Тыа хаһаайыстыбатын үлэһиттэрин съезтэрэ буола турар Дьокуускайга бу күннэргэ. Ордук болҕомто кээпэрэтииптэргэ туһаайыллар.

Саха сиригэр бүгүҥҥү күннээҕи дааннайынан, 360-тан тахса ТХПК баар диэн тустаах министиэристибэ иһитиннэрэр.

Куттала суох олохтоох бородууксуйаны оҥорон таһаарыыга сүрүн сыал-сорук ууруллар, дойду үрдүнэн.

#тыахаһаайыстыбата #олохтоохбородууксуйа

Бүгүҥҥүттэн үүт туттарыыта 1 Дьөппөҥҥө саҕаланна👍

"Үүт туттарааччы Скрябин Аркадий Владимирович 2024 сылы арыйда. Маннык үөрэн-көтөн үүт туттара кэлэллэрэ биһигини үөрдэр, үлэлиэх-хамсыах санаабыт өссө күүһүрэр. Быйылгыттан биир лиитэрэ үүт 80 солк буолла. Онон сүөһү ииттэр барыстаах буолан иһэр, эдэрдэр хаһаайыстыбаланыҥ диэн сүбэлиибин", - диэтэ үүт тутар собуокка үлэлиир, бэйэтэ кэргэнин кытта улахан хаһаайыстыбалаах Вера Яндреева.

Былырыын муус устар ортотуттан үүт тутуута саҕаламмыта. Сылын аайы эрдэлээн иһэр, онон дьон былааннаан үлэлииллэригэр тоҕоостоох буолла👍

Бу собуокка хоточчулар уонна тиит-эбэлэр үүттэрин туттараллар.

#тыасирэ #үүт #дохуот

Чурапчыларга эҕэрдэ👍👋🏻

«Чурапчы» ТХПК бырабылыанньата буолан ааста, онно улууспутугар үүт соҕотуопкатын сыанатын өссө эбии үрдэтэр туһунан быһаарыныыны ылыннылар, диэн суруйда олохтоох суруналыыс Сэмэн Жендринскэй👍

Биллэн турар, дьону хамнастаан, нолуок төлөөн үлэлиир хаһаайыстыбалар ороскуоттара олус элбэх. Билиҥҥи балаһыанньаҕа оҥорон таһаарар аспытын элбэттэхпитинэ, атыттартан тутулуктаммакка бэйэбитин толору хааччынар кыахтанабыт. Ити инниттэн, тыйыс усулуобуйаҕа олорорбутунан ороскуоппут элбэҕинэн сибээстээн,  тыа хаһаайыстыбата сөптөөх көмөнү хайаан даҕаны ылыахтаах. Иккиһинэн,  үбүлээһин быһаччы оҥорон таһаарааччыга тиийэн, быдан көдьүүстээх буолара саарбахтаммат, диэн суруйар кини.

“Кэпэрэтиип бырабылыанньатын уопсай мунньаҕын уурааҕар олоҕуран, судаарыстыбаннай субсидия 1 киилэ үүккэ көрөр 65 солкуобайыгар бэйэбит 15 солк эбэн биэрдибит. Онон 2024 сылга Чурапчы кээпэрэтиибэ хаһаайыстыбалартан киилэ үүтү 80 солкуобайга тутар", - диэн бырабылыанньа бэрэссэдээтэлэ Алексей Егоров эттэ.

#ынахүүтэ

Российскай Федерация бырабыыталыстыбатын 2023 сыл алтынньы 25 күнүнээҕи 1782 №-дээх “Об утверждении общих требований к нормативным правовым актам, муниципальным правовым актам, регулирующим предоставление из бюджетов субъектов Российской Федерации, местных бюджетов субсидий, в том числе грантов в форме субсидий, юридическим лицам, индивидуальным предпринимателям, а также физическим лицам – производителям товаров, работ, услуг и проведение отборов получателей указанных субсидий, в том числе грантов в форме субсидий” уурааҕар олоҕуран, 2024 сылтан саҕалаан, тыа хаһаайыстыбатын оҥорон таһаарааччыларыгар көрүллэр туох баар судаарыстыбаннай бырагыраамаларынан ыытыллар куонкурустарга “ЭЛЕКТРОННЫЙ БЮДЖЕТ” диэн биир кэлим систиэмэнэн үлэлиирбит булгуччулаах.

Ол эбэтэр, холобур “Агростартап” куонкурсугар кыттааччы “Электронный бюджет” (ЭБ) порталга регистрацияланан сайаапкатын биэрэр. Урукку курдук кумааҕы тутан баран, минсельхоз көрүдүөрүгэр уочараттаан турааһын, күнү-дьылы барааһын тохтуур👍

Бүгүн бу тиэмэнэн Липецк куораттан, “Народная школа кооперации” салайааччыта Анатолий Коротаев семинар оҥордо. Олус интэриэһинэй уонна олус наадалаах дьыала эбит диэн тута этиэххэ наада.

Кини систиэмэҕэ тус сирэйгэ регистрацияны (физлицо, юрлицо) ааһыыттан саҕалаан, хайдах сайаапканы оҥорон, ЭЦП-нан баттаан ыытар туһунан инструкцияны көрдөрө-көрдөрө кэпсээтэ.

Холобур, куонкуруска кыайар түгэҥҥэр, аны бу “ЭБ” порталынан отчуоккун оҥороҕун. Хонтуруолланар түһүмэҕиҥ эмиэ манна баар. “Госуслуги” порталы кытта ыкса сибээстээх.

Уопсайынан биирдэ-иккитэ практикаланнахха олус табыгастаах систиэмэ эбит дии санаатым.

Тыа хаһаайыстыбатын ресурснай киинэ маннык семинардары ыытара дьон үлэтин сааһыланарыгар, былаанныырыгар олус наадалаах✅

#господдержка #апк #минсельхоз

Дорооболоруҥ!

Тыа хаһаайыстыбатын министиэристибэтин сүөһү иитиитигэр, племенной дьыалаҕа, кооперативтары уонна пиэрмэрдэри кытта үлэ департаменын салайааччытын солбуйааччыта Айаал Тимофеев иһитиннэрбитинэн, “Агротуризм” граҥҥа кыттааччылар туризм дьыалатыгар эбии үөрэҕи ааһыахтаахтар. Ол быйылгы критерийга баар.

В.И. Вернадскай аатынан норуот хаһаайыстыбатын университета (https://t.me/rgunhru) үөрэтии бырагырааматын тэрийдэ. Манна бырайыагы оҥорууга, турмаршрут, турпродукт уонна да атын тиэмэлэргэ билиини эбиниэххэ сөп.

Ол иһин регионтан “Агротуризмҥа” кыттыан баҕалаахтар бу сигэнэн https://dpo.rgunh.ru/courses/896/ киирэн курс ааһарга суруйтараргытыгар сүбэлиир.

Бырагыраама кулун тутар 18 күнүгэр стартыыр уонна икки нэдиэлэ болдьохтоох ыытыллар. Ити кэмҥэ сайаапканы хомуйуу саҕаланара былааннанар.

Бырагыраамаҕа суруйтарыы (https://forms.yandex.com/u/65e577c143f74f1558635279/).

https://youtu.be/4SsDDfvsRmg?si=6rPk716G4lvLrIxd

Тыа хаһаайыстыбатын салаатыгар аналлаах биэриини киирэн көрүҥ🙌🏻

Санааҕытын комментарийдарга суруйаарыҥ✅

YouTube

«Олох үөһүгэр»: олохтоох оҥоһууну үксэтэр бааһынай хаһаайыстыбалара (12.03.24)

Подписывайтесь на наш канал в YouTube: ▼▼▼ НВК «Саха» - это главный национальный телеканал Якутии. Будьте в курсе главных событий республики вместе с телеканалом НВК «Саха» ▼▼▼ Мы в социальных сетях: Сайт: http://nvk-online.ru/ Вконтакте: https://vk.com/sakha\_nvk…

Горнай кыыһа Ньургуйаана түһэрбит хаартыската. Бэҕэһээ.

Тоһуттар тымныылаах кыһыны туораан, сааскы күн чаҕылхай уотугар кылабачыйа оонньуу турар кып-кыһыл хаптаҕас отонун сиэххэ сөп дуо?

Доруобай ас пропагандиһа, учуонай Константин Максимович Степанов сүбэтин ааҕыҥ:

- Хаптаҕас хомуллуохтаах кэмигэр хомуйуллар, күһүн, ситэн-хотон силигилээн турдаҕына. Ол кэннэ сэппэрээгэр хаалбыт эбэтэр сиргэ таммалаабыт хаптаҕас син-биир бэйэтин иҥэмтиэтин кыралаан сүтэрбитинэн барар.

Ити эрээри битэмиинэ барыта сүтэн хаалбат, уопсайынан айылҕа биэрбитэ барыта туһалаах. Кэлии отоннордооҕор, утахтардааҕар бэйэ сиригэр-уотугар үүммүт туһата баһаам буолар, кыһыныттан, сайыныттан тутулуга суох.

Хаптаҕас уопсайынан тымныйыыга, температураны оннугар түһэрэргэ олус наадалаах.

Ити эрээри биири өйдүөххэ наада - билигин хомуйуллубут хаптаҕас отонун буһаран эрэ баран сиэниллэр.

#учуонай #тускартуһан #хаптаҕас

2024 сылга үктэннибит.

"Сыл - хонук" дииллэрэ чахчы. Сааһырдах аайы кэм-бириэмэ "чыычаах түннүгүнэн көтөн ааһарын курдук" элэстэнэр.

Доруобай буолуохха, иллээх-эйэлээх буолуохха, куттал суоһаабатын, куруук кыайыы баар буоллун🤝🤝🤝

#саҥадьыл #2024