Joriy yilning 19-noyabr sanasida Navoiy davlat universiteti Maktabgacha va boshlang‘ich ta’lim fakultetida Boshlang‘ich ta’lim yo‘nalishi 1-bosqich talaba-qizlari ishtirokida “ZO‘RAVONLIKSIZ OILA-FAROVON HAYOT SARI” mavzusida ma'naviy-ma'rifiy tadbir tashkil qilindi. Ushbu ma'naviy-ma'rifiy tadbirda NavDU Xotin-qizlar masalalari bo‘yicha rektor maslahatchisi N.Tursunova, fakultet dekani G.Shamsidinova,Xonin-qizlar masalalari bo‘yicha dekan maslahatchisi Sh.Alimova,  Navoiy shahar IIB Xotin-qizlar profilaktika inspektori kapitan S.Abdullayeva,  va fakultet tyutorlari ishtirok etishdi. Tadbirda universitet mas'ullari tomonidan mavzuga oid fikrlar bildirib o'tilgach, Navoiy shahar IIB Xotin-qizlar profilaktika inspektori kapitan S.Abdullayeva Xotin-qizlarning huquq va qonuniy manfaatlarini himoya qilish, oilaviy-maishiy zo'ravonlik va uning oldini olish, zo‘ravonlik turlari, himoya orderi va uni rasmiylashtirish tartibi, himoya orderida nazarda tutilgan cheklovlar to'g'risida barcha dolzarb ma'lumtorlar berib o'tildi. Tadbir so'ngida talaba-qizlarni qiziqtirgan savollarga mutasaddi vakil atroflicha, hayotiy misollar asosida javob berib, oʻz tavsiya va maslahatlarini berib oʻtdi