قصائد منبريه مكتوبه 📚
بأشراف ملا ابو امير الفاطمي
مؤسسة فاطميون الحسينية
للتواصل مع الادارة
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 3 days, 21 hours ago
**كأني بالملائكة يخطابون امير المؤمنين ع
كلميني... كلمة طلعت من يتيم بحرگته
كلميني… احسين ابو اعيون الحنينة بچّته
ياعلي عن الجسد .. وخّر اولادك بَعد
~~~
حسين صيّح كلميني والعرش هزّه
حگة هاي امه الحنينة الكلش اتعزّه
ياعلي اعذرني اعله چفني اتگلة الامجهزَه
امن الچفت طلعن اديها بحرگة الفزّه
كلميني… غير من گالاها طيحلة سمة
كلميني… فتِشَت و تحركتله فاطمة
صاحب الموت استعد .. وخّر اولادك بعد
ياعلي
~~~~~
اليمة تطلع منّه تچوي وبيها حنّية
غصّت الدنيه بكلمته و حرگت الريّة
بوية متأكدلي هيه خاف مو هيّة
ألچفن ما تلبس امي تلبس النيّة
كلميني… هيه ست احروف بس بيها حچي
كلميني... من حچاها انكسر گلبة امن البچي
الميت بصوته گعد .. وخّر اولادك بعد
ياعلي
~~
هوّ المعّود عله امه ايكتله فرگاها
وامه مو اي ام يوادم حته ينساها
الثاني يوم الناس تبچي وتنسه موتاها
وهو طاحت ايده يدعي ايموت اوياها
كلميني… الگالها وي الهجر داخل حرب
كلميني… شنهي من كلمة التعدللها گلب
اجنازتك حطلها حد .. وخّر اولادك بعد
ياعلي
~~~~
بالهوة الكاتل يذبها ذمة اشموعة
الما يفارگ فوگ راسة الشيبة ممنوعة
يمة بس گعدي يگلها ويچوَن ادموعة
عوزچ اشچم ضلع اخذي صدري وضلوعة
كلميني .. لا اموتن موته صدمة اعله العمر
كلميني .. خضّرت بيدي الرسايل للهجر
ال(بعَد) شتفيد البَعد .. وخّر اولادك بعد
ياعلي
~~~~
وگطعت الوگفة وجعها منتشر بيها
لحّگ اعله امك تعال وشوفها شبيها
بچة املاك الله كلها من يحاچيها
الدنية ماتوگف عله احد وگفت اعليها
كلميني… انتي مو مالة جنايز انتي الي
كلميني… من تنهَّد عالچفن بچّه علي
والدمع للرب صعد .. وخّر اولادك بعد
ياعلي
~
حسين أمة شَيله شَيله بريته حاسبها
شفته متعوده اعله اديها اتصلي ويحبها
ينغمي اعله امه بگبرها وحيدر اينبها
بلّحد كلما يحطها بيده يسحبها
كلميني… عش حمامة بيتچ امتّرس نِشِد
كلميني… افراشچ ابيتچ اشعندچ باللحد
لأمة حنّان الولد .. وخّر اولادك بعد
ياعلي
~~
علي هادي الخزعلي
قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4
كأني بالسيدة زينب (عليها السلام) بعد استشهاد الزهراء وهي تركض الى ابيها تارة و الى اخوتها اخرى وتنادي...(گابلوني)💔**
مو مخيم واج واركض
واليتم ما منه طلعه
بويه حيدر راحت امنه
ودمعه جرت بينه دمعه
حسين خويه راحت امنه
روحه ماضن بيها رجعه
يبو محمد گابل عيوني تعال
زينب اختك راح من عدها الدلال
الليله شمس امي يحل بيها المغيب
هاي اول مره احسن حملي مال
گابلوني ... واليتيمه اتدور مگابل بواچي
گابلوني .... هواي وجرن بالگلب ذني المحاچي
༺༺༻༻༺༺༻༻
ياهلي كلفه الزغيره
تشوف امها تموت يمها
اثمنطعش ورده تبدت
ردت لو بچفوفي المها
بعد بيها هواي عشره
وبابها الكاتل حلمها
حسين خويه شلون اصدك مستحيل
الموت مو ساعه هجر كلش طويل
يعني تغفه عيوني ماشوف البتول
وافز ما الگاها شيصبر الدليل
گابلوني ... الليله ما ضلت هموم و ما شلتها
گابلوني .... راحت امي الـ ما تعوف بيوم بتها
༺༺༻༻༺༺༻༻
بويه حيدر شيل راسك
لا تفت گلب اليتامه
وارفع ايدك ادعي ربك
ترجع أمي بالسلامه
بويه من بعد الزچيه
هذا يا ليل اللننامه
بويه شوف عيون بتك يا حنين
ذبلت و بايگ معانـيها الـونيــن
لاحگه أعله الضيم چا مو من صباي
هواي مضموات اليه من السنين
گابلوني ... هاي ليله بالسلامه ما تطوف
گابلوني ... لو اموت الليله لو اعمي التشوف
༺༺༻༻༺༺༻༻
حسن خويه الليله زينب
تمرد الفرگه چبدها
يا چبير عيال حيدر
هاي فجه الـ ما نسدها
راحت امي يا عضيدي
راحت وملچوم خدها
حسن خويه الحرمه مو مثل الرجال
من يهدها الضيم ما توگف محال
واني هداني الوكت بأمي يخوي
و النوايب صارن بثگل الجبال
گابلوني ... الليله من ضيم البواچي جفوني سود
گابلوني ... الليله اختكم رايــده امها و ما تهود
༺༺༻༻༺༺༻༻
حسين خويه الليله اموتن
شمس ما تطلع عليه
ساتر اجفوني تهدم
وفاضت دموعي من اديه
هيه مو حي الله حرمه
الرايحه مني الزچيه
حسين خويه التاكل بروحي العمر
اثمنطعش مو مال باب و تنعصر
هاي وادم ما رعت حگ الله يوم
الورده اليشمها مُحَمد تنكسر؟
گابلوني : الليله شاغت روحي وانعاب الدليل
گابلوني : الخشب بعيون اليتامه شگد يعيل
༺༺༻༻༺༺༻༻
محرم السيدة فاطمة
گابلوني_سماعي_دمعة
ابو نوح الكناني
قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4
**يا زهراء
شلون راح تنام زينب هالمسه
وعنها راحت امها سيدة النسه
،،،،،،
راحت امها وسافرت درب البعيد
البيت موحش وانهدم ركنه السديد
وتسمع باطرافه ون الما يهيد
الوجه شاحب والشفايف يابسه
،،،،،،،
من وصل للبيت ابوها من الدفن
تلكته ودموعها تصب عالوجن
شلون اعيش وخيم عليها الحزن
تكله امي الهوى الجنت اتنفسه
،،،،،
الهوى امي وبلياها اختنك
وبأسمها الكلب نبضاته تدك
ريت اموت شلون عنها افترك
بقيت وحدي والفلك دار وقسه
،،،،،،
جني بالحره تحاجي الطاهره
روحي لفراگچ ييمه موجره
بغربه جني وليلي صرت مساهره
وب اراضي الحزن جن دهري رسه
،،،،،،
يمه انتي العالمه لهاي الاحوال
عشتي مرتين الالم شفت الاهوال
لجن ما جتفوا محمد بالحبال
ولا خديجه البابها الجبت ارفسه
،،،،،،،،،،،
الباب دفعوها وشفت شنهو الجره
صحتي فضه اه ضلعي كسره
وصحت يمه ونار قلبي مسعره
شلون دار الوحي الباطل دنسه
........
حايره وظلت تدك بالراح راح
التفكد امها عليها ما يطلع صباح
وعله ونها كل ملك بالكون ناح
الدهر، سهمه اعله زينب قوسه
،،،،،،،،،
كل طفل يحتاج حضن امه الحنين
منه ياخذ قوته يلاوي السنين
والجره والصار عله ام الحسين
ورثته الحره وكلبها يوجسه
،،،
لو نطالع هالزمن وشما حصل
نشوف زينب هالعزيزة بلا اهل
من بعد طف كربله ضاع الامل
وبصبرها الخدر ظلت تحرسه
، ،
والاشد من تنسبي لدار اللعين
وتدخل لمجلسه ومجتوفه الليدين
بالعصا تشوفه يطك راس الحسين
اويشتم ب امها وابوها بغطرسه
علي احسان هيچل الكربلائي
قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4
**جينه ننشد فاطمه اعل اجنينها
صدگ حال الباب بينه و بينها
…………………………………………………………
جينه ننشد فاطمه و نحمل جرح
جرح غُمگ البير يتذره ابملح
صدگ بالبسمار محسن منذبح
صدگ شج ابرگبته مثل الرمح
و رگبته عن الجسد ممحينها
جينه ننشد فاطمه اعل اجنينها
…………………………………………………………
جينه ننشد وانعرف منها الخبر
صدگ وياها الطفل هم انعصر
والگلب مثل الضلع هم انكسر
اشوف ابنها ابين تربان اندثر
لشوفة الكاروك شوغه ابعينها
جينه ننشد فاطمه اعل اجنينها
…………………………………………………………
صدگ هم بالنار يالزهره انجوه
عاش بس بالظلمه ماشاف الضوه
ولا شهگ بنفاسه نسماته الهوه
محسن و دمعاتج الصگطن سوه
و روحج اعل ابنيّج مأذينها
جينه ننشد فاطمه اعل اجنينها
…………………………………………………………
ننشدج من طاح هم ناح وبجه
ابجلمة اليمه يفاطم هم حجه
من اذه البسمار هم گال وشجه
ابحضنج ولو على التربان انتجه
وهم على جفوفج وضع جفينه
جينه ننشد فاطمه اعل اجنينها
…………………………………………………………
صدگ زينب حضّرت ليه المهد
لازمه اگماطه وتگل لمها اشبعد
يمته اسمع صوت محسنّه انولد
يمه اخوتي اثلاثه يزداد العدد
وياها فرحان الحسن و حسينها
جينه ننشد فاطمه اعل اجنينها
…………………………………………………………
يا هو الاصعب يم حسن وكت الدفع
طفل من احشائج اصبح منگطع
لو جذوع العصرت و كسرت ضلع
لو من ايد الطاغي وجهج منصفع
عين حمره اعله الوصي اتغطينها
جينه ننشد فاطمه اعل اجنينها
……………………………………………… ..........
اثنينكم ما شفتوا شي من العمر
هو طير وما عرف معنى الفجر
وانت ورده وبيها مذبوح العطر
موش بالبستان تسكن بالكبر
اثمنطعش فوگ التراب اجبينها
جينه ننشد فاطمه اعل اجنينها
…………………………………………………………
✍️ ( سيد خضر الزاملي)
قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4
**زینب اتعاين الإمها ابیا وضع
اید فوگ العين وايد اعلى الضلع
تعاين امها مگبعه بضيم الدهر
وتشكي حالتها لعلي فارس مضر
تگله بعيونك شفت ضلعي انكسر
وشفت سطرت گنفذ الخلت طبع
انته حيدر بالحرب مالك مثيل
وانته وكت الضيج حماي الدخيل
وادخلت عندك بدمعي اللي يسيل
والدخيل العرب توگفله درع
وهيه عاده اللي يطيح ابموزمه
بس يصيح بصوت ياحامي الحمه
تگضي شدته بالأرض لو بالسمه
واني گدامك طفو نوي اليشع
وهيه تشكي لحيدر وزینب تون
ولبو اليمه تعنت بدمع الحزن
تگله یا ریته عمه صبي الجفن
ولا يشوف أمي بهضم تهمل دمع
گوم ويايه يبو گلب الحنين
بشوفتك يستر گلب امنه الحزين
وحين گصدوا لمهم وشافت حسين
تگله ضلعي يمه بي لا تنصدع
ضلعي واحد يجي المهدي ايجبره
لچن صدرك كل ضلوعه امکسره
وبضلوعك تضل زینب حايره
وتريد تجمعن لچن ما تنجمع
يمه شحجيلك بعد عن يا جرح
جسمك يضل عاري من بعد الذبح
وراسك يشيلونه يحسين برمح
وراسي عالزان ویه راسك يرتفع
الشيخ زمان الحسناوي**#اللهم_عجل_لوليك_الفرج
**امنيتي هاي
روحي تطلع وانه خادم
واخر انفاسي يفاطم ..امنيتي هاي
كون اموت وثوب خدمتهم علية
لو محرم لو ليالي الفاطمية
#########################
شايل اجروحي ابمجالسهم واون
وبانت اعلة ارسومي شيبات الحزن
امنيتي عن الغير تفرق بالجرح
كون باخر دمعة عالزهرة اندفن
هنيالي
لومتت ليها ابحسرتي
لو يدفنوني بدمعتي
ومات خادم تبقة قصتي ..هنيالي
الكاها وين
واني الطم عيني تنسد
وترضة عني سر محمد ..الكاها وين
وعالصدر يلكون اثار امندية
لو محرم لو ليالي الفاطمية
#########################
تحضر الزهرة العزاء وتستمع
اليقرة مكسور اعلة مكسور الضلع
واحضر ابمجلسها دنية امن الامل
بلكي تنظر ليه وبعيني الدمع
امنيتي
تشوفني ابجي اعلة العقيلة
وانه اقرة اشلون ليلة
واحنه ماعدنة وسيلة ..امنيتي
واتصدلي عين
واني انوح اليوم عاشر
وابجي من دوس الحوافر..وتصدلي عين
شكبرة حضي وتنظر اعليه الزجيه
لومحرم لو ليالي الفاطمية
#########################
تحضر ام حسين بس اموزرة
تنعه جف مسلوب محبس خنصرة
هذا جف ايلاعب ابشيب النبي
وحتى جف حسين كطعو منحرة
وياها
روحي وتون اعلة ونها
النام عالتربان ابنها
الدنية ماكفت حزنها ..وياها
البس سواد
مات كل لون اعلة عيني
جرحي مايبرد حسيني..البس سواد
وكلبي من الاه بي خنكة مسية
لومحرم لو ليالي الفاطمية
#########################
اهناك اجرك ينحسب كد خدمتك
يعني لمجازاة انته ولطمتك
السراط ايهون لليحضر عزة
أبجي لحسين ونجاتك دمعتك
بحساسي
فوز روحي بكد بجيها
الزهرة تاخذني بأديها
وعايش اعلة وعليها..بحساسي
عندي اعتقاد
الله خالقني الأجلها
انحب الزينب واهلها..عندي اعتقاد
الله خالقني الطم الهاي الرزية
لومحرم لو ليالي الفاطمية
#########################
واني قصتي اجروح مو قصة اجر
حسين ماضل بي ضلع مامنكسر
ابروحي نار الخيمة والياهي اطلعت
اعلة الهزيلة وماشية الدرب اليسر
بعيوني
دمعة للراحت سبية
الحارت تسكت رقية
شيكضي حزني ودمعه هية ..بعيوني
ماتبقة روح
ابجسمي من اذكر سبيها
امنذكر المشدودة اديها..ماتبقة روح
هية زينب والمدامع هية هية
لو محرم لو ليالي الفاطمية
#########################
ذوالفقار الزيدي
قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4
**يا صخرة المغتسل
احچيلي شنهو الحصل
گالولي محني حَنْيّة الحاجب
اشايف عليَ بنَ ابي طالب
يا صخرة المغتسل
...
انه الامام الغبت عن هلي واصحابي
جدي القلع باب وأنه ابچي دمه يم بابي
يا صخرة المغتسل جيتج من اغيابي
اويلاه
سمعت بقصة الزهره وضلعها
عليها انطبگت الباب بجذعها
عله المحسن ابد ما كف دمعها
واصابع عشره فوگ الخد طبعها
تنزل دمعتي دمه
يا چف سطر فاطمه
وعالمغتسل فيض الدمع كاتب
اشايف عليَ بنَ ابي طالب
...
هجمو عله الباب والضلوع سوه كسروها
قديسة الكون عجيبه العده يشتموها
ام الحسن امي حته بعصي ضربوها
اويلاه
العظيمه طاحت ودارو عليها
قنفذ من اجاها اشسوه بيها
بمتنها بسوطه يضربها واديها
بچت والناس ما تسمع بچيها
ريحانة المصطفه
اسود متنها صفه
يحجي الجرح للبير ويعاتب
اشايف عليَ بنَ ابي طالب
...
ما تگدر تگوم گِضت كل عمرها بهمها
لمّن تِصلي يجيها الحسن يلزمها
ولو رادت تنام يِظل الضلع يلچمها
اويلاه
ضِلوع مهشمه مو ضلع مهشوم
عله الجانب الايمن ناسيه النوم
تتشاهد لونها رادت تگوم
حسين اعليها يبچي وگلبه مهظوم
بعيناها طافي الضوه
گوه تشم الهوه
گلبه مثل بابه بجمر لاهب
اشايف عليَ بنَ ابي طالب
...
وصت علي يا علي اِگْرَب واسمعني
من يدنه موتي بظلام الليالي ادفني
ما ريدن افلان وَلَـفلان يجي يشيعني
اويلاه
حچت كلمه وجرت دمع الهظيمه
اوصيك اعله زينب صير خيمه
حبيبة گلبي راح تظل يتيمه
تره ابنيتي هظيمتها هظيمه
بغُسلي يخيرِ العمل
ثوبي عَلَي خل يِظل
وكت الغسل صاح البچي واجب
اشايف عليَ بنَ ابي طالب
...
المهدي بچه ولنّه يسمع جواب الصخره
جدك علي ما دره بالجره اعله الزهره
وكت الغسل شاف متنها ضلعها وكسره
اويلاه
لگه ضلوع الزچيه مكسريها
لگه آثار چويات بإديها
لگه متون الزچيه مورميها
طول الليل ظل يبچي عليها
حاضن ضلعها وبچه
وضم الجرح ما حچه
اتمنه ما تسألني يالغايب
اشايف عليَ بنَ ابي طالب
...
خادم الحسين ( عليه السلام)
كرار حسين الكربلائي
( ابو كميل )
قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4
#بحر **عليُ ابنَ أبي طالِب
حِرزي اِبساعَةِ الشِدَه
اِبوَكِت ما يِنفعِ الإنسان
لا مالَه و لا وِلدَه
ــــــــــــــــــــــــــــــــــــــ
الناس اِتخاف مِنِ الموت
وِ احنه لا أبد هيهات
أحلى امنِ الشَهَد عِدنَه
اُو نِتاني عالَمِ الأموات
نِدري بالگبُر يِحضَر
كفيل إلنه أبو الشِدات
“الضَغطَه” ما تُمُر بِينه
“الوَحشَه” هَيِنَه اعلينه
اِذا حيدر علي اِيجينه
على حِجرِ الوَصي يِغفَه
الشيعي لَمنِ اِنوَسدَه
ــــــــــــــــــــــــــــــــــــــ
الگبُر وَحشَه على العاصي
اُو جَنَه الكل شَخُص مُؤمِن
اُو خصوصاً لَمَن الشيعي
اِبحُضور الوصي مِتيَقِن
اليِشوفه يِشعُرِ اِبراحه
بَشوش اُو گلبه مِتطَمِن
الليله الأولى مِن گبرَه
علي ما يِترِكه اِيحِضرَه
يِنَوِر گبرَه بالبُشرَه
ياخِذ بيده هنياله
و أبد ما يِترِكه الوَحدَه
ــــــــــــــــــــــــــــــــــــــ
بَين الواگف اِبحِيره
اُو ذاكه المِنكِسِر ظَهره
يِمشي اِبلايه خوف اعليْه
الشيعي واثِقِ اِبأمرَه
يِشوف اعله الصِراط اهناك
علي الكرار مِنتَظرَه
يِروح الرَحمِته اُو لُطفَه
دِليله امنِ البُعُد يِشفَه
الكوثَر يِشرُبَه اِبچَفَه
أحلى امنِ العَسَل والله
اليِشرَب گطره مِن عِندَه
ــــــــــــــــــــــــــــــــــــــ
باچر بالقيامة الصوت
يِدوي ابساحَةِ المَحشَر
الملائك توگف اِتنادي :
هَلا اْبشيعة علي حيدر
اَبواب الجِنان اهناك
تِتاني الشيعة مِن تِحضَر
مِشينه اُو كِلها تِسمعنه
آخِر هَمنَه هالجَنَه
نِريد العَلي نِتعَنَه
نِشَبِّع عينه اِبوَجهه
اُو نور الساطع اِبخَدَه
ــــــــــــــــــــــــــــــــــــــ
عَهد هذا العَهَد ويّاك
مِنِ المَهَد وَقعناه
مِشينه ابدربك الطاهر
اُو نِظَل للموت ما ننساه
شيعة و اليعادينه
وَعدنه الآخِرَه ويّاه
مِن نوگف على الميزان
اهناكه يِحكُم الديّان
منو الرابح منو الخسران
اُو بلا شَك شيعة الكرار
تِفوت اُو تِعبُر الشِدَه
عبداللطيف خالدي
قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4
(( #الزهراء_أم_الجميع ))
……………………………………………………………
للساده والمو ساده أم فاطم
الخادم تحسبه من بني هاشم
الگلب الحنين .. ام الحُسين
……………………………………………………………
الهذا الشرف يوصل منو
ام فاطمه وحيدر ابو . اتفاخر يخادم
خل هامتك علو النجم
اعله الظالم اشيل الخشم . جنك القاسم
مو بالذي هو اخترع . هالكهرباء والذره
يل شايل اولاية علي . بيك السماء مفتخره
بالدنيه يا هو اليشبهك . وامك تصير الزهره
چي بيك عطر الگمر وزنوده
الحور بسمك تنشد انشوده
مقروره عين .. ام الحُسين
……………………………………………………………
ام ضحت الاجلك ضلع
واتحمّلت ثگل الجذع . والحرك والنار
ضحت ببن ما منولد
مذبوحه من دون الورد . بحشاها بسمار
اعل الارض من طاحت تره . للشيعه دين اتعلّه
خلّتنه كل واحد أسد . انشوف النواصب نمله
يا فاطمه واسمج سمو . فطمتنه عن الذله
عين الطفت من شدة الصفعه
للشيعه صارت بالدرب شمعه
تضوي السنين .. ام الحُسين
……………………………………………………………
شگد جاعت الزهره شكثر
من اجل سفرتنه أتعمر . كل خير منها
ما لبست الفضه وذهب
واسنين عاشتهن تعب . من زغر سنها
واليوم ناكل هالخبز . من طحن ذيج الرحه
تستغفر النه وتندعي . لو سبحت بالسبحه
هي الطبيبه الكل جرح . بس بالضلع منجرحه
كل طفل يغفه و روحه مبتشره
لو صاحت امه اعل اسمك الزهره
حصن الامين . ام الحُسين
……………………………………………………………
أُمنه ومنو اليشبها من
تفاحه من جنه عدن . والناس من طين
گبل الكواكب والسمه
مخلوقة امك فاطمه . وحواء بعدين
بعنوان خادم فاطمه . جبريل الله يكرمه
ادريس الكتب اول حرف . من عدها ماخذ علمه
لولاها نوح ولا نجه . ولا موسى رد الـ أمه
لو ما بسم فاطم عله صوته
جا بقه يونس في بطن حوته
صاح ابـ أنين .. ام الحُسين
……………………………………………………………
امن الفاء مخلوق الفجر
يشبه وجه امنه اشكثر . من عدها نوره
من الالف صارت ارض
خضره اصبحت طول وعرض . في احلى صوره
امن الطاء كل طير انخلق . اعل اجناحه كاتب فاطم
امن الميم ماي الها انوجد . ابحبها النهر ظل باسم
من الهاء مصنوع الهوه . اتشم ابفضلها الوادم
بجفوفها و لو دارت السبحه
ادور الفصول الاربعه ابفرحه
القطب المكين .. ام الحُسين
……………………………………………………………
معروفه عد كل العرب
صاحب الثار ايوج لهب . وما ينسه ثاره
احنا امنه ماتت بالعصر
وبيديها آثار الجمر . ادموم اتجاره
كلمن يشكك بالضلع . اعتبره من عدواني
وبوجهه اقف هيبة اسد . كالسيف اسل الساني
للمهدي من هسه استعد . قادم تره السفياني
باجر المهدي ايحاسب الامه
ويطلعه من گبره الضرب امه
الثار المبين . ام الحُسين
……………………………………………………………
✍️ ( سيد خضر الزاملي )
قناة الرجوع الى الله @h_ameer1
قصائد منبريه مكتوبه @h_ameer2
ملا ابو امير الفاطمي @h_ameer3
قصائد نسائية مكتوبه @h_ameer4
وجهت وجهي لخدمتج وأبروحي نار أمصيبتج
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
وجـهـت وجهي ومعـتني وأعـيوني خـدام
هيـجي اليطب بخدمتج چن طب للاسلام
هـذا أنتـمائي بمنـهجـج وبكـل سـنه وعـام
بجنسـيتي أكتـبـي بالضـهر يالـزهره لـطام
خل تشهد أعيون السمه أني بشعائر فاطمه
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
من زغري وأخدم منبرج حد ماذره الشيب
يا أمـي وأني مصيبـتج حافضـها عالغـيب
يمـراد وأنـفـاسـج علـگ وبـمأتمـج طــيب
العافيـته مو كلـش يجـي للمجلس أيطيب
متعود أبلطم الصدر من المهد حتى الكبر
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
بصـدري أثـر من اللـطم وأجـفوفي والعين
بثـيابي عـطر المجـلسج من عـطر الحسين
من أرفـع أيـدي لـدعـوتج يا يـمه تنـطيين
من خيـرج الكـل الخـدم خـيرج توزعـيين
خيرج علينا أبكل وكت مثلج حنينه ولاشفت
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
أشـعر قلـيل بخـدمـتج وأمـصابـج اهـواي
شـاري رضـاتـج بالنـفـس للـخدمـه شـراي
لـو گـبـرج أنـدالـه أجـي يالـزهـره مـشـاي
وأني بسبـيلج فاطمـه أسگـي اليجي ماي
تمشيلج أعيوني وجدم موكب وأسير وي الخدم
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
عبدج وأعيش أبرحمـتج وأبروحي نيشان
من أسمـع بمجـلس أجـي لـو ويـن ما جان
تفـگـدين خـادم مـا أجـه أدوريـلـه عـنوان
تـرحـيـن ألـه لــو للـگـبـر تـقـريـلـه قــرآن
تـقـريلـه قـرآن وألـه رفعه وشفاعه ومنزله
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
يارحـمـه الله الـواسـعـه يابـنـت الأطـيـاب
خادم وأبـن خادم الـج وأدمـوعي عالـباب
قبليـني خـادم وأفتـخر ياجـرحي ماطاب
مو بس ألم كسر الضلع يوجعني ألاحجاب
شيعي وغيور لمحنتج تاذيني كل الأذتج
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
صرت بحسينيتج گبل ما انولد روح
واعرف مجالس فاطمه تحضرها وتنوح
مجلسج يا ام الحسن جنه فلك نوح
واليحضر يعزي نجه والما اجه يروح
بيج الشفاعه التنشفع لو باجي الج قطره دمع
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
هاذي الليالـي الـمؤلـمة لازم نـواسـيـج
بيـا صوره اقـدملـج حزن يزهره يـرضيج
انطيتينه من عمرج ضلع جا شنهو ننطيج
كلـشي قلـيل انـقدمـه ما اضـن يـجازيـج
بس الله يعلم رفِعتج والجنه تحت اوصيتج
ميت بحزنج بس أعيش برحمتج
✾✾✾✾✾✾✾✾✾✾✾✾✾✾✾✾✾✾
الشاعر زين العابدين الشمري
قناة الرجوع الى الله @h_ameer1
قصائد منبريه مكتوبه @h_ameer2
قصائد منبريه مكتوبه @h_ameer3
قصائد نسائية مكتوبه @h_ameer4
القناة الرسمية والموثقة لـ أخبار وزارة التربية العراقية.
أخبار حصرية كل مايخص وزارة التربية العراقية.
تابع جديدنا لمشاهدة احدث الاخبار.
سيتم نقل احدث الاخبار العاجلة.
رابط مشاركة القناة :
https://t.me/DX_75
Last updated 1 year, 3 months ago
القناة الرسمية لشبكة ملازمنا كل مايحتاجه الطالب.
((ملاحظة : لايوجد لدينا اي حساب تواصل على تلكرام ولا نقوم بنشر اعلانات في القناة))
Last updated 3 days, 21 hours ago