أنا أكاونتي اتقفل يا جماعة.. الله أعلم هيرجع ولالا بس دعواتكم.. ولحد ما يرجع إن شاء الله هنشر أي محتوى هنا لحد ما أشوف حل المشكلة دي😔

ليه الأجيال اللي قبلنا أفضل مننا عقليًا ونفسيًا بالرغم إننا متطورين أكتر منهم؟

في لحظة تأمل كدا جه على بالي السؤال ده وقعدت أفكر كتير في إجابته
ولاقيت إن الفضل في الأجيال دي يرجع لصعوبة حياتهم..

لو قعدت في جلسة مع حد من الجيل اللي قبل التسعينات.. هتلاقيه بيحكيلك قد إيه كانوا عشان يوصلوا لمعلومة كانوا بيبحثوا كتير جدا في المراجع والمكتبات

كانت السيدات عشان يقدروا ينظفوا بيوتهم بيبذلوا مجهود كبير جدا جدا في الغسيل على إيديهم وعشان يطبخوا كانوا بيستخدام الأدوات البسيطة في الطبخ زي (الباجور) وغيره..

كانوا الرجال والسيدات اللي في الأرياف شغالين في الزراعة وبيعملوا كل حاجة بإيديهم وبيبذلوا مجهود كبير جدا لده عشان يقدروا ياكلوا ..

كل حاجة في حياتهم كانت صعبة فده قوى عضلاتهم جدًا.. ومش بس عضلات جسمهم.. كمان عضلات عقلهم ونفسيتهم..

وده اللي خلاهم أقوى وأفضل مننا بمراحل على جميع المستويات..

لإن للأسف التطور اللي حصل في حياتنا وإن كل حاجة باقت سهلة وحرفيًا ((بضغطة زرار))..

ده وقف كل العضلات عن العمل..
وقف عضلات الحركة بالشراء الأونلاين والأجهزة المنزلية المتطورة..
وقف عضلات العقل والتفكير والبحث واستبدلها بجوجل و شات GPT
وقف عضلات الصلابة النفسية لإننا من كتر سهولة حياتنا حرفيًا مبنقدرش نتحمل الألم مهما كان بسيط وحتى لو ألم سببه مجهود مش ألم أو وجع بالمعنى الحرفي وباقينا بنستسهل الشكوى..
وقف عضلات الصبر والانتظار والتحمل وده للأسف سبب من أسباب كثرة وسرعة الطلاق في الوقت الحالي..

فباقينا نشوف جيلنا من واحنا في أوائل العشرينات بنشتكي من آلام في العظام وبنشتكي من إننا بقى قلة قليلة مننا اللي عنده علم حقيقي في حاجة ومش مجرد قشور بيعمل بيهم شو ونسبة كبيرة بيعانوا نفسيًا..

وده ذكرني باقتباس جميل جدا قرأته في كتاب الهشاشة النفسية من فترة..

«فإن أغلب الناس الذين غيروا الدنيا تجدهم ينتمون للطبقات المعدمة لا الطبقات المدللة، فهولاء صارعوا الحياة وصارعتهم، فكونوا عضلات إرادية وأنشأزوا بداخلهم روحًا هائلة للتحدي.. أما الولد أو الفتاة الذي يربون على حياة خالية من المسؤوليات فلا عضلات إرادية لديهم، إرادتهم ضعفية فلا يستطيعون مجاهدة أنفسهم.. لأن تربيته كانت مشوهة، فأي حزن يكسره لأنه نفسيًا ضعيف لا يتحمل الحزن ولا صراعات الحياة، وغاية نجاحه أن يعيش في حياة مستقرة لا صدمات فيها ولا صراع ولا مواجهة»

فلو عاوز تكون أفضل وتتطور وتتحسن.. قوي عضلاتك

اتحرك
اقرأ
فكر
ابحث
اصبر

ومتستسهلش)) ♡

- حبيبة محمد

خطة الـ 90 يوم
بدايتها من بكرة إن شاء الله
اضغطوا هنا للتفاصيل 💜

https://www.facebook.com/100012141961760/posts/pfbid0275c4NYZ5j1nDJjW2HxZP7QUN55H4ReUu61pKHFEPmysysBUVcZobDtAhbGAudyU8l/?app=fbl

الأكاونت الريتش بتاعه واقع بقاله كتير جدا جدا وبيوصل لأقل من 1% من عدد المتابعين
ففضلا اللي يوصله أي بوست من عندي يتفاعل عليه سواء بريأكت أو كومنت أو شير عشان يوصل لعدد أكبر لحد ما المشكلة دي تتحل

ماذا لو وفرتلك فرصة مجانية تخليك تتعلم 8 مهارات Soft Skills × ٨ أسابيع بس! ♥️

بظبط زي ما قرأت كدا.. لو سجلت من النهاردة ولحد يوم 13 أغسطس في منحة Alx المجانية واللي بعنوان:
Learn Professional Skills to Boost Your Career

هتتعلم 8 مهارات هيفتحولك فرص كتير جدًا في كل اللي جاي خصوصًا لو كنت طالب أو حديث التخرج لإنهم مطلوبين جدًا في سوق العمل وهما:

١- قيادة الذات: تطوير الوعي الذاتي وتحديد الأهداف المهنية الشخصية.

٢- قيادة الآخرين: عن طريق تعلم مهارات العمل الجماعي والإدارة ليكونوا قادة فعالين.

٣- التواصل الفعال: إتقان فن التواصل الفعال مع الزملاء والعملاء والمديرين.

٤- التفكير الكمي: تقييم البيانات باستخدام الرياضيات والمنطق والإحصاءات لاتخاذ القرارات المستنيرة.

٥- التفكير الريادي: تحديد فرص الابتكار واغتنامها بطريقة إبداعية.

٦- التفكير النقدي: معالجة المشكلات المعقدة بطرق مبتكرة وتحليل المواقف للحصول على رؤى رئيسية.

٧- إدارة المهام المعقدة: استخدام مهارات إدارة الوقت لتخطيط وتنفيذ المشاريع المعقدة.

٨- أساسيات التكنولوجيا: تطوير القدرة على التكيف والتطور جنبًا إلى جنب مع صناعة التكنولوجيا المتغيرة بسرعة.

متفوتش الفرصة لإن باقي أيام معدودة والتسجيل يقفل..
لينك الاشتراك في المنحة في أول كومنت وكمان هسيبلكم طريقة الاشتراك في الكومنتات..

وأخيرًا متوقفش البوست عندك ومتنساش تعمل شير عشان تنفع بيه غيرك ♥️

بالتوفيق ولا تنسوني من صالح الدعاء.

- حبيبة محمد.

لأصحاب الخطوات الأولى في العلم الشرعي والدنيوية
مبادرة مجانية جديدة باسم من هنا نبدأ
التفاصيل في أول كومنت ?

بالتوفيق

الليلة النهاردة هادئة وجميلة وساكنة جدا
لعلها هي
لو لسه حد منشغل بأي حاجة صدقوني هتتعوض
مسلسلات/ فيسبوك/ تيك توك
كل ده هيتعوض ومش هيفيدك بحاجة
لكن الليلة دي محدش عالم ممكن يكونلنا فرصة تاني السنة الجاية وهيبقى لسه لينا عمر ولالا

جددوا النيات واقفلوا الملهيات واقبلوا على الله

ولا تنسوني من صالح الدعاء

دلوقتي ساعة إجابة إن شاء الله
والنهاردة هتبدأ ليلة ٢٧ وهي من أكثر الليالي اللي ممكن تكون ليلة القدر

فادعوا لأنفسكم بكل اللي بتتمنوه مهما كان مستحيل بنسبالكم ومن وجهة نظركم المحدودة..

ومتنسوش الدعاء لأخواتكم في غزة بالنصر القريب العاجل..
ومتنسونيش أنا وأهلي من دعائكم فضلا ?

كنت أخدت رأيكم من فترة في صناعة الريلز
وكان فيه آراء مختلفة ومنها كتير شجعني خصوصا إني كنت بحضر للخطوة دي بقالي فترة

ودي التجربة الأولى بعد الكثير من الفشل:
https://www.facebook.com/reel/323906957345086/?app=fbl

Facebook

Log in or sign up to view

See posts, photos and more on Facebook.

مطلوب شاب لتنفيذ خدمة فويس أوفر لأكاديمية بناء

التفاصيل وخامة الصوت المطلوبة في البوست ده لو حد شايف أن الفرصة مناسبة بنسباله??

https://www.facebook.com/share/s2JPYhobPN2zxRXV/

Facebook

Log in or sign up to view

See posts, photos and more on Facebook.