لە پێوەرەكانى پەيامەكانى نوور

سەرجەمى پەیامەکانى نوور - Sercemî Peyamekanî Nûr

یەکێک لەو حیکمەتە زۆرانەى ڕۆژوو کە ڕوو لە ژیانى کۆمەڵایەتیى مرۆڤ دەکات ئەوەیە کە: ئەم خەڵکە لە بارى گوزەرانەوە جیاجیا دروست کراون..
لەبەر ئەوە، خواى گەورە داوا لە دەوڵەمەندان دەکات کە دەستى یارمەتى بۆ برا هەژارەکانیان درێژ بکەن. گومان لەوەشدا نى‌یە کە دەوڵەمەندان بە تەواوى هەست بەو حاڵى هەژارى‌یەى هەژاران ناکەن، کە مایەى بزواندنى بەزەیى مرۆڤە و، ناتوانن پەى بە ڕادەى برسێتیى هەژاران ببەن وەک ئەوەى هەژاران خۆیان هەستى پێ دەکەن، مەگەر بەهۆى ئەو برسێتى‌یەى کە لە ڕۆژوودا ئەوانیش تامى دەچێژن و بەخۆیانەوە دەیبینن!
جا ئەگەر ڕۆژوو نەبوایە، زۆر کەس لەو دەوڵەمەندانەى کە شوێنى ئارەزووەکانیان دەکەون، نەیاندەتوانى ئەندازەى ئازارى ئەو برسێتى و نەبوونى‌یەى هەژاران و ڕادەى پێویستى‌یان بۆ بەزەیى و میهرەبانى، تێبگەن.
لەبەر ئەوە، بەزەیى‌هاتنەوەى مرۆڤ بە هاوڕەگەزى خۆیدا (کە خواوەند ئەم بەزەیى‌یەى لە ناخى مرۆڤدا جێگیر کردووە) دەبێت بە یەکێک لەو بنچینانەى کە هاندەرى سوپاسگوزاریى ڕاستەقینەن. چونکە هەموو کەسێک (هەر کەسێک بێت) هەردەم دەتوانێت لە خۆى هەژارتر بدۆزێتەوە، کە لە لایەن خواى گەورەوە لێپرسراوە بۆ بەزەیى پێدا هاتنەوە و دەستگرۆیى کردنى.

بەدیعوززەمان سەعیدی #نوورسی
#پەیامی_ڕەمەزان، #مەکتووبات
سەرجەمى پەیامەکانى نوور - Sercemî Peyamekanî Nûr

"پۆستەچيیانى نوور"

بەدیعوززەمان هەشت ساڵ لە "قەستەمۆنى" مایەوە..
لەو ماوەیەدا بە چەندین هۆکارى جۆراوجۆر و بازدان بەسەر ئەو چاوانەدا کە چاودێریى جموجووڵیان دەکرد، پەیامەکانى لەگەڵ قوتابىیەکانیدا دەگۆڕییەوە، چونکە ئەم کارە بە نهێنى ئەنجام دەدرا.
ئنجا بە نووسینەوەى "دەستى" لەبەریان دەگیرایەوە و، پاشان بەسەر گوند و ناوچە و شارە نزیکەکاندا دابەش دەکران. بەم کارەش "پۆستەچییانى نوور" پێکهاتن، کە ئەرکى سەرشانیان بریتى بوو لە گواستنەوەى پەیامەکان گوند بە گوند و شار بە شار.
هەروەک کارى لەبەرنووسینەوەى پەیامەکانیش ڕێکوپێک کرا و بەهێز بوو. هەندێ قوتابیى نوور هەبوون کە هەر تەنها خۆیان زیاد لە هەزار دانەیان لە پەیامەکان نووسییەوە!
ئیتر بەم ڕێگایە شەش سەد هەزار نوسخە بە نووسینەوەى دەستى لەبەر پەیامەکان گیرانەوە و، وردە وردە لە سەرانسەرى تورکیادا بڵاوبوونەوە و، بەسەر سوپاى تاریکیدا سەرکەوتنیان بە دەست هێنا و، ڕایان گەیاند کە هەرگیزاو هەرگیز لە توانادا نییە نوورى ئیسلام بکوژێنرێتەوە!
ئەو نامە و پەیامانەى کە خوێنەران بۆ چەند وردە لایەنێکى "فیقهى بانگەواز" ئاراستە دەکەن و، چەند بابەتێکى وردى "ئیمان" لەخۆ دەگرن، هەموویان لە ژێر ناونیشانى "پاشبەندى قەستەمۆنى"دا کۆکرانەوە.

ژیاننامەى بەدیعوززەمان سەعیدى #نوورسى

‎بزانە کە "سەردەم" و "شوێن" دەورێکى گەورە و گرنگیان لە دادوەریى ژیرییەکاندا هەیە. جا ئەگەر حەزت لەم چەشنە دادوەرىیە هەیە، ئەوا فەرموو با پێکەوە بڕۆین بۆ باشترین سەدە و چەرخى بەختەوەریى پێغەمبەرێتى، تاکو -با بە ئەندێشەیش بێت- بە خزمەتى پێغەمبەر (صلى الله عليه وسلم) شاد و بەختەوەر ببین، لە کاتێکدا کە لەسەر کارەکەى بەردەوامە و لە ئەنجامدانى ئەرکى سەرشانیدا کار دەکات. کەواتە چاوت بکەرەوە و بڕوانە..
‎یەکەم شت دەیبینین ئەوەیە کە:
‎کەسێکى لەعادەت بەدەر، دیمەنێکى لەڕادەبەدەر جوانى لەگەڵ ڕەوشتێکى لەڕادەبەدەر بەرزدا هەیە، ئەوەتا کتێبێکى خاوەن ئیعجازى بەنرخى بە دەستەوەیە و وتارێکى ئەزەلى ڕادەگەیەنێت کە بەسەر هەموو گرۆى ئادەمیزاددا، بگرە بەسەر هەموو جیننى و ئینس و، تەنانەت بەسەر هەموو بوونەوەرانیشدا دەیخوێنێتەوە.
‎چەندە سەرسووڕهێنەرە! ئایا لەم وتارەدا چى دەڵێت؟
‎بەڵێ، شتێکى گرنگ دەڵێت و، لە هەواڵێکى گەورە دەدوێت. چونکە ئەو مەتەڵە حەل دەکات کە لە نهێنیى بەدیهێنانى جیهاندایە و، ئەو گرێکوێرە و تەلیسمە داخراوەش دەکاتەوە کە لە نهێنیى حیکمەتى بوونەوەراندا هەیە و، لە بارەى ئەو سێ پرسیارە گرنگ و قورسەوە دەدوێت و وەڵامیان دەداتەوە کە ژیریى مرۆڤیان تێدا مات و سەرسام بووە، چونکە هەر ئەو سێ پرسیارەن کە هەموو بەدیهێنراوان دەیانکەن و، دەڵێن: تۆ کێیت؟.. لە کوێوە هاتوویت؟.. بەرەو کوێ دەڕۆیت؟

‎بەدیعوززەمان سەعیدى #نوورسى
‎#وتەکان
‎سەرجەمى پەیامەکانى نوور - Sercemî Peyamekanî Nûr

لە بارەی ئەرکەکانی حەزرەتی مەهدییەوە
ئەو کەسەی کە نەتەوەی ئیسلام چاوەڕوانیەتی و لە ئاخر زەماندا دێت، سێ ئەرکی گرنگی لە ئەستۆدایە. گرنگترین و مەزنترینی ئەم ئەرکەش بریتییە لە “بڵاوکردنەوەی ئیمانی تەحقیقی” و “ڕزگارکردنی ئیمان” لە دەست گومڕایی..
ئەرکی دووهەمیشی بریتییە لە جێبەجێکردنی “شەریعەتی خاوێن و پیرۆزی ئیسلام”..
لە کاتێکدا کە ئەرکی یەکەم پشت بە هێزی ماددی نابەستێت، بەڵکو پاڵپشتەکەی تەنها هێزێکی مەعنەوییە کە لە “ئیخلاس” و “وەفا” و “هێزی باوەڕ” پێکهاتووە، کەچی ئەم ئەرکەی دووهەم پێویستی بە هێزێکی ماددیی هێندە مەزن هەیە کە مایەی ترس بێت بۆ دوژمنانی و، دەستەڵاتێکی بەتواناشی هەبێت هەتا بتوانێت ئەم شەریعەتە خاوێنە جێبەجێ بکات.
ئەرکی سێهەم بریتییە لە خزمەتی ئیسلام لە ڕێی “ڕاگەیاندن و دامەزراندنی خەلافەتی ئیسلامی”یەوە. ئەمەش بە پشت بەستن دەبێت بە یەکێتیی موسڵمانان و ڕێککەوتن لەگەڵ نەصرانییە رۆحانییەکاندا کە لە پێناوی خزمەتی ئیماندا پاڵ بە موسڵمانانەوە دەدەن. ئەم کارمەندی و ئەرکە بەهۆی دەستەڵاتێکی مەزن و هێزێکی گەورە و ملیۆنەها گیانفیدای خۆبەختکارەوە دەتوانرێت جێبەجێ بکرێت.
ئەرکی یەکەم بە چەندین پلەی زۆر لە هی دووهەم و سێهەم بەرز و بڵندترە، بەڵام ئەم دوانەی تر، لەبەر ئەو جازیبییەتەی تیایاندایە، لە پێش چاوی خەڵکیدا، بەتایبەت چینی عەوام، درەخشانتر و فراوانتر دەردەکەون!
پوختەی ئەم قسانە:
بەکارهێنانی ناوی “مەهدی” بۆ هەر کەسێک لەم سەردەمەدا، یەکسەر هەر سێ کارمەندییەکە پێکەوە بە زەینی مرۆڤدا دەهێنێت و، لەمەشەوە هەڵە ڕوودەدات و، لەوانەشە ئیخلاسی مرۆڤی پێ زامدار ببێت و، تا ڕادەیەکیش هێز و تینی “ڕاستییەکان” بە لای چینی عەوامەوە لاواز دەبێت و، ئەو ڕاستییە یەقینییانەش کە لەسەر بناغەی بەڵگە دامەزراون لە بەرچاویاندا وەک “ظەننی غالیب”ی کێشە قبوڵکراوەکانی لێ دێت. ئەو کاتەش ئیماندارە سەرسامەکان ناتوانن بە تەواوی سەرکەوتن بەسەر گومڕایی و زەندەقەی سەرکەشدا بەدەست بهێنن و، ئەهلی سیاسەتیش ترس و گومان دەوروژێنن و، هەندێکیش لە زانایان دەست دەدەنە ڕەخنە و ئیعتیرازگرتن.
#بەدیعوززەمان_سەعيدی_نوورسی
#سەرجەمی_پەیامەکانی_نوور

کلیات رسائل النور

سەرجەم پەیامەکانی نوور بە زمانی عەڕەبی

بديع الزمان سعيد النورسي الكردي

ترجمها إلى العربية: إحسان قاسم الصالحي

@Peyamekani_nur

الشعاعات

بديع الزمان سعيد النورسي الكردي

ترجمها إلى العربية : إحسان قاسم الصالحي

@Peyamekani_nur

صيقل الإسلام

بديع الزمان سعيد النورسي الكردي

ترجمها إلى العربية : إحسان قاسم الصالحي

@Peyamekani_nur