اذا قارين او شايفين محاضرات تتكلم عن هالجانب من قصتها شاركوها وياي ♥️

https://youtu.be/4HEH4CQ1Hrc
قصيدة عتابي يخوتي ويامن عتابي .
بصراحة ما مدققة بمعانيها بس اذا مرت عليه ليلة مُتعبة لروحي اكعد اسمعها ♥️
السيدة زينب هالسنة عرفتها من منظور مختلف عن الاشوفها منه ♥️
عرفتها من خلال امنة انها مثال للمرأة المسؤولة
وبداخلي كبرت هالنقطة وبقيت افكر ، هي كانت مسؤولة عن تأدية الرسالة وتكملتها
كانت مسؤولة بان تردع من يخرب ويشوه الرسالة ،
الشجاعة الحجت بيها بدون خجل اجتماعي احنا نسميه بطريقة تفهم كل من حضر هاي هي رسالتنا وهذول احنا ♥️

واكو قصيدة هم قراها باسم اسمها يا ايها الناس اسمعوني وانسبوني كاتبها جابر الكاظمي ،قصيدة كلش راقية♥️..

الرسالة جزء منها يوصل بان تعرف هالشخص من هوَ ، وهي وضحتها
جانت مؤتمنة على امامين وياها زين العابدين ، والباقر عليه السلام ♥️

كلش حابة اعرفها من هالناحية ، تفكير السيدة زينب شجاعتها فصاحة لسانها وقوتها ♥️

‏"أنا أنزلنا عليك الكتاب للناس بالحق فمن اهتدى فلنفسه ومن ضل فإنما يضل عليها وما أنت عليهم بوكيل"
تذكر دائماً انك لست بوكيل على أحد وأن دورك هو أن تهدي نفسك وذكر نفسك بذلك.

وتذكر أنك اذا وضعت نفسك في مكان الوكيل فقد تضر نفسك لأنه دور الخالق وليس دورك!♥

"يا أيها الذين آمنوا عليكم أنفسكم"

البارحة واني اقرأ لعلي الوردي مرت عليه تفسير لما جرى داخل النفوس الي حاربت الحسين
واحس اضافة حلوة من عرفتها ♥️..

علي الوردي في كتابه وعاظ السلاطين يشوف الانسان يعيش بصراع داخل نفسه ، ضميره يذكره بالاخرة وباطاعة من امره بالطاعة سواء كان امام او واعظ ونفسه تجذبه نحو الدنيا والي بيها ، جذب ماكو خلاص منه ..
فيگول علي الوردي :
"لا يستطيع ان يترك الدنيا ، ولا يستطيع ان يترك الجنة التي وعد بها المتقون"

مثال على ذلك عمر بن سعد بن ابي وقاص وقع بهالمأزق الي يكون داخل النفس ، وعده ابن زياد بامارة الري اذا قتل الحسين
تروي الروايات هالابيات عن عمر بن سعد

أأترك ملك الري والري منيتي
ام ارجع مأثوماً بقتل الحسين !؟

وهواي من الجيش حسب رأي المؤرخين جانوا عايشين بهالشعور ، بين تناقضن عاملين
عامل المبادئ والقيم العليا وعامل الاغراء والطموح ..

ف جانوا اثناء المعركة يقدمون رجل ويأخرون رجل واحد من عدهم شاهدوه وهو يرجف سألوه ليش جاوبهم انُ هو يرتعد من الحيرة الي هو بيها مو من الخوف ..

وهالشي همين نشوفه بكلمات الفرزدق عن الي حاربوا الامام حيث انُ گال : " قلوبهم معه وسيوفهم عليه "وعلي الوردي هنا ضوا عقلي ♥️
بهالنظرة الجديدة عن النفوس الي حاربت الامام ..

(إن الناس إما اخ لك في الدين او نظير لك في الخلق) ♥
_علي بن أبي طالب عليه السلام

لأنه ديننا واحد فديننا يعلمنا نحترم ونبجّل مذاهب الغير لأن بالتالي مجتمعين تحت فيّ الشهادة بأن لا إله إلا الله.
وخير دليل هالراهب المسيحي.
رغم إنه مسيحي بكى على رأس الحسين ونطق الشهادتين على رأسه المبارك.!

♥

قول النبي محمد ﷽
((إنّي تارك فِيكم الثَّقلين، ما إن تمسَّكتُم بهما، لن تضلُّوا: كِتابَ اللهِ، وعِترتي أهلَ بيتي))

واضح المقصود، القرآن واهل البيت
وبذا يتضح إن رساله اهل البيت مكملة لرسالة نبي الله محمد ﷽

⬛اليوم الخامس من محرم

لاتنسون زيارة عاشوراء
والقليل القليل من معرفة اهل البيت
كتاب، محاضرة. ♥