Kuni raggete cubbi ledo mitto xaadooshsheno diafirino. Kuni xaphi yiino garinni Ayihudimmansa leellishanno ikkinnina babbade annuwu cubbo ooso dukkannota dileellishanno. Allah gomicho caalshiishinohu, mennanna saliwa dirrisinohu Muse yannara ikkirono Nabiyyunke ﷺ yannara noo Ayihudera ፦ "Ki'nera gomicho caalshiishummo. Mennanna saliwano dirrisummo" yaanni coyranno.
2:57 "Ki'ne aana gomicho caalshiinshummo. Aana'ne mennanna saliwano dirrinsummo.
وَظَلَّلْنَا عَلَيْكُمُ ٱلْغَمَامَ وَأَنزَلْنَا عَلَيْكُمُ ٱلْمَنَّ وَٱلسَّلْوَىٰ

"Ki'ne" yaannohu xaphi assino hasaawaati ikkinnina Nabiyyu ﷺ yannara noo Ayihudera gomichu dicaalshiishinonsa. Hattonni mennunna saliwuno didirrinonsa. Allah nabiyyaatete dirrisinoha Nabiyyu ﷺ yannara noo Ayihudenna Kirstiyaani "ki'newa dirrinsoommo yaanno gede la'no፦

29:46 "Maxaaffu ayidde hatte dancha ikkitino heewonni ikkinnina heewisantinoonte. Insa giddonni hunaano agurranna. "Ninke aana dirrinohuranna ki'ne aana dirrinohurano ammannoommo. Maganinkeno Magani'neno mittoho. Ninke isira hajajammoommoreeti" yiiyye."
وَلَا تُجَادِلُوا أَهْلَ الْكِتَابِ إِلَّا بِالَّتِي هِيَ أَحْسَنُ إِلَّا الَّذِينَ ظَلَمُوا مِنْهُمْ ۖ وَقُولُوا آمَنَّا بِالَّذِي أُنزِلَ إِلَيْنَا وَأُنزِلَ إِلَيْكُمْ وَإِلَـٰهُنَا وَإِلَـٰهُكُمْ وَاحِدٌ وَنَحْنُ لَهُ مُسْلِمُونَ

Konni daafira "ki'ne" yaannohu xaphi yitino sokkaati ikkinnina baxxino garinni annuwu cubbi oosote sa"annota horonta dileellishshanno. Annuwa booto magansiransanni ooso mishanni no yee heewisama annuwate gowicho caalshiinshummo, meennanna saliwa dirrinsummo yaannoha oosote konne assino yine hegersa dandiinannini? Tini gowwimmate hedooti.

Wohiid Aqqaabe Islaam

Wossalaamu Aleykum

Raggete Cubbo

Allah su'minni lowo geeshsha shaqqado lowo geeshsha mararaancho ikkinohunni,

17:15 "Suwanno manchi suwannohu lubbosiraati. Shokkinohu shokkilli gawajjono lubbosi aanaati. Cubbo duqqitino lubbo wolenniha diduqqitanno."
مَّنِ اهْتَدَىٰ فَإِنَّمَا يَهْتَدِي لِنَفْسِهِ ۖ وَمَن ضَلَّ فَإِنَّمَا يَضِلُّ عَلَيْهَا ۚ وَلَا تَزِرُ وَازِرَةٌ وِزْرَ أُخْرَىٰ

Quriaanu rosi giddo Kirsitinnu gede hundi cubbo "Original sin” yaano sukkaaretenna saynezete fayya gede ilamate sirchunni sa"anno cubbi dino. Cubbo baydhino lubbo wolete cubbo dibaydhanno." yaanni aleenni kulinonke.

Kageeshsha sumuu yinummoro aanannoha buuxa dandiineemmo.
16:25 "konneno yitannohu kaote barra cubbonsa baala hakkuri egenno noonsakkiha shokkishinori cubbono duqqitanno woyteeti. Qaagge duqqitanno cubbi mayimma bushinoho!"
لِيَحْمِلُوا أَوْزَارَهُمْ كَامِلَةً يَوْمَ الْقِيَامَةِ ۙ وَمِنْ أَوْزَارِ الَّذِينَ يُضِلُّونَهُم بِغَيْرِ عِلْمٍ ۗ أَلَا سَاءَ مَا يَزِرُونَ

Mittu manchi wole mancho sorisiisiro sorisiisihu sorisiisino korkaatinni sorihu afiranno cubbo sorihu aaninni xeikkinninna lexxikkinni sorisiisaanchu afiranno. Mittu manchi wole mancho suwisiro suwisihu suwihu afirannohu ledo taalo waaga afiranno. Hakkuno suwinohu aaninni mittoreno xeinsikkinniiti. Ibnu kasiir tenne amadisiise hadiisaho togo yee tiranno፦

Sunan Ibn Maajah maxaafa 1, hadiisa 210
Anesi ibn Maalik odeessinte gede፤ Allah soqqamaanchi ﷺ togo yaanno፦ "ayee woshshaanchino manna bunshete widira woshshannohu iso harunsite loossu manni cubbo mitturino xeikkinni duqqanno. Ayee woshshaanchino manna halaalu widira qole woshshiro iso harunsihu afiranno waaga mitturino xeikkinni afiranno."
عَنْ أَنَسِ بْنِ مَالِكٍ، عَنْ رَسُولِ اللَّهِ ـ صلى الله عليه وسلم ـ أَنَّهُ قَالَ ‏ “‏ أَيُّمَا دَاعٍ دَعَا إِلَى ضَلاَلَةٍ فَاتُّبِعَ فَإِنَّ لَهُ مِثْلَ أَوْزَارِ مَنِ اتَّبَعَهُ وَلاَ يَنْقُصُ مِنْ أَوْزَارِهِمْ شَيْئًا وَأَيُّمَا دَاعٍ دَعَا إِلَى هُدًى فَاتُّبِعَ فَإِنَّ لَهُ مِثْلَ أُجُورِ مَنِ اتَّبَعَهُ وَلاَ يَنْقُصُ مِنْ أُجُورِهِمْ شَيْئًا ‏”

Lubbo wolete cubbo didukkanno yaa lawishshu gede xibbe kiilo gaashe duhe noommota wolu manchi haariero ane aana xibbe kiilo gaashe dino yaate. Kayinnilla shokkishannohu korkaatinni wolu shokkino daafira mitturino xeikkinni cubbo duqqanno. Wole lawishsha Qaaeeli Addaami oosora shaa rosiisino. Mannu manna shii kiiro shiihu adhanno qoricha Qaaeelino taalo adhanno. Hatto yaano shiihura cubbu shotannosi yaa dikkino.

Imaani Musilimi maxaafa 28, hadiisa 38

Abdallah odeessinte gede Allah soqqamaanchi ﷺ togo yaanno፦ "Beebbate reyannohu ayee manchino dino. cubbu qeechi umikki Addaami beetti aanano ikkannoha ikkiro ikkinnina. Korkaatuno isi shaa rosiisatenni umikkihona.
عَنْ عَبْدِ، اللَّهِ قَالَ قَالَ رَسُولُ اللَّهِ صلى الله عليه وسلم ‏ “‏ لاَ تُقْتَلُ نَفْسٌ ظُلْمًا إِلاَّ كَانَ عَلَى ابْنِ آدَمَ الأَوَّلِ كِفْلٌ مِنْ دَمِهَا لأَنَّهُ كَانَ أَوَّلَ مَنْ سَنَّ الْقَتْلَ ‏”

Konni dafira Allah manchoho qiniiteenninna guraanni noo sokkaasinchi borreesinoha manchunniha danchanna busha looso calla ikkikkinni manchu haruma hordofe harinohu qeechano ledo amadannosi yaano shokkishshinohu woy suwisinohu ledo taalo baatooshshe adhanno. Mittu manchi sorasinni calla ikkikkinni sorisiisasinnino xa'mamanno.
36:12 "Ninke reytinore halaalinta noore assineemmo. Albaagisse loossidhino loosonna harumansa borreessineemmo.
إِنَّا نَحْنُ نُحْيِي الْمَوْتَىٰ وَنَكْتُبُ مَا قَدَّمُوا وَآثَارَهُمْ ۚ وَكُلَّ شَيْءٍ أَحْصَيْنَاهُ فِي إِمَامٍ مُّبِينٍ

Aanino wishinbiro la'e፦ Allah Muhammedi ﷺ yaa noo Ayihude annuwansa loossino cubbinni mishannansa la'nanni.
2:51 "Muse shoyilloo hashsha dinye amandummosi woyte ikkire qaagi. Isi harihu gedensaanni "ki'ne hunaano ikkitine booto magano assitine amaxxitini."
وَإِذْ وَٰعَدْنَا مُوسَىٰٓ أَرْبَعِينَ لَيْلَةًۭ ثُمَّ ٱتَّخَذْتُمُ ٱلْعِجْلَ مِنۢ بَعْدِهِۦ وَأَنتُمْ ظَٰلِمُونَ

26:67 "Konni giddo jawa maalale noosi." Roore anga ammantinore dikkitino."
إِنَّ فِي ذَٰلِكَ لَآيَةً ۖ وَمَا كَانَ أَكْثَرُهُم مُّؤْمِنِينَ

Kuri honse malaatta loosantu woyte Nabiyyunke ﷺ basete dino. Ikkollana Muse magani Allah, Nabiyyunkera ﷺ odeesseemmohe " نَقُصُّ عَلَيْكَ yee odeessinosi.
20:9 "Muse hasaawino daynohe"

وَهَلْ أَتَاكَ حَدِيثُ مُوسَىٰ
20: 99 "Hattonni saino hasaawa ate aana odeesseemmohe."
كَذَٰلِكَ نَقُصُّ عَلَيْكَ مِنْ أَنبَاءِ مَا قَدْ سَبَقَ ۚ

"Hasaawa" yaanno qaalira einohu نَبَأ ikkanna batinyu qaali أَنبَاء yaannoho. Mittu manchi "nabau" daysiro "Nabiyyicha" نَبِيّ ikkanno. Maganinke Allah nabiyyunkera ﷺ insa albaanni sa'inotanna faffino dhagge odeessa ammanaanote seejjonna qaagishsha ikkitanno.
11:20 "Soqqamaasinete odoo giddonni wodanakki geisannoha ate aana odeessineemmo. Konni giddo ammanaanote ikkannohu halaalu, seejjonna qaaggo dagginohe.
وَكُلًّۭا نَّقُصُّ عَلَيْكَ مِنْ أَنۢبَآءِ ٱلرُّسُلِ مَا نُثَبِّتُ بِهِۦ فُؤَادَكَ ۚ وَجَآءَكَ فِى هَٰذِهِ ٱلْحَقُّ وَمَوْعِظَةٌۭ وَذِكْرَىٰ لِلْمُؤْمِنِينَ

✍ Wohiidi Aqqaabe Islaam

Wossalaamu Aleykum

https://us02web.zoom.us/j/85067436916?pwd=Lzd6bkRRMWdUcjk1YUNmVkw0elJyUT09

ግቡ

Maganinke Allah suwille oo'ne ninkerano kalaqamu cuuamme aana kaajjitino gedeenni reytanno borojjootasi assonke! Amiini.

✍Wahid Aqqaabe Islaam

Wossalaamu Aleykum.

Way Cuuama

Allah su'minni lowo geeshsha shaqqado lowo geeshsha mararaancho ikkinohunni

2:138 "Allah cuuama amaxxe cuuatennino Allah roore biifannohu ayeeti? "Ninkeno isi callaho hirammoommoreeti." yiiyye."
صِبْغَةَ اللَّهِ ۖ وَمَنْ أَحْسَنُ مِنَ اللَّهِ صِبْغَةً ۖ وَنَحْنُ لَهُ عَابِدُونَ

"Baaptizima" βάπτισμα yaanno qaali "Baaptizo" βᾰπτῐ‌ζω yaano cuui, lixisi, way giddora eessi yaanno qaalu damattenni daynoha ikkanna cuuama, lixa, waa ea yaanno yaate.
Maarqoosi 1:4 Yohannisi barahaho maarote cuuattono cuuanni cubbu hayishshattora sabbakanni dayno.

Yohaannisi cuuanno cuuatto cubbu maarota ikkitanna mannu cubbinsa hayishshamannonsa gede ku'litanni Yordaanoosi lagi eela cuuantino.

Maarqoosi 1:5 Cubbonsano ku'litanni Yordaanoosi lagira isinni cuuantino.
Yesuusi maarote cuuatto cubbu hayishshamara Yordaanoosi lagira Yohaannisinni cuuamino. Cuuami woyte huuccattono huuccirino.

Marqoosi 1:9 hatte yannarano Yesuusi Galiilunni Naazireete daye Yohaannisinni Yordaanoosi lagira cuuamino.

Luqqaasi 3:21 daga baalantino cuuantu gedensaanni Yesuusi qole cuuami. Huucciritano gordu fanami.

Ofollino coyno gatonna qullaanbe baala loosateeti. Qullaanbe maganu hajajo hajajama ikkitanna shokkillu kayinni hoolinore loosate. Yesuusi qullaanbe baxe shokkille giwe maganisi hajajo agaratenna wonshate cuuamino.

Maatewoosi፦ "Quullaanbe baala assa hasiissannosina"
Ibrawuyaane 1:9 "Qullaanbe baxootto shokkilleno giwootto"
Yohaannisi 14:31 "Aawino hajajinoe gede hattonni asseemmo."
Yohaannisi 15:10 "ani anni'ya hajajo agadhummo gede"

Yesuusi cuuaminohu way cuuatto akkalu gindoori aana noo cuuattooti. Akkalu gondoori manni way cuuatto cubbu maarora cuuantanno. Tenne way cuuatto Ibrawuyaane borreessinohu "Cuuattote" yaanno.
Zehulqu 8:7 biddi assattonsa gede togo assattonsa, cubbuunni keeraansannonsa waa wixinsa.
Ibrawuyaane 9:10 Haaroo'mate diri geeshsha sagalete daafo, agu daafo addi addi hayishshatto ikkitanno maalu bude callahona.

Tenne gufo aana hayishshatto yaannohura eino "Baapitizimoosi" βαπτισμός ikkanna cuuatto yaate.

Ibrawuyaane 6:2 isino rewote loosi maaronni, magano ammanatenni, cuuattote daafira, anguwano aanaho worate daafira, reye ka"atenna hegere yoo rosi daafiraati.

Tenne gufo aana cuuatto yaannohura eino qaali "baaptizimooni" βαπτισμῶν ikkanna tini way cuuama haaroo'mate yanna geeshsha yaano Yesuusi daa geeshsha heedhino akkalu gondoori higgeeti. Kirstoosi dayta kayinni way cuuama daafira mittoreno dirosiisino. Coy guulchilla kayinni coyrinoha lawisse kaphisiissinosi.
Maarqoosi 16:16 "ammane cuuaminohu gatanno. Ammaninokkihura yoo yinannisi."

Maalale ikkanno coy Maarqoosi wongeelli hundi Griikete borruwa 'Kodekis Vaatikaanesinna Kodeks Siinatikes' gudannohu Maarqoosi 16:8 aanaati. New International Version፦ kiiro 9-20 noohu hundi borruwanna wolootta naqaashshuwa diafidhino.
"The earliest manuscripts and some other ancient witnesses do not have verses 9–20" yee halaale maaxikkinni kulino. Rooru haaruu gondoori egennaammi kiiro 9-20 noohu Maarqoosi umi borro ikkitinokki gede coy gedella kayinni gedensaanni lendoonnire ikkitino gede sumuu yitanno. Yesuusi Way cuuatto cuu'e yee dihajajino. Coy gumilla kayinni yiinoha lawisse isi aana kaphitino.

Maatewoosi 28:19 " Konnira hadhine ahizaawe baala Aawi, woldinna qullaawu ayyaani su'minni cuu'inanni.

"Aawi, woldinna qullaawu ayyaani su'minni cuu'inanni." yaannohu Griikete borruwa aana lendoonniha ikkanna Maatewoosi borreessino umi Ibraasixete afiinni ofollino qaali kayinni ahizaawe baala su'mi'yanni rosaano'ya asse." yaannonka. Konne qaale fushshite huntino daafira dadillisanno garinni kuni qaali baino. Konni coy daafira konni albaanni borreessantino borro nabbabbinanni gede shaqqillunni xa'mireemmo፦ https://t.me/wahidcomsidamo/68

Xaphi assinanni wote sarraaqamanna elelumma hawa nookkita Allah cuuamme kalaqamunnita amaxxitinanni gede woshshattonkeeti.

2:138 "Allah cuuama amaxxe cuuatennino Allah roore biifannohu ayeeti? "Ninkeno isi callaho hirammoommoreeti." yiiyye."

صِبْغَةَ اللَّهِ ۖ وَمَنْ أَحْسَنُ مِنَ اللَّهِ صِبْغَةً ۖ وَنَحْنُ لَهُ عَابِدُونَ

Buuxxe

Allah su'mii lowo geeshsha shooshaqa lowo geeshsha mararaancho ikkinohunni

49:6 "Ki'ne ammantinoonni manna! duduwaanchu duduwo haare dayi'nero sorotenni manna gawajjitinannikki gedenna loossinoonnihunni gaabbitinannikki gede buuxxe."
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

Dafe galinohanna loosire galinoha ikkantenni hawuluke galinohanna duduwe galinoha ikkitinori tuqu xaadooshshi xuratanyooti duduwo buuxxukkinni guma qoolunkunni chuuccanna la"a rosantino haja ikkitanni daggino. Abewu "uffi yite bushshatto, uffi yite xoyissatto" yaanno gobbate yaattosi tuqu xaadooshshuwa gurchu coyra horoonsidhannonte gede wole widoonnino danchu coyra horoonsidhanno manni no. Tuqu xaadooshshuwa abbitanno odoo sammi yine adhine giggishshantenni balaxe buuxira Kalaqaanchu hajajooti.

49:6 "Ki'ne ammantinoonni manna! duduwaanchu duduwo haare dayi'nero sorotenni manna gawajjitinannikki gedenna loossinoonnihunni gaabbitinannikki gede buuxxe."

يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

"Nabai" نَبَأ yaa "odoo" information yaa ikkanna daggannonke odoo buuxantenni muddamme egenno nookkiha coyrate tirfe manna miicatenna assinoonnirira gaabbote. Halaalaanchu manchi tajetenni buuxanno.
2:111 "Halaalaano ikkitinoonniro taje'ne abbe" yiinsa. قُلْ هَاتُوا بُرْهَانَكُمْ إِن كُنتُمْ صَادِقِينَ
"Burhaan" بُرْهَان yaa "naqaashshe" evidence yaa ikkitanna mitte taje addanna kapho ikkase badate "naqaashshu" jawa qeecha afirino. Halaalaanchu manchi lede egennotenni buuxanno.

6:43 "Halaalaano ikkitinoonniro egennotenni kulle"e" yiinsa. نَبِّئُونِي بِعِلْمٍ إِن كُنتُمْ صَادِقِينَ

Sunan Ibn Maajah maxaafa1, hadiisa 229
Ibn Maalik odeessinte gede፦ "Allah soqqamaasinchi ﷺ togo yini፦ "egenno hasira baalunku muslim aana gadachaho."
عَنْ أَنَسِ بْنِ مَالِكٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ طَلَبُ الْعِلْمِ فَرِيضَةٌ عَلَى كُلِّ مُسْلِمٍ

Egenno nookkiha mitto coye hedotenni hattono sammi yine harunsa difajjantanno. Hatto ikka hoogiro yoo yinanni barra sammi yee harunsanno manchi maccasi, illesinna wodanisi aaninni xa'mamannoho.
17:36 "Aterano isi daafira egenno noohekki coye harunsitooti! maccano, illeno, wodanuno kuri baalu anni insa aaninni xa'mamannoreeti."
ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَـٰئِكَ كَانَ عَنْهُ مَسْئُولًا

Kaphu taje bukote gede ufuufante, guunjote gede wiliilte ba'annohu egennaamu tajetenninna egennotenni buuxiro callaati. Konni daafira mitto coye tuqu xaadooshshuwa macciishshineemmo woyte muddamme ajenda assi'ne giggashshantenni wodaninni ikkine tajetenninna egennotenni buuxa noonke. Wodaninni ikka Allah wiinniiti muddama kayinni sheexaanu wiinniiti፦
Jaami"iy At-Tirmiiz maxaafa 27, hadiisa 118
Allah Soqqamaasinchi ﷺ togo yinoonni፦ "Wodaninni ikka Allah wiinniiti፥ Muddama kayinni sheexaanuwiinniiti.
عَنْ جَدِّهِ، قَالَ قَالَ رَسُولُ اللَّهِ صلى الله عليه وسلم ‏ ‏ الأَنَاةُ مِنَ اللَّهِ وَالْعَجَلَةُ مِنَ الشَّيْطَانِ ‌‏

Imaamu Assuyuuxuy konne hadiisa danchaho woy "hasen" yiino. Manna shaate geeshshi cubbo loosiisannohu konne muddamaati. Mootinke Allah manna miicatenninna loonsoommohu gaabbonni agaronke! Wodaninni ikkite tajetenninna egennotenni buuxxanno borojjootasi giddonni assonke! Amiini.

✍Wohid Aqqaabe Islaam

Wossaalaamu aleykum

(Sufinoho...)

Kuni diru ayyaani Aramawenna Kirstinna karsiise amadino ayyaanaati. Tenne yannara "hawalle iishshinke" woy "hawalle iillishi'ne" yinummoro konne ayyaana hedote giddora eessinoho. Muslimaho noosihu lame diru ayyaana callanna callaho. Insano፡ IIDUL FIXIRInna IIDUL ADAHA yinannireeti.
Sunan Abii Daawuudi maxaafa 2, hadiisa 745
Anas Ibnu Maaliik(رضي الله عنه) Odeessinte gede:- Allah soqqaamaasinchi (ﷺ) Madiina e'ni woyte mannu hagiidhannori lame ayyaanna noo gede anfi. Insano፦ "Kuri lamu barruwi maati" yine xa'mini. Mannootuno፦ "hambete yannara godo'lineemmonsa ayyaannaati yitu." Allah soqqamaasinchino ﷺ :- "Allah insanni roortannota lame ayyaanna uyno'ne; insano፡ iidul fixirinna iidul adaha yinannireeti" yininsa.
عَنْ أَنَسٍ، قَالَ قَدِمَ رَسُولُ اللَّهِ صلى الله عليه وسلم الْمَدِينَةَ وَلَهُمْ يَوْمَانِ يَلْعَبُونَ فِيهِمَا فَقَالَ ‏”‏ مَا هَذَانِ الْيَوْمَانِ ‏”‏ ‏.‏ قَالُوا كُنَّا نَلْعَبُ فِيهِمَا فِي الْجَاهِلِيَّةِ ‏.‏ فَقَالَ رَسُولُ اللَّهِ صلى الله عليه وسلم ‏”‏ إِنَّ اللَّهَ قَدْ أَبْدَلَكُمْ بِهِمَا خَيْرًا مِنْهُمَا يَوْمَ الأَضْحَى وَيَوْمَ الْفِطْرِ ‏”‏

Jaami"i At-Tirmiizii maxaafa 8 hadiisa 121
Aaisha (رضي الله عنها) odeessitunte gede፦ Allah soqqamaasinchi ﷺ togo yini፦ "iidul fixir mannu tsooma (qatume) tidhanno barraati. iidul adahu kayinni mannu gorranno barraati."
عَنْ عَائِشَةَ، قَالَتْ قَالَ رَسُولُ اللَّهِ صلى الله عليه وسلم ‏ “‏ الْفِطْرُ يَوْمَ يُفْطِرُ النَّاسُ وَالأَضْحَى يَوْمَ يُضَحِّي النَّاسُ ‏”‏
Jaami"i At-Tirmiizii maxaafa 8 hadiisa 91
Abuu Saiid Kudiriyy (رضي الله عنه) odeessinte gede፦ Allah soqqamaasinchi ﷺ lamunku ayyaani barra፡ iidul fixirinna iidul adaha qatuma (tsooma) hoolloonni."
عَنْ أَبِي سَعِيدٍ الْخُدْرِيِّ، قَالَ نَهَى رَسُولُ اللَّهِ صلى الله عليه وسلم عَنْ صِيَامَيْنِ يَوْمِ الأَضْحَى وَيَوْمِ الْفِطْرِ ‏.

"IIDI" عِيد yaanno qaali "Aada" عَادَ yaano marro marro higi yaanno qaalinni daynoha ikkanna marro higate yaate. Kuni hagiirru barri woy ayyaani diru baala marro marro daannoha ikkino daafo konne su'ma afirino. Konni daafira Allah wiinni dirrino Quriaananna Hadiisa calla harunsinummoro lamu ayyaani callunna callu heerannonke.
https://t.me/Wahidcomsidamo

7:3 "Mooti'ne wiinni ki'ne widira dirrinoha harunse."
اتَّبِعُوا مَا أُنزِلَ إِلَيْكُم مِّن رَّبِّكُمْ

"Harunse" yaanno qaali "ittabiuu" اتَّبِعُوا ikkanna "ittibaai" إِتْبَاع yaa umise bidau gurchooti. "Allah wiinni nabiyyunkewa ﷺ widira dirrinoha calla harunsate" yaate. Muslimu dirrinoha calla harunsannohura lame ayyaana calla ayirrisanno. Konnira እንቁጣጣሽ woy "inquxaaxxaashi" yinanninke woyte እንኳን መጣሽ woy "hawalle dayitta" yaantenni ማን አመጣሽ woy "may abbihe" yine dhaggete garinni heewisammeemmo. Afa hoogatenni ayyaana ayirrissannorira mootichinke Allah suwille oonsa! Ninkerano uurrinsha oonke! amiini.

✍ Wohid Aqqaabe Islaam

Wossalaamu Aleykum

INQUXAAXXAASHI

Allah su'mii lowo geeshsha shooshaqa lowo geeshsha shaqqado ikkinohunni

5:77 "Ki'ne maxaaffu ayidde! amma'no'nera halaalu gobbaanni faro sa'inoonte. Albaannino sodhe duuchano sorisiisse suwashsho doogo aaninni sodhinorita kaphu hedo harunsitinoonte" yiinsa.
قُلْ يَا أَهْلَ الْكِتَابِ لَا تَغْلُوا فِي دِينِكُمْ غَيْرَ الْحَقِّ وَلَا تَتَّبِعُوا أَهْوَاءَ قَوْمٍ قَدْ ضَلُّوا مِن قَبْلُ وَأَضَلُّوا كَثِيرًا وَضَلُّوا عَن سَوَاءِ السَّبِيلِ

"Phaagume" yaanno qaali "Ephaaguminoosi" ἐπαγόμενοι yaanno Grikete qaalinni afaminoha ikkanna tirosi "ledote" additional woy "lendeenniho" yaate. Phaagume aganu su'ma ikkanna galo 12 aganna aana lendoonni 13ki aganaati. Kunino Woxawaajjenna Wocawaaru mereero afamanno jeefote aganaati. Phaagume Itophiyu kiiru garinni Luqqaasi Woggara lewu(6) barri heerannasi, Yohannisi, Matewoosinna Maariqoosi woggara onte barra ikkanno.

Wodanche! kuni agani Grikete Helenizime yanna Alekisandiriyunni Itophiya eino ikkinnina Ibrawuyaanete kiiro aana 12 agana callaho noohu. Maganinke Allah aganu kiiro maxaafisi "Lowhul mahfuuz" yaano agaramino saleedira iimanna uulla kalaqino barri 12 aganaati.
9:36 "Allahiwa aganu kiiro, Allah maxaafi giddo iimanna uulla kalaqino barri tonaa lame aganaati. Insa giddonni shoolu ayirraddaho. Tini suwashsho amma'nooti. Kuri giddono lubbo'ne gawajjitinoonte.
إِنَّ عِدَّةَ ٱلشُّهُورِ عِندَ ٱللَّهِ ٱثْنَا عَشَرَ شَهْرًۭا فِى كِتَٰبِ ٱللَّهِ يَوْمَ خَلَقَ ٱلسَّمَٰوَٰتِ وَٱلْأَرْضَ مِنْهَآ أَرْبَعَةٌ حُرُمٌۭ ۚ ذَٰلِكَ ٱلدِّينُ ٱلْقَيِّمُ ۚ فَلَا تَظْلِمُوا۟ فِيهِنَّ أَنفُسَكُمْ

Kuni leellishannohu Itophiyu diru soorro gadetenni Grikete daynoho ikkinnina gobbate giddoha dikkino. Hakkiino sae ayyanaame hajajo nooha ikkikkinni mannu loosino bida"aati (haaro coyeeti). Ilamate diro mereersino Luqqaasi diro, Yohannisi diro, Maatewoosi dironna Maarqoosi diro mannu kalaqaino rosooti. Hakkuy aanano wolere magansira giddose gumulantanno barraati. Phaagume barruwa gute fulino manchi haranno gede hende olluu sa"annowanna mannu batiranno doogo aana me"e, lukkuwa, basurroota, hilleessa wkl. gorrine tunganni, mundee giddo cuuantino saantuwa, birruwa, seesu uduunninna babbaxxino uduunni koweeno, koweemo ubbe leeltanno. Kuni barri goofiro barru goofimarchi halchinanna daanno daafira እንቁ yinoonnise. Abbanno mitiimma woy xaaxa ጣጣሽ yinoonni. Mitteenni እንቁ-ጣጣሽ yinoonni. Kiilunna bita jajjabbu cubbi giddonni ikke Allah hanqisanno loosooti.
2:102 "Sulemaan yanna mangiste sheexaanna nabbabbannoha (bitaamma) hordoffu. Sulemaan kayinni dikaadino (bitaamo dikkino). Shexanna mannaho bita rosiissanno ikkitinohura kaaddu.
وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْر

20:69 "Bitaamu day base baalate dinjaannosi."
وَلَا يُفْلِحُ السَّاحِرُ حَيْثُ أَتَىٰ

Inquxaaxxaashi ayirrisa kiirose gobbate giddota ikkitukkinni ama'note kaimi nooseta ikkitanna ise ledo amadisiisantinori wolere magansira ikkitinota anfe konni mannu kalaqino ayyaaniwiinni umonke agdhino.

✍Wohid Aqqaabe Islaam

Wossalaamu aleykum

Sayikki coy fooliishshora aanche "woruuhun minhu" وَرُوحٌ مِّنْهُ yaano "isiwiinni ikkino fooleeti" yaanno. Hu هُ yaano isi yinoonnihu Allah ikkanna "hu" هُ yaanno irkiraanchi albaanni "min " مِنْ yitanno sufatto no. Konne xawo assitannota mitte afuu jirte heewo hanni lende la'no፦
45:13 ki'nera iima noohanna uulla nooha baalanka isiwiinni ikkanna shaqqishino'neho
وَسَخَّرَ لَكُم مَّا فِي السَّمَاوَاتِ وَمَا فِي الْأَرْضِ جَمِيعًا مِّنْهُ

"iima noohanna uulla nooha baala isiwiinni" yaannohu buuramona. "minhu" مِنْهُ yaano "iswiinni yaannohu kalaqamu Allah wiinni ikkinota xawisannonte gede iisi foolino Allah wiinni ikkinota xawisanno.
21:91 "Hattee bisose agadhitinotera giddosera foolinke giddonni ufuunfummo. Iseno beettoseno kalqete maalale assinoommoseta Maryam qaagi.
وَالَّتِي أَحْصَنَتْ فَرْجَهَا فَنَفَخْنَا فِيهَا مِن رُّوحِنَا وَجَعَلْنَاهَا وَابْنَهَا آيَةً لِّلْعَالَمِينَ

"Fiihaa" فِيهَا yaano "giddose" yaate. Ise yinoonniti iisi ama Maryamaati. Maryam otootto giddo foole ufuunfi wote tini worri lubbo Allah wiinniiti. Allah worantu ruuhe isi widira qole ganba asse "min ruuhnaa" مِن رُّوحِنَا yaano foolenke yaannonte gede Aadamira ufuufino fooleno isiwa qole irkisatenni "min ruuhii" رُّوحِهِ مِن yaanno.

32:9 "Haakkiinnino suudesi biifisisi. Isi giddono foolesi ufuufisi"
ثُمَّ سَوَّاهُ وَنَفَخَ فِيهِ مِن رُّوحِهِ

Aadimira ruuhe uynoonnisi daafo "Allah fooleeti" yineemmokkinte gede iisirano ruuhe uynoonnisi daafo "Allah fooleeti" diyinanni. Aadamitano ikkito iisiti hattono ninke baalunku ruuhe Allah wiinniiti.
17:85 "Ruuhete daafira xa'mitannohe. "Ruuhe mootichi'ya coy giddonniiti. Egennotennino shiima ikkinnina diuynoonnie" yiinsa."
وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا

"Ruuhe mootichi'ya coy giddonniiti" yaannohu buuramona. Tenne gufo garinni baalunku ruuhe bushshunni ikkikkinni mootichinke Allah coy giddonniiti. Hatto yaa ''ninke Allah fooleeti" yaa dikkino. Mannu ruuhe qolte "coyeho". Allah baalunku coy kalaqaancho ikkino daafo ayee ruuheno kalaqamaho.
39:62 "Allah coye baalu kaaliiqaati. Isi coye baalaho irkisaanchoho.
اللَّهُ خَالِقُ كُلِّ شَيْءٍ ۖ وَهُوَ عَلَىٰ كُلِّ شَيْءٍ وَكِيلٌ

Tini heewo guranna qiniite mereersitino wule noose afuu, afuu jirtenna eote garinni hadhino heewooti.

✍Wohid Aqqaabe Islaam

Wossalaamu Aleykum!

(Tirinohu qaagishsha፦ Su'ma borreessinanni wote kaimu fidale jawa assa afuu bude ikkite heedheennanni aleenni "ኢሳ" (عيسى) yaate "Iisa" yuummoro nabbawannohura (ሊሳ) yinoonniha lawanno yee shiima fidalenni "iisa" yee borreessoommo.)