https://us02web.zoom.us/j/85067436916?pwd=Lzd6bkRRMWdUcjk1YUNmVkw0elJyUT09

ግቡ

Maganinke Allah suwille oo'ne ninkerano kalaqamu cuuamme aana kaajjitino gedeenni reytanno borojjootasi assonke! Amiini.

✍Wahid Aqqaabe Islaam

Wossalaamu Aleykum.

Way Cuuama

Allah su'minni lowo geeshsha shaqqado lowo geeshsha mararaancho ikkinohunni

2:138 "Allah cuuama amaxxe cuuatennino Allah roore biifannohu ayeeti? "Ninkeno isi callaho hirammoommoreeti." yiiyye."
صِبْغَةَ اللَّهِ ۖ وَمَنْ أَحْسَنُ مِنَ اللَّهِ صِبْغَةً ۖ وَنَحْنُ لَهُ عَابِدُونَ

"Baaptizima" βάπτισμα yaanno qaali "Baaptizo" βᾰπτῐ‌ζω yaano cuui, lixisi, way giddora eessi yaanno qaalu damattenni daynoha ikkanna cuuama, lixa, waa ea yaanno yaate.
Maarqoosi 1:4 Yohannisi barahaho maarote cuuattono cuuanni cubbu hayishshattora sabbakanni dayno.

Yohaannisi cuuanno cuuatto cubbu maarota ikkitanna mannu cubbinsa hayishshamannonsa gede ku'litanni Yordaanoosi lagi eela cuuantino.

Maarqoosi 1:5 Cubbonsano ku'litanni Yordaanoosi lagira isinni cuuantino.
Yesuusi maarote cuuatto cubbu hayishshamara Yordaanoosi lagira Yohaannisinni cuuamino. Cuuami woyte huuccattono huuccirino.

Marqoosi 1:9 hatte yannarano Yesuusi Galiilunni Naazireete daye Yohaannisinni Yordaanoosi lagira cuuamino.

Luqqaasi 3:21 daga baalantino cuuantu gedensaanni Yesuusi qole cuuami. Huucciritano gordu fanami.

Ofollino coyno gatonna qullaanbe baala loosateeti. Qullaanbe maganu hajajo hajajama ikkitanna shokkillu kayinni hoolinore loosate. Yesuusi qullaanbe baxe shokkille giwe maganisi hajajo agaratenna wonshate cuuamino.

Maatewoosi፦ "Quullaanbe baala assa hasiissannosina"
Ibrawuyaane 1:9 "Qullaanbe baxootto shokkilleno giwootto"
Yohaannisi 14:31 "Aawino hajajinoe gede hattonni asseemmo."
Yohaannisi 15:10 "ani anni'ya hajajo agadhummo gede"

Yesuusi cuuaminohu way cuuatto akkalu gindoori aana noo cuuattooti. Akkalu gondoori manni way cuuatto cubbu maarora cuuantanno. Tenne way cuuatto Ibrawuyaane borreessinohu "Cuuattote" yaanno.
Zehulqu 8:7 biddi assattonsa gede togo assattonsa, cubbuunni keeraansannonsa waa wixinsa.
Ibrawuyaane 9:10 Haaroo'mate diri geeshsha sagalete daafo, agu daafo addi addi hayishshatto ikkitanno maalu bude callahona.

Tenne gufo aana hayishshatto yaannohura eino "Baapitizimoosi" βαπτισμός ikkanna cuuatto yaate.

Ibrawuyaane 6:2 isino rewote loosi maaronni, magano ammanatenni, cuuattote daafira, anguwano aanaho worate daafira, reye ka"atenna hegere yoo rosi daafiraati.

Tenne gufo aana cuuatto yaannohura eino qaali "baaptizimooni" βαπτισμῶν ikkanna tini way cuuama haaroo'mate yanna geeshsha yaano Yesuusi daa geeshsha heedhino akkalu gondoori higgeeti. Kirstoosi dayta kayinni way cuuama daafira mittoreno dirosiisino. Coy guulchilla kayinni coyrinoha lawisse kaphisiissinosi.
Maarqoosi 16:16 "ammane cuuaminohu gatanno. Ammaninokkihura yoo yinannisi."

Maalale ikkanno coy Maarqoosi wongeelli hundi Griikete borruwa 'Kodekis Vaatikaanesinna Kodeks Siinatikes' gudannohu Maarqoosi 16:8 aanaati. New International Version፦ kiiro 9-20 noohu hundi borruwanna wolootta naqaashshuwa diafidhino.
"The earliest manuscripts and some other ancient witnesses do not have verses 9–20" yee halaale maaxikkinni kulino. Rooru haaruu gondoori egennaammi kiiro 9-20 noohu Maarqoosi umi borro ikkitinokki gede coy gedella kayinni gedensaanni lendoonnire ikkitino gede sumuu yitanno. Yesuusi Way cuuatto cuu'e yee dihajajino. Coy gumilla kayinni yiinoha lawisse isi aana kaphitino.

Maatewoosi 28:19 " Konnira hadhine ahizaawe baala Aawi, woldinna qullaawu ayyaani su'minni cuu'inanni.

"Aawi, woldinna qullaawu ayyaani su'minni cuu'inanni." yaannohu Griikete borruwa aana lendoonniha ikkanna Maatewoosi borreessino umi Ibraasixete afiinni ofollino qaali kayinni ahizaawe baala su'mi'yanni rosaano'ya asse." yaannonka. Konne qaale fushshite huntino daafira dadillisanno garinni kuni qaali baino. Konni coy daafira konni albaanni borreessantino borro nabbabbinanni gede shaqqillunni xa'mireemmo፦ https://t.me/wahidcomsidamo/68

Xaphi assinanni wote sarraaqamanna elelumma hawa nookkita Allah cuuamme kalaqamunnita amaxxitinanni gede woshshattonkeeti.

2:138 "Allah cuuama amaxxe cuuatennino Allah roore biifannohu ayeeti? "Ninkeno isi callaho hirammoommoreeti." yiiyye."

صِبْغَةَ اللَّهِ ۖ وَمَنْ أَحْسَنُ مِنَ اللَّهِ صِبْغَةً ۖ وَنَحْنُ لَهُ عَابِدُونَ

Buuxxe

Allah su'mii lowo geeshsha shooshaqa lowo geeshsha mararaancho ikkinohunni

49:6 "Ki'ne ammantinoonni manna! duduwaanchu duduwo haare dayi'nero sorotenni manna gawajjitinannikki gedenna loossinoonnihunni gaabbitinannikki gede buuxxe."
يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

Dafe galinohanna loosire galinoha ikkantenni hawuluke galinohanna duduwe galinoha ikkitinori tuqu xaadooshshi xuratanyooti duduwo buuxxukkinni guma qoolunkunni chuuccanna la"a rosantino haja ikkitanni daggino. Abewu "uffi yite bushshatto, uffi yite xoyissatto" yaanno gobbate yaattosi tuqu xaadooshshuwa gurchu coyra horoonsidhannonte gede wole widoonnino danchu coyra horoonsidhanno manni no. Tuqu xaadooshshuwa abbitanno odoo sammi yine adhine giggishshantenni balaxe buuxira Kalaqaanchu hajajooti.

49:6 "Ki'ne ammantinoonni manna! duduwaanchu duduwo haare dayi'nero sorotenni manna gawajjitinannikki gedenna loossinoonnihunni gaabbitinannikki gede buuxxe."

يَا أَيُّهَا الَّذِينَ آمَنُوا إِن جَاءَكُمْ فَاسِقٌ بِنَبَإٍ فَتَبَيَّنُوا أَن تُصِيبُوا قَوْمًا بِجَهَالَةٍ فَتُصْبِحُوا عَلَىٰ مَا فَعَلْتُمْ نَادِمِينَ

"Nabai" نَبَأ yaa "odoo" information yaa ikkanna daggannonke odoo buuxantenni muddamme egenno nookkiha coyrate tirfe manna miicatenna assinoonnirira gaabbote. Halaalaanchu manchi tajetenni buuxanno.
2:111 "Halaalaano ikkitinoonniro taje'ne abbe" yiinsa. قُلْ هَاتُوا بُرْهَانَكُمْ إِن كُنتُمْ صَادِقِينَ
"Burhaan" بُرْهَان yaa "naqaashshe" evidence yaa ikkitanna mitte taje addanna kapho ikkase badate "naqaashshu" jawa qeecha afirino. Halaalaanchu manchi lede egennotenni buuxanno.

6:43 "Halaalaano ikkitinoonniro egennotenni kulle"e" yiinsa. نَبِّئُونِي بِعِلْمٍ إِن كُنتُمْ صَادِقِينَ

Sunan Ibn Maajah maxaafa1, hadiisa 229
Ibn Maalik odeessinte gede፦ "Allah soqqamaasinchi ﷺ togo yini፦ "egenno hasira baalunku muslim aana gadachaho."
عَنْ أَنَسِ بْنِ مَالِكٍ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ طَلَبُ الْعِلْمِ فَرِيضَةٌ عَلَى كُلِّ مُسْلِمٍ

Egenno nookkiha mitto coye hedotenni hattono sammi yine harunsa difajjantanno. Hatto ikka hoogiro yoo yinanni barra sammi yee harunsanno manchi maccasi, illesinna wodanisi aaninni xa'mamannoho.
17:36 "Aterano isi daafira egenno noohekki coye harunsitooti! maccano, illeno, wodanuno kuri baalu anni insa aaninni xa'mamannoreeti."
ۚ إِنَّ السَّمْعَ وَالْبَصَرَ وَالْفُؤَادَ كُلُّ أُولَـٰئِكَ كَانَ عَنْهُ مَسْئُولًا

Kaphu taje bukote gede ufuufante, guunjote gede wiliilte ba'annohu egennaamu tajetenninna egennotenni buuxiro callaati. Konni daafira mitto coye tuqu xaadooshshuwa macciishshineemmo woyte muddamme ajenda assi'ne giggashshantenni wodaninni ikkine tajetenninna egennotenni buuxa noonke. Wodaninni ikka Allah wiinniiti muddama kayinni sheexaanu wiinniiti፦
Jaami"iy At-Tirmiiz maxaafa 27, hadiisa 118
Allah Soqqamaasinchi ﷺ togo yinoonni፦ "Wodaninni ikka Allah wiinniiti፥ Muddama kayinni sheexaanuwiinniiti.
عَنْ جَدِّهِ، قَالَ قَالَ رَسُولُ اللَّهِ صلى الله عليه وسلم ‏ ‏ الأَنَاةُ مِنَ اللَّهِ وَالْعَجَلَةُ مِنَ الشَّيْطَانِ ‌‏

Imaamu Assuyuuxuy konne hadiisa danchaho woy "hasen" yiino. Manna shaate geeshshi cubbo loosiisannohu konne muddamaati. Mootinke Allah manna miicatenninna loonsoommohu gaabbonni agaronke! Wodaninni ikkite tajetenninna egennotenni buuxxanno borojjootasi giddonni assonke! Amiini.

✍Wohid Aqqaabe Islaam

Wossaalaamu aleykum

(Sufinoho...)

Kuni diru ayyaani Aramawenna Kirstinna karsiise amadino ayyaanaati. Tenne yannara "hawalle iishshinke" woy "hawalle iillishi'ne" yinummoro konne ayyaana hedote giddora eessinoho. Muslimaho noosihu lame diru ayyaana callanna callaho. Insano፡ IIDUL FIXIRInna IIDUL ADAHA yinannireeti.
Sunan Abii Daawuudi maxaafa 2, hadiisa 745
Anas Ibnu Maaliik(رضي الله عنه) Odeessinte gede:- Allah soqqaamaasinchi (ﷺ) Madiina e'ni woyte mannu hagiidhannori lame ayyaanna noo gede anfi. Insano፦ "Kuri lamu barruwi maati" yine xa'mini. Mannootuno፦ "hambete yannara godo'lineemmonsa ayyaannaati yitu." Allah soqqamaasinchino ﷺ :- "Allah insanni roortannota lame ayyaanna uyno'ne; insano፡ iidul fixirinna iidul adaha yinannireeti" yininsa.
عَنْ أَنَسٍ، قَالَ قَدِمَ رَسُولُ اللَّهِ صلى الله عليه وسلم الْمَدِينَةَ وَلَهُمْ يَوْمَانِ يَلْعَبُونَ فِيهِمَا فَقَالَ ‏”‏ مَا هَذَانِ الْيَوْمَانِ ‏”‏ ‏.‏ قَالُوا كُنَّا نَلْعَبُ فِيهِمَا فِي الْجَاهِلِيَّةِ ‏.‏ فَقَالَ رَسُولُ اللَّهِ صلى الله عليه وسلم ‏”‏ إِنَّ اللَّهَ قَدْ أَبْدَلَكُمْ بِهِمَا خَيْرًا مِنْهُمَا يَوْمَ الأَضْحَى وَيَوْمَ الْفِطْرِ ‏”‏

Jaami"i At-Tirmiizii maxaafa 8 hadiisa 121
Aaisha (رضي الله عنها) odeessitunte gede፦ Allah soqqamaasinchi ﷺ togo yini፦ "iidul fixir mannu tsooma (qatume) tidhanno barraati. iidul adahu kayinni mannu gorranno barraati."
عَنْ عَائِشَةَ، قَالَتْ قَالَ رَسُولُ اللَّهِ صلى الله عليه وسلم ‏ “‏ الْفِطْرُ يَوْمَ يُفْطِرُ النَّاسُ وَالأَضْحَى يَوْمَ يُضَحِّي النَّاسُ ‏”‏
Jaami"i At-Tirmiizii maxaafa 8 hadiisa 91
Abuu Saiid Kudiriyy (رضي الله عنه) odeessinte gede፦ Allah soqqamaasinchi ﷺ lamunku ayyaani barra፡ iidul fixirinna iidul adaha qatuma (tsooma) hoolloonni."
عَنْ أَبِي سَعِيدٍ الْخُدْرِيِّ، قَالَ نَهَى رَسُولُ اللَّهِ صلى الله عليه وسلم عَنْ صِيَامَيْنِ يَوْمِ الأَضْحَى وَيَوْمِ الْفِطْرِ ‏.

"IIDI" عِيد yaanno qaali "Aada" عَادَ yaano marro marro higi yaanno qaalinni daynoha ikkanna marro higate yaate. Kuni hagiirru barri woy ayyaani diru baala marro marro daannoha ikkino daafo konne su'ma afirino. Konni daafira Allah wiinni dirrino Quriaananna Hadiisa calla harunsinummoro lamu ayyaani callunna callu heerannonke.
https://t.me/Wahidcomsidamo

7:3 "Mooti'ne wiinni ki'ne widira dirrinoha harunse."
اتَّبِعُوا مَا أُنزِلَ إِلَيْكُم مِّن رَّبِّكُمْ

"Harunse" yaanno qaali "ittabiuu" اتَّبِعُوا ikkanna "ittibaai" إِتْبَاع yaa umise bidau gurchooti. "Allah wiinni nabiyyunkewa ﷺ widira dirrinoha calla harunsate" yaate. Muslimu dirrinoha calla harunsannohura lame ayyaana calla ayirrisanno. Konnira እንቁጣጣሽ woy "inquxaaxxaashi" yinanninke woyte እንኳን መጣሽ woy "hawalle dayitta" yaantenni ማን አመጣሽ woy "may abbihe" yine dhaggete garinni heewisammeemmo. Afa hoogatenni ayyaana ayirrissannorira mootichinke Allah suwille oonsa! Ninkerano uurrinsha oonke! amiini.

✍ Wohid Aqqaabe Islaam

Wossalaamu Aleykum

INQUXAAXXAASHI

Allah su'mii lowo geeshsha shooshaqa lowo geeshsha shaqqado ikkinohunni

5:77 "Ki'ne maxaaffu ayidde! amma'no'nera halaalu gobbaanni faro sa'inoonte. Albaannino sodhe duuchano sorisiisse suwashsho doogo aaninni sodhinorita kaphu hedo harunsitinoonte" yiinsa.
قُلْ يَا أَهْلَ الْكِتَابِ لَا تَغْلُوا فِي دِينِكُمْ غَيْرَ الْحَقِّ وَلَا تَتَّبِعُوا أَهْوَاءَ قَوْمٍ قَدْ ضَلُّوا مِن قَبْلُ وَأَضَلُّوا كَثِيرًا وَضَلُّوا عَن سَوَاءِ السَّبِيلِ

"Phaagume" yaanno qaali "Ephaaguminoosi" ἐπαγόμενοι yaanno Grikete qaalinni afaminoha ikkanna tirosi "ledote" additional woy "lendeenniho" yaate. Phaagume aganu su'ma ikkanna galo 12 aganna aana lendoonni 13ki aganaati. Kunino Woxawaajjenna Wocawaaru mereero afamanno jeefote aganaati. Phaagume Itophiyu kiiru garinni Luqqaasi Woggara lewu(6) barri heerannasi, Yohannisi, Matewoosinna Maariqoosi woggara onte barra ikkanno.

Wodanche! kuni agani Grikete Helenizime yanna Alekisandiriyunni Itophiya eino ikkinnina Ibrawuyaanete kiiro aana 12 agana callaho noohu. Maganinke Allah aganu kiiro maxaafisi "Lowhul mahfuuz" yaano agaramino saleedira iimanna uulla kalaqino barri 12 aganaati.
9:36 "Allahiwa aganu kiiro, Allah maxaafi giddo iimanna uulla kalaqino barri tonaa lame aganaati. Insa giddonni shoolu ayirraddaho. Tini suwashsho amma'nooti. Kuri giddono lubbo'ne gawajjitinoonte.
إِنَّ عِدَّةَ ٱلشُّهُورِ عِندَ ٱللَّهِ ٱثْنَا عَشَرَ شَهْرًۭا فِى كِتَٰبِ ٱللَّهِ يَوْمَ خَلَقَ ٱلسَّمَٰوَٰتِ وَٱلْأَرْضَ مِنْهَآ أَرْبَعَةٌ حُرُمٌۭ ۚ ذَٰلِكَ ٱلدِّينُ ٱلْقَيِّمُ ۚ فَلَا تَظْلِمُوا۟ فِيهِنَّ أَنفُسَكُمْ

Kuni leellishannohu Itophiyu diru soorro gadetenni Grikete daynoho ikkinnina gobbate giddoha dikkino. Hakkiino sae ayyanaame hajajo nooha ikkikkinni mannu loosino bida"aati (haaro coyeeti). Ilamate diro mereersino Luqqaasi diro, Yohannisi diro, Maatewoosi dironna Maarqoosi diro mannu kalaqaino rosooti. Hakkuy aanano wolere magansira giddose gumulantanno barraati. Phaagume barruwa gute fulino manchi haranno gede hende olluu sa"annowanna mannu batiranno doogo aana me"e, lukkuwa, basurroota, hilleessa wkl. gorrine tunganni, mundee giddo cuuantino saantuwa, birruwa, seesu uduunninna babbaxxino uduunni koweeno, koweemo ubbe leeltanno. Kuni barri goofiro barru goofimarchi halchinanna daanno daafira እንቁ yinoonnise. Abbanno mitiimma woy xaaxa ጣጣሽ yinoonni. Mitteenni እንቁ-ጣጣሽ yinoonni. Kiilunna bita jajjabbu cubbi giddonni ikke Allah hanqisanno loosooti.
2:102 "Sulemaan yanna mangiste sheexaanna nabbabbannoha (bitaamma) hordoffu. Sulemaan kayinni dikaadino (bitaamo dikkino). Shexanna mannaho bita rosiissanno ikkitinohura kaaddu.
وَاتَّبَعُوا مَا تَتْلُو الشَّيَاطِينُ عَلَىٰ مُلْكِ سُلَيْمَانَ ۖ وَمَا كَفَرَ سُلَيْمَانُ وَلَٰكِنَّ الشَّيَاطِينَ كَفَرُوا يُعَلِّمُونَ النَّاسَ السِّحْر

20:69 "Bitaamu day base baalate dinjaannosi."
وَلَا يُفْلِحُ السَّاحِرُ حَيْثُ أَتَىٰ

Inquxaaxxaashi ayirrisa kiirose gobbate giddota ikkitukkinni ama'note kaimi nooseta ikkitanna ise ledo amadisiisantinori wolere magansira ikkitinota anfe konni mannu kalaqino ayyaaniwiinni umonke agdhino.

✍Wohid Aqqaabe Islaam

Wossalaamu aleykum

Sayikki coy fooliishshora aanche "woruuhun minhu" وَرُوحٌ مِّنْهُ yaano "isiwiinni ikkino fooleeti" yaanno. Hu هُ yaano isi yinoonnihu Allah ikkanna "hu" هُ yaanno irkiraanchi albaanni "min " مِنْ yitanno sufatto no. Konne xawo assitannota mitte afuu jirte heewo hanni lende la'no፦
45:13 ki'nera iima noohanna uulla nooha baalanka isiwiinni ikkanna shaqqishino'neho
وَسَخَّرَ لَكُم مَّا فِي السَّمَاوَاتِ وَمَا فِي الْأَرْضِ جَمِيعًا مِّنْهُ

"iima noohanna uulla nooha baala isiwiinni" yaannohu buuramona. "minhu" مِنْهُ yaano "iswiinni yaannohu kalaqamu Allah wiinni ikkinota xawisannonte gede iisi foolino Allah wiinni ikkinota xawisanno.
21:91 "Hattee bisose agadhitinotera giddosera foolinke giddonni ufuunfummo. Iseno beettoseno kalqete maalale assinoommoseta Maryam qaagi.
وَالَّتِي أَحْصَنَتْ فَرْجَهَا فَنَفَخْنَا فِيهَا مِن رُّوحِنَا وَجَعَلْنَاهَا وَابْنَهَا آيَةً لِّلْعَالَمِينَ

"Fiihaa" فِيهَا yaano "giddose" yaate. Ise yinoonniti iisi ama Maryamaati. Maryam otootto giddo foole ufuunfi wote tini worri lubbo Allah wiinniiti. Allah worantu ruuhe isi widira qole ganba asse "min ruuhnaa" مِن رُّوحِنَا yaano foolenke yaannonte gede Aadamira ufuufino fooleno isiwa qole irkisatenni "min ruuhii" رُّوحِهِ مِن yaanno.

32:9 "Haakkiinnino suudesi biifisisi. Isi giddono foolesi ufuufisi"
ثُمَّ سَوَّاهُ وَنَفَخَ فِيهِ مِن رُّوحِهِ

Aadimira ruuhe uynoonnisi daafo "Allah fooleeti" yineemmokkinte gede iisirano ruuhe uynoonnisi daafo "Allah fooleeti" diyinanni. Aadamitano ikkito iisiti hattono ninke baalunku ruuhe Allah wiinniiti.
17:85 "Ruuhete daafira xa'mitannohe. "Ruuhe mootichi'ya coy giddonniiti. Egennotennino shiima ikkinnina diuynoonnie" yiinsa."
وَيَسْأَلُونَكَ عَنِ الرُّوحِ ۖ قُلِ الرُّوحُ مِنْ أَمْرِ رَبِّي وَمَا أُوتِيتُم مِّنَ الْعِلْمِ إِلَّا قَلِيلًا

"Ruuhe mootichi'ya coy giddonniiti" yaannohu buuramona. Tenne gufo garinni baalunku ruuhe bushshunni ikkikkinni mootichinke Allah coy giddonniiti. Hatto yaa ''ninke Allah fooleeti" yaa dikkino. Mannu ruuhe qolte "coyeho". Allah baalunku coy kalaqaancho ikkino daafo ayee ruuheno kalaqamaho.
39:62 "Allah coye baalu kaaliiqaati. Isi coye baalaho irkisaanchoho.
اللَّهُ خَالِقُ كُلِّ شَيْءٍ ۖ وَهُوَ عَلَىٰ كُلِّ شَيْءٍ وَكِيلٌ

Tini heewo guranna qiniite mereersitino wule noose afuu, afuu jirtenna eote garinni hadhino heewooti.

✍Wohid Aqqaabe Islaam

Wossalaamu Aleykum!

(Tirinohu qaagishsha፦ Su'ma borreessinanni wote kaimu fidale jawa assa afuu bude ikkite heedheennanni aleenni "ኢሳ" (عيسى) yaate "Iisa" yuummoro nabbawannohura (ሊሳ) yinoonniha lawanno yee shiima fidalenni "iisa" yee borreessoommo.)

IISI RUUHE

Allah su'minni lowo geeshsha shooshaqa, lowo geeshsha mararaancho ikkinohunni,

4:71 "Maryam beetti al-Mesiih iisi Allah soqqamaancho callaho. Maryamiwa qole ikki yiino qaali gumaati. Isiwiinni ikkino fooleeti.
إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَىٰ مَرْيَمَ وَرُوحٌ مِّنْهُ

Ayeewoteno mishinerootu:-"gogi'ya ruukkie" yite buurtanno coy maala'lisannohano ikkiro gobbanke manni kayinni luulattote gede uminsa hasatto hordoffe shooshshitanna la"a addinta xaggeeffachishshannote. Mishinerootu uminsa maxaafi giddo noo xaaxa fula hooggannota affino daafo yannate geeshsha Quriaanu giddo maaxama doodhitino. Ninke xa'mineemmo xa'mo፦ "diwante gattona" yitunku dirra kiirantino. Ninkeno horo aanno coye horo aannokki coy ledo ikkikkinni horo aanno coye gawajjanno coy ledo heewisiinsanni afammeemmo. Ayee woteno buseessonna muro la'ne sammi yaa agurre rossanno gede xawado dawaro qolleemmo. Duucha wote higge higge macciishshiishshanno huuro giddo mitte፦ Quriaanu iisa "Allah fooleeti" yaanno yitannote. Ninke qolle kayinni "horonta diyaanno" yine heewisammeemmo.

4:71 "Maryam beetti al-Mesiih iisi Allah soqqamaancho callaho. Maryamiwa qole tugino ikki yiino qaali gumaati. Isiwiinni ikkino fooleeti.
إِنَّمَا الْمَسِيحُ عِيسَى ابْنُ مَرْيَمَ رَسُولُ اللَّهِ وَكَلِمَتُهُ أَلْقَاهَا إِلَىٰ مَرْيَمَ وَرُوحٌ مِّنْهُ

Tenne gufo giddo "wo" وَ yaanno amadisiisaanchi lame hige dayno. Kunino sase coy fooliishsho xaadisate einoho. Kuriiu coy fooliishshuwa፦
1. "Maryam beetti al-Mesiih iisi Allah soqqamaamcho callaho
2. Maryamiwa qole tugino ikki yaanno qaali gumaati.
3. Isiwiinni ikkino fooleeti.

Umikki coy fooliishsho giddo "innamaa" إِنَّمَا yaa "callaho" yaa ikkanna kuni xawisaanchi iisi Allah soqqamaancho ikkinnina wolere ikkinokki gede faajje asse leellishanno. Isi soqqamaanchoho ikkinnina horontanni Allah dikkino.
5:57 "Maryam beetti al-Mesiih albiidisi soqqamaano sa'ute gede ikkino soqqamaanchooti ikkinnina wole dikkino.
مَّا الْمَسِيحُ ابْنُ مَرْيَمَ إِلَّا رَسُولٌ قَدْ خَلَتْ مِن قَبْلِهِ الرُّسُلُ

5:17 "Hakkuri፦ "Allah Maryam beetto Al-mesiihiiti" yituri halaalinta kaaddu."
لَّقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ

Aleenni gufo 4:71aana Layinki coy fooliishsho "wokalimatuhu alqaaha ilaa maryama وَكَلِمَتُهُ أَلْقَاهَا إِلَىٰ مَرْيَم yaano maryam widira qole tugino ikki yaanno qaalu gumaati" yaate. Kalimah كَلِمَة meyaate koo-tee afirino qaaleeti. Kuni qaali meyaate koo/tee ikkino daafo "alqaaha" أَلْقَاهَا yaano "tuginose" yinanniha ikkanna iisi qaale ikkoommero labbaahu koo/teenni alqaahu أَلْقَاهُ yaano tuginosi yinanninka. Coyilla kayinni tini ikki yini qaalchora kora ikkitanna iisi kayinni gumaho. Albi salafooti hegersitinohu konni garinninna deerrinniiti. Tefisiiru ibnu kasiir 4:171

Ibnu Haatim odeessinonte gede፦ Ahmed ibnu Sinaan al-Waasixiyyi coyrinte gede Shaaz ibnu yahya (Allah loososi baxona) togo yini፦ Maryan widira tugino ikki yaanno qaali gumaati. yaannohura qaalcho umise iisa dikkitino. Kayinnilla qaalchotenni iisi afamino. وقال ابن أبي حاتم : حدثنا أحمد بن سنان الواسطي قال سمعت شاذ بن يحيى يقول : في قول الله : ( وكلمته ألقاها إلى مريم وروح منه ) قال : ليس الكلمة صارت عيسى ، ولكن بالكلمة صار عيسى

Qaalcho Maganinke Allah mittore afisiisate hasiriro "kun" كُن yaano ikki yaannote. Maryamira beettise afamanno gede Allah "ikki" yaanno qaale tuge hasirinoha iisa kalaqino.

16:40 "Ayee coyeno assara hasiranno woyte ikki yaanno baychonko ikke afamanno."
إِنَّمَا قَوْلُنَا لِشَيْءٍ إِذَا أَرَدْنَاهُ أَن نَّقُولَ لَهُ كُن فَيَكُونُ
3:47 "Mootichi'ya mannu kisinoekkita ikke heereenna hiitto ikke beettu heerannoe? yitu. Coy yiitta geddeetina Allah hasiriha kalaqanno. Mittore hasiranno wote ikki yaanno bayichonkonni ikkanno" yiise.
قَالَتْ رَبِّ أَنَّىٰ يَكُونُ لِي وَلَدٌ وَلَمْ يَمْسَسْنِي بَشَرٌ ۖ قَالَ كَذَٰلِكِ اللَّهُ يَخْلُقُ مَا يَشَاءُ ۚ إِذَا قَضَىٰ أَمْرًا فَإِنَّمَا يَقُولُ لَهُ كُن فَيَكُونُ

Hattonni qeesootansanna menekosootansa Allah gobbaanni maganna assite amaddu" yaannoha ikkanno. Korkaatuno "ruhbaan" رُهْبَان hattonni arbaab أَرْبَاب nna mesiih مَسِيح yitanno qaalla jeefonsa mansuub مَنْصُوب ikkitinoreeti. 

Wole moronshonke iisi nabiyyicha ikkannota kulloonnihu gana amasi anga heereennaati.
19:30 Qaaqquno yii፦ "ani Allah borojjichooti. Maxaaffano uynoe. Nabiyyeno assinoe."
قَالَ إِنِّي عَبْدُ اللَّهِ آتَانِيَ الْكِتَابَ وَجَعَلَنِي نَبِيًّا

Ayee nabiyyichirano Allah maxaaffa, ogimmanna nabiyyimma aasiranna hakkiino mannaho "Allah gobbaanni wolu anera borojjoota ikke yaara dikkannosi.

3:79 "Ayee manchirano Allah maxaaffa, ogimmanna nabiyyimma aasiranna hakkiinnino mannaho Allah gobbaanni anera borojjoota ikke" yaara di''ikkannosi.
مَا كَانَ لِبَشَرٍ أَن يُؤْتِيَهُ اللَّهُ الْكِتَابَ وَالْحُكْمَ وَالنُّبُوَّةَ ثُمَّ يَقُولَ لِلنَّاسِ كُونُوا عِبَادًا لِّي مِن دُونِ اللَّهِ

Sayikki heewonke duuchanka wote maga'nate ledo amadame "min duuni" مِن دُون yaanno qaali-suudi eannohu Allahira callaati.
5:116 "Allahino፦ "Koo Maryam beetto iisa! Ati mannaho "anenna ama'ya Allah gobbaanni wole maganna assitine amaxxe yoottoni?" yaannosi wote qaagi.
وَإِذْ قَالَ اللَّهُ يَا عِيسَى ابْنَ مَرْيَمَ أَأَنتَ قُلْتَ لِلنَّاسِ اتَّخِذُونِي وَأُمِّيَ إِلَـٰهَيْنِ مِن دُونِ اللَّه

Tenne gufo aana iisi ayimma Allah ayimmanni baxxe ofollino. "Min duuni" مِن دُون yaannohu isonna amasi bade hoolanno. Hakkiino sae nabiyyicha ikkinonte gede coyrara Allah hajajinosi qaali፦ "Mooticha'yanna mootichanke Allah maga'ne" yaannoho.

5:117 Hajajoottoe qaale፦ "Mooticha'yanna mooticha'ne Allah maga'ne" yaa ikkinnina insara wole diyoommo. Giddonsa noommo geeshshano insa aana farcireemmoha ikkoommo. Haarittoe yannara ati insa ati harunsattoha ikkootto. Ati baalunku coyira egennaamoho.
مَا قُلْتُ لَهُمْ إِلَّا مَا أَمَرْتَنِي بِهِ أَنِ اعْبُدُوا اللَّهَ رَبِّي وَرَبَّكُمْ ۚ وَكُنتُ عَلَيْهِمْ شَهِيدًا مَّا دُمْتُ فِيهِمْ ۖ فَلَمَّا تَوَفَّيْتَنِي كُنتَ أَنتَ الرَّقِيبَ عَلَيْهِمْ ۚ وَأَنتَ عَلَىٰ كُلِّ شَيْءٍ شَهِيدٌ

Konni daafira iisa Quriianu giddo maga'ninanniho yee shafama gordo hiixate amadeemmo yaate gede ikkinohura iima iima qassine haadhinoontena seekkitine buuxxe. La'ini kaphu halaalu albaanni giira kissino gaga, arrishsho afino buurinna budde gantino buko gedeeti.
17:81 "Halaalu day kaphu xooqi. Kaphu bashshonni xooqaanchoho."
وَقُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا

✍ Wohid Aqqaabe Islaam
https://t.me/Wahidcom

Wossalaamu Aleykum

IISA DIMAGA'NINANNI

Allah su'mii lowo geeshsha shooshaqa lowo geeshsha shaqqado ikkinohunni

17:81 "Haalaalu day kaphu xooqi. Kaphu bashshonni xooqaanchoho" Yii.
وَقُلْ جَاءَ الْحَقُّ وَزَهَقَ الْبَاطِلُ ۚ إِنَّ الْبَاطِلَ كَانَ زَهُوقًا

Mishiinerootaho ninke Muslimu kirsitinnu aana kayinseemmo heewora wodanu be'e yaa, umu damuume, godowu game, midaadu qasiranna lekkate bodira amaddannonsa wote kaphunni burduuqqanno. Kuri burduuqaano mereero kirstiyan Prince لَعْنَتَ اللَّهِ عَلَيْهِ iisi "Quriaanu giddo maga'ninanniho" yaanni deerrisi aleenni hiixatanna la'nanni. Hanni tenne hedora iillishshinoe yaannota Quriaanu gufo ge'ino sammonnina ra'ino egennonni la'no፦
9:31 "Iso agurranna wolu magani nookkiha mitticho magano maga'nitara ikkinnina hajajantinokkire ikkite heedhe qeesotansanna monekosensa Allah woroonni maganna assite amaxxitu. Hattono Maryam beetto Almesih amaxxitu. Gutissannori baalunni qulqullaawinoho."
اتَّخَذُوا أَحْبَارَهُمْ وَرُهْبَانَهُمْ أَرْبَابًا مِّن دُونِ اللَّهِ وَالْمَسِيحَ ابْنَ مَرْيَمَ وَمَا أُمِرُوا إِلَّا لِيَعْبُدُوا إِلَـٰهًا وَاحِدًا ۖ لَّا إِلَـٰهَ إِلَّا هُوَ ۚ سُبْحَانَهُ عَمَّا يُشْرِكُونَ

Kirstiyaan Prins tenne gufo qeesotansanna menokosensa Allahinna Maryam beetti Almesih gobbaanni wole maganna assite amaxxitu" yee iisa Allah ledo maga'ninannihu gede asse leellishate wo'naalino. Hatto yaate "Allah" yaanno qaali albaanni "min duun" مِّن دُونِ yaano "gobbaanni wole" yaannohu noonte gede "wo" وَ yaannohu gedensaannino "min duun" مِّن دُون yaanno amadisiisaancho amadino qaali e"e "womin duun Almesiih" الْمَسِيح مِّن دُون yee heera noosinka. Hatto kayinni dikkino. Hanni ikkona tenne labbannota wole afuu jirte abbine la'no.
6:157 " Konnira mootichi'newiinni, naqaashshu, biddissu, eltono halaalinta daggino'ne."
فَقَدْ جَاءَكُم بَيِّنَةٌ مِّن رَّبِّكُمْ وَهُدًى وَرَحْمَةٌ

"Bayyinah" بَيِّنَة yaa taje, huda وَهُدًى biddissa, rahimah رَحْمَة yaa mararro yaate. Prins yaatto gede ikkiro bayyinah Mootichi'ne wiinni, huda wiinninna rahimah wiinni daggu'ne yaannoha ikkannonka. Coyilla kayinni "wo" وَ yaanno amadasiisaanchi gedensaanni dagginori hudanna rahimah albaanni "min" مِّن yaannohu nookki daafo xawado taje mootichi'newiinni halaalinta daggino'ne. Hattonni biddissunna mararro daggino'ne" yaannoha ikkanno. Hakkuyinte gede Qeesotansanna Menokosensa Allah gobbaanni maganna assite amaddu. Hattono Maryami beetto almesiih amaddu" yannoha ikkanno.
Ledote akeeka፦
110:1 " Allah kaa'lonna fana daggu yannara"
إِذَا جَاءَ نَصْرُ اللَّهِ وَالْفَتْحُ

"Nasir" نَصْر yaa "kaa'lo" yaa ikkitanna "fatih"" فَتْح yaa qole "fana" yaate. Prins yaatto gede ikkiro፦ Allah kaa'lonna fananniiti yaannoha ikkannonka. Coyilla kayinni "wo" وَ yaanno amadisiisaanchi gedensaanni daynohu fatih yaannohunna Allah yaannohu albaanni noohu nasir yaanohu lamunku dammunni "ru" رُ nna "hu" حُ ikkansa umisi Allah kaa'lonna fana ikkanno gede assitanno.