اني متاكده هاي الطالبه مريضه نفسيا
او متأثره بالسادس كلش
95 وانتحر عليمن
خسرت الدنيا وبالاخره وراي جنهم
وين عايشين احنه وين؟؟؟

انتحار طالبة في السادس الاعدادي اليوم بعد استلام النتيجة ورسوبها ...

كربلاء المقدسة طويريج

الطالبة حسب موصلني بـ1 وهي معدلها 95%

اعتقد الكل شاف الخبر ، النتائج السبت اريد اقدم فد نصيحة بسيطة لكل الطالبات كوني سبقتكم بالتجربة وعشت هذا الشعور العام

خلي ابالكم شغلة ارضاء الناس غاية لا تدرك راح تواجهون هواي ناس تحجي عليكم و تستهين بتعبكم نصيحه لا تهتمين للحجي ابد مهما كان خليج مؤمنة بتعبج و بالجهد الي بذلتي ع طول السنة و صدكي محد ياخذ غير المقسوم اله اني عدت سنة و اتأكدت من هل شي عرفت انو الحلم و الهدف الي ابالي ما مقسوم الي واكيد ربي كاتبلي الافضل

ارضوا بالنتيجة مهما تكون اعرف الكل تعب و اعرف هل سنة حيل انظلمنة و كل المواد جانت اسئلتهم انتقامية بس اكيد هل شي بي خير و حكمة من رب العالمين واحنه سوينه العلينه بالنهاية الي بأدينة نسعى و النتيجة بأيد رب العالمين
(وأن ليس للإنسان إلا ما سعى )

جنت اريد أهون عليكم و اهون ع نفسي لان اعرف كمية التوتر الي احنه بيه هسه و يمكن هاي اخر مرة احجي وياكم جانت سنة حلوة و ممتعة وياكم انتو و المدرسات كلهم يارب تبقون بخير دائما و كل التوفيق الكم

دمتم في رعاية الله.??

طُلاب السادس الجُمعة? :

تنويه...

طلاب النتائج كلها متوقفة عند وزير التربية حاليا متى ما وافق عليها سيتم نشرها لكن هية خلال ال 72 ساعة القادمة ان شاءالله

(ويُدبر الأمر) يدبر أمرك بينما أنت تحارب قلقك
يدبر أمرك بينما أنت غارق في أفكارك
يدبر أمرك بينما تخشى وقوع مخاوفك
يدبر أمرك بينما أنت مكتف بعجزك
يدبر أمرك بينما أنت تسعى خلف رغباتك
يدبر أمرك لأنه أعلم منك بحالكتوكل عليه .