Бүгүн сылгыларбытын чииптээтилэр. Олохтоох ветеринардар Татьяна Яндреева уонна Артем Ефремов далбытыгар кэлэн туруордулар.

Ахсынньы 1 күнүгэр дылы олоххо киириэхтээх дьаһал туолла👍 Махтал ветеринардарбытыгар за профессионализм и оперативность⚡️⚡️⚡️

«Бу күннэргэ сылгыга субсидия ылааччы хаһаайыстыбалар уонна бааһынай хаһаайыстыбалар сылгыларыгар туруордубут. Кэтэхтэргэ 2025 сыл кулун тутар ыйыгар диэри туруоруохтаахпыт. Дааннайы Регагроҕа ыытабыт, бу Россия үрдүнэн үлэлиир бырагыраама", - диэтэ Татьяна Яндреева.

Хоточчуга барыта 410 төбө сылгы баар🙌🏻

#хоточчу #регагро

"Күннэй мүөттээх мааһа" рубрика саҕаламмытынан эҕэрдэлэһиэҕиҥ❤️

Күннэйбин кытта көрүстүм. Аатын курдук күн курдук сырдык, мичээр сыдьаайдаах, ыраас толкуйдаах кэрэ аҥар эбит👍

Мааспын ыллым. Билигин дойдубар тиийдим да туттубутунан барыам🤞🏽🤞🏽🤞🏽

Хайдах соттору кэпсээтэ. Ону көрдөрүөм уонна соттуом. Сотору-сотору отчуот оҥоруом. Бииргэ буолуохха🫶🏻

#мүөт #күн

Кыстыкка саҥа хотонноох киирии - хаһаайыстыбалаах киһиэхэ дьол✅

Бэҕэһээ биир идэлээхпит Евгений Потапов Бүлүү улууһун Тааһаҕарыгар саҥа хотонун малааһыннаабытын туһунан кэпсээтэ. 50 төбөҕө анаммыт хотон👏🏻

Тыа сиригэр олохсуйуон баҕарар, Хаһаайыстыбатын кэҥэттиэн баҕарар, Фермерствонан былааннаахтык улахан объемҥа тахсан үлэлиэн баҕарар эдэр дьон бааллара наһаа да үчүгэй😍

- Икки сылы быһа Агростартапка кытта сатаабытым, кыаллыбатаҕа. Онтон улууһум дьаһалтата көмөлөстө. Тутуннум! - диэтэ Евгений⚡️

Тыа сирэ биир кэлим сайдыытыгар Бүлүү улууһун салалтата көрүүлэрэ киэҥ, дьоһуннаах. Клубника фермата, көтөр фермата, сибиинньэ фермата үлэлээбиттэрэ хас да сыл буолла, сүөһү-сылгы хас сыһыы, алаас аайы баар диэххэ наада👍 өссө Агротуризмҥа балыктааһын ферматын киллэрэн эрэллэр👏🏻

Евгений үөрүүтүн фермер уолаттар-кыргыттар тэҥҥэ үллэһиннилэр🤞🏽

- Э5эрдэ! Дьэ сана хотон диэн абырал, мечта!✊🏼 мэлдьи сылаас, кураанах, ууттээх доруобай суеьулээх буоллун! - диэн суруйда Александр. Оннук💯

#хотон #тыасирэ

"Былыргылыы олорор киһи, төлөпүөнэ да суох", - диэтилэр.

Бэҕэһээ социальнай ситимнэргэ Ньурба улууһун Антоновкатыгар сүөһүлэригэр сиэтэр отун көлүүр оҕуһунан тиэйэн аҕалар киһи туһунан кэпсээтилэр. Аата - Леонид Степанов.

Дьиҥэр, техника той бөҕөлөөх эрээри, кыһыны быһа отун оҕуһунан таһарын Гагарин аатынан уулуссаҕа олорооччулар элбэхтэ көрөбүт диэтилэр.

Мин тус бэйэм Кинини хайгыы санаатым👍 «Былыргылыы» дииллэрин кытта сөпсөспөппүн. Төттөрүтүн - "аныгылыы" толкуйдаах эбит диэн үөрдүм. Саамай күндүнү, киһи тыыннаах, чөл куттаах сылдьан, бу олохтон дуоһуйууну ыларыгар сүрүн күүһүн - доруобуйатын харыстыыр👍👍👍👍👍

Билиҥҥи киһи доруобуйата наһаа мөлтөөтө, күнү быһа төлөпүөҥҥэ "билиэн түбэһэн" олороохтуур, ыраас салгынынан тыыммат, хамсаммат-имсэммэт, онон араас ыарыыга ылларыы элбээтэ диэн доруобуйа харыстабылын үлэһиттэрэ хас хардыы аайы этэллэр.

Эҕэрдэ Леонид Степановка, чэбдик буолуу мэктиэтин үтүө холобуругар👍👏🏻✅

#тыасирэ #чэбдиколох #доруобуйа