عليك شهر الله تبارك هلاله
‏من ليلة صيامه إلى ليلة العيد

دربٍ ماهوب يقودني لك ضلال
‏و كل لحظة بدونك ودي اغيبهاا

‏و كل ليّلة تجيبك تستحق أحتفال
‏و ليلةٍ ماتجيبك، عاويٍ ذيبهاا

الحظيظ اللي لقى بعيونك النجلا قبوله
‏من يلومه لا زهد في الأمنيات و في الليالي

لك على هالوجه حق ولك وسط العين قرّة
لا سمحتي من صفا الأيام؟ خلّي لي تعبها

ملك دنياه من يملك هواك وحلمه المنشود
‏يا كم سلطان رحتي من يديه و زال سلطانه

‏يا عظيمة وأنتِ الأشياء الجديدة والقديمة
‏وأنتِ اللي لو تصد الأرض، ما صدّيت عنها

‏وأنتِ أشجع الانتصارات، وملذات الهزيمة
‏وأنتِ اللي وين ما لقّيت قلبي قال عَنها

‏وأنتِ أعجوبة زمان الشاعر اللي هَلّ ديمة
‏وارتوت جدب القصايد لين صح الله بدنها

︎خل في صدرك على الدنيا قبول
وأعرف إن الشمس تشرق لو تغيب

‏ و عوّد لسانك ليا ضاقت يقول
‏ الأماني في رجى الله ما تخيب

بتزين الامور، وينشرح صدرك
‏العسر بعدّه يسر لو طالت المدّه

‏ظِن بالله الكريم ظن الواثِق المُدرك
‏مهما تضيق الصدور وتكبر الشِدّه

اقترب من خالقك قبل ياتيك الحساب
‏يستجيب لْدعوة العبد ماهي ربما

‏حاجةٍ لو بينك وبينها سبعين باب
‏تنفتح باجابةٍ جات من سابع سما

القلوب تشوف وأنا أحسب أنها ماتشوف
‏ والعيون تميل وتحب، قدام الملا