أصبحنا وأصبح الملك لله

كويزات، محاضرات، بحوث، امتحانات، ودوام شغل
باهي أني قداش مني؟
الصبر وخلاص ?

أدركت مؤخرا أنني لا أخسر علاقاتي بالبشر، أنا فقط أصبحت أصنّف نوع العلاقة باسمها الصحيح والتي يجب أن تكون عليه.

"من تقتُلُهُ الغيرة… يبدأ بالسُخرية!"

- " هو ليس لِي "

• جميعنا في هذهِ الدنيا سنلتقي بشخص
لا تنساهُ الذاكرة ، والعجيب ، أنّهُ لن يكون لنا ..

• ستُعجب بهِ ، ستكون به جميع المواصفات الّتي قَد نقشها قلبك في عقلك ، سيكون أنتَ في مكان آخر.

• ستعيش معهُ حياة مختلفة ،
لن تقدر أن تقترب ولا أن تبتعد.

• هو مرّة صديقك ، ومرة أُخرى غريبك ، وتمضي الأيام.

• تتمنى أن تجد سببًا لتكرهه ولن تجد ،
تخشى التعلُّق بهِ وأنتَ فعلت حقًا وأحيانًا.

• أحيانًا فقط سَتظنّ أنّه لك ، و لكنّك ستأخذ
بتنهيدة صامتة وتقول ؛ " هو ليس لي "

(منقول)

بوي راجل ما يحبش يشري حاجة أي كلام، وما يحبش خدمة الترقيع، يحب حاجته تامة وفي أبهى شكل
وشكلي خديت طبعه وفات فيا

دعاء البرق والرعد والمطر…
كان رسول ﷺ إذا سمع صوت الرعد والصواعق يقول:
‏"اللهُم لا تقتلنا بغضبك ولاتُهلكنا بعذابك وعافنا قبل ذلك
سُبحان الذي يُسبح الرعد بحمده والملائكة من خِيفته
‏اللهم صيباً نافعًا."

أني شخص حاس بالامتنان هلبا لرب العالمين، شكرا يا الله على كل شي نبيه وحصلته، وعلى أي حاجة نبيها وما خديتهاش ما دامني حي بنستنى لطفك
ديما.
نحمدك على الهبات والعطايا
وعلى كل لحظة حققتلي فيها غاية

يا ريت تفهموا شعوري توا، حاس بالامتنان والراحة هلبا حتى لو وراي جبال من الهموم والحاجات اللي مأرقتني ومشقيتني
هي هكي الدنيا، بنخدمولها وبنشقوا وبندعوا لين يسخر ربي الحال
نكتب مرات حد منكم يستريح للكلام

(يا ريت ما تحسبوش كلامي على أنه مناسبة للسنة، اعتبروه موعد معين نحب ندير فيه ملخص لشي فات عليا بس)

كملت 2024 بسرعة، حقيقة حقيقة من أسرع السنين لو قارنتها ب2020 وتعالى جاي
ممكن لأن كل سنة أحمد جديد بمكانة جديدة وانشغال أكثر.
الحقيقة مزال ما عنديش رغبة نجيب سيرة إنجازاتي ولا فشلي (مش هذه الغاية) لكن امبكري في حديثي مع قريبي لما قالي "ما درتش شي في فترة معينة من حياتي" لكن أني اندفعت وقلتله باهي تتفكر في هذه؟ وهذه وكذا وكذا؟ لين رد عليا بقناعة
حسيته زي اللي نسي، وفعلا حني ننسوا في النعم وقاعدين عالقين في الأيام العادية اللي هي أصلا نعمة وقاعدين نشوفوا لحياة غيرنا وحاطينها وجه مقارنة بينا
الحياة مش هكي، الحياة رحلة وتبي وقتها وما فيش حاجة حتتاخد قبل موعدها وما فيش أحلى من كون الإنسان عايش بقناعة ونفسية سوية ومرتاحة وعاجبه حاله صدقوني الحياة حتحلو
مهما صعب خليك فرحان، افتح عيونك ودير لفة حواليك وشوف النعم أو نقولك؟ شوف أهل غزة إنت تخيل توا تبني في أحلام وطموحات في حوشك ودفي! هما أبسط طلباتهم يوفقوا قصفهم أو يرقدوا ولو شوية وهما شبعانين ودافيين
هذا المثال ما تكملش صلاحيته، قيسه على كل شي وحتفهم توافه الأمور

السنة الجديدة فيها شعور متجدد وهذا شي نحسوا بيه مش عارف علاش بس بعد أيام تحس نفسك زي ما إنت عادي، خطط واخدم وأنجح وعادي تقدر تخليها سنة التغيير لكن أهم شي ما تنساش تعيش براحة وقناعة وبال مرتاح على قد ما تقدر