#عبدالله_بن_زويبن رحمه الله

#عبدالله_بن_زويبن رحمة الله

في غيبته لو عندك أفراد وجموع
‏الدار من دونه خليّ قطوعي

عبدالله بن زويبن رحمه الله

‏ماينتبه للـي ينـادي ليـا سـج
‏واليا انتبه كن الشبـاري تخجـه

‏لابد من يـوم بـه الهـم يفـرج
‏عن كل عين بالسهـر مستلجـه

‏عبدالله بن زويبن رحمه الله

ملف يجمع ٥٠ قصيدة من قصائد عبدالله بن زويبن رحمه الله، جمع وإعداد متجر ميجان بارك الله فيهم، وصفحتهم موجودة في آخر صفحة بالملف

‏بالله عليكم يالعيال البواليد
‏ياطيبين التربيه والعقيده

‏امشوا على جيبٍ يذب الجراهيد
‏من الجيوب التاليات الجديده

‏توّه يجي من مصنع الغرب توريد
‏ماسمكرو بدْيه زيود الحديده

‏اخير مايركب ومايطوي البيد
‏طوي البراك اللي طوتها زبيده

‏ولاترحمونه لين ياقف على عيد
‏زين النبا راع المزايا الحميده

‏محرق عراقيب الدلال البغاديد
‏وعوق الخروف اللي مع امه طريده

عبدالله بن زويبن رحمه الله

‏وقامت بعذبات المثايل ترزم
‏قريحةٍ ينشد فيها الحزامي

‏وأنا ليا جات القوافي تزاحم
‏وغدالهن بين الضلوع ادحامي

‏مثل ادحام اللي تبي بارد الجم
‏يوم الحياض تجر قدم الضوامي

‏أدور الجزلات ما اخمها خم
‏شاعر ومحسوبٍ عليّه كلامي

‏تنصت لها الاسماع حين اتكلم
‏تدخل بهم في قمة الانسجامي

‏يموت غيظ ويمسح الدمع بالكم
‏من لا يجوّد راسها بالخطامي

‏من مرته عزّم على حفظها صم
‏ماني براعي بضاعةٍ ما تسامي

‏رفعتها عن مستوى القذف والذم
‏لين اعشقت مجد الرجال الكرامي

‏ عبدالله بن زويبن رحمه الله