У лінейцы Zavieja звычайна спалучаюцца два гатункі хмелю, каторыя цікава дапаўняюць адзін аднаго. І гэтым разам атрымалася сапраўды шыкоўнае спалучэнне неверагодна свежых Sabro і HBC 1019. Цікавасць гэтага яшчэ і ў тым, што два гатункі з'яўляюцца дзікімі неамексіканскімі сваякамі, і прыўносяць у падступны мутны IPA Завея яскравыя водары ўсіх відаў какосу, каторыя вы толькі можаце сабе ўявіць - аксамітнае какосавае марозіва, смажаная какосавая мякатка і фантастычна асвяжальная какосавая вада.
Яшчэ адна нагода зайсці сёння ў Маланку!

Мы ведаем, што вам падабаецца, калі мы здзіўляем вас новай Сальсай. І гэты раз, спадзяемся, не будзе выключэннем. У новы таматны гозэ дадалі вельмі рэдкі інгрэдыент - чорны часнык. Гэты дзіўны прадукт атрымоўваецца ў працэсе вельмі павольнай рэакцыі Маяра, калі галоўкі часныку на працягу некалькіх тыдняў вытрымваюцца пры высокай вільготнасці і тэмпературы 60-90 градусаў. У шчыльную, крыху вэнджанаю таматную базу з каляндрай, чорным перцам, чылі і кменам далучыліся незвычайныя смакі салодкага, вільготнага чарнасліву і печанага часныку. Saĺsa: Black Garlic ужо на кране!

Учора па тэхнічных прычынах розыгрыш не адбыўся. Таму сачыце за ім ў інстаграм-акаунце Spin Bar сёння ў 20:00.

Спадзяемся, наплыў аматараў панку не перашкодзіць вам пазнаёміцца з дзвюма навінкамі сённяшняга дня!

☄️Гатункі хмеля з Аўстраліі заўсёды вялікія, яскравыя, магутныя. І зусім невыпадкова тое, што для пшанічнага падвойнага IPA Абшар Маланка абрала гэтым разам менавіта хмель Vic Secret з далёкага чырвонага кантыненту. Звышсакавіты гатунак пераўтварае мутны сонечны напой у ананасавую цукерку ў шакаладзе, добра знаёмую з маленства. Акуратны, збалансавана салодкі, прыгожа саламяны і такі падступны! Усім Абшар!

⭐️І яшчэ адзін гатунак – лёгкі, але між тым яскравы пэйл эль Млосць. Просты, але з такім патрэбным яму ледзь заўважным салодкім соладавым адценнем, збалансаванай гаркатой і выдатнымі араматамі хмеля Elani – трошкі жоўтай гуавы, трошкі цэдры лайма і зусім трошкі чорнага перцу. Сапраўдны хатні пэйл эль!

Заўтра, 29 траўня, у нашым бары пройдзе панк-квіз! Хто хацеў удзельнічаць, але не паспеў, таму прапануем падпісацца на канал https://t.me/punkqueez і не пстрыкаць дзюбай!

Карацей, заўтра з 19:00 да 22:00 амаль усё сталы будуць занятыя. Але вы ўсё роўна прыходзьце?

Нарэшце, новая Smuha! Мы ведаем, што гэта адна з самых вашых любімых лінеек. Шчыра кажучы, і нашая таксама. Новая Смуга - гэта чарговы эксперымент з незвычайным, адносна новым хмелем HBC 586. Сакавіты падвойны New England IPA мае прыемны смак спелага манга, шакаладнага апельсіну і трапічных перцаў. Пяшчотны хэйз і лёгкая гарката гэтага піва — менавіта тое, што заўсёды чакаюць ад Смугі. Cheers!

Вясновае паветра пахне па-асабліваму. Мы спадзяемся, што новы пэйл эль у стылі Новай Англіі з гучнай лінейкі Pavietra будзе выдатным кампаньёнам для вашых павольных і настальгічных вечароў. Звараны на цікавым хмелі Idaho Gem, ён нагадвае гэтыя незвычайныя вясновыя водары, падобныя на подых леманграсавага брызу, ледзь саланаватай вады паўночных мораў і тонкіх, амаль празрыстых адценняў кветак чабора. Чакаем цёплае паветра разам з халодным Паветрам у вашых куфалях!

У гонар Дня Святога Патрыка на кранах вас сёння чакаюць два ірландца O'hara's - Irish Nitro Red i Irish Stout! Наліваем Nitro Red прыгожа, амаль як у Ірландыі - з каскадам і прывабнай пенай.
А ў гонар таго, што ў нас добры настрой, мы разыграем яшчэ адну фірмовую цішотку з лога трэцяга Дня Народзінаў бара! Тыя, хто набудзе куфаль ірландскага с 17:00 да 20:00, могуць удзельнічаць у розыгрышы.
Такія цішоткі можна і набыць самастойна за сапраўдныя грошы?

Новы таматны гозэ Saĺsa з цікавымі перцамі Piri-Piri ад нашых шаноўных сяброў! Гэтым разам чараўнік і майстар усяго пякучага Кірыл "Death Ville" падрыхтваў экзатычныя перцы піры-піры родам з далекай Паўднёвай Афрыкі. Класічная шчыльная таматная база з ашчадным дадаткам спецый стварае прыемнае палатно для пякучых і яскравых трапічных смакаў фермантаваных перцаў, якія Кірыл вырасціў у роднай беларускай глебе. Сябраў, нават тых, хто знаходзіцца далёка, мы трымаем блізка да самага сэрца!