ИККИ МАКОН

1.Ғичирлайди эски дарвоза,
Кутганларнинг нигоҳи маҳзун.
Қолмагандай дунёда тоза,
Мўрилардан ўрлайди тутун...

Зар қуббалар учида қарға,
Шафақ узра яхлаган садо.
Шамол тортар беҳузур наъра,
Териб юрар баргларни гадо.

2.Эрка, маъсум кулади тонглар,
Шафақаларда шуълаланар из.
Ҳикмат топиб, ўзини англар,
Хаёлларда яшаётган қиз.

Алвон дурра боғлаган боғлар
Ўртасида сиддиқ минора.
Орияти кўкида тоғлар,
Қўр тўкади, бўлмасдан пора...

Сахий бир куй ёбон оралар,
Кўнгилга хуш йиғлаб айрилмоқ.
Йўлга чиққан келин – турналар,
Қайтмас энди, бир севги порлоқ...

17.10.2010, Москва

t.me/Vafo_Fayzulloh

Туғилган кунингиз муборак бўлсин, апа!

ФЕРУЗШОҲ

Телба фарёдимни тингланг, кенгликлар,
Мен гунг безоридек бўронни тўсдим.
Ҳофизсиз ариқларда қўл силкиган жим,
Қитиқланган майса – орият дўстим.

Севги изҳорига тўлди овуллар,
Тўпори кўчаларда ёнди бир исм.
Етти фалак кўргин, дардлар ёқилди,
Қадрдон тонгни излаб уйғонди сўзим.

Давраларга қайтмас бепарво ғазаб,
Ерпарчин нигоҳларда қариган исён.
Нафасим бораяпти йиллар оралаб,
Енгилмаган ҳамроҳ, қани ҳаяжон?

Шароб кўтаради нураган девор,
Боғлар чумчуқларнинг хонишига банд.
Бу кунларни сен ҳам умрбод ёд ол,
Шомлар қафасида, майли, занжирбанд.

1986

t.me/Vafo_Fayzulloh

https://youtu.be/dshODX2nBH0?si=CF0ebpHvjtkgAJEs

https://youtu.be/b5taevH4fPY?si=k1c79SKPCl9LpvJi