ماتمشي عدل
لو ع الحبل مشوك
بس آني غشيم وچنت متأمل
وعلى ياهيه أعذرك
هنّ وحده ثنين
هو العينه صلفة
يفيده التكحل
شسامح شغفر
دگاتك انت هواي
بگد دگات گلب الشارد ويختل .

حضنك مو حنين بوجهي
خله اثار
السفينه تخلي اثر من تحضن
الساحل
ارجعت منك منكسر
منطوي وتعبان
مثل صورة حبيبه
بمحفضة عامل !

انتَ ياهو وهذا ياهو
الگالك روحي ذليلَة
خاف عبالك صرت
فوگ و رهيت
انا روحي عنادها
عناد الفسيلةَ
الظاهر انتَ لهسه
ماتعرف شريد
ولا مفكر تفتهمني
وانا اول ما عرفتك
گتلك حچاياتي ذني
حِطلي فوگ متوني
ضيم اهل العراق
وحطلي گاع الله
وسماها ومايهمني
ولا تحط يمي بشر مايفتهمني !

أنا المَا باجيّ على المِيتين بَاجيلِك .

قبل لا تدخّل حياتي
چنت افكر
ماكو قصَة حُب عظيمة
وفگره الحُب
اني رافضها بحياتي
وحيل احس بيها قديمة
هَلاشياء المالهن داعي بحيَاتي
أنتَ سويت الهن قيّمة.

تَزاعلنا ومر عَ الزعل مُده
ندم وديتله بِس كلشي ماوده .

وحِيرة التهِي بطعنتَك
مِدري التهِي بثارَك
وشتگول أضُم الحَجي
لو أسولف أسرارَك .

اكو وگفات ماتحَتاچ رچلین
الراید خاطرَك علمِاي يمِشيلك .

اذا هوَ العَتب غثك
شسولفلك بَعد وتحن .

تمنيَتك ظروفي الصعبَة ما تمَشي .