Vay mənim türklüyümə

Olmuşam eldən uzaq
Çırkini nasıl yazaq
Qurmuşam türkə tuzaq
Vay mənim türklüyümə
Ay mənim təkliyimə

Türk nədir anlamazam,
Kimsəni danlamazam.
Xoruzam banlamazam.
Vay mənim türklüyümə
Ay mənim təkliyimə

Yox olmam yoxluğunda.
Tox olmam toxluğunda.
Sevinməm çoxluğunda
Vay mənim türklüyümə
Ay mənim təkliyimə

Elsevən nədir sözün
Kül olub yandı gözün
Deyirəm biraz dözün
Vay mənim türklüyümə
Ay mənim təkliyimə

✍ İsmayıl Əbdullahı

وای منیم تۆرکلوگٖومه

اوْلموشام ائلدن اوزاق
چیرکینی ناسیل یازاق
قورموشام تۆرکه توزاق.
وای منیم تۆرکلۆگٖومه
آی منیم تکلیگٖیمه

تۆرک ندیر آنلامازام،
کیمسه نی دانلامازام.
خوْروزام بانلامازام،
وای منیم تۆرکلوگٖومه
آی منیم تکلیگٖیمه

یوْخ اوْلمام یوْخلوغوندا.
توْخ اوْلمام‌ توْخلوغوندا.
سئوینمم‌ چوْخلوغوندا
وای منیم تۆرکلوگٖومه
آی منیم تکلیگٖیمه

ائل سئون ندیر سؤزون
کۆل اولوب یاندی گؤزون
دئییرم بیر آز دؤزون
وای منیم تۆرکلوگٖومه
آی منیم تکلیگٖیمه

✍ ایسماعیل عبدوللاهی.

Umudunu göyə tutub bu ölkə,
Yananıla, yanmayanı bilinmir.
Ahıl, cahil bir-birinə qarışıb,
Qananıla, qanmayanı bilinmir.

Yas yerində pıç-ha-pıçlar, gül-ha-gul
Toy evində yanaqlardan axır sel
Dağıl səni belə oba, belə el!
Ah-vayıla tar-kamanı bilinmir.

Qarğa qartallardan adlayıb başa,
Pələnklər baş əyır o bədzat quşa
Necə alışmasın, yanmasın meşə?
Bulbuluylə sağsağanı bilinmir.

Quzu cəsarətdən dərs verir şirə
Çəpış nərildəmək öyrədir nərə
Dırmaşıb istəyir çoxu minbərə
Lotusuyla rövzəxanı bilinmir.

Zəvzəklər əlindən, bezikib vətən
Havaya söz səpır, şuma dənsəpən
Nə əkin əkən var, nə naxır güdən
Nə gözləyır baş çobanı? bilinmir.

Haqq savaşı dönub alış-verişə,
Kasıb-kusub mat qalıbdır bu işə.
Aman Allah! döyüşə bax, döyüşə!
Satqınıla qəhrəmanı bilinmir.

Yan ay Şahmar! qaranlıqlar yarılmır
Alan kimdir, satan kimdir, sorulmur
Baxıcımız fal açmaqdan yorulmur
Düz sözüylə, ağ yalanı bilinmır...

✍Şahmar Əkbərzadə

اومودونو گؤیه توتوب بو اؤلکه،
یانانی‌یلا، یانمایانی بیلینمیر.
آهیل،جاهیل بیر-بیرینه قاریشیب،
قانانی‌یلا، قانمایانی بیلینمیر.

یاس یئرینده پیچ‌-ها-پیچ‌لار، گول‌-ها‌-گول
توی ائوینده یاناقلاردان آخیر سئل
داغیل سنی بئله اوبا، بئله ائل!
آه‌-وایی‌یلا تار-کامانی بیلینمیر.

قارغا قارتال‌لاردان آدلاییب باشا،
پلنگ‌لر باش اَییر او بدذات قوشا
نئجه آلیشماسین، یانماسین مئشه؟
بولبولویله ساغساغانی بیلینمیر.

قوزو جسارتدن درس وئریر شیره
چپیش نریلده‌مک اؤیره‌دیر نره
دیرماشماق ایسته‌ییر چوخو مینبَره
لوتوسویلا رؤوضه‌خوانی بیلینمیر.

زَوزَک‌لر الیندن، بئزیکیب وطن
هاوایا سؤز سپیر، شوما دن‌سپن
نه اکین اکن وار، نه ناخیر گودن
نه گؤزله‌ییر باش چوبانی؟ بیلینمیر.

حاق ساواشی دؤنوب آلیش-وئریشه،
کاسیب-کوسوب مات قالیبدیر بو ایشه.
آمان آللاه! دؤیوشه باخ، دؤیوشه!
ساتقینی‌یلا، قهرمانی بیلینمیر.

یان آی شاهمار! قارانلیقلار یاریلمیر
آلان کیمدیر، ساتان کیمدیر، سورولمور
باخیجیمیز فال آچماقدان یورولمور
دوز سؤزویله، آغ یالانی بیلینمیر...

✍ شاهمار اکبرزاده

Yaşamısan...

Dayan hərdən arxaya bax,
Gələn insan, gedən qonaq,
Ya şam olub, ya da çıraq,
Əridinsə, yaşamısan...

Od yollarda, su yollarda,
Günahın var, yu yollarda,
Sürünmədin bu yollarda,
Yeridinsə, yaşamısan...

Şər ilandı, şər əfidi,
Saflıq ömrün şərəfidi.
Qoru görüm şərəfidi,
Qorudunsa, yaşamısan...

#Zəlimxan_Yaqub

یاشامیسان...

دایان هردَن آرخایا باخ،
گَلن اینسان، گئدن قوناق،
یا شام اولوب، یا دا چیراق،
اَریدینسه، یاشامیسان...

اۏد یوللاردا، سو یوللاردا،
گوناهین وار، یو یوللاردا،
سورونمه‌دین بو یوللاردا،
یئریدینسه، یاشامیسان...

شَر ایلاندی، شَر افعی‌دی،
صافلیق عؤمرون شَرفی‌دی.
قۏرو گؤروم شَرَفی‌دی،
قوردونسا، یاشامیسان...

#زلیمخان_یاقوب

هر حلقه ی زلفون ،له گوروم، منی سن دارا چکیرسن
بو سوسغون کونوله ،مین دفعه لر یاره
چکیرسن
سن مَلک اولسان دا ،بئله_اِذن خدا دن
دردی وئرن ،وقتینه سن چاره چکیرسن

شیطان رجیم دن کی اگر مصلحت اولسا
قورخوم ،اولا_ بو گون ده ،منی دارا چکیرسن
عقل وهوشوم آپاریبسان، داها من حلقه به گوشم
زنجیره ایله باغلانمیش اسیری ،نئیه
نی زاره چکیرسن.

ایلکین تورک اوغلو.

ای طالعی آغلار گونوم
شعیرلریم ین سون مصراعی
غزللریم ده دولاشان ...
ظرافت لی احساس لار

قوتارین :بو اوزون قصیده لری!

بیر کیتاب کیمی ،سونوم تکرارا
خوش اولماز اوخونام...

ناغیل لارین ،سونو قَدر...
شیرین دئییلم من!!

شاه بیتمی، ایتیرمیشم
شعیرلر سیراسیندا

بیر باشلیق آختاریررام
یئنی دن دوغولماقا

کوهنه آغاجام
ایستی دن ،اوزومه کولگه لنیرم.

ایلکین تورک اوغلو.

یوخدو طاقت اللریم ،زنجیر ایله قاندالانا
گورسه، گر مه رویین سنین! ،جان_جانلانا
باغلیدیر  زنجیر کیمی ،جانیم او جانین بندینه
اولسا کوئ ینده بو جان، چآئ ین اولابو قندینه
بولبول خوشخوان اوخو،یارین فراقینده ملول
بلکه قسمت غالب اولسا،طالعیم ائتسین حلول
پائیزیم بیتمز نه غم _ من ،غم کَدر سولطانیم
قالمیشام دردلر ایچنده، _  درد لرین دیوانیم

#ایلکین تورک اوغلو:

یاپراق اولوب خزان لامیش گونلریم
بو آغاج عومروم دن خبرین وارمی؟

بالتا لاری _
ایتی لنمیش ،حایات بویو حکایه مین

_پیتلامیش  اوره گیمده
قاسیرغانین ، قودوق لوغو....

یوخو _منه زهرلنمیش بال پتگی

_دویورمامیش!!!
قان قوسد رور....

بوداق لاریم ،بوی آتلیقجا_
بالتا قولو  ...
قوّت لنیر

ایچریمده ،یاتان حس لر
اویانمامیش
هئی دیلنیر

باهار یولو
یوخوم گلن زامان لاردا
قاچیر مندن
قارلی بوران کَسیر منیم
قامتیمی ،بالتا کیمی...

پائیز منیم کابوسوم دیر
اوچماقیما بیر قوشوم دی

دردی آغیر قور قوشوم دی

ساری ،سارشین  یاپراق لاریم
مندن ندن آیرلیرسیز؟

یاز گونلری
لئسانلار دان قورو دیز می؟
شاللاق کیمی شیمشک لردن!

ایندی ؛یوخوم
هردن منه سایاق لانیر
شاًن شهرتیم گوره_ گوره
آیاق لانیر...

بعضاً  اولور یاخین لاریم
اوزاق لانیر

بیر _وجودوم
ایچریمده پیچاق لانیر

آغلاماغا
ایکی گوزده ،منی گورمور

ایچریمی ، چولوم سئومیر

دوشونورم
ساغ اول لاشام
بالتالارا ...
بویون اَگم بیر دفعه لیگ

امما،یازین
شیرین لیگی ...
دئییر :هله یاشا ااااا.

ایلکین تورک اوغلو

حیات لا هر گون وداع لاشان
_گوزلریم...
سنی گورنده ،آد گونون آختاریر

آغ ساچلاریما :
گوزگو قیناییر...
یاشاماق هوسی ...
منده بوغولوب

بیر روحام قورو بدنده!!
یاشاییرام اُولو سایاقی

بعضاً ده، چوخ دوشونرکن؛
قاچماغا یول آختاریرام

های کویلو بیر سَس ام
بوغاز تکین ده
چیخماغا ،بهانه م گرءک

نم لی  ،شئه م گول اوسته
سحرین _یولو  گوزوم ده
دریلن گولون عنچه سی
یوخونو "مندن آپارمیش

یالانام _دیلسیز دیلینده
دوغرومو....
اَیریم دوغراییر...

بیر ساپام،ایگنه اَلینده
تیکیشه ،یوخمو ماجالی

تک قالان پاییز آلماسی
قالمیشام آغاج باشیندا

بیر داشام مزارلیق اوچون
اُولنیم بللی دییل کی....

#ایلکین تورک اوغلو

درد اولان،یئرده منه _سن کیمی درمان بسدیر
بو سولان غنچه لره ، سانکی بو یئر مَحبسدیر
غم رخساره ایله ،خوش ‌گئجه لر تاریم اولوب
  سوزومه باش اَیرک ،اولدوز،غمخواریم اولوب
بخت یار اولمادی اَوّل من ایله  ،ائتدی ستیز
ایندی، آشفته مجالیم ده ندن ! درمانیم اولوب
قوجالیق دیر ،گَتیریر بیر عصا وئرسین اَلیمه
دویولن،کونلومه، همدم ،شعر،و دیوانیم اولوب
  مُلک دنیا قالاجاق ،بوش _بوشونا بی صاحب
منیله قالسا اگر_آخرته_ایندکی ایمانیم اولوب
ایلکینم، یوخدو،مجال _سوزلریمین تفسیرینه
مَلک الحق باشیم اوسته آخیلان قانیم اولوب

.#ایلکین تورک اوغلو

گوز دن بیر گوزه بیر ایتن یاشام
پالچیق لی دوارا صبیرلی داشام
او_باخیلان گوزلره- قارا ،سیم قاشام
اولومو_اوزله ین سیر داشیم منیم!

گوزلرین شئه لنن_ چنلی چاغیندا
سیخلان بیر بولوت _اُمود داغیندا
یئخلان _ مین کَره_بارلی "باغیندا
اُولومه _یوخلوقا بیر باشیم منیم

دارالیر گوزوم دن بو_دار دیره یی
سخالی بو الین !وارمی چوره یی
چکیلن قیریشمال اُوزیر اوره یی
یاخیلان ،اورک له،یاشیمدیر منیم

دارلی گوزلرین
سوز:ایلکین