
Ўша банданинг барча гуноҳларини кечириб, ўрнига шунча савоб ёзади”.

Эй, фарзанд!
Ихлос сурасини «Бисмиллоҳ» билан минг марта ўқиган тиш оғриғидан қутилиши ривоят этилган. Муҳаммад ибн Фазл дейдиларки:

“Бир кун тишим жуда қаттиқ оғриди. Тушимда минг марта Ихлоси шарифни ўқишим билдирилди. Бир оз ўтди. Кетидан яна туш кўрдим. Бу гал «Бисмиллоҳ» билан ўқишимни айтдилар. Айтилганидек адо этдим. Ва бундан сўнг бир марта ҳам тишим оғримади”.**

@Kitob_uchun_exson