سنسيز دونيام
XO
Unzensiert Infoseite
Übersicht über alle Kanäle & Bots
@unzensiert ist ein Non-Profit Kanal
🤜🏻Partnerkanäle🤛🏻
@Aufwachen
@DokuKiste
@BuecherKiste
@GruppenListe
@Gesundheitsecke
@VegetArisch
@MZWnews
بو گون شهر بیر مزهسیز مئی کیمی،
آغزیمیزدا زهر داددی، عم اوغلو!
خیاوندا آزغین گزن پولیسلر،
اوستوموزده آت اویناتدی، عم اوغلو!
اَینیمیزی باریت، سو تک ایسلادیر.
بئینیمیزی گوللـه سسی لاخلادیر.
نه قدر کی دوشونجهمیز ساختادیر،
حیات بئله ظولوماتدیر، عم اوغلو!
بورا جهنّمدیر، جهنّم... اینان!
بورادا اؤزلوگون تانیمیر اینسان.
قحبه ارککلرین فیریلداغیندان،
کوچهاکوچ دور، چاتهاچاتدیر، عم اوغلو!
قبریستاندیر یا شهردیر؟ آی آمان!
حیات شیرین؟ یوخ...زهردیر، آی آمان!
نئچه ایلدیر قارین دردی، آی آمان-
باشیمیزی یامان قاتدی، عم اوغلو...!
گؤزلرين قلبيندن خبرسیز سئوسه
عشقين گؤیلريندن ائنرسن گۆلوم
عاغیل محببته چیراغ اوْلماسا
یولوندان یاریمچیق دؤنرسن گۆلوم
گۆنلرین آه ایله وای اوْلوب گئدر
ايللرين ظولمته تای اوْلوب گئدر
گؤزل جاوانليغين ضاي اوْلوب گئدر
سو ديميش اوْد كيمي سؤنرسن گۆلوم
یوز یول هارایلا سن اؤتن گونلری
عؤمرون بیرجه گونو قاییتماز گئري
گل ائشيت "بهمني" اي نازلي پری
سونرادان اود توتوب یانارسان گولوم...
سانکی کدر منیم یوخ،
من کدرینکی ایدیم.
نئچه گوندوز ائدیردی،
باغریمی دیدیم-دیدیم.
اورهییم سؤیلهدی کی:
«صاحیبی اول بونون سن!
آخی بیرجه سنه یوخ،
دوستلارا دا توخونور.
اونلارین شاد گونونو،
بیردن یاسا دؤندریر.
گؤزلره یاغیش سپیر،
بوغازلارا تیخانیر.»
گلهجهیی، کئچمیشی،
ایرادهنی، اومیدی،
دوشمنین نیفرتینی،
ییغدیم بیر قوشون ائتدیم.
من اونو قلپه-قلپه،
هر گون چاپدیم، آزالتدیم.
من اونو نفَسیمله،
گیله-گیله اریتدیم.
او تسلیم اولماییردی،
سون ذرّهسینه قدر.
سون ذرّهسی ده قلبه،
سانجیلدی ایینه کیمی.
آلدیم اونون الیندن
حیاتیمی، دوستلاری،
بیر ده بو گون یازدیغیم
همین یئنی شعریمی.
سنسیزلیک...
نئچه پاییز کئچیر اوْ آیریلیقدان
یوبانما، قار یاغار خاطیرهمیزه
یئنه قارانقوشلار گَلهاگَلدهدیر
باغچادا خزللر یئتیشیب دیزه
چینار آغاجینین سوْن یاپراقلاری
وحشی یئللریله عؤمۆر سۆرهجک
سنله اکدیییمیز آلما آغاجی
یاریسی دیشلنمیش آلما وئرهجک
کۆچهمیزدهکی اوْ کوولان آغاجی
ایندیده اؤزۆنۆ اؤوسهییر سنسیز
اۆرک پنجرهمین سوْن باخیشیسان
ایندیده آستانام گؤینهییر سنسیز...
اورهییمده بیتن سئوگی ماهنیسی،
پاییز بوداغیندا یازیلی قالدی.
سسین یاییلمادی دار کوچهمیزدن،
آدین دوداغیمدان آسیلی قالدی.
گئدیردین، گیزلیجه گؤزوندن ایراق،
اوخشادیم آغلادیم سنه بیر اتَک.
اَلیندن یاپیشیب آپاریردیلار،
یایلیغا بۆکولن بایرام پایی تک.
گئدیردین یوللاردا باهار سولوردو
بولود گؤزلریمده یاشا دولوردو
شافاق قان قوسوردو چیچکلر گۆلوش
بنؤوشه ساچلارین، سازاق یولوردو.
قلبیمده بیر آرزی آه چکیر منیم،
سنسیز اوزاقلاردا بیتهجهیم من
داها یوواسیندان کوسن قوش کیمی
تانرینین گؤزوندن ایتهجهیم من.
الوداع هر گئجه یازدیغیم شعر!
سنی بالتالاییب مندن آلدیلار.
من ائله پاییزدا تورپاغا دوشدوم،
کفنلنمهییمی قیشا سالدیلار.
بو گون چوخ ایشیم وار:
آنیلاری کؤکدن اؤلدورمک گرک؛
یاشاییشی یئنیدن اؤیرنمک.
داشدان بیر اورک دوزلتمه لی یم.
آنجاق یوخ...
ایندی یئنی بیر مؤوسوم پنجره نین دالیندا چاخناشیر.
بو گونو نئچه واخت اؤنجه دن
حیسس ائدیرم،
سسسیز ائویمده...
بیر فینجان چای، سنینله ایچمک
بیر فینجان چای ایچمک سنینله،
بوتون خبرلری تلویزیوندان سؤندورر
سیاستین آدینی سوسدورار
بیر فینجان چای،
ساواشی بیتیرَر.
آنالار، بالالاری مزاریندا آغلاماز
کوچهلردن آوارا اوشاقلار ائوینه دؤنر
هئچ بیر ایتی ده خیاواندا ماشین وورماز
داها هئچ قورشون اینسانلارین قلبینه سیخیلماز
گل یاخینا، ساچلارینی قوخلاییم!
سن باریت یوخ
ازلدن باریش قوخوسو وئریرسن...
ائلناره عبدواللایئوا
دونیا سننن سنه شیکایتیم وار
https://t.me/SANSIZDUNYAM
سن گئتدین، ائلهبیل دونیا بوشالدی،
یاز دا کؤچوب گئتدی، یئری بوش قالدی.
باهار اورهییمی، سنسیز قیش آلدی.
من یازا وورغونام، قیشی نئیلهرم؟
عشقیمی آپاریب سن گئتدین دئمک.
عشقسیز بیر کؤنول نهییمه گرک؟
سویوق داشا دؤندو او گوندن اورک.
سینهمدن آسیلان داشی نئیلهرم؟
همیشه آیریییق؛ گئجه-گوندوزوک.
بیریمیز تپهییک، بیریمیز دوزوک.
اوستونون قاشییلا تانینار اوزوک،
اگر اوزوک یوخسا، قاشی نئیلهرم؟
نییه یاشاییرام من، نییه سنسیز؟
نه یئره باخمارام، نه گؤیه سنسیز.
من کی کور اولموشام هر شئیه سنسیز،
کور گؤزون اوستونده قاشی نئیلهرم...؟
XO
Unzensiert Infoseite
Übersicht über alle Kanäle & Bots
@unzensiert ist ein Non-Profit Kanal
🤜🏻Partnerkanäle🤛🏻
@Aufwachen
@DokuKiste
@BuecherKiste
@GruppenListe
@Gesundheitsecke
@VegetArisch
@MZWnews