Трамп баёноти ортидан нефть нархи халқаро биржа савдоларида туша бошлади. Байден даврида ҳарбий уруш авж олган бўлса, Трамп даврига келиб иқтисодий уруш юқори даражага кўтарилади. СССР қулашини асосий сабабларидан бири ҳам нефть нархини тушиши ҳисобидан бўлган. Айнан шу тарих ҳозирги Россияни ҳолатида такрорланиш бўсағасида турибди.

Трамп ва унинг командаси иқтисодиёт одамлари, улар қонли урушдан хабарсиз. Одамни қурол ёки очлик билан ўлдириш керак бўлса, Трамп айнан сув ва ҳаводек зарур бўлган эҳтиёжларни бўғиб очлик билан ўлдирадиган тоифага киради.

Иқтисодий уруш ҳарбий урушдан хавфлироқ уни фронт чегараси чексиз. Қаерда инсонлар яшаса ўша ерда очлик хавф солиши мумкин. Ҳарбий урушда саноқли одамлар снаряддан ўлса, иқтисодий урушда миллионлаб одамлар очлик билан курашади.

Ўзбекистон том маънода нейтраллик ролида бўлиши керак. Россияга ёрдам бераман деб ғарқ бўлиш ҳеч гап эмас!

Ҳақиқий уруш жаҳон ҳамжамиятида энди бошланади. Бунда асосий қурол иқтисодий ричаклар бўлади. Ҳатто Хитой ҳам бу борада АҚШга ён босмоқда. Чунки Хитойни миллиардлаган аҳолиси барқарор ҳаётда бойлик, очлик даврида улкан хатар ҳисобланади. АҚШ бошқарувига жаҳон иқтисодиётини бошқарадиган кучларни содиқ менежер итлар галаси келди. Шуни ўзи кўп нарсани айтиб турибди.

Мардон Аслонов

@elmadad

Бундан бир неча йил олдин Назарбек томонида импорт кўчатлар сотадиган жойга борган эдим. Ўшанда асосан Голландиядан қимматбаҳо манзарали дарахтлар олиб келинар эди. Нархлари ҳам қиммат эди.

Уларни ҳар хили билан танишиб туриб кўзим чеккароқда турган эр-хотинга тушиб қолди, қарасам ўзимизни райҳон кўчатини яшикка солиб сотаётган эканлар. Ҳеч ким улардан бирор нарса сўрамас эди. Ҳар бир харидорга мўлтираб қараб туришар эди. Олдиларига бордим. Кўнгиллари учун бир яшик яшил ва қизил рангли кўчатлардан олдим. Ишонасизми жудаям хурсанд бўлишди. Ҳақиқий деҳқон оила. Савдодан хафа. Райҳон кўчатини жудаям кўп экишган экан. Уларни райҳончи дейишаркан. Пулни беришим билан аёллари дарров ўшатта сомса сотадиган болани чақирди. Демак овқатланиш учун ҳам починни кутишган.

Кўнглим ғаш бўлди. Карвон кўп ризқи бўлак деб бизнеслари ҳаққига дуо қилдим. Орадан бир икки кун ўтар-ўтмас ахборотда Ислом Каримовнинг райҳон кўчатини берилиб махтаётганига кўзим тушиб қолди. Шу райҳонни экиш керак ҳамма жойга десалар бўладими?!

Ўша кўчатлар сотадиган жойга орадан бир ойлар ўтиб яна бордим, буюртма берган импорт кўчатларим келгани учун чақиришди. Борибоқ ҳалиги эр-хотин қидирдим, ЙЎҚ! Манга жудаям қизиқ эди уларни аҳволи. Хуллас ўшаттаги кўчатчилардан сўрасам, ҳа, уларни олдига яқинлашиб бўлмайди. Пулга кўмилиб кетишди. Уйидан райҳон кўчатини олиб кетишвотти котталар деса бўладими.

Ислом Каримовни бир оғиз гапидан кейин маддоҳ раҳбарлар Каттага райҳон ёқаркан деб ҳар жойга райҳон экиш акцияси эълон қилинган экан...

Мардон Аслонов

@elmadad

Ўзбекистон истеъмолчилар ҳуқуқларини ҳимоя қилишга ДХХ масъул бўлмас экан, халқимиз алебастрни цитрамон деб, молники деб эшшак гўштини еб юришга маҳкум бўлаверади.

Нега айнан ДХХ?

Тан олиш керак манаман дегани ҳам ҳамон шу тизимдан қўрқади. Булар зимдан кузатади, қўли ҳар нарсага етади, керак бўлса қандай туш кўрганларни билади.

Коррупцияга қарши кураш, антитерроризм, гиёҳвандлик каби халқ истеъмол қиладиган товарларни хатари йўқми?! Айниқса, фармацевтика кирадиган жойига кириб бўлди. Дори бизнеси ривожланиб кетди. Фирмалар ноинсоф врачлар билан тил бириктириб халқни ўлдиришгача борадиган келишувларни амалга ошириб ўз дорисини ўтказмоқда.

Ўзбекистон истеъмолчилар ҳуқуқларини ҳимоя қилиш нол даражада. Муддати ўтган маҳсулотлар дўкон расталаридан кўринади.

Давлат хавфсизлик хизмати учун янги тайинланган раис мазкур масалада бош қотириши керак деб ўйлайман.

Истеъмолчи сифатида ҳуқуқларимиз ачинарли аҳволда. Бир тарафда ҳиндистон дорилари болаларимизни қириб юбораётган бўлса бошқа тарафда ўзимизни ишлаб чиқарувчи айрим ноинсофлар халқни алдаб соққа қилмоқда.

Мардон Аслонов

@elmadad

Миллий хавфсизлик хизмати ваколати қисқаргандан сўнг ўзини ғаразли ниятларини амалга оширишни мақсад қилган тўдалар, ҳокимлик тузилмаси ва ижро органларига байрам бўлди.

Мана охир оқибат натижани кўриб турибмиз. Қанчадан қанча талон тарож қилишлар юқори даражада эканлигини охириги порахўрлик ишларида гувоҳ бўлиб турибмиз.

Қирқ кунлик тадбир доирасида мафия олами қўлга олинди. Тўғрими?! Бир йил олдин кўчани зўрлари ҳозир қамоқда.

Яна қирқ кунлик тадбир керак эмасми?! Бу сафар кўчани эмас айнан ҳокимият тизимини мукаммал тарзда тафтиш қилиш керак. Миллионлаб доллар ўринбосарлар пора олиб қанчасини каттасига беришини аниқлаш лозим.

Бюджет дефицитига барҳам бериш учун айнан шу соҳага алоқадор амалдорларни даромади, мол мулки ва кирдикорлари шаффоф тарзда тергов қилиши керак.

Давлат раҳбарларини эмас миллий манфаатларни ва бюджет маблағларини ҳимоя қиладиган кучга эҳтиёж туғилмоқда.

Қўпол қилиб айтганда халқ учун кимлардандир воз кечиш фурсати етиб келди. Бу ҳар қайси давлатда қачондир бўлган. Албатта бизда ҳам амалга ошади. Фақат шуни тезлаштириб юбориш керак. Акс ҳолда ташқи қарз кундан кунга ошиб бораверади. Ўша ўғри кланлар қудрати ошиб бораверади. Бу эса давлат тўнтаришига ҳам олиб келиши мумкин эканлигини ёддан чиқармаслик керак.

@elmadad

Кундан кунга дориларни зарарсизлантириш кучи камайиб бормоқда. Одамлар шамоллаганда соғлиғини тиклаш учун авваллари битта Парацетамол таблеткаси фойда берган бўлса кейинчалик Немисил ва Терафлю унга қўшилди. Аммо ҳозирги кунга келиб уларни ҳам таъсир доираси камайиб бормоқда. ЙЎҚ! Уларни таъсири ўз маромида! Фақатгина антибиотиклар дозаси кўтарилиб кетмоқда. Тезроқ тузатиш мақсадида уларни қуввати ошмоқда. Дори бизнеси ривожланиб кетмоқда.

Халқимиз шу ғаразли режани ижрочисига айланиб кетмоқда. Бундан йигирма йил олдин Пенсилин билан иш битган бўлса ҳозир у оддий сув каби таъсирга эга бўлмай қолган.

Бу ишларни номини дориларга сунъий тарзда тобеъликни амалга ошириш дейилади.

Врачлар фармацевтика фирмалари билан тил бириктириб ўта нархи қиммат ва юқори таъсирга эга бўлган дориларни беморларга ўтказиб келмоқда. Фалон Дорихонадан оласиз деганида шу яширин жиноят ўз аксини топади. Уларни ўзаро келишуви аслида алоҳида мавзу!

Айтмоқчи бўлганим шуки, Сизга нотаниш бўлган дорилар дуч келса шошилиб харид қилиб кўрманг! Билмасдан гўёки наркоман ҳолига тушиб қоласиз. Кейин оддий дориларга организм ўз таъсирчанлигини йўқтомасин дейман.

Ўзбекистонда ишлаб чиқарилган дориларга халқни ишончи йўқлиги бу соҳа оғир аҳволда эканлигини белгисидир! Чунки ўз халқини ўйламаганлар учун жавоб аслида мана шундай бўлади!

Бу гапларни имкон қадар кўпчиликка етказиб қўйинг илтимос!

Мардон Аслонов

@elmadad

АЙБДОРЛАР

Мутасадди ташкилот раҳбарлари фаолиятини таҳлил қилиш фурсати етиб келди. Афсуски, ҳар ерда талон тарож қилиш, пора эвазига ишга жойлаштириш ёки лавозимига тайинлаш урчиб бормоқда. Деярли ҳамма раҳбарларнинг хаёлида лавозимдан фойдаланиб даромад қилиш мақсади ётибди. Бюджет маблағлари нотўғри сарфланмоқда. Қариндошчилик ёки таниш билишлар билан бир давлатнинг ташкилотини эгаллаб олганлар кузатилмоқда. Мактаб директоридан тортиб то юқори поғонагача шунақа ҳолатлар кузатилмоқда. Хуллас салбий ҳолатларни санаб адоғига етиб бўлмай қолди.

Санаб ўтилган иллатлар оқибатида энди ҳаётга қадам қўйган ёшлар турли хил нотўғри йўлларга кириб бормоқда. Терроризм, наркомания, одам ўлдириш ва кўплаб жиноий хатти ҳаракатлар илдизи айнан йўлсизлик оқибатидан эмасми?!

Кечагина маҳаллада ўйнаб юрган болалар чет элга ишлагани бориб қамалиб кетмоқда.

Юртимизда ишлашга имкониятлар қанча камайса ўз йўлидан адашадиган ёшлар оқими шунча кўпайиб боради. Бу билан жиноятчиларни оқламоқчи эмасман аммо уларни шу ишга кириб боришига ўзини ҳиссасини қўшаётган мутасадди раҳбарларни қораламоқчиман.

Ёшлар билан кўп суҳбат қураман. Ишонинг уларни эртанги кунга ишончи йўқ! Ҳаракатсизлик, иккиланиш ва мавҳумлик уларни онгида ўрнашиб олган. Таъқиқланган қоидалар кўп аммо иш бўйича аниқ бир таклиф бўлмагандан кейин улар нима ҳам қилсин?

Ўзбекистонда қиламан деса иш кўп аммо ўша ишларга тўғаноқ бўлаётган бюрократик тўсиқлар, неоптизм ва қаршиликлар унданда кўпроқ.

Савол?!

Ёшлардан воз кечиш керакми ёки йиллар давомида ўрнашиб олган аксарият амалдорларданми?!

Юртимиз ёшлари учун аниқ хизмат қилмайдиган раҳбарлар керакми?

Парламент сайловларида ҳам бирор ишни қойиллатиб қўймаганлар ҳамон курсини сақлагани алам қиладими?!

Ким айбдор?!

@elmadad