على فكرة نسيتك وانتهىٰ الموضوع
مـو انتَ اليعرفك بعـد مـاذكرة
الطير العافني وحط اعلى غير اغصان
لايرجـع بعد ، دلالي مـو شجرة
انـا الطلسم چنت ومدوخ اليقرون
اليفتح شفرة بية يشوف الـف شفرة
بـس الخاطرك صاير سهل ويـاك
بحيث مغمض ولازمني مـن تقرة .

واتلكاك وافرح بيك
وافرشلك گصايب سود
واشبگك شبكة الجيلات للمصيود
عبد الكريم القصاب

عَلَّمتني شلون اموت
وما گلتلي شلون أعيش
وعلمتني اعله السكوت
وماگلتلي الموت ليش
وشلتك بروحي حمامة
وصارت الچلمة رصاصة
والسطر مليان ريش
وصارت الايام سوگ
آنه يمته؟
وإنته بيش؟

عامر عاصي

ميزتك ويمك ناس مزدحمين
وشلتك منهم وخليتك بعيني
جا تعرفني احبك ماتضل وياي
وغيرك ناس رادت بس تحاجيني
ماخليتك أنا وروحي صارت بيك
كرهتك هسه من رايد تخليني
بعد ماشوف وجهك كلشي اريد أنساه
ولو ديني صرت هم أكفر بديني .

جبت كلشي وعفت كلشي
ومدري شلون اجيت امشي
اجيتك ردت اكَلكَ شوف
ردنا نعوف كلشي وماكَدرنا نعوف
وكون تشوف حالي شكد الك ملهوف
جبت كلشي اليسولف بيك
خيالي وصحوتي وطيوف
جبت دكَات كَلبي الكَطعن
كَلبي بجفاك سيوف
جبت صفنات روحي السودنت روحي
مثل جن بمسيرة وعلى اليتيم يحوف
وكون تشوف
بشفافي الحزن ماخله بسمة تعيش
كلمن كَمت ابوسه بخده اطبع اووف
وكون تشوف
دموع الجدم مايدري وين يروح
والخطوات عمية وتايهه بلاشوف
كون تشوف
خلصت الوجوه وشفت كل الناس
كلها وجوه غربة ولاوجه معروف
وين الكَاكَ
يالموصوف اليه وانا الك موصوف
يالفركَاكَ غربة وكلشي مامألوف
انا بلياك مدري شبيه مابيه
زلف وبلايه ترجيه
درب مابيه كل جيه
نهر فاض وتبع ميه
ورجع بس مالكَاله جروف
كون تشوف
روحي شخله بيها الخوف
مطلوبة نذر وتخاف
ماتوصل حضرتك من بعيد تطوف
وكون تشوف
روحي شخله بيها الخوف
مثل دمع العروس الجايه على اجناب
ويصبر عليها اوجابها الزافوف
وشوف شخله بيه الخوف
مثل حلة مدارس روحي احسها اطفال
حلت وتركتني وباقي بس صفوف
وياوحشة صفوفي ومن يجيني الليل
ويالون الوجه بعدك الضل مخطوف
- جبار رشيد

جنتِ كحِلة بناظِرك و انت بجيَت
وطيحِتني و انت خِدينك رمَل
وجنتِ نِار الدفِتك لمَن طفيَت
تشِيل برمِادي كمِت عمِده وتهِل
وانِا كِل هِذا فِلا كِلت وحجيَت
ولا جَزع كلبيَ ولا مِنك امِل
عِود دلوَك الدِرب بسَ ضيَعوك
واخِذوا التمِرات وانطِوك النوىَ
وانت عطِشان و ابَد ماشِربوك
يا سَراب الليَ عطِش منِه ارتوىَ