Beeksisa Gita Hojii Banaa!
(WMO-Gurraandhala 14/2017)
Waldaan Misooma Oromiyaa gita hojii banaa armaan gadii irratti dorgomsiisee qacaruu barbaada. Kanaafuu, ogeeyyiin ulaagaalee beeksifni kuni gaafatu guuttan dorgomuu kan dandeessan ta'uu isin beeksifna.
Tokkummaan Misoomaaf!

Waltajjiin gumiifi sosochii hawwaasaa WMO damee magaalaa Asallaatiin gaggeeffame.
(WMO-Sadaasa 24/2017)

Waltajjiin gumiifi sosochii hawwaasaa WMO damee magaalaa Asallaatiin bakka kantiibaan magaalaa Asallaa obbo Simee Tsaggaayee, I/G qajeelcha Odiitii WMO obbo Asaffaa Taayyee, hoggansi magaalaa akkasumas kutaaleen hawwaasa garagaraa argamanitti gaggeeffame. Waltajjicha haasaan kan saaqan kantiibaan magaalaa Asallaa obbo Simee Tsaggaayee, "Bara 2016 sosochiin hawwaasaa bal'aan taasifamuufi
jiraatonni magaalaa akkasumas hojjettoonni mootummaa hedduun miseensa WMO ta'uun gumaacha misoomaa taasisaa turan."jedhan.
Gama biraatiin I/G qajeelcha odiitii WMO obbo Asaffaa Taayyee, sochii hawwaasni magaalattii deeggarsa gama maraan WMOf taasisan galateeffachuun, gara fuulduraatti qindoominaan hojjechuun kaayyoo WMO milkeessuuf shoora olaanaa qabaachui ibsaniiru.
Bara 2017tti miseensota magaalaa Asallaa irraa Qr. miliyoona 10.4sassaabuuf kan karoorfame ta'uu karoora dhiyaaterraa hubatameera.
Dabalataanis bara kana mana barumsa Bu'uura Boruu WMO magaalaa Asallaa keessatti ijaaruuf dhagaan bu'uuraa kaawwamamuun, waajjirri olaanaa WMO deeggarsa ansoolaa buufata fayyaa Asallaatiif taasiseera.

Tokkummaan Misoomaaf!