Тошкент шаҳрида янги қурилишларга мораторий эълон қилинадиШавкат Мирзиёев қурилишга рухсат берилганда, мавжуд инфратузилмага юклама бўйича аниқ ҳисоб-китоб қилинмаётгани, яшил майдонлар ташкил қилиш ишлари қурилишлар билан ҳамоҳанг олиб борилмаётганини танқид қилди.

Шу боис, шаҳарнинг бош режаси тасдиқланмагунча янги қурилишларга мораторий эълон қилиниши таъкидланди.

2023 йилда Тошкент шаҳрининг яшиллик даражасини 28 фоизга етказиш вазифаси қўйилди.

Шу мақсадда 100 гектар майдонда янги боғ ташкил қилинади. “Тошкент яшил белбоғи” лойиҳаси бошланиб, баҳор мавсумида 525 минг туп дарахт ва буталар, 20 миллион туп гул кўчатлари экилади.

@muxbirdaliev

Тошкент шаҳрини энергия ресурслари билан таъминлашни яхшилаш мақсадида Президент Шавкат Мирзиёев томонидан қуйидаги қўшимча вазифалар белгилаб берилди:

— саноат зоналари ва йирик корхоналарда қуёш панеллари ўрнатиш орқали 400 млн кВт соат электр чиқариш бўйича лойиҳаларни бошлаш;

— ижтимоий соҳа ва давлат идоралари биноларида қуёш панелларини ўрнатиш ҳисобига 75 млн кВт соат электр ишлаб чиқаришни таъминлаш;

— Юқоричирчиқ туманида 500 МВтли йирик қуёш электр станциясини қуриш;

— Тошкент шаҳридаги саноат корхоналарида электр йўқотишларини 1 фоизга камайтириш ва энергия самарадорлигини 3 фоизга ошириш;

— 1 817 та кўп қаватли уйларнинг ички иситиш тизимини тўлиқ янгилаш;

— 300 км магистрал иссиқлик тармоқларини янгилаб, йўқотишларни 5 фоизга камайтириш.

Умуман, Тошкент шаҳрида қайта тикланувчи энергияни жорий қилиш учун 1 млрд доллар йўналтирилади.

@muxbirdaliev

ТЕЗКОР ХАБАР!

Бугун 27 январь, соат 10:00 атрофида Human.uz сайти директори Хуршид Далиев, сайт бош муҳаррири Муслим Мирзажонов ва сайтнинг бошқа ходимлари ўзини “орган ходимлари” деб таништирган инсонлар томонидан Human.uz сайтининг Тошкент давлат аграр университети ҳудудида жойлашган офисидан олиб кетилган.

Шунингдек, “орган ходимлари” томонидан офисдаги эшиклар бузиб кирилган ва айни дамда барча маълумотлар, қурилмалар тинтув қилинмоқда.

Human.uz сайти таҳририяти тўсатдан ва огоҳлантиришларсиз олиб кетилган барча инсонлар саломатлиги ва ҳолатидан қаттиқ қайғуда. Уларнинг ҳеч бирига алоқага чиқишнинг иложиси бўлмаяпти.

Шунингдек, таҳририят ушбу ҳолатни Ўзбекистон Республикаси Президенти сиёсатига мутлақо зид ва сўз эркинлигига таҳдид деб ҳисоблайди.

Human.uz сайти барча ОАВ нашрлари, блогерлар ва ҳуқуқ фаолларини ушбу тезкор хабарни ёритишда кўмак беришларини сўраб қолади.

Ҳуқуқни мухофаза қилиш органларидан эса вазиятга ойлинлик киритиб расмий муносабат беришини сўраймиз.

Human.uz сайти таҳририяти

@humanuzofficial

Ижтимоий тармоқларда “Ёшлар – келажагимиз” жамғармаси Қашқадарё вилояти филиали собиқ раҳбари ва МЧЖ раҳбари пулларни талон-торож қилишда гумонланиб, қамоққа олингани ҳақида хабарлар тарқалди.

Бу хабарларга аниқлик киритилишича, ҳолатни жамғарма марказий аппаратининг ўзи аниқлаган ва 2022 йил 16 декабрда қонуний чора кўрилиши юзасидан тўплаган ҳужжатлар вилоят прокуратурасига тақдим қилинган.

? @Zafarbek_Solijonov