https://www.facebook.com/share/PN39YcwaqZDVJpRa/?mibextid=WaXdOe

Facebook

Log in or sign up to view

See posts, photos and more on Facebook.

ዳሸን ባንክና አማል ማይክሮ ፋይናንስ በጋራ ለመስራት የሚያስችላቸውን ስምምነት ተፈራረሙ

ዳሸን ባንክ ከወለድ ነጻ የባንክ አገልግሎት(ሸሪክ) ከአማል ማይክሮ ፋይናንስ ጋር በዛሬው ዕለት በጋራ ለመስራት የሚያስችላቸውን የጋራ ሥምምነት አድርገዋል፡፡

በዳሸን ባንክ ከወለድ ነጻ የባንክ አገልግሎት(ሸሪክ) ዋና መኮንን አቶ መስፍን በዙ ስምምነቱን አስመልክቶ ባደረጉት ንግግር፤ የሁለትዮሽ ሥምምነቱ ዳሸን ባንክና አማል ማይክሮ ፋይናንስ በቀጣይ ጠንካራ ስራዎችን በጋራ ተግባራዊ ለማድረግ ያግዛቸዋል ብለዋል፡፡

ስምምነቱ የፋይናንስ አካታችነትን ለማረጋገጥ በሚደረገው ጥረት ወሳኝ እንደሆነ ያብራሩት አቶ መስፍን፤አነስተኛና ጥቃቅን ዘርፍ ላይ የተሰማሩ አካላትን ለማበረታታት የተለያዮ ሥራዎችን በቀጣይ እንደሚሰሩም ተናግረዋል፡፡

የአማል ማይክሮ ፋይናንስ ዋና ስራ አስፈጻሚ አቶ ዮሐንስ ሆራ ተቋማቸው ሸሪዓን መሰረት አድርጎ በማይክሮ ፋይናንስ ዘርፍ አገልግሎት እየሰጠ እንደሚገኝ አስረድተዋል፡፡ የዛሬው ሥምምነትም ተቋሙ ከዳሸን ባንክ ከወለድ ነጻ የባንክ አገልግሎት ሸሪክ የቴክኖሎጅ ሽግግር፣የልምድ ልውውጥ እና የአቅም ግንባታ እንዲያገኝ ያስችለዋል ብለዋል፡፡
ዳሸን ባንክ ከወለድ ነጻ የባንክ አገልግሎት አሁን ላይ ከ1 ሚሊየን በላይ ደንበኞችን ማፍራት የቻለ ሲሆን ተቀማጩን ከ10 ቢሊየን በላይ ማድረስ ችሏል፡፡

በተጨማሪም ባንኩ በተለያዩ ዘርፎች ለተሰማሩ ነጋዴዎች፣ ኢንቨስተሮች፣ ለጥቃቅን አነስተኛና መካከለኛ ኢንተርፕራይዞች እና ለግለሰብ ተጠቃሚዎች ከ6 ቢሊዮን ብር በላይ የፋይናንስ አገልግሎት አቅርቧል፡፡

#DashenBank #AmalMicroFinance #FinancialInclusion #BankingNews #MoU #InterestFreeBanking #MicroFinance #Sharik