#بناء_البقيع_حق

نزال

الليله ابو الحسنين حامي دخيله
امطبر ولا واحد يتجيله
............
اليله ابو الحسنين ماعنده معين
اليهز الكون لو غمض العين
راسه هسه من الطبر صاير ثنين
ودمه سايل محد يشد حيله
...............
اليوم ابو الفقره مشه بلايه وداع
مشه حيدر واحنه لاگانه الضياع
الفقره من بعدك تهاجمها الضباع
الشيلتهم هسه مامش شيله
.............
اليوم حيدر علي طايح بالاعتاب
اهتزت الافلاك من راسك انصاب
يبو تراب شلون نايم بالتراب
اهتزت الاركان صارت ميله
.................
المدفون بيها شلون نمشي عليها
المفترض ع الهامه انخليها
وهيه بيدك اصلا مسويها
من رحت ياهو اليعدل الميله
................
ابد مو سهله علينه من تروح
تمدد بطوله علي وفاضت الروح
جرح راسك هذه يعادل جروح
جرح راسك هذه ياهو يشيله
...........
حسين عباس

(زينب)

انه بكربلاء ومامختنگه هيج
هل الهوه هذه جاينه منين
ماشميت نسمه بدون عباس
لذالك انه خنگتني الدرابين
خلونه بخرابه وماكو قرأن
ضلو بالطشت روس القرائين
يشمروها بخرابه لمالها خوان
ومن التعب اتجه ع الحياطين
وتفززني السياط بساع واركض
ادور بالخرابه هدوم الحسين
يتراوالي گام بكل زاويه گماط
الصدگ مابيه اگوم منين رجلين
بس هيه المصيبه ماهو عباس
جا هسا يجيبه برمشه العين
تحشم بيمن الماعدها خوان
وعليها عيون غربه جن براكين
فشله نعلي صوت گبالنه الناس
بحضن فارغ گامت تلولي النساوين
يبس ريج الهوه المر بالخرابه هناك
بكثر ماينشد انتم جنتو عالين!؟
ماحسينه لن بصوت بالباب
امشو بكيفنه احنه اهل الميادين
بيعو الراس النه وهاكم الماي
خويه حسين هيج هواي غالين

حسين عباس

حرمه انه جبيره ومالي معين
وراح الحيل كله بطيحة حسين
وگمت ياخويه انه وطحت مرتين
وجابوا حبال لهل نساوين

فاتحتك يخويه فوگ الرماح
من نبجي عيلك جم متن طاح
ماينفع يخويه كض الصفاح
يكسران الضهر والحادي ذباح

احس مالت الدنيه بميلة الراس
هوه راسك وصرخت عباس عباس
بس يطيح مثل الصدر ينداس
خويه انحر اخوك وشمتت الناس

اول مره اشوفن راس مبيوگ
ااه ياروس اهلنه الصارن عثوگ
يخواني وعلي موش الكم تلوگ
كلكم مشيتو بيش اسد الحلوگ

مابياش ركضه وطبه السوگ
يالعباس الحگ و ابعد النوگ
خاف يطيح راسه وجفي محروگ
خاطر انه الحگ لو هوه من فوگ

حسين عباس

ضريحه نريد مو حور
حتئ نعيد عاشور ?

دفنت عيوني يمه بيش اوجدكم
اوجد دربي بيمن واندفن حيلي
اخذ بيدي ييمه ويمه وصلني
هلبت لو سمعني يگوم يوميلي

انه بهيده اون يمه واريدن بس اشمنه
اخافن جرحه الجمنه يبني الاكبر شلونه

اخوك شلون وسدته بيمن جا علي شلته
بيدك گلي الجمته عله حاله لو گلب لونه
000 00000000000000
دفنت القاسم بيا حيل حاجيني
امه وحنته هل ضلت بأيدي
يعمه خلافه وحشه وانه متانيته
يكبر حته اشوفه گبالي اوليدي

وليدي توه صاير شاب مو مالت يطمه تراب
يعمه اليسوه عني غاب اخذني يمه اشوفنه

اگله شو عفتها امك عفتها تعجن ابحنتك
دلالي يعمه ذاب كون بحضني اوسدنه
000 00000000000000
الابن جتال امه تدري لو مات
عبدالله دفنته شلون يمه كبرت لحده
الاخاف عليه من الريح فوگه تراب
بحضن حسين هوه ينام زحمه يندفن وحده

مو مالت يضل وحده اخاف عليه من الوحشه
يگلها بصدره وسدته ثلث مرات اوگع يمه من شلته

بلايه گماط بالهيمه وجواه الجمر هافت
وضهره مجوه لگيته دمعي عليه وشلته
000 00000000000000
اجت زينب تگله حسين عمه شلون لميته
المطشرينه بالهيمه وانته عمه ماتگدر
يگللها الم بحسين وانه بجدمي اتعثر
يعمه وداعت متونج ثلث مرات افر البر

بصوب المشرعه الثاني لگيت ضلوع وعمامه
ماكو كل شبر بالطف اله وبيهن عظامه

حرت بيش اشيلنه اشيله بحضني يطشر
وسفه بالحصيره حسين والمفروض ع الهامه
000 00000000000000
حسين عباس

ليله العاشر مصيبه الحسين
ثگيل

المايسوه من دونه العمر
امطشرينه بكل كتر
هايخويه شلون صاير
جابتك ليه الحوافر
........
للخيام ضلوعه وصلن والحوافر جابته
الذبح شمسوي بحسين والخيول السحگته
شنهي انه يصير حالي من رقيه شافته
تلم ابوها من الحوافر بالحضان وشبگته

امطشر بذاك الضهر براسك شسوه الشمر
فزعن عليك العشاير جابتك ليه الحوافر
.......................
الشمر يضحك اجاني والضلوع مطشره
شلون اطلع انه ألمهن والزلم لزمت سره
بتك تگلي عمه زينب خل ندور خصره
حيرتي ياخويه حيره بنص زلم واني مره

ماشاهدتني بركضتي متعلگه كلها بشيلتي
صارت علينه الخلگ داير جابتك ليه الحوافر
....................
شفت راسك بيده خويه يهز بيه ع الرمح
گمت اسولف ويه راسك ضل يسولف بالجرح
اسمع بنحرك يگلي الذبح خويه الذبح
من يهز رمحك يخويه شفت راسك ينفتح

اركض ألرمحك واصيح لاتهز راسه ويطيح
اول مره خويه الشمر يامر جابتك ليه الحوافر
.....................
صاحلهم تعالو فرهدو حسين لاتخلو عليه خرگه
جسمك خويه ماليته السهام ماكو مجان اشبگه
وألاعوجيه تسحگ منك انه شلگه
ضايع بالرمل جسمك يالحسين سحگه فوگ سحگه
بالرمل جسمك يضيع مردو مجان الرضيع
عيلتك تبقه تناطر جابتك ليه الحوافر
.......................
الميت المن يضربونه بحجار يضربون عله جرحك
لمو شنهي بالطف من حجر زين بيهن يبدي ضربك
ماكفاها خيل التسحگ عليك لاكفاها ذبحك
الطعن فوگ الطعن صار گلبوك ع وجهك

سحگو عليك شگد زلم جسمك بيديهم ينثلم
وصلت الشام البشاير جابتك ليه الحوافر

حسين عباس

يابويه طولك راهي شحلاتك
يابويه ياهو الخرب صفاتك
مابيه حيل وصرخت خواتك... علي

بهل لحضه روحي انه تريده
كمت انه احشم وين الصميده
متوذر ابني ماشوفن ايده...... علي

من وني عله راسك شاب السهم
يابويه غالي عليه واشيلك للحرم
مابيه حيل وبعيده هواي الخيم

نرد للخيام... يابويه نام.... ماريد الجمنك بيديه
ماتبقه هيج... عمتك هذيج... ترد ويايه سويه

علي يبني موذر انته بالطفوف
........................
يابويه اول تالي انه حاير
بنص الشماته وضعف الضماير
شفت السهام المكسوره خاطر.... عليك

حالي بعدكم يابويه يقهر
معقوله انته يوليدي الاكبر
حجيي الشماته يالغالي يكثر... عليك

شفت المصيبه عجيبه وصار الجره
كل العشاير تناطر و لزمت سره
تتباده عشيره لعشيره تحز منحره

كلها تريد...... تحز الوريد..... جنك يبويه الها صيده
اسمع تگول.... هاي العقول... بس تنهض نحزه وريده

علي ييني موذر انته بالطفوف
..................
يالغالي اسمع حجي الشماته
من يگوم ابوه اخذ عباته
امبينه تسوه بيها شحلاته.... يصيح

يابويه بعدك تيهته دربي
حجيي اليسلب ماردلي گلبي
ماخلي شي يشهدلي ربي.... يصيح

متوذر انته عجيبه شعدهم بعد
هاي السيوف العطشانه ماضن الها حد
سلمته امرك يالغالي للفرد الصمد

اسمع كلام... شو جنه گام... ومتعمد ابقه انه يمك
لا مو عليل... بس ماكو حيل... بصفحه انته وصفحه عمك

علي يبني متوذر انته بالطفوف
............
دمعي رواك وخلني اشيلك
يالغالي اريد يودعك عليلك
يابويه يابس لمن اجيتك.... احير

عودك خضر ماتيبس ادري
بس يابس انته جا شنهي صبري
يابويه گوم ارحم بكبري.... احير

بالخيمه امك تريدك بويه مناطره
لازم اردك تشوفك موو ع الثره
يابويه والله هضيمه تضل بالعره

يل تسوه ماي... طولك فياي.... خربو فيك عليه
يوليدي راح... اشبع جراح.... من رحت مني شبديه

علي يبني موذر انته بالطفوف
.....
يا نفسي انته شلون انه اعوفك
ياماي عيني بعيوني اشوفك
يل تسوه كلشي اطيني جفوفك... تعاال

خل روحك انته هيج بمجاني
بلايه فواتح واگعلي ثاني
مني خذاكم تالي زماني.... تعااال

حته خيالك يالغالي تالي انسلب
وانه الجبير المابيه حيل وتعب
كلي مواجع يابويه راجع للعتب

هوه انته ريح.... لا لا تطيح... وحدي اضل بهيجي هيمه
بلايه ضماد... تعاتبني غاد... يالغالي امك هضيه

علي يبني موذر انته بالطفوف

حسين عباس