عشت ياراسٍ تنطّح صواديف الليال
مايهمّه ويش عاد الليالي حامله .

عسى اللي جرالي قبل عام ماينعاد
وعلى فرصةٍ راحت علي اسلم وسلّم

ترا المشتاق اللي نوم عينه تقول اقصاد
عن الذكريات الموجعه مامعه سلّم

لو انه تظاهر بالسعاده على النشاد
لسانه يقول بخير وعيونه تعلّم .

‏يارب أنا صدري عديم وجرحي الماضي أليم
‏يارب بعفوك ضمّني وارفق بعبدٍ ما سلى .

مهب بس انا اللي فاقدك وأعاني
‏حتى ظروفي فاقده وقفاتك .

لو ما تلهمني الصبر ذيك الصور والرسايل
مت حزن ومت شوق ومت غبن ومت ضيقة .

بكيتك بالقصايد لاتحسبٍ الدموع خفاف
‏ياقوّ عيوني اللي شايله ماشالت كتوفي .

صحيح إن البشر مهما حدث ماتمنع الأقدار
لكنّي ودّي أرجع بالزمن وأعانق أحبابي

رحل منهم كثير ولا بقى منهم سوى تذكار
يغيّب بي عن العالم ليا ماطوّل غيابي

لا تنشدني عن اللي صار لي مدري وش اللي صار
أنا آخر ما أذكر إني كنت طفل أحادث ألعابي .

من كثر ما الوقت اخذ منه محبّينه
يرتاع من أبسط الحاجات في يومه

يخاف فرقىٍ تسوّد باقي سنينه
وتبقى عيونه من الغالين محرومه .

بليلة كل من فيها بكت عينه
خذاك الموت من ايدي واقفی بك

يا ليته شخص واتلك من يدينه
يا ليته حلم واشيلك من ترابك

كذبت ان قلت أحوال الحياه زينه
ياكيف تزين دام اسبابها غيابك

فقدتك والعمر ضاقت بي سنينه
رحلت واسمك ان نادوه ماجابك

انا ادري الحزن ما يرحم مساكينه
ولكن من غلاك احزن على غيابك

ابسلى كلمة ماتت بسكينه
سری عمري وانا افتح لسهو بابك

عزاي انه أمر ربي وذا دينه
رضاي ان به لقى جنه مع احبابك .

تزبر على صدر الشقاوي لهيب القيض
‏ولا عاد يدري وين يمشي من الكتمه

يالأرض الرحيبه خففي من زفير الغيض
‏ثرياك والجوزاء من النور للعتمه .