**Yo Alloh!

Ishlaring bunchalar ajib!

Sendan qoʻrqish kishiga xotirjamlik beradi, ammo Sendan boshqadan xavf kishini iztirobga soladi.

Sendan umidvorlik insonni aziz qiladi, boshqadan tamaʼ xorlik keltiradi.

Sendan soʻrash bandani Senga yaqinlashtiradi, boshqadan soʻrash oʻrtada uzoqlikka sabab boʻladi.

Senga iltijodan qalblar zerikmaydi, ammo boshqadan bir narsani ikkinchi bor soʻrash qanchalar ogʻir!

Senga yolvorish ruhga rohat, boshqaga yalinish jonga azob!

Seni sevish aqlni peshlasa, boshqaning sevgisi kishini majnun qiladi.

Sen uchun yashash kishini barcha narsadan behojat etadi, Sensiz yashash odamni barcha narsaga muhtoj qiladi.

Yo Rab, Oʻzingdan begona qilma!**
@byusama | #afkor

Ilmga faqat pok qalb va taqvoli tabiat bilan yetiladi.

Ilm – ko‘tarilish qiyin bo‘lgan tog‘, lekin qulash oson qiyalik.

Ilmning mukammali – uni ishlatish, amalning mukammali – uni oz deb bilishdir.

Odamlarning eng afzali – aybini ko‘radigan va boshqalarning aybini ko‘rishdan ko‘r bo‘lgani. 

Odob – boylik, uni ishlatish – komillik. Aql bilan har bir ish isloh qilinadi, hilm bilan har bir yomonlik kesiladi.

Ilmlar doimo bizda, mol-dunyo johillarda bo‘lishiga rozimiz. Chunki mol-dunyo tez yo‘q bo‘ladi, ilm uchun esa zavol yo‘q.

Ilm bilan yolg‘iz qolgan kishini yolg‘izlik qo‘rqitolmaydi. Kitoblardan yupanch topgan kishini, yupanchi tashlab ketmaydi.

Aql – ziynatning eng chiroylisi, ilm – men egalik qiladigan narsaning eng afzali. Haqiqatdek qilich yo‘q, to‘g‘rilikdek adolat yo‘q. Nodonlik yomonlik aravasi, kim unga minsa toyiladi, kim uni do‘st tutsa, adashadi. 

(c) Shayx Abdulloh Shibroviy "Unvonul bayon va bo‘stonul azhan" kitobidan.

@byusama | #afkor

@byusama